比華利幼兒園.

hktt

littleeva,

點解幼兒班反而要返呢?得十個倒咋，咁咪好靜law?

hktt

iron,

我地一於決定叫 pizza 食啦。

千其唔好咁講!我屋企可能重細過你屋企呀?再加上呢間屋有幾大都唔係我的，因我是租住咋!

派利是無諗過呀!個人認為無必要law!

IRON

hi littleeva & hktt,

見妳地咁講我都唔派利是啦, 去買d小禮物送俾佢地算囉.

好開心呀今晚可以見到妳地........一陣見!

littleeva

HKTT & IRON

IRON 我都冇打算買小禮物喎. 您真係細心週到.  昨天仔仔回家有一個朱古力金幣. 我老公問老師.老師話是同學仔比子軒. 問子軒就話 miss yu 比.  都唔知邊個比.

hktt 是 250 or 251. 忘記了.

今晚我地又有得傾啦. 希望仔仔唔好失禮. 佢有時訓唔夠會好high 好易笑 but 又好易哭.

hktt

hi littleeva & iron,

小禮物都無諗過呀，iron 你真係細心啦，我就比較粗心大意啦!

Miss Yu?是否新來的?

係 #251。

littleeva

我估miss yu 是幼稚園果邊老師, 可能這兩天佢地得閒未過來bb班. (估下咋)

hktt

Miss Yu，唔知係唔係今日Miss Lau所講新請返來教 N1的呢?佢話以後會多一位老師教N1，即係計埋 Miss Lau有二個老師啦，而何主任會間中睇一睇的。

咁咪好law多一個，唔洗 Miss Lau 咁慘呀。

littleeva

如果係又幾好. 起碼多一個老師.  會唔會 n1 班 多了小朋友.    好似一定要 1:15.

IRON

hi littleeva & hktt,

聽日俾唔俾仔仔女女返學呀?? 老公話唔知其他小朋友有無返過大陸過新年, 都係等多個星期先俾仔仔返穩陣喎.

哎, 去完妳地屋企我地屋企真係唔見得人囉, 只係得張梳化(3個位)俾妳地坐喳, 台都無張都唔知點招呼妳地...... 老公話下次黎一於係屋企坐一陣然後落下邊餐廳食野.

我想問妳地點安排仔仔女女d利是錢架?? 佢地有無話要自己keep??(或者仲未識, 但如果識時妳地又會點呢??) 同埋妳地封幾多俾佢地呀??

IRON

hi littleeva & hktt,

今日老公返工聽朝先收, 聽日係結婚周年, 家下有少少訓唔著, 百般滋味在心頭......猶記得當年聽日我地仲同我朋友& 佢男友一齊飲早茶, 飲完先他他條去註冊; 飲緊茶時我朋友個男友話乜連花都唔買咩, 老公就問我要唔要, 我話唔駛啦, 佢又問真係乜都唔要呀??(因為我連禮金都無要, 真係一毫子唔駛就娶到, 哎, 真係cheap, 呵) 我話不如你寫八個字俾我啦. 雖則我知佢程度唔高, 不過"執子之手, 與子偕老"八個字都竟然有四個錯一個唔識, 唉......我朋友好醒目咁引開我傾計, 佢男友就係台底教路, 終於最後都ok交貨; 以後每年聽日我都要佢寫呢八個字俾我做禮物, 之不過舊年都仲有一個錯字, 希望聽日收到"完美"架啦, ohhhhhhhhh ^_*

hktt

hi IRON & littleeva,

乜 e + 重興返大陸過年嫁?咁就真係驚d!無計啦囡囡已經返左學啦!希望佢身體強壯啦!

又咁講啦，你未去過我以前間屋咋，等我收番樓帶你去睇吓，睇完你會覺得，乜原來你屋企係好大好大嫁。

係呢咁我地幾時可以去你屋企玩吓呢?約過星期五、六呀，你地會順便車埋我的嗎 (諗吓咋)?不過你地咁好人實會車埋我姐 (哈哈)。

每年都係連埋我和老公d利是一齊儲埋落我的戶口嫁。而我只係封二封普通的利是給她咋。

hktt

iron,

聽落好浪漫呀。雖然寫錯字，但諗起都覺得好甜呢?

今晚會去邊度渡過呢?

祝

百頭到老，繼續浪漫

littleeva

iron

今天如何慶祝? 祝您們夫妻思愛. 永遠快樂.
我諗您今天都會好唔得閒啦. 玩得開心D.
係啦幾時去您家呀 ? 細又好,大又好. 唔緊要啦. 最重要都係大家見下面. 小朋友玩下. ^O^

我同子軒講傲楊唔讀啦. 子軒問點解. 佢想哭.
唉..... 我諗佢唔捨得呀.  子軒真係好鐘意同傲楊玩.


HKTT  幾時再去您讀.  這兩天都有去朋友家. 子軒次次都問是否去紫晴屋企.

hktt

littleeva & iron,

隨時歡迎來我屋企，黎我度玩吓或傾吓計都可以嫁，因我地真係距離好近咋，不過唔準再買野黎嫁。

IRON

hi hktt & littleeva,

今日無乜特別都係朝早楂車出觀塘接埋老公去德福飲茶, 而家仔仔訓午教, 一陣訓醒就上奶奶度食"菜茶", 潮州人興架過年過節先整, 妳地食過未?? 頭先佢即時寫左果八個字俾我, 居然一個字都無錯, 我問佢係咪尋日練習左好耐, 佢陰陰咀笑, 嘿.

頭先打俾何主任, 佢話唔係好多小朋友返大陸, 我地諗住聽日俾仔仔返學; 老公話講左唔讀唔知會唔會對仔仔差d......我諗唔會卦, 話晒係教育工作者. 同子軒講我地時時都可以出黎見架, 如果唔同學校仲多話題啦, 呵呵. 其實今次都係試探性質, 話晒移居唔係旅行, 仔仔咁細要適應新環境都未知點, 我姐話係果邊可以搵間學校試下返睇下仔仔會點, 我心諗比華利都喊個幾月果d全部鬼婆實喊到放學, 呵呵. 呢幾個月我會同仔仔去住下酒店等佢適應, 跟住去澳門, 再去遠d多幾日, 唉, 仔仔咁慢熱樣樣都要俾時間適應......家下東南亞又咁多病都無乜地方選擇.

呢兩個星期都未得閒, 或者20 or 27(星期五)啦, 而家講早唔早左d呢, 呵呵.

IRON

呀.......仲有........我有百佳印花三十幾個妳地有無用?? 如要就call我, 因2月5日到期.

hktt

HI IRON,

"菜茶"，我鄉下都興嫁，會加D抄米和花生一齊食的。

呀媽會係年初七 & 年十三煮七樣餸 & 十三樣餸。以前做囡時就覺得好難食，但嫁左後唔係成日有機會食呀媽煮的餸，E+咪覺得好好好食 LAW，所以我會食一大湯碗嫁。

咁你奶奶有無煮過 "咸茶" 過你飲呀?E+每次返呀媽度，緊會叫呀媽整咸茶我飲的，連工人都會整啦。

你會幾時走呀?到時話過我知呀!

20 OR 27 我都OK嫁。

hktt

HI IRON,

我有些疑問呀?你問清楚你老公，你奶奶是否潮州人?因我不是潮州人都有你所講的食物呢?

littleeva

hktt & iron

我老公都係潮州人. 奶奶老爺都係. 佢地在家個個都講潮州話. 都唔見佢地COOK D 咩食物比我地食.

20 & 27 我OK. 就IRON 啦.

littleeva

IRON & HKTT

昨天派了新書啦. 下學期. 都幾多字學. d 字都幾深. 好似我細個讀幼稚園都冇學得咁深.  haha 時代真係進步了.
d 英文歌都好長. 唔知呀仔學唔學到. 佢而家最叻係唱 the wheels on the bus ,  four red apple.
返學真係幾好．如果我自己教最多只識教他唱．little star, 有隻ｘ仔跌落水．睇下我幾老套．

ｈｋｔｔ　２８�２　學校旅行您真係唔去．

ｉｒｏｎ　昨天子軒叫我打電話比ｈｕｇｏ　叫佢返學．（ｈａｈａ）