比華利幼兒園.

IRON

hi hktt,

女仔實多人追架啦, 第時妳要煩多樣, 我同littleeva就煩少樣, 起碼男仔"呃"人多過俾人"呃", 呵呵呵. 不過老公話到時到候都要教仔仔安全措施, 費事有日抱個bb返黎俾我湊就大鑊囉; 我希望仔仔係花心大少, 到我死左先好娶老婆, 咁我就無咁煩(我嫌人煩人又嫌我煩, 嘿)

聽日又凍又有雨, 都唔知俾咩衫仔仔著返學, 岩岩佢先好返晒又驚佢再病過, 如果新年頭病就真係唔好囉.

hi littleeva,

妳又忙d乜呀??

littleeva

HI IRON & HKTT

明天著返普通初. 冇買華服.  

何主任打電話問我旅行回條. 我唔見左. 她話再派比我.
我地係會去.

hktt

hi littleeva & iron,

係呢今日咁涷，你地比囝囝著咩返學呢?有無比囝囝著自已d樓呢?我忘記了今日可以著褲返學!實涷死囡囡law!

何主任都有打比我，問我回條呢?原來唔去都要交，我記錯左呀!不過我話會考慮多一天，希望老公會去啦!

hktt

IRON,

我都驚囡囡會係新年病，所以係星期六有小小鼻水即帶佢去睇醫生，e+ ok啦。

hktt

hi iron & littleeva,

今日真係凍左好多呀，有無比囝囝著多d衫呢?

我就比囡囡著左3件底衫 + 華服 + 羽絨，而下身就著物褲 + 牛仔褲。是否著多左d呢?

我地的 bbq 聚會點呀?

littleeva

Hi HKTT & IRON

我初三是ok. 唔知您地呢 ? 我初一全日是男家bye年. 初二是外家. 初三沒有野. 就算唔bbq, bye 下年 見下面 吹下水都好呀.  我都好想見下您地.

昨晚問仔仔新年有什麼呀 ? 他答"暉吹" 和 全盒.
今早他叫爸爸買暉春. 他話miss lau 都有.
我覺得好得意. 不經不覺個仔大左好多. 自己又老左.唉......
他大d, 我就老d, 我開始唔想時間過得咁快.

hktt

hi littleeva & iron,

唔好話自已老啦，睇落你重後生過我 (如果唔係重慘)，我個樣老你咁多。

我初三要下午才可以，因要回公司開年食飯 (每年都係咁，老細比較迷信)，初六先正式開工。我地唔 bbq，可以來我家食晚飯 (或有無其他選擇)，傾吓計呀，不過唔準咁早走嫁 (如來我家的話)。

littleeva

hktt

好呀. 如果您唔怕煩. 食晚飯都好好. 可以比小朋友玩耐d. 我仔慢熱.  iron ))))))) 您點呀 初三可以嗎 ?



我就初五開工. 核數師來核數, 真係老套. 否則我會放耐d
老公初9 開工. 如果行得開. 我會初六放大假. 初 7,8 就希望下午可以走人. (都係取大假) 希望得啦.

hktt

hi littleeva & iron,

琴晚和囡囡食蘋果，佢居然同我講 "大蘋果" 用國語 (開頭都聽得唔係咁清楚嫁)，跟住重唱左成首國語歌（但唔知佢唱乜），我問佢係 "Miss 咩" 教的，佢話唔佢 "Miss 咩" ，係 "黃老師早" 又係用國語。

其實囡囡有咁樣的成績，真係要多謝 "比" ，因學校真係教左囡囡好多野，所以我都驚囡囡出到去會唔適應。

littleeva

HKTT

剛工人來TEL 話接仔仔放學. 今天放幾點?????

URGENT

littleeva

HKTT

您囡好叻. 佢而家已經 進入學習狀態. 喜歡返學.

所以有時我15,16. 唔想轉校.

始終幼稚園都係想仔仔開開心心返學. 喜歡上學.
我有可能唔轉. 到小學時再考私小做 BACK UP

hktt

littleeva & iron,

好呀。係呢 iron 你點呀?

如果係大家想吃什麼東西呢?中 or 西呢?早d通知我呀，等我早點預備。

littleeva

HKTT
我中又得西又得. HEHE 您話事啦. 話晒都要煩您.

多謝您打TEL 比我.  睇下我幾大MO

IRON

hi littleeva & hktt,

今日真係勁凍+有雨, 我俾仔仔著長袖底衫+抓毛T-shirt & 褲, 外面黃馬褂, 而出入就用我件毛褸包住到學校門口先除, 希望唔會冷親啦, 老公返左工但我一入屋已經電話到問我仔仔有無凍親, 唉......仔仔今日o者左頭著埋套黃馬褂, 校長取笑話"少爺好似少左籠雀喎", 呵呵呵, 何主任又讚佢好靚仔搞到仔仔鬼死咁開心都無同我bye bye, 嘿.

唔好意思, 初三我地唔得呀......初一阿媽, 奶奶, 阿叔, 舅父每度都係留一陣; 初二奶奶中午開年飯, 舅父屋企晚飯; 初三仔仔契媽午飯, 大哥屋企晚飯; 初四姊妹午飯, 二哥屋企晚飯; 我地d朋友都排唔到呢幾日呀, 初五同初八老公返工, 如果太遲妳地就約先啦.

尋日我地兩公婆自己去百佳入貨, 去左大家樂食早餐(哎, 都唔知幾耐無兩個人食囉), 見到個阿伯我諗有六十幾, 個仔得幾歲, 個阿媽又唔似大陸人喎, 咁我同老公講嘩個老竇咁老個仔先咁細......下午仔仔訓左教老公入廁所搞一輪, 原來佢拿拿臨搵支黑髮水出黎染, 佢話驚人地又係咁話佢同個仔喎, 真係俾佢激死, ohhhhhhhh

IRON

今日照常放十二點

hktt

HI IRON,

你咁多兄弟姊妹，唔怪你啦，因為始終都係長背先嫁嗎。

無所為就你呀，邊日都得，最緊要比時間我預備就 OK 啦。

IRON

hi hktt,

嘻嘻, 妳真係好啦咁肯就人, 妳老公可能就係俾妳就慣晒所以成日做自己野, 不過我都要學下妳, 如果老公撞到個溫柔既走去包二奶我就死火啦. @_@

hi littleeva & hktt,

咁年初六or七好唔好呀?? 妳地要返工or放假?? hktt唔好bbq啦因落雨, 求其整d小食咪算囉麻煩晒妳 ^_*妳地早d商量&決定啦, 因為我都要排時間俾我地朋友黎拜年, tks.

p.s. 如果妳地排唔岩時間就唔好專登就我地啦, 住得咁近幾時都有機會出黎tea啦, 係咪?!

hktt

IRON,

因初六已開始要返工，怕工人會唔夠時間煮野。如果簡星期五、六 or 假期前會否好d呢?我地的小朋友可以夜d訓都唔怕，如第日又要返工的，咁就幾辛苦嫁。

littleeva

HI HKTT & IRON

是否初9果個星期 5 呀. 我沒有問題.

在此祝賀您們新年快樂. 仔仔囡囡快高長大. 身體健康.
. 今年勝舊年. .......還有心想事成.

littleeva

昨晚很內疚.

我和老公去食完火鍋,跟住行花市. 冇帶仔仔去.  點知回家時仔仔(10時半) 聽到門鐘, 跑出來. 個樣好可憐.....佢一路叫我地一路哭. 佢話 哭和 嘔. 原來晚上他間中都有問姐姐爸爸媽媽呢? 工人話返工. 他都ok.  點知食完奶上床訓時 . 佢一訓床上就想起我們 ,哭著要爸爸媽媽, 可能哭得勁, 所以嘔. 我地回來見到個工人在清潔地下. 仔仔就好可憐的叫爸爸媽媽. 要我們抱他.  此時心裡很內疚. 而且眼有淚珠.

唉.......原來我地已經建立了很深很深的感情. 就算我和老公行花市時都成日諗起仔仔. 可惜真係太冬. 如果帶仔仔出來怕冷親佢就唔好.  今天老公放假陪仔仔, 而我就放3:30. 好想快d 見到個仔.