比華利幼兒園.

hktt

做乜野你地，唔洗理我啦!

littleeva

hktt

haha 點會唔理您呀.

昨晚在床上 PILLOW TALK ,我話IRON 好幸福. 您知我老公如何回應.

他話咁您要記住啦. 下世可以選個適合您自己.

比佢激死.惟有死死地氣 TUM 佢話下世都係要選您. 您係最好. ......etc ,自己都覺得肉痳.  之後老公問我仲咩鐘意佢.
我話鐘意就係鐘意, 冇得解釋. 之後佢訓著了.

您睇下本來想申下人家幾幸福 but 他又唔like. 後來還要我tum 返佢. 做夫婦就係呃呃tumtum. 不要太上心.

IRON

hi hktt,

邊有唔理妳, 係妳唔上黎傾計......妳又幫朋友搵工人?? 尋日我話果個岩岩生左個bb果個睇下vcd佢講成點.

hi littleeva,

下次妳唔好咁同老公講啦, 妳應該話iron睇落好似好幸福, 不過我都係鍾意同你咁既生活模式, 又有二人時間又有三人行, 呢d就係我一直追尋既夢想......(唔係好肉麻者, 呵) iron都好羨慕我地架(仲可以伸多兩腳, 嘿)

IRON

hi littleeva & hktt,

兩日唔見去晒邊樹威呀??

我地今日去海逸豪園飲茶見到間新開既"學之園"幼稚園幾鬼靚view呀, 差不多間間房都全海景, 如果我地無搬tko我都想簡呀(以前我地住紅磡), 不過d鬼婆都幾豬扒, 嘻.

我地book左25號去黃金, 因為就老公假期, 妳地閒日實唔得啦, 咁下次先預妳地囉. ^_* 3月6日黎我屋企ok嗎??

hktt

hi littleeva & iron,

真係要向你地學吓野，道行咁深，我就唔識啦。

成日都講d唔開心的事，e+同你地分享吓d開心的事啦：

琴日終於陪老公去釣魚 (又離唔開釣魚) ，囡囡重玩得好開心tim。

係琴日我發現同老公講左好多野，可能學你地講有時真係要用吓 tum 呢招。

好似佢話唔知點解今日釣得咁少魚 (可能有囡囡係度攪住啦)，而我就話唔係呀，都釣倒幾條呀，起碼 bb 睇倒都開心呀 (因囡囡見釣倒魚的反應很大 law)，佢就話好彩姐，如果唔係會無面 (佢成日想囡囡知佢釣魚好叻)， 我話係呀我成日都係囡囡面前話爸爸釣魚好叻嫁，好彩你今次無令佢失望，佢不知幾開心 (原來男人都要氹嫁)。

其實琴日我覺得幾咁悶同感到好虛假 (從未試過)，但又發現咁樣講野係得的，而個心又覺得舒服d，起碼同老公好似拉近了一些 (但不知可維持幾內?)。

不過點都好啦，識倒你地真係我的福份。

hktt

hi littleeva & iron,

重有係關於囡囡的要同你地分享：

1) 在去程途中跟囡囡講起傲陽讀到呢個月尾就唔讀啦，老公就問傲陽係邊個呀，囡囡接著就係咁解釋比老公知 Hugo 呀、傲陽呀、Hugo呀、傲陽呀，係咁不停不停。

2) 琴日我差一些便跌倒，當時工人抱住囡囡，而囡囡竟然同我講 "小心d呀太太" 果刻笑到我呀。

3) 係天黑的時候便同囡囡講不如我地走 law，跟住佢就同老公講 (好大聲) 爸爸走啦，好肚餓。老公真係聽佢講走，但如是我講答案肯定係話釣多一陣釣多一陣。

琴晚重帶囡囡去食元綠tim，老公問囡囡要食d咩，囡囡話要食豬扒 (但只有炸豬扒，我即刻制止，因囡囡剛好番)，佢話驚咩呀 (佢係咁嫁，乜都話唔驚，因有時不是他去理)，佢即刻就叫啦，激死!

littleeva

HKTT

好叻囡喎!  keep on going !　好開心您能夠有個不錯的開始


個個人都鐘意被ｔｕｍ嫁啦．　男女一樣．好話總是受落的

至於假唔假就見人見致啦．太真會好倦嫁．太假一樣．　恰到好處就剛剛好．

ｗｈｙ　ｄ　情婦往往得寵ｄ，　因為她們識做ｌａｗ．　她們知道自己的位置．如果下下得罪�姪住晒�ｌａｗ　ｌａｗ疏疏�．．．ｅｔｃ　您估個男人還會留她在身邊嗎．無謂自討苦吃．

所以情婦是有她們生存之道．我會提醒自己．雖然已經結了婚．雖然已經名正言順．ｂｕｔ　都唔好太過份．
其實情婦做到的我們都做的．不過是覺得無需要，ｗｈｙ要咁�ｗｈｙ唔係對方ｔｕｍ自己�ｗｈｙ要討好他�他都唔係咁好�．．．．ｅｔｃ

不過事實上您唔覺他好．但是大把人會覺他好．好似您覺陪他釣魚好悶．可能有人覺得好ｅｎｊｏｙ，求之不得．

ａｎｙｗａｙ　ｔｕｍ　下佢其實　＝　對自己好ｄ．
而且又唔使真係做ｄ咩．只要態度好ｄ．溫柔少少就得啦．

hktt

hi littleeva,

ｔｕｍ　下佢其實　＝　對自己好ｄ，好應同你呢句，但不知可維持幾內呢?

littleeva

ｈｋｔｔ

維持幾耐唔係最重要．　我覺得最重要是自己已經做左了．盡了力．若然成績也是強差人意．起碼我唔會後悔當初唔做．唔會自怨　早知咁就咁．．．啦．


同您分享：

我曾經怨老公為何一回家就對住個ｐｃ．　晚上又唔陪陪我訓．（多是我訓先）　初初他都接受投訴．都會唔好意思．
但日子耐了．他反而投訴我咁耐都見您陪下我上網�問下我做ｄ咩�倒柸茶比我．．ｅｔｃ．

那時我心諗您上網唔理我還要我倒茶比您飲．　ｈｏｈｏ豈有此理．．．

當我真係關心他時他真係唔會咁過份．　最少都會找一晚早些陪我訓．

我都有倒柸荼比佢飲．問下佢做緊咩．晒５分鐘陪下他．
（有時他只是上網，ｄｏｗｎｌｏａｄ下ｄ歌．．）　其實陪佢都幾悶．不過佢見我專登陪他，如不是真係有野做．他就會關機．（唔好意思ｌａｗ）

所以只是怨和投訴係唔ｗｏｒｋ嫁．

希望您明白我的意思啦．做多少少唔緊要啦．有機會做總好過冇機會．

littleeva

HI IRON & HKTT

好呀. 我 6/3 沒有問題.  好野到時子軒又可以和傲楊紫晴玩啦.

hktt

littleeva,

多謝你的分享，我會.............盡力嫁啦!

hktt

littleeva,

琴晚老公本來要同囡囡去睇馬戲團，好彩八時去到已經無下場啦 (星期日最後果場都係 5:30)，所以睇唔倒。

一心諗住唔比囡囡夜訓，點知食完元緣都成十時半，返到屋企沖埋涼都成十一時許，但囡囡重唔肯訓，因下就係玩具反斗城買左玩具比囡囡，返度去老公一定要陪囡囡玩，咁就成十二時許先訓 law!不過可能囡囡太開心啦，死都唔肯訓，要玩。

hktt

我 6/3 都 ok，但要四點後，唔知有無問題呢?

littleeva

hktt

我地昨晚去飲.回到家已是11時半. 即刻趕個仔上床. 奶都唔飲/牙都唔CLEAN 啦. 佢大約12時訓左.今早叫他起身.他話訓覺.

HAHA 唔緊要啦.難得您老公咁有興致而您囡又有精神. 算啦,一次半次OK啦. 由他們吧. 下午訓番LAW.

IRON

hi hktt & littleeva,

嘩下......上遲一陣妳地就傾左咁多架啦; 傲楊真係無用啦, 星期五返黎又有少少咳, 跟住凌晨又102.6度, 好彩食左一次退燒藥就ok, 不過仲有咳&傷風, 唉, 老公話唔再返學啦.

hktt, 見妳終於肯踏出第一步啦, 呵呵, 查實都唔係虛假者, 講下d好說話人地又開心自己又得益, 家陣又可以三人行, 第時我地三家可以全部一齊出黎玩幾好, 努力呀! 咁妳老公明唔明傲楊係邊個呀?? 紫晴真係叻女. ^_*

littleeva, 妳講起情婦我覺得幾好比喻, 呵呵, 以前二人世界時老公都幾舒服架, 佢放工返黎d衫襪可以周圍放, 又唔駛做屋企野(除左大掃除), 我又煲湯整送, 最搞笑係d朋友們笑我駛唔駛咁呀......因為我會買雙份材料先自己做一次試下好唔好食, 等老公返黎再做一次, 而碟邊仲要整色整水做裝飾, 真係時間太多囉, 呵呵.

littleeva & hktt, 情人節真係收到老公封信呀, 最巧係大家內容竟然大致上一樣, 真係開心啦, heeeee *0*

hktt

littleeva,

點解我地連囝囡放訓都係咁岩呢?

頭先工人打比我話子軒爸爸車佢地返屋企，聽後好開心，因你地夫婦二人真係好人啦。

記得同我唔該你老公呀。

littleeva

hktt

不用客氣啦. 老公今天唔肯起身返工. 昨晚他夜訓. 今早工人送仔返學.老公去接LAW. 下午應該返工.

因為昨夜同工人傾到 2 點幾.... 詳細內容下回分解

hktt

做乜呀?工人唔做呀?定係扭計想加人工呀?

hktt

hi iron,

我囡囡又係呀，星期五，六點半工人打比我話囡囡發燒 (38.6度)，好彩剛到旺角簡工人，咪即刻叫工人搭的士出來睇醫生 law，醫生話佢喉嚨發炎。

果晚成晚無訓，成晚check住佢，因囡囡唔肯食退燒藥，好彩星期六晚退左燒 (可能食左抗生素關係)。

e+應該叫做好番哂啦。

IRON

hi hktt,

咁妳咁快俾佢返學啦, 唔休多兩日先?? 我諗可能佢果班多左太多人啦, 一個唔掂就傳開晒, 上星期接放學我見好多個都鼻白白(明顯流鼻涕後乾左), 哎. 老公話子軒點解咁叻都唔見佢話病既, 而傲楊返左三日就黎料, 唉......~_~

妳去日本會去邊度架?? 住邊間?? 我地都想去喎