☆屯門聖公會青山聖彼得堂(兆麟苑)家長請進~

tszyau2000

我諗你一定好心急想睇到D 相la,一路都會有好多相賣,話時話都有d貴ka,$3.00/pc, 不過無計la, 等佢 將來有個紀念,貴小小,都算吧la~~~~~hehe

加加媽咪 寫道:
tszyau2000 & chunchunma,

我老公都話今日學校貼咗BBQ既相出黎俾家長自行購買呀,  佢都揀咗好幾張, 好心急想睇吓添........   

加加媽咪

tszyau2000,

我初初都覺得貴o架, 不過呢d學校的片段又真係好珍貴既, 小朋友第日攞番出黎睇真係回味無窮. 依家囡囡都成日叫我攞細個時影既相同埋video 俾佢睇, 佢自己睇番都好好笑.   

Ding

你地講得好岩..而家真係要同小朋友影多d相..等大個時留念..我個仔都好鍾意睇佢先己d相架..    

LongLong_ma

吓.....有相睇呀.....我地搭校車的家長無得睇.....無理由得登請假去買相!!!點算好????.....學校會唔會有其他安排呢??

gigichacha

LongLong-ma,
你可以搵老師代買架,你只要同老師講逢係見到你個囝囝個樣的相就買,便可以架啦!老師會幫你填表,之後再交錢.

加加媽咪,
你唔好咁心急呀!我係舊年等到頸都長左幾寸先收到D相,你最好預備一本相簿剩係來裝上學的照片,到學期尾攞番出黎睇會好得意.仲可以同個囡囡分享學校生活添,仲有得閒上學校網download一D上堂嘅相,有D無得賣架.

chunchunmama

tszyau ma,

吾該哂你呀! 今日睇駿駿的通告袋, 原來許老師已經幫我填左購買相片張紙, 老師真係幾細心喎!

tszyau2000 寫道:
早晨!

chunchunma 學校有相貼左出lai, "參觀騎術學校&化裝舞會"kei 相片,你話比公公知去買la or 你可以託我代你買,甘有需要話,你話比我知la!

LongLong_ma

gigichacha,

唔該晒......咁又要痳煩老師啦!!
<預備一本相簿剩係來裝上學的照片>好提議喎....等我買本靚靚相薄......裝起仔仔珍貴的學校生活!!!GOOD IDEA!!

chunchunma,

bb好可愛呀......如果仔仔三個鐘先叫妳.....咁佢都已經好乖啦......睇妳仲得閒上黎同我地傾計.....就知妳生左個乖仔啦!!
chunchun又無做大哥哥.....幫忙照顧細路呀?我諗佢都好錫弟弟!!

加加媽咪

gigichacha,

多謝你的提醒, 我都要搵本相簿收集好d相先得. 至於學校網上的相片, 我成日都有留意睇下有冇影到囡囡架, 到現時為止, 俾我搵到一張影到囡囡背面的相, 我都有save 到架      

YYMom

各位媽咪, 我最近好忙, 少左上來, 好掛住你地啊 !可惜旅行嗰日又見唔到大家, 不過我相信大家都玩得好高興!

chunchunmama, 見到你兩個仔仔張相真係替你高興 , 亦令我想起細仔細個時的事...眨吓眼佢已經2.5歲, 時間過得好快 !見到你個細b,我都好懷念兩個仔嘅bb時期. 你真係叻, 要照顧bb但仍然可以抽時間上bk, 我嗰時連開電腦的時間都無呀:cry: !祝你兩個仔仔都健康快樂地成長, 相信呢個係對每個媽咪辛勞的最好回報:wink: !

係呢, 學校啲相貼係邊呀?我今朝同仔仔返學, 好似唔見嘅 ?   

tszyau2000

加加媽咪 :

今早我和tszyau返入課室時,途中比我見到加加,相信當時她是去完洗手返課室,咩住書包好得意,佢個書包係米好重kei呢?而我和tszyau 都有叫==="加加",佢仲回頭望一望我地tim,我相信"加加"一定諗緊呢兩個係mud水!!    ~~~heheh

tszyau2000

yymon:

有ka, 係課室旁貼左出lai!旁邊仲有紙條比家長填買相kei資料,跟住可以到校務署交錢, 遲d就會有相取!!

加加媽咪

tszyauma,

原來你今日喺學校又見到加加呀, 佢可能真係唔係好記得你同tszyau, 唔好意思呀

佢每日一入學校門口就會自動自覺行去洗手間門口放低杯裝, 跟住入洗手間洗手, 洗完手抹乾後出門口攞番杯袋, 之後就返入課室自己放好書包、杯袋同交功課, 如果早返到學校就會攞玩具玩, 跟住夠鐘就排隊出出面早會, 每日如是, 佢話唔洗其他人幫手, 自己識做哂喎......

tszyauma, 你係咪每日都可以帶囡囡返咗學先返工架???

tszyau2000

加加媽咪 :

佢話唔洗其他人幫手, 自己識做哂 ==== 甘加加都好叻女!等ee 比個叻佢先!~~~hehe

無緊要la, 吾記得都吾出奇,話晒tszyau 係k2,無接觸!
而我每日都帶埋囡囡返學才返工,因為我返9:45am,所以d時間米岩岩好law!   

gigichacha

LongLong_ma,加加媽咪,
唔駛客氣,大家第一次做家長,亙相交流一下,真的獲益良多.

加加媽咪,
你都算好彩啦!咁怏搵到一張相有囡囡個背面,我舊年全年都只係搵到三張相,兩張係隻腳,一張係隻手,一張全身都無,但個囡個朋友仔就成日都見到,真係激到我紮紮跳.
祝你今年好運!

加加媽咪

gigichacha,

吓~~~~~~!! 兩張影到隻腳, 一張影到隻手都俾你認得出係你囡囡, 犀利喎      定喺囡囡有d咩特徵俾你認出呢???  :

tszyau2000

你認人都好犀利wor!

加加媽咪 寫道:
gigichacha,

吓~~~~~~!! 兩張影到隻腳, 一張影到隻手都俾你認得出係你囡囡, 犀利喎      定喺囡囡有d咩特徵俾你認出呢???  :

LongLong_ma

AGREED ....妳睇得好細心呀!!

tszyau2000 寫道:
你認人都好犀利wor!

[quote]
加加媽咪 寫道:
gigichacha,

吓~~~~~~!! 兩張影到隻腳, 一張影到隻手都俾你認得出係你囡囡, 犀利喎      定喺囡囡有d咩特徵俾你認出呢???  :

[/quote]

gigichacha

加加媽咪,tszyau2000,LongLong_ma,
我都係同囡囡一齊上網睇相來分享學校生活時,囡囡認得隔離位個同學,仲成日問點解見唔到自已,結果幾經艱苦终於認到對鞋至知張相角落隻腳係自己個囡嚟,真悲哀!!!!!!!  :cry:  :cry:

至於隻手呢.......係因為囡囡認得自己手上面塊......Hello Kitty 膠布咋!

小朋友的觀察力才是最利害的,佢地成日都睇到D大人無留意嘅嘢!
  

加加媽咪

gigichacha,

絕對同意你所講的"小朋友的觀察力特別厲害" , 有時想收埋d野唔俾佢哋搞, 或者有時佢哋咳唔想俾糖佢哋食, 點知都俾佢哋搵到, 真係激死............  

kikimom

hi 各位MA AM
我囡囡都係彼得堂(兆麟苑) 讀緊K2 叫PEGGY
多多指教