想問關於九龍灣德福幼稚園的資料, 知道請過d料啦!

onon328

田田媽咪,

oh...咁要快D開始動工做燈籠啦....
其實妳囝囝係咪唔係好鍾意食牛奶麥皮, 所以先自要老師餵佢食呢!
個三張通告話參加英語同普通話班, 我好想囝囝參加, 但係我安排唔到接送問題, 因為星期六我要返半日, 所以我諗唔參加啦.
唔緊要啦..我諗朝早搵佢會容易D..
我未放工, 未睇到張行為觀察表. 明天話妳知..

WaiWai媽媽

Carmen2004:

德福一定收你個仔,除非滿額啦,放心!

田田媽咪,
我個女知道你個仔個名,我問佢有無小朋友姓田嫁,佢話"田柏軒"我唔知有無打錯字! 今日我都收到行為觀察表,老師話佢(與老師,嬸嬸打招呼,喜歡與同輩一起,能表示如廁需要及能輪侯)她說都是間中.我仲未開工做燈籠呀點算??

onon328:
Outstanding English Class是逢星二,四下午3:50-4:50,如時間許可呢班都幾好嫁,因是鬼婆教,我會考慮讀!onon328,田田媽咪一齊報讀啦!

onon328

WaiWai媽媽,
星期二,四下午3:50-4:50我應該安排唔到, 因為下午冇校車接送, 冇人可以接送囝囝啦   

田田媽咪,
我琴晚返去睇咗張行為觀察表啦, 大致上都ok喎!! 不過有d真係唔係好明點解囝囝係學校老師掦佢話經常會自己執玩具, 但係係屋其就好小自己肯執啦

WaiWai媽媽,田田媽咪,
妳哋買咗中國服未呀? 我今日lunch會去睇吓, 再報料比妳哋知.

田田媽咪

WaiWai媽媽:
你女女都好記性 知道我仔仔個全名,我問仔仔有冇同学仔叫晴惠,佢話係呀,晴惠係西瓜組 都吾知佢真係知定假!
onon328:
我今曰交左燈籠,係我老公幫我整,劉老師話今日收左第二個燈籠,搭校車D同学仔未到,吾知仲有冇再收,
WaiWai媽媽onon328:
你地入吾入家長會呀?我本身諗住買2套冬季校服.然後我今日去校務處問尺碼,個主任同我講冬季校服同運動服各一套就夠,你地交左表買未呀?
  

LeeLing

各位：
你哋好啊！我個女都系讀德福架！但系讀K1D班，所以我吾識你哋！
乜燈籠真系要整架？我完全無著件事，而個女又無乜講喔！我以為佢甘細應該吾使架！
你哋d小朋友好似好叻啊！我女都會好喜歡返學，但返到來乜都無講，連有功課做都好似吾知，教過乜都好似無印象嘅。
點解會甘架呢？

onon328

LeeLing ,
Welcome!!    唔緊要啦, 我哋實有機會見面認識喎.
燈籠真係要交架, 今日囝囝都交咗啦!其實做燈籠咪又係家長做, 不過我諗學校原意係想家長同小朋友有一啲親子習作掛..   其實我囝囝都好小返屋其主動講學校事情給我聽, 但我每日放工都會主動問佢今日係學校開唔開心, 有冇功課呀? 有咩歌唱比媽咪聽呀? 通常咁樣問佢佢都會好樂意講比我知嫁!! 妳不防試吓呀...

田田媽咪,
我琴晚先整好個燈籠, 今朝先交, 不過唔知經過我仔由屋其至學校途中會唔會已經催毀了..... ^^^希望唔會啦!!
我已經填咗form入家長會啦.. 我都幾鍾意通告內寫出將會舉行活動! 一齊參加啦..
我都係訂咗每樣各一套冬季校服. 琴日交咗表買.

WaiWai媽媽:
妳去咗邊樹呀!!咁耐唔見妳上嚟talking  

LeeLing

擒晚我好求其甘用紙盒整著個我覺得好怪嘅燈籠俾阿女，佢依家好開心甘拎住返學了(爺爺湊去)。

田田媽咪

LeeLing :
歡迎你    其實我覺得燈籠靚吾靚都冇所謂,最緊要你女女開心就得 你有冇入家長會呀?得閒上黎傾計 :
onon328:
我本身吾入家長會,但見你入我就入   我今日先交表!我仔仔尋晚食食下反,特然間講賴麒安, 西瓜組,跟住我問佢你識賴麒安,佢話賴麒安係我朋友仔    仲有我想問中国服係吾係同新年着嗰D一樣
WaiWai媽媽:
快D上黎傾下計啦!!

WaiWai媽媽

LeeLing:

歡迎你加入

onon328,田田媽咪:
我好忙呀,放工返去又要陪個女玩,大慨9:30先有D私人時間,有時眼訓要早D訓,因有時要返8:00 你地都參加左家長會呀,我想問你地會參加D咩活動呀??其實我都好想參加,但D活動好似係平日多,根本去唔到  ,
上次我去花園街都買唔到中國服,其實有得買,不過覺得太過新年LOOK,所以無買,邊到有D簡單又有少許中國味道?你地買到味呀?
我聽日先交燈籠,因今日先完工,我做左一個環保燈籠

想請問大家你地有無聽仔仔女女唱放學歌呀,我個女唱完都唔知佢唱咩,好似係:(放學鐘聲呤呤呤呤.....再見嗎再見嗎....書包手手抱....?????.)      

WaiWai媽媽

田田媽咪,LeeLing:

漏左問你地,你地會唔會報讀Outstanding English Class,我聽日交報名表啦!

onon328, 田田媽咪, LeeLing
除校褸外我都準備兩套校服比個女,可以替換,其實有一套係朋友比   

LeeLing

田田媽咪：
家長會系咪一定要參加架？因我十二月會生第二胎，所以未必得出席佢D活動，甘就麻麻地想參加了。

WaiWai媽媽：
我吾報讀Outstanding English Class了，我女依家返學都好似仲未學到嘢啊！依家教著B，但阿女好似完全無印象甘，問極都吾識，教完A返來都算有印象啊！搞到我都一頭霧水，所以我想如果出年有，我出年至俾佢讀啊！

onon328

WaiWai媽媽,
妳都一齊參加啦.. 我最鍾意就係親子旅行同入廚樂..
  不過好似大部份活動系係星期六舉行..
中國服我有啦, 琴日摷番亞仔讀N1個時買個套中國衫出嚟, 佢仲啱着唔使買   
我仔冇唱過放學歌比我聽, 不過佢成日唱校歌, 我都聽唔清楚佢唱D咩   最清楚聽到就係.."德褔...德褔.." 其餘就好似咩.."我地母校....明白冇"     打後個D完全唔知唱咩???

onon328

田田媽咪,

好呀 !!   可以一齊參加活動..我囝囝尋晚話有個同學仔叫田柏"希"   我問係邊個??佢話係同學仔囉?? 我話係咪叫田柏軒呀?? 佢話唔係呀? 係"田柏希"呀...    我問佢你有冇同柏軒一齊玩呀? 佢話有呀...一齊玩車車, 一齊執玩具??都唔知係咪真嫁?? 不過亞仔話"田柏軒"係菠蘿組喎..
我諗中國服都係同新年着嗰D一樣掛, 我仔個套中國服係黑色功夫衫.  

onon328

LeeLing ,

Congratulation!!!   十二月會生第二胎.
家長會唔一定要參加架. 得閒上嚟多d傾吓計.

田田媽咪

WaiWai媽媽,LeeLing:
LeeLing首先恭喜你有第2個BB先,我覺得入家長會都幾好,如果D活動雖然係平日就吾到,但係有1樣係我入家長會最重要的原因,可以借圖書同VcD,可以比你仔仔/女女睇多D圖書,我覚得睇書真係要由細培養到大,你地可以考慮下,     

田田媽咪

onon328:
我諗緊買吾買中國服,因我仔仔有4套新年服,你見吾見到旺角有冇中國服買?我仔仔D課本咪有D歌仔,如果嗰日教新歌仔佢嗰日放学一定唱比我聽,跟住我話真係好好聽可吾可以唱多次比我聽,佢就好開心咁再唱    有一首我成日聽佢唱係『1234,1234,晨早起,空氣好,小朋友來做運動』跟住嗰D暫時聽吾明,

LeeLing

各位：
想問下你哋知吾知出邊邊度有德福校服賣啊？我想買多件shirt衫俾阿女替換啊！因有連住兩日要著。

onon328

田田媽咪,

如果妳唔買咪用番之前新年服件外套, 下身着番普通衭, 咁得唔得呢? 我琴晚都問安安識唔識呢首『1234,1234,晨早起,空氣好,小朋友來做運動』亞仔好似冇咩印象咁...  
通告咪話6/10可帶小量食物回校分享, 妳會買咩返去呢?

WaiWai媽媽

onon328:

D活動好似係得參觀小學同春季親子旅行係星期六,你睇真D??我個日打電話問左D資料,覺得有D都幾好有適合自己,見你地參加得禁開心,我都唔執輸   

田田媽咪,onon328,LeeLing
佢地唱個集校歌可以係以下網址收聽:
www.telfordeducation.com

我個女今日話比我聽有個同學仔叫:鄭子晴和鄭子恩 唔知係唔係孖女呢??佢重知有賴祺安,田柏軒,張以康,舊同學有:戴均彥,胡子惠,鄧凱瑤,你地重知唔知有無其他同學仔個名呀?

WaiWai媽媽

LeeLing

你講緊係冬委校服呀?好似先幾日訂造,唔駛自已去買呀!