比華利幼兒園.

littleeva

MISS LAU 來電 子軒放學前比 NILPHEN  吉到隻眼.  推左子軒落地.子軒 哭.

不過應該冇咩事. 我問了工人她話冇事.

IRON

hi littleeva & hktt,

今日仔仔神奇地合作返學又無喳型又無喊, 所以我同老公買定麥記薯條, 放學時佢見到幾鬼開心呀, 連椅都唔推就仆出黎, 佢一個月得1至2次食架喳; 我仲有買俾子軒同紫晴, 不過紫晴就好老實咁話"我咳咳呀唔食得哦", 我話等妳好返再買妳食丫, 佢點點頭笑笑.

去日本唔駛簽證啦下哇?? 曾司長搞掂左啦, 不過唔知係咪即時生效呢?? 澳門仔仔2歲生日時去過啦, 婆婆, 舅父舅母&工人一齊去, 但我地兩公婆都倦到死死下, 因天氣熱要搵個足冷氣既商場俾佢訓午教, 又要輪流抱住訓, 行街又要抱, 返黎我休左成個禮拜先回氣.

明晚我ok, 但妳地放幾點架?? 如唔見我就call我.

等天氣暖d就去黃金, 華員會有優惠, 不過我地一定閒日去, 妳地有無假&仔仔女女要唔返學喎.

明早我地送左仔仔返學就會去陽光俾$$, 我地簡果個樣同學歷都ok, 不過真係做野點就睇天意啦, 呵呵呵.

littleeva

HI IRON

謝謝您給子軒的 薯條, 真係好啦 傲楊今日返學.  
希望明都返啦. 子軒好開心.

我去THAILAND 都有帶工人去.  去香港的酒店就帶埋工人去.  晚飯後叫她自己坐車回家.
平日去 最好是 星期5 & 6 啦.   hehe星期５　可以放學後直去，玩完了星期日又可以休息
我都覺得玩完要休下息才可回氣．

不過出外多數仔仔冇訓午睡了．去ｔｈａｉｌａｎｄ時多數在　旅遊ｂｕｓ訓，　落車就醒．係呀成日要抱嫁．　都幾辛苦．　不過我地幾次都有其他小朋友去．　個個都大個子軒．有時我地話您睇呀ｘｘｘ自己行路嫁．　唔使抱．　咁子軒都肯行下．　

hktt

子軒無事呀?NILPHEN邊個黎嫁，咁惡呀!不過唔好怪小朋友，因重未識。

hktt

HI IRON,

咁即係代表 HUGO 鍾意返學LAW (是否)?好多謝你的薯條，係呀佢星期六先睇完醫生，但只係流鼻水，已經好番啦，每次囡囡病我都會同佢講 "咳咳唔可以食薯條嫁，好番先"，所以E+每次都會同我講 "咳咳呀，好番先"，但根本都無咳。

日本簽證要係四月一日先正式生效。

hktt

hi iron,

我同意 littleeva 的提意簡星期5 & 6，因可請少d假。

hktt

LITTLEEVA,

聽日去唔去簽證呀?

hktt

hi littleeva & iron,

咁即係唔係聽晚食飯呢?

IRON

hi littleeva & hktt,

頭先見子軒又唔覺佢整到喎; 哎呀我都無俾薯條紫晴呀, 多咩謝丫.

等我問下星期五六有無得平先, 我知就星期一至四平d架. 日本唔係四月睇櫻花咩??

littleeva

IRON & HKTT

今晚是否3 人會議 ?  我ok 您地呢 ? 幾點 ?那裡等?

hktt

iron & littleeva,

今晚我都無問題，地點你地話事呀，時間我就要大概七點半左右。

littleeva

IRON ))))))))))))

如何呀? 今晚得唔得?

IRON

hi littleeva & hktt,

到~~~~~~~~~~頭先bk down左呀~~~~~~

7點半, 新都城邊間呀?? 電話聯絡啦~~~~~

hktt

hi littleeva & iron,

同你地食飯、傾計真係識好多野，開心好多。

謝謝。

littleeva

iron & hktt

昨晚好開心 識到您地真係好呀.

回到家仔仔未訓. 一聽到我回來即刻從房出來, 最後我都要陪他講故事唱歌才肯訓. 佢話想去玩具圖書館. 今早立即BOOK了. 今天6時會去.

HKTT 去嗎? 我會叫工人坐 690 去到門口. 我就會放工去會合. 如您囡去.我叫工人等埋一齊.  仔真係好鐘意睇書. 可能由細去開圖書館. 閱讀興趣是要培養. 越早越好 ,
完了會去 老公OFFICE 一齊食飯. 一齊嗎


IRON 有興趣嗎.

hktt

littleeva,

唔好意思，今晚又要去睇工人呀，約下次呀!

IRON

hi hktt & littleeva,

嘩~~~一齊食飯傾計都講多謝架(好生寶喎)呵呵, 老公話我食飯唔俾$$呀, 嘻, 我話下次見到會俾返架, 而且我地成日都會見, 梗係AA嘛, ohhhhhh

hktt, 尋晚妳問我會唔會好悶, 我今朝送左仔仔返學返黎就DIY左個file.....早排見蘋果日報有一版係街市行情, 叫工人日日剪低, 今日就每樣剪開分類搵a4紙貼好, 有水果, 海產, 凍肉, 蔬菜......有晒相片, 中英文名同埋食法, 第日俾仔仔學&新工人學都得, 好多我都唔識tim架, 整左2個鐘都未整好, 妳話點會悶呀, 呵呵呵.

littleeva, 買左禮物未呀??^_* 尋晚我問老公送咩俾我, 佢問我想要咩, 我話不如交換寫"生完仔仔後我倆的感情生活", 佢話不如我買野俾妳仲好啦, 嘿, 都係妳果個有情趣(又有交化).

今朝傲楊又唔願返學呀, 不過放學又見佢好開心喎.

littleeva

iron

真的很羨慕您的少奶奶生活! 講真嫁.

時間過得快. 小朋友大得快.  能夠陪住小孩一同成長是很美很好很幸福很開心很快樂的事. 帶給您永不會忘記的回憶.

真心的祝福您們一家永遠快樂.  

IRON

hi littleeva,

唏, 少乜鬼奶生活丫, 我都做到對手乾晒硬晒架; 我夠羨慕妳咯有個咁知情識趣既老公, 仔仔又咁醒目, 況且職業女性仲keep得身型好, 點似得我地變晒月巴師奶......查實每個家庭都有喜怒哀樂, 大家都唔駛"恨"大家, 呵呵.

祝妳同妳的大情人......情人節快樂!!! =^0^=

littleeva

hi iron

老公又錫您,又不用返工. 又有工人,個仔又可愛又聽話又靚仔又叻. 哇.仲唔係幸福女人.

情趣 是要有來有往. 我老啦.好倦. 冇咁多心思.但是仍然不能鬆懈. 仍然要諗辦法去"教教"新意思. 希望婚姻生活不至於太悶.否則有人會耐不住.
希望您明我意思啦.