其實我唔明點解會報十幾廿間私小、直資

爸爸愛您

原帖由 ccycsy 於 13-11-11 發表
相信無一位家長願意報十間或二十間直資和私校的, 因為報得越多便越累, 開始還可以, 到最後慢慢會覺得身心疲 ...

同意

魚兒小寶貝

fany 發表於 13-11-11 13:04
家不在市區，亦冇能力搬屋，我只報了幾間覺得適合，車程可接受的學校



  ...

我都係，覺得囝囝唔算叻，而且我又唔like谷，普普通通讀適合佢既學校已好好，考唔到咪遲d試叩門，再冇咪䢫遇而安囉，其實響咁漫長既人生旅程上，呢一part 只係佔好少部分，冇乜大不了!
不過我又唔反對報多幾間，唔好令到自己及子女咁辛苦就得喇。報得少，機會過左就冇，會後悔，唔甘心；但報得多，被reject既機會就多左，真係要有心理準備。

fany

原帖由 魚兒小寶貝 於 13-11-11 發表
我都係，覺得囝囝唔算叻，而且我又唔like谷，普普通通讀適合佢既學校已好好，考唔到咪遲d試叩門，再冇咪䢫 ...

其實我自己都好緊張，真的好渴望投考學校成功，本區的學校也不算心儀，仍在學習保持平常心中

JHsbb

我去年只報了一間, 幸好成功了, 大家加油啊

fc926

我們去年都報左好多間（超過10間），填form填到手軟，可能我們冇要求一定要同宗教或一定要一條龍或什麼特別教法，連邊個區都冇所謂，因預左隨時要搬屋，所以好多私校都合乎我們的要求。報名階段未算是我揀人，要被取錄之後才是真正有得揀，況且面試同見工一樣都要practise,愈戰愈勇。

chelchel0126

我星期六岩岩in晒,總結,如果可以再揀一次,所有唔洗撐船去交表嘅,我都會去交,今次賽果係輸經驗,有多啲選擇同係咪對胃口,我可以的話會揀多選擇,因為,當你冇得比你選擇嘅時候,真係好似唔識游水喺大海正正中央攬住塊木板仔浮吓沈吓咁睇住十九幾里外有隻小木船疑似嚟緊救你,但又唔知係咪睇錯,又唔知塊板崖得幾耐,咁囉。。但當然我有底線,我小朋友係二線學生,不過不失,唔聰明,唔太乖,所以神級一律唔唸,講完,多謝收睇。。

MASAYA

見前面用求職做比喻都幾好，如果本身只想做港聞記者都唔會寄信去娛樂雜誌，想做甜品都唔會去in茶餐廳，除非係諗住入大公司做文員或會計或sales或IT，總之係公司都有既職位，就會寄晒去請緊人既大公司，視乎你是不是鎖定理想職業

miutang

報幾多間不是問題，只要不是同一時間hold住幾個offers就無問題。有時是通過面試去進一步了解間學校，加上現今造就的競爭環境，父母希望多個被選中機會，是十分理解。