比華利幼兒園.

IRON

hi hktt & littleeva,

哎, 今朝仔仔鏟都唔起身呀, 尋晚已經提早左十點叫佢訓......搞一輪先肯刷牙洗面, 食埋通心粉已經成9點3, 卒之都無返到; 爹地又話咁凍又落雨, 唉......littleeva, 我諗都係唔做得子軒保母車, 事關傲楊成日都唔返點算, 呵呵呵.

我老爺奶奶都係潮州人喎, 佢地隔幾條村. 我見佢都整得好多功夫架......有荷蘭豆, 芹菜&幾種菜, 豬肉, 蝦, 粉絲.....全部整到好細粒炒好, 食時加花生, 炒米, 潮州茶, 講真我第一次食都唔多習慣, 不過食左幾年又覺得ok喎; 佢地食好多架, 尋日老公食左6碗, 佢仲話後生時仲食得多呀! @_@ 奶奶整成大盆真係切都切到手軟(成十個八個, 個個都食幾碗, 嘿) 以前老公沖俾我食, 家陣我一返到佢(奶奶)就即刻沖俾我羅埋筷子, 仲話個碗洗乾淨用滾水燙過架啦, 嘿, 未生仔仔時叫佢都當我無到眼尾都唔望下丫. 咸茶用咩料架??(唔記得tim) 仔仔鄉下"點燈"時都係整菜茶俾全村人食.

妳地唔好當我就黎消失啦, 呵呵呵, 老公六月先有大假, 而家仲係香港架, 只不過下月唔再返學之嘛, 隨時都見得啦.

hktt

hi littleeva & iron,

派返黎d書真係深左呀!一睇d英文歌書簡直就唔識唱tim。不過何主任都講過一上到k1就會好深嫁啦。

其實我真係好想去同你地一齊玩的，但內何我老公又唔去，我又覺得咁樣係無意思law!!!不過算吧，表格都交左。

hktt

hi iron,

"我見佢都整得好多功夫架......有荷蘭豆, 芹菜&幾種菜, 豬肉, 蝦, 粉絲.....全部整到好細粒炒好, 食時加花生, 炒米, 潮州茶"，我媽咪整果d同你奶奶的一樣，都唔知點解佢咁 enjoy整呢家野，重唔要其他人幫手tim，切呀、煮呀咁多功夫都係佢一人做嫁。

至於咸茶呢，我都唔知用咩，我只知要用茶葉擂law。

hktt

hi iron & littleeva,

琴日媽咪又整啦，本來叫我地去食，後她怕囡囡凍親，所以叫工人去攞，今日都肯定食唔哂，因攞了一大盆，而老公又唔食 (不過佢一向都唔食我媽咪煮的餸，所以有時知老公會上去食飯，便會煮佢鍾意食的餸)。

littleeva

hktt,


表格可以再問何主任. (hehe e 個唔係 籍口喎)

我覺得您老公唔去但都唔應該 沒殺左小朋友的機會呀.

比個機會囡囡同學校d同學一齊玩. 離開課室係另外一種感覺.

不過最緊要還是您自己點諗.

唔緊要啦. 我地都可以約出仔玩.  


iron 哇您都幾叻. 我對潮州食物一d都唔識.

hktt

littleeva,

真係唔夠你講啦!不過我都係果句law，老公唔去無意思。

littleeva

hktt

hahaha 我好長氣嫁. ^O^  幾時去飲野呀

IRON
急急急........)))))))))

我想問下您條學校褲在那裡車 "全厘"  因為子軒著親 E 條褲都話吉. 要除左佢 . 次次都整都遲晒到.

tks

IRON

hi littleeva,

我改親衫都係搵妳樓下商場connie lam, 地下A118, tel 27015655, 星期四休息, 平時就1至9, 不過妳先電佢睇佢果日收幾點, 佢功夫幾好, 仔仔幾件野都係搵佢改, 如果妳講仔仔曾經改短中國服既袖我諗佢都記得我係邊個.

hi hktt,

多口問咁妳老公鍚唔鍚個女?? 如果鍚就問佢點解成日唔參與女女活動既; 我有個朋友都係兩公婆唔岩key, 不過個老公就好鍚個女, 日日車佢出九龍返學, 但教個女做功課就無耐心; 或者我咁睇啦, 第時正式讀幼稚園一定會有家長親子日or好多一齊活動, 如果妳地而家唔搞好個關係or有共同協議, 第時女女見人地父母一齊而自己無就會好多野諗, 就算次次唔參與都避唔到個問題架, 女女大左識野架, 哎, 我會唔會多口左d呢, 不過我已經當妳地係好朋友啦. ^_*

hktt

littleeva,

唔長氣，你好似我家姐咁姐 (咁關心我)。

飲野.......今晚 OR 聽晚 OR 後晚都得嫁，你想幾時呀?

hktt

IRON,

一D都唔覺你多口，重好多謝你TIM，因為係朋友先會講真說話，好高興認識你地。

係公司真係好難找到一些真的朋友，我為人不喜歡虛偽的說話（但有時都要向現實低頭）。我時常諗我真的不太合適係呢個社會生存。

其實我都不太了解我的老公，有機會比你見吓佢，你便會明白。

littleeva

HKTT

今晚如何. 我老公上了大陸呀.........

IRON

妳地就好啦兩個又去威.........

我老公今日返工呀....... ~_~

祝聽日 元宵佳節 大家開開心心!!

littleeva

IRON

TKS 我會去睇睇.

哈哈 點夠您好. 您老公成日都可以陪您

我老公個個星期都要上大陸一次.  佢不在的日子我真的覺得很悶嫁. 雖然有仔仔陪 但係好像欠左d 野咁.  

我覺得您都係唔好過去. 等埋老公先啦. 因為冇野重要得過一家人一齊. 真心的

hktt

littleeva，

好呀，但我要返屋企同囡囡洗白白先。

去新都城飲野有無問題呢？

littleeva

hktt

咁即是幾點.

因為我如果回家.仔仔一定唔會比我走. (hehe 您囡肯比您走咩???)  

IRON

hi littleeva,

邊有成日係度, 妳果個都係一星期先去一次, 我呢個每隔兩日就唔見24小時......

我都係咁諗, 我d朋友仲話一陣連個老公都無埋, 嘿......但佢真係好想過去睇下試下, 因為佢都想退休後係果邊搞裝修公司唔知work唔work, 我姐就話好好搵, 就算唔掂都可以幫我姐公司; 呢幾日咁凍, 之前仲想同仔仔去羅passport都無出去.

hi hktt,

妳唔嬲就好啦, 嘻......下次飲野要預我

hktt

littleeva，

你想幾點呀？我要八點先得？

我都係偷走咋或說要返工LAW。

hktt

IRON，

你今日得唔得姐？

littleeva

HKTT

掉番轉得唔得呀 飲完至返去.

我怕回到家仔唔比我走呀.

hktt

LITTLEEVA,

我驚我地有排傾呀，等我回家極速同囡囡洗完白白再出來呀，或者七點半呀，好唔好呀?

今日我無帶電話。