比華利幼兒園.

hktt

littleeva,

恭喜哂你呀。想請教如祟真同聖若望，你會選擇哪間呢?為何?這些都是代朋友問的。

便服日的相片你何時收倒呢?點解我重末有嫁?

littleeva

HKTT
祟真我冇報,也未去過.好難諗.

不過我會喜歡聖多D. 因為我喜歡小班. 另外聖好似真係英文好. D老師好有愛心.  各人心水不同.

如果計校網.(假設讀埋小學) 好似 KOWLOON TONG 多D出名英中.而深水X 小D .


可能今天會有相嫁啦.  

hktt

littleeva,

唔該哂你，我真係無問錯人，你解答得好詳細同肯幫助我呢個蠢媽咪。

是否琴日已派相呢?因琴晚是結婚週年紀念，同囡囡老公出去食飯好夜返，無睇囡囡書包。

IRON

hi littleeva,

我都話子軒叻仔黎架啦, 真係"登"妳開心......考到都唔讀?? 子軒尋日有同我笑, 我同佢講"你就係子軒丫, 我同妳媽咪成日係電腦上傾計架", 佢有點頭喎. 傲楊都多左講野, 尋日睇vcd見到miss行出黎佢講"teacher", 仲好正音; 訓醒又話要搭"地鐵", 搞到爹地專登楂架車去新都城停低再去搭地鐵去坑口, 又搭返黎, 不過爹地好鬼死開心個仔肯講野.

hi hktt & littleeva,

我搵黎搵去都唔見書包有相. 今日我地等仔仔入左去之後特登再搵何主任問學校有咩措施(關於腸病毒), 佢話如果有小朋友唔返學佢地會好詳細問咩病, 學校清潔都會做仔細, 而如果一有唔掂就會通知我地唔好返住......爹地話如果將軍澳再多兩間學校有問題仔仔就唔返住囉.

IRON

hi  DuncanMaMa ,

我個經驗係同仔仔入去每間學校行下, 睇下佢邊間鍾意d, 或者我仔仔內外, 佢唔係見到有野玩就肯落地, 有d佢根本全程"樹熊"(抱住我唔肯放), 有d佢自動行去玩; 到佢ok果間就詳細d同miss傾下計; 我仔仔10月插班返比華利, 到家下先叫適應, 睇到miss們都落左好多心機同耐性.

littleeva

HKTT 昨晚開心啦. ^^

IRON 傲楊都唔錯. 係呀我都覺得返左學多野講好多. 傲楊真係好幸福.有咁鍚他的爸爸媽媽.  

其實我都係覺得"比"係唔錯的學校. 而且又近. 如果要出城讀書.我諗大人小孩都唔慣. 唉.......頭都痛. 先註冊 HOLD 住個位先. 諗清楚D.  

hktt

littleeva,

咪又係好似平時食飯咁，不過因無帶工人，囡囡鬼咁次身，坐低都要話抱，又成日鍾意去洗手間，你話死未。

我都讚成你話hold住個位先，咁難先考倒。不過呢間學校d學費都好貴，黎緊都重有好多又好又比較便學費的選擇嫁。

littleeva

hktt

hehe  我和老公出街食飯是會帶埋工人.  否則冇啖好食.
不過而家個仔大左就好左少少. 我會帶定D 認字CARD. 圖書.  紙和筆. 基本上都可以另佢坐定定 1-2 小時.
如果講故事比佢聽,佢更加開心. 要講完一次又一次.  不過辛苦果個是我. 老公就可以ENJOY 食野.  

IRON

傲楊返左學進步了少, 相信您一定好開心. 有冇諗住生多個 ?
好羨慕您. 可以自己湊又有工人,而老公又時常有時間陪您.
真係好幸福.

IRON

hi littleeva & hktt,

哈哈, 我地出去食飯如果唔帶工人, 簡直就係輪更制, 兩人輪流抱仔仔出去行, 邊重有enjoy之言, 呵呵.

littleeva, 現今都只係生一至兩個, 小朋友其實好好彩, 有優質培育同生活, 所以我地大家都係咁幸福, 只不過我老公多d時間, 但佢一返就24小時; 初初有次仔仔發燒得我一個, ,工人又未到, 我都不知幾"騰雞", 半夜三更抱仔仔去浸會睇急症. 初初我駝仔仔時見紅入浸會訓左半個月, 跟住係屋企再訓2個半月, 其間係大小二便都係床上果只, 咁"激"既經歷我唔敢再試囉, 所以老人家話有仔要趁嫩生, 呵呵. 再講一個既培育費都夠"甘"啦, 仔仔居然考到城外學校, 幼稚園都ok2千幾, 小學要成6千, 連埋雜費咪成皮野, 嘿.

littleeva

hi iron　
我大肚時都有見紅．　要訓床一星期．　那星期又剛老公出ｔｒｉｐ　不在ｈｋ．　我晚晚是含淚而睡，時刻怕不不住ｂｂ．　我好明白您的心情．　果時我學緊車．都沒有學了．奶奶極力反對．　

諗番都涼一涼．　

hktt

littleeva & iron,

我就無你地見紅或訓床的經歷，有bb時只係有小小的頭暈，所以感受唔倒你地個經歷。但你地的經歷，令我更覺做媽媽真係....真係好偉大。不過唔緊要起碼 e + 你地的老公及囝囝都很愛你地，所以有時諗起是否覺得係值得呢?

我又有問題啦，係唔係因為你地大家都係囝呢?

iron,

你話有囝

hktt

唔小心按左tim。

littleeva,

車牌e+考番咪得law，因為我發覺無車帶小朋友出街真係好煩，以前有車唔多覺!

IRON

hi hktt,

唔係好明妳問乜tim......嘻
妳意思係駝仔就麻煩d駝女就舒服d??

hi littleeva & hktt,

睇番今日派張通告都幾得意, 聖誕聯歡問願唔願意參加, 果日係星期一, 如果唔願係咪唔駛返定係去另一個課室上堂??呵呵, 當然我地係非常願意既.

littleeva

hktt & iron

係呀張通告都幾怪. 我都一樣會比仔仔參加.
不過$98 好像貴了少少.

我同事個囡果間就$138 是 在酒店的 BUFFET LUNCH
N1 不用比錢. 只是收家長錢. 我覺得幾好.
佢地已經去過一次秋季旅行. 而比華利暫時未去過.
而且佢地本手冊,每星期派回來除了好像我們果本貼左教了些什麼. 還有老師的評語.  小朋友這有什麼進步,或是有什麼問題.

講來講去我都覺得學校平時多少了和家長溝通. 唔知您們認同嗎?

昨天好開心,子軒在車上唱歌. 是我從未聽過. 而學校D書又冇. 佢話 MISS LAU 教.

好想和您們分享下. (真係好開心)
您地有冇聽過小朋友在家唱呀. 歌詞如下. 可能留了OR不對.


樹上黃葉片片飛
黃葉呀黃葉呀
您飛到那裡去
呼 (子軒做埋手勢 吹)

我諗間間學校有她的好和不好. 好頭痛. 轉校唔轉校.
子軒在比又學了不少東西.
而他又好鐘返學. 好頭痛...........

IRON

hi littleeva,

我仔邊有妳仔咁叻識唱歌丫, 哈哈哈, 識得講多幾個字都好開心啦. 我老公都有問我本手冊有咩用架, 次次都係我寫野既, 呵呵; 不過如果有問題打去問何主任都會知得好詳細.

hi all,

想講件事睇下大家會點處理, 點向自己小朋友解說......

上星期六我地去動植物公園, 睇完動物後去小朋友樂園, 果度有間細屋仔入邊可坐四個小朋友, 當時得仔仔一個坐, 突然有班小朋友(應該係學校親子旅行)沖入黎幾個坐低, 將仔仔迫到邊位, 我即刻話慢慢黎大家一齊坐; 仔仔隔離果個細路一只手拿住1/4個蘋果(雙手濕立立), 一面再迫仔仔, 仔仔無奈起身企係度好徬徨咁, 又想坐又唔夠人爭, 我再話小朋友唔可以咁架, 要一齊玩架嘛, 個細路大大聲話係我地坐架, 不嬲我地都係咁坐既! 仔仔望住我好慘情咁, 我唯有叫佢出黎同佢講我地玩第二d啦, 望返個細路佢仲好招積咁超住我, 最後我講我話俾你miss知, 佢先無個寸樣. 其間有個女人(唔知係咪佢媽咪)有行埋黎叫佢快d食晒舊蘋果, 而佢應該睇到成個情境, 不過佢一句都無出聲. 佢地著住d學校運動服都幾殘舊, d媽咪又好多染成頭金毛操不純正口音, 後黎我睇到個名牌係"天后中英文幼稚園", 當時我以為係香港"天后"站附近, 果度會有間咁既幼稚園?? 返屋企我老公查本選校指南原來係屯門, 以前聽人地講新移民點點點, 家陣先親身感受到佢地既"威力".

我同仔仔講唔可以好似佢地咁架, 要同人地一齊玩, 我諗佢而家未識, 但到識時如果佢問我咁人地唔讓佢咁點我應該點答?? 我老公話下下讓人咁咪無晒戰斗力?? 而且係人地唔岩先喎...... 各位可唔可以分享下妳地點教仔.

hktt

littleeva & iron,

我無理會內容，只知大概，一樣都參加了，但就覺收費貴d，唔知是否要請聖誕老人的關係呢?

囡囡也是成日唱歌，但就不知唱咩!

返左學真係學識好多野，但都唔知係 "比" 的關係或無論返邊間學校都係咁呢?

每次簽手冊時，都希望老師會寫一d關於小朋友在學校的評語，但都失望。唔知大家會否寫d野係手冊裏面呢?

IRON

hi yinyinma,

妳去左邊呀......咁耐唔見妳既

littleeva

HI IRON & HKTT

昨天問何主任子軒在學校情況. 她話子軒洗手後開始肯自己取毛巾. 我還問子軒還有沒有倒D水在地上. 她一路笑一路講有次子軒唔單止倒自己柸水,倒埋隔離柸 水. 佢倒得好開心好ENJOY.  

您地話我聽到好嬲定好笑. 比佢激死我.

何主任話子軒學習上沒有問題. 不過開始頑了.可能熟了.
她話好現象. 唔通 "毛成成"好咩. 我問何主任要等到幾大才唔會做D倒旦事. 她話要4 歲. (下.........未有排煩.......打又打個. TUM 又TUM 個, NOW 又NOW 個........都唔知點解......)


hi iron

昨天問了何主任.仔仔如何小便. 我問是否要除了條吊帶.她話不是.是由下面用手取(雀雀)出來. 她話要快D教會小朋友, 因為遲D著埋校"嬲" 會再煩D.  她話子軒未能做到. 不過可以用手扶住牆.另一隻手就找尋雀雀(未能找到)

原來要咁教.我都唔識. 昨晚回家問呀仔邊個幫您小便. 佢話係"英姐"  

littleeva

IRON 另外我想問您寫什麼在手冊,老師有沒有回應.


昨晚我仔話鍾意傲楊.係坐在子軒隔離. 都唔知佢講真定假.
TKS

IRON

hi all,

今早送返學時已有運動服啦, 因為驚洗左後日唔乾, 所以早d羅返黎洗.

妳地整左咩聖誕掛飾呀?? 我見人地好有創意同善用, 有d用舊報紙, 有d用舊公仔......

我有寫手冊架, 不過唔係好重要既就用A4紙寫放係溫度紙處, 如果好重要或想知詳細既就下午直接打俾何主任.

littleeva & hktt,

多謝妳地分享教仔心得. ^_&