比華利幼兒園.

IRON

hi littleeva,

飲茶果日睇得出妳老公都好鍚妳架, 飲完後搵唔到妳地, 妳手機又無羅, 佢都周圍搵妳幾緊張丫, 呵呵呵. 可能佢係事業型嘛, 我老公就無乜"大志", 日日恨不得唔駛返工同個仔去街.

littleeva

iron

係呀我老公都話佢係錫我. 不過我唔識睇.  

haha 佢係比較唔鐘意 stick  實晒, 鐘意多d私人自由和空間.
而我就好想 stick 個老公. 但是事實係沒有可能. 我而家都改變了, 變得獨立d. 期望仔仔再大d. 我就可以時常找仔仔陪我.  

講樣野比您地知 . 我老公有上網 (icq) 識女仔. 後來比我發覺.我唔開心. 不過佢就話冇野. 佢喜歡識唔同人, 知多d而家d 潮流....... 佢話一見有女仔想進一步交往. 佢就會 stop.
佢話自己唔想太out. 而我就唔認同他的諗法. 我地係有少少
分歧. 不過冇法啦. 因為我選左佢.惟有盡量了解他的想法. 不過打死都唔認同.


  

hktt

hi littleeva & iron,

eva, 完全認同你的講法，不過係今朝果刻係好想留低陪囡囡，但返度公司諗返轉頭 (可能理志d) 已打消了這個諗法。

hktt

littleeva & iron,

其實我覺得你地已經好幸福啦，起碼你地老公幾忙都會出席我地or其他的約會呀!而我老公叫極都唔肯，好似話去親子旅行咁，佢即刻話，唔好攪，都唔識，你去咪得law，星期六又要請假 (但自已生意)。

星期日重嬲，佢根本無諗過要陪囡囡，什麼親子活動 (可能佢細時無呢d)，每逢星期六晚收工 (有時星期一至五)，佢實去釣魚 (唔知係唔係)，第朝十一、十二點先返屋企 (有時係四、五點)，我又想佢訓多d (因有時要開通宵)，所以唔忍心叫佢起身陪我地。

你們聽倒是否覺得很過份呢?但我已習慣了 (但唔代表我認同佢咁樣做)，只係自已好過d。

唔知係男人角度睇返會點諗呢?幫我問吓你地老公呀?

IRON

hi littleeva & hktt,

其實以前我唔係咁鍾意小朋友, 自己都知自己唔係一個有耐性同好有愛心既人, 好倦時都會諗返/恨下以前逍遙自在既日子, 又好感嘆點解家下"羅苦黎辛"......我都有玩過icq, 係人地仲未興既時候, 果陣仲同d網友出黎聚會仲有人追tim, 不過都無乜大件事跟尾, 或者呢d係生活上既一d調劑, 所以littleeva唔駛緊張, 妳老公自己識控制就ok; 有左仔仔後一切都改變晒, 好似我唔再係我自己, 根本無晒自己時間(家下都係佢訓左先可以上網), 有時都問自己值唔值得, 但見到老公開心個樣又好似好值咁(之前小產左一個, 仲記得老公傷心欲絕個喊樣); 之前我都講過初初知道有仔仔時要訓床3個月, 大小都係床度用兜兜, 老公放假就仆返黎親手清潔(唔止清潔個兜兜仲清潔埋我), 雖然話佢做果行見慣呢d"場面", 但呢d厭惡性工作唔係人人都做得咁落力, 所以我對佢既感情昇華左好多, 有好多野我以前睇唔順眼既又會出聲話既家下都算囉, 而家我地就好似老夫老妻咁, 諗住俾心機湊大仔仔就ok; 妳地成日話我幸福, 我d姊妹朋友都係咁講(唔係晒命), 但我尋尋覓覓30年先搵到, 比起妳地咁年輕就搵到我係咪遲左d呢, 所以我地都要珍惜我地所擁有既, 凡事都諗好d就會開心.

hktt, 我問左我老公啦, 佢話妳地太後生啦, 到我地咁既年紀就會定性好多, 妳比d耐性啦, 呵呵呵.

hktt

IRON,

好感動呀，你老公真係識為人著想 (睇個樣已知是老實人)。

諗起生bb當日，我在醫生處已通知他我要入院生啦，佢都只係話，你去醫院先啦，有工人陪你，我唔得閑呀!不過佢有時做開野係唔可以行得開的，佢係一個工作狂，去到醫院跟他說，我會係幾點就入產房，但到我入了產房，都重未見人，第一個黎的都是我媽媽同姐姐咋!好彩佢係我出產房時已到了，我還聽到他的聲音(麻醉藥未完全過)。

係我坐月的日子內，佢都係成十點幾十一點左右先返到屋企，雖然有工人，但係果刻真係好想老公係度 (唔知大家明白我感受嗎)。

重細唔細啦，已為人父母，男人是否真的比女人遲熟嗎 (籍口)?其實好睇個人的性格，而我老公就肯定係到四十or五十歲都會係咁law，因他是一個唔鍾意出聲的人。

littleeva

HKTT 我點會唔明您的感受呀! 在我坐月時 老公也不能提早回來. 我天天就是等他. 還時常會哭.  初次做媽媽.什麼也不識.  而我自己又沒有媽媽照顧, 奶奶又不大理我. 雖然有工人, 但是真的好想老公在身邊.

IRON  我有左都要訓床.  婚後3,4個月時 .......每天都有小小血.  我已為就快M 到. 未唔為意. 但是來了 10多天還有. 又唔敢出聲.   我沒有家姐.細妹未嫁. 感情又疏.   好在剛剛和朋友傾開. 佢叫我睇睇醫生.  我又好怕.  唔知如何.  最後覺得唔對路. 我話比老公知. 佢去買了驗孕棒. 結果是有左.  但第二天老公就要去上海. ( 1 WEEK)
我以為有左BB有血流是正常. (果時我冇上BK) 咁第二天 我去了樓下診所睇. (老公已走了) 果時我還 "檬成成"
冇同醫生講流血.  驗了小便話真係有左. 醫生介紹個婦科比我睇.  我回家後就同最好的朋友傾. 點知佢叫我立即睇婦科.  婦科 醫生話作小產要訓床.   那星期好慘. 一個人. 老公不在.   我晚晚哭. 發惡夢.  好怕好怕好怕.真的很怕.   

老公回來後話比奶奶知. 我奶奶立即探我. 還說我唔識野. 又唔同佢講,唔當佢係自己人不斷話我. (那時覺我很煩)  其實那時我只需要老公安慰...... 好在10天後已不流血,  


HKTT & IRON 我有時想生多個陪子軒. 但我知道自己必須更獨立.  因為我知道老公第二胎會冇咁關心我.
而家一個小朋友.照顧上都OK , 多一個 當然會期望老公多D在家早些回來. 不過事實是唔會. 但見子軒一個人又心思思想生.  他和表姐玩得好開心.  開始鐘意和小朋友玩.

我都覺得煩. 應該生定唔生?


IRON 您老公真係好好男人.  我知我老公就算到您老公的年齡佢都係一樣.  佢事業心重. 不希望有太多"速縛"
我有排先至等佢成長..........唉  NO,佢係唔會CHANGE 因為是性格.

您們知嗎為何我還要讀書考試. 因為老公喜歡叻的女人. 而我又唔叻,惟有努力多D.  我老公從來都冇放我的PHOTO 在 OFFICE.  惟有一放的是 我大學畢業PHOTO. 佢D心態我都明.  

唉.........  可能我以前拍拖D男友個個都好就我. 直至遇到我老公. 他唔就我. 我反而好喜歡他. (犯賤)
好快就嫁左比佢. 而家佢都問我後悔嗎? 我好老實答. 希望他是我的第一個男朋友. 咁一早比他挫了我的銳氣. 後來的會識珍惜.  點知佢係我最後一個男友. 先甜後苦不容易過.
HAHA.  我注定比佢合LAW. 以前蝦的人多 . 終於有報應.  一物治一物.  

我而家冇咁重視男女感情. 太難捉摸.  我會ENJOY 生命 ENJOY 每一部份. 不會只放在男女感情上.
將來我有女兒的話我必定灌輸比她知. 快樂是自己找的. 希望她獨立能幹. 有自己的氣質. 不要太受感情影響.識得找尋生活的樂趣和品味. 愛情只是生命中重要的一部份但絕不是全部.  快樂如果只是 RELY 在一個男人身上太危險.
  

   

hktt

littleeva,

果時真係好SAD嫁，諗起都想哭!!!有無同感呢?

由生囡囡到現在要教導囡囡的問題，都是我一力承擔 (我好似單性動物)，經過呢兩、三年，我已感倦了，係灰心的倦，所以E+諗都唔敢諗生多一個的問題!!!

IRON

hi hktt & littleeva,

非常明白妳地既感受, 雖然坐月時老公羅左二十幾日假, 之後佢返工又有阿媽同阿嫂輪流黎陪, 但渴望老公放工返黎果種心情係唔同既, 有佢係度個心好似踏實好多.

littleeva, 世事總係好奇妙, 就好似人地講結婚果個梗唔係最佳果個, 我讀大學原因係想提升自己可以識個高少少層次既, 以前d就算唔係家族生意都係專業人士, 個個學歷都高過我, 但最後我都選擇左呢個; 曾經睇過亦舒本小說, 書名已經唔記得, 但好記得個女主角希望搵個男人要高大強壯, 有責任感, 照顧婦孺, 可以帶佢去天之涯, 海之角......我決定呢個時已經知道唔會有錢只可有一份固定收入, 唔會浪漫只會有世俗生活, 有時講d話題佢根本捉唔到個point唔明我講乜, 好多事都要我去諗去解決, 無仔仔時覺得無所謂, 但家下我知道教育仔仔學業既責任只會係我, 呢個壓力好大, 我已經買左本"如何提升你的AQ, CQ, EQ & IQ".

如果我後生十年&有$$$, 我都會生多一個(仲希望係女); 兄弟姊妹既感情唔同父母, 我同家姐相隔萬里(佢係美國)但時有通電, 兩個哥哥對我仲好過對阿嫂, 而家連帶對仔仔仲好過對佢地子女.

hktt, 男人性格難變但心只要對妳不變就ok, 妳嫁佢時都知佢係咁; 而家我相信女女同妳講"我愛您"勝過佢同妳講多多聲啦, 呵.  

littleeva

IRON

HAHA 我都覺世事很奇怪.  我擇偶條件冇要求d咩. 在經濟上唔差過我就ok.  我果時只希望人家錫我愛我就我寵....etc.  我年輕時好貪心.時常一腳踏兩船. 好任性. 因為自少父母離異. 我就在缺乏愛下成長. 所以要d男友好就我. 可能~想離補啦.  我果時唔選樣外形.因為要自己級數高d. 未選d差d. .
當然他們條件會冇咁好. (經濟外形)但人就是老實人. 不過我那時唔知足. 可能年輕啦. 覺得好悶. 未時常換畫. 直至遇上老公. 被佢吸引了. 同佢可以溝通到. 好開心. 但是拍拖同結婚係唔同. 婚後特別是有了孩子. 好想另外一半多留在家..不過老公事業心好重. 也不太喜歡做住家男人.

所以我覺得問題是唔同年齡有唔同需要. 好男人又未必等如適合自己. 到適合自己的又未必是好老公.

而家我睇開了, 女人都係唔好太 rely 男人. 還是堅強d好. 不論在情感上,經濟上. 總之人生就好短,何必自尋煩惱.  期望&要求放低d. 多D欣賞對方優點. 小d 要求. 就會覺得自己老公好好. (係唔係好呀Q)  

iron 您好叻. 讀書為了提升自己.  方向好好.
而您又選了個咁鍚您的男人. 真係好幸福嫁.

hktt

hi littleeva,

收到禮賢的信未呀?我收到啦，但好似係唔收 (估倒)，因重未正式睇倒。

littleeva

HKTT


我仔都是預左.唔得.


係 waiting list

是昨晚收的.

hktt

littleeva,

弊! 咁我地囝囝囡囡咪有可能再做唔倒同學 LAW，記得到時多D聯絡呀。

你是否已決定了讀聖若望呢?還是另有其他的選擇呀?

littleeva

pls check pm


hehe 做唔到同學做女朋友law

hktt

係又唔錯，囝囝咁乖。

littleeva

hktt

係您之話子軒乖, 反而我覺得您囡聽話d.

hktt

pls. check pm.

好開心，咁內只有你先讚佢咋，重開心過有心儀的學校收佢呀。

連我奶奶 and 姑奶都話囡囡唔乖嫁，不過已經係前幾個月的事了，因好內無見過!

littleeva

check mail


您囡進步好多. 今晚記住收信. man sang 都派左result. 我諗今晚有得睇. (不過我仔99% 唔得)


老公話聖若望都唔差. 佢叫我不用太失望啦.

至於比華利仔仔又真係返學返得幾開心. 最需tko 校網不好.
我有 2個tko 朋友. 第一輪小學收生不ok. 而家參加統一派位. 好擔心. 有一個還是我老公的同事. 佢好擔心. 佢話幾年前民生收佢仔讀幼稚園, 冇去. 因為唔想出kowloon 和唔想比錢讀小學. 佢地家庭收入不是太好.

我真係唔想在ｔｋｏ讀小學．

IRON

hi littleeva & hktt,

喂喂喂~~~~~~妳地當傲楊無到呀!!! 傲楊快d去爭過......紫晴做女朋友, 呵呵呵. ^_& (果日傲楊係咁捉住紫晴隻手行架, 後黎鬆開左又捉過)

尋日返阿媽度同佢清潔間屋, 今日又有投訴話俾仔仔玩果只郵筒少左好多錢(我媽將d硬幣洗乾淨俾仔仔入落郵筒), 哎, 又係懷疑我個工人羅左; 其實都唔係第一次, 上次佢唔見左野(唔係$$)又諗係工人羅左卒之又搵返, 其實係仔仔放左落洗衣機; 有次又話工人偷用佢d護膚品......唉, 係咪d老人家真係唔信得過人既呢?? 成日疑神疑鬼慌死人地羅佢野咁, 好彩個工人係我既, 如果係佢既就日日都唔得閒, 又或者個個月炒人, 嘿.

hktt

hi littleeva & iron,

如果紫晴第時真係咁多人爭，都唔知點算law!

我都覺得老人家真係唔信人嫁，好似我奶奶咁，以前囡囡比佢湊，工人又係佢度，我已買了很多日用品給工人，同埋以前個工人都幾老實 (佢自已都係咁話)，成日同我講洗頭水、牙膏等日用品邊有咁快用完呀?但我問佢幾時買，佢答我幾時幾時，我計算之下都幾內，佢都係堅持係個工人偷用左，比佢激死。