比華利幼兒園.

littleeva

HKTT

係男女校. 唔係一定要去外國讀大學. 聽人講在此校小學畢業,好多都派左去名英文中學.   

我老公今日下午才交表.我諗要 6/12 才有 得面試.  我諗住子軒係陪跑咋.  見識下.  冇期望佢會考到. 當係去睇下law.

littleeva

hktt

我今早book 了圖書館. 不過沒有 6點, 只有 7點. 我冇找您.見您話e排 要 ot.  怕您沒有時間tim. 我而家惟有在公司等子軒出來.

hktt

littleeva,

我以為係男校所以無留意到呢間學校TIM，咁點算咁好?

唔緊要下次先啦，今日已不用 OT 了，不過都好巨，早D返屋企休息同陪吓個囡先。

littleeva

HKTT

如果您真係好想考,打電話同學校傾下.  我諗有d家長考完未必去讀.

IRON

hi littleeva,

妳仔仔in成點呀??問d咩呀?? 我都好想知名校d問題係點, 睇左好多topic媽咪講名校面試, 都好有趣.

littleeva

HI IRON

太多人in 了. 多數都唔會有子軒份.

考試情況如下: (我之前post 左在 聖若望個topic, 而家topic 過來)

HI 各位媽咪:

我仔考１１時．　已我的觀察是如果小朋友肯比老師拖住手入去, 家長就不用陪了. 如果小朋友會哭, 就會有第二次面試,可以家長陪.　我諗肯自己入去的小朋友一定有分加.　好可惜我仔唔肯比老師拖．　

到我仔時老師拖他手, 他當然唔肯. 我地兩公婆都可以入去. 我仔是考砌圖, 配對, 另外就有 大象,monkey
加埋d table, chair.... 要他找動物出來. 之後問他這是什麼. 仔仔都能找出動物. 問monkey 時我仔即時答到,
問 elephant 時　老師見未出聲．就唔再問他，只是問係唔係　ｅｌｅｐｈａｎｔ　我仔話係．如果再比多ｄ時間仔仔會答到．可能太多人ｉｎ．有少少覺得趕時間．

另外考他小肌肉．比ｄ發泡膠．要他砌埋一起．睇下佢小肌肉的控制．老師再取其中一件發泡膠問他什麼顏色．我仔唔識　（ｂｌｕｅ）　問他叫什麼名，　我仔識答．之後老師比粒珍寶珠問仔仔要講什麼．我仔講　ｔｈａｎｋｙｏｕ．之後我仔話冇咳咳．老師話係呀要問媽咪食唔食得． 比個橙色波波仔仔再問他係唔係橙色，我仔話係．問他要唔要　和要講什麼．

最後就是講ｂｙｅｂｙｅ

成個過程，我仔是一般啦．咁多人考．都唔會有佢份嫁啦．而且有ｄ小朋友能夠單獨面試，我諗學校多數收果ｄ肯自己入去考ｄ小朋友　ｌａｗ．


祝大家成功．而我就覺得ｏｋ啦．當係一天親子活動都唔錯．仔仔玩得好開心．唔肯走．都幾抵玩．

littleeva

hktt  & iron

好唔開心呀. 頭先miss lau 打電話來 問子軒在家的情況

原來子軒今天手濕了. 自己唔肯在書包取毛巾. 係度 now 計. 係度 叫濕濕要ｘ　（唔識打ｅ個字）
老師問平時在家是否這樣．　我話係，他十分十分唔鐘意手濕．每次都要工人姐姐ｘ乾淨．
老師話要教他自己取毛巾自己ｘ．

子軒開始難教了．我可能是工人湊．　我地又少更改他的習性．好像除鞋咁．一入屋我見他自己除鞋．佢就話要姐姐除．子軒唔識．我話子軒識．佢跟住就話自子軒冇手．佢拿拿林去茶几度取個杯雙手ｈｏｌｄ住．　話子軒冇手除唔到鞋．我就話好媽媽幫您．媽媽唔識除喎．我作狀除唔到．跟住我話要打下隻腳，打隻鞋落地．　佢知話識除．　但平時工人一定冇這份耐性．加上仔仔又識蝦佢．　我諗最後多數都係姐姐幫他除．

佢真係好．．．難教．　我開始想下學期轉全日．　如果唔出去讀幼稚園．我多數會比佢讀全日．　　

IRON

hi littleeva,

我係第二度見到妳講妳仔仔面試情況啦, 咁幾時先知得唔得架?? 祝好運.

今日見到d相, 我見生日會有張四個人既, 三個男仔坐前面, 一個女仔企後面, 邊個係子軒呀?? 傲楊係左面著藍色格仔衫黑色褲, 入面t-shirt有xxs字.

littleeva

ｉｒｏｎ

好似係１１月２１前收信．

如果收我仔，我多數會去讀．　間學校又真係幾好．老師們睇來也很　ｎｉｃｅ．而且她們很著重英文．頭先在ｔｏｐｉｃ　內都見有家長話小朋友在此畢業，現在已在男拔讀小一．而且也能追上．　


另外我會報考玫瑰崗，此校也是英文幼稚園英文小學
學費大約　＄１４００－１６００

hktt

littleeva,

慢慢教吓，平時太倚靠工人幫佢啦，唔可以太重容佢嫁。

平時囡囡去街返屋企，我一定要佢自已除鞋除襪，工人幫佢我會叫工人唔準。我諗你工人一定好石佢啦。

hktt

IRON,

係呢度要講聲 "唔好意思"，星期六訓過濃所以無返學校借書，希望下次有機會見面啦!果日同囝囝返學校借書開心嗎?

今次生日會無囡囡份，所以到E+都唔知邊個係你囝囝 "傲楊"，希望下次有機會啦!

littleeva

HI IRON & HKTT

學校還未派相, 我都唔知邊個是傲楊!  希望快d有相睇.

係呢還未有冬天運動服?  唔知幾時派呢 ?

hktt
我都有叫工人唔好幫子軒咁多. 不過有時我們不在家,我諗佢會照幫. 好似食飯咁, 我也叫她不用餵, 但是她都冇聽.
平時出街,我地要子軒自己食,通堂佢會食.食食下就唔正經. 要人餵.  

ACYW

Hi, 比華利幼兒園 and Deahbo at TKO accepted my son's application for N1 on next year.  Meanwhile, I'm still waiting Creative's reply for interview at Dec.  比華利幼兒園 is a little bit far away from my place (Ocean Shores).  But I also feel that 比華利幼兒園 is a good school.  Is there anyone can give me any advice?  How should I make the choice?

IRON

hi littleeva,

唔好唔開心啦, 我就覺得子軒轉數快, 佢識諗到咁多理由, 又識表達出黎, 日常生活既野因為有工人至會咁者, 第時讀書咁好轉數就好叻架啦.

我仔仔又咪難搞......上星期好地地返學分別時都好開心, 呢兩日又再喊過; 係屋企又係成日發脾氣郁下就喊, 有時搞到我好勞氣真係想打鑊甘佢, 不過平靜落黎就諗到人人都有情緒, 細路仔都會有, 所以等一陣又再同佢講過; 人地話湊細路係"長期抗戰", 俾d耐性同心機, 大家努力!

玫瑰崗咪仲遠, 係香港果邊喎, 我見九龍塘讀d媽咪講坐校車要早半小時放學, 跟住係車度成個半鐘先到屋企; 之前我老公都有提過呢間不過太遠, 如果我地自己接送車$$就貴囉. 仲未有運動服派, 我今日幫仔仔著灰色長褲, 白色t-shirt(內面)+夏季運動衫, 校褸, 不過放學時手仔凍凍喎.


hi hktt,

哎, 星期六我地去左飲茶趕唔到12點返, 所以都無去到, 不過仔仔今日借左本"當熊遇見熊"返黎, 唔知係咪佢自己簡定miss幫佢既呢, 因為佢極度鍾意熊.

littleeva

HI DuncanMaMa

我覺得 "比" 和 "德"  課程上應該差唔多.

我舊年決定讀 "比" 係因為 近D 和 直覺.  另外就是" 比 " 唔近MTR, 少D 人報, 我鐘意細班. 老師可以多D關注小朋友. 太多人一班幼兒班,唔係咁好.

其實幼兒園最重要還是老師有愛心, 能夠另到小孩子喜歡學校,喜歡老師. 小孩子才會有心機聽老師話.  2 YRS OLD 人仔 實在要好多愛心,才可以另他們對一個陌生環境有信心和安全感.

您可以打電話 / 約見 幼兒部的主任資訊.  我相信多D親身了解才會對學校有多D信心.   您可以咋家依問下主任,已知學校收了小朋友, 但小朋友未介片是否要現在開始介 ? 慢慢傾下又透露下唔知讀唔讀,有D唔放心...... 睇下主任能否給多D信心給您. 我相信一間有愛心的學校是會回答家長的疑問.

hktt

littleeva,

咁即係工人無內性啦，但工人又好難做的。唔好話工人呀，有時我都係一樣咁無內性咋。有時囡囡唔肯自己食飯，我又係會餵佢食，但如佢唔肯食，我會由佢唔食嫁。

littleeva

HI IRON

真的謝謝您的鼓勵.

我開始感覺到教仔的壓力.  

為何傲楊"呢兩日又再喊過" 有冇問下何主任了解下.

玫瑰崗我還未去取FORM . 我原本諗住是自己返工時帶他一起坐 MTR 去北角, 都係15分鐘. (講下野,唱下歌當係親子時間 ) 跟住再送他上校車. 我就再坐MTR 去 返工.

我是貪佢有英文小學. 空氣十分好, 不用時常開冷氣. 小朋友會冇咁易病. 我見有家長話小朋友之前在讀別的幼稚園時常病. 變了容易鼻敏感.  但轉了"玫" 空氣好了少病左. 有D老師直情比埋手提電話比家長.待晚上可以傾下小朋友在學校的情況.

其實出KOWLOON TONG 都唔係近. 所以我只報了聖若望.因為大多數家長都有很好的評價. 另外培正 MAN生　只是去ＴＲＹ　下．　９５％唔會有我仔份．因為子軒還是怕陌生人．　所以我仔多數都係在　比華利讀．　小學再考過．
   

IRON

hi littleeva,

我今日放學果陣同子軒傾計呀! ^_* 因為我接左仔仔, 見何主任叫"子軒放學", 見佢行出黎好醒目咁, 呵呵.

尋日爹地問左何主任, 佢話係門口佢叫仔仔叫michelle早晨, 仔仔一時回唔過神唔知點好就喊囉, 可能一早傻下傻下卦, 今日又ok喎, 放學仲好開心.

hi hktt & littleeva,

今個星期六去借書, 見唔見到妳地呀??
遲兩日15度呀......無運動服
將軍澳又有幼兒園爆發腸病毒, 唉......

hktt

littleeva & iron,

請問有無打去學校問過運動服幾時有呀?

近日爆發的諾沃克病好恐怖，重到左將軍澳tim，大家小心!

littleeva

HI HKTT & IRON

係呀大家要小心.

運動服還未有. 我冇問何主任.   我都唔理咁多, 著回自己的衣服, 只是將夏天的運動衫套上面就算.

iron 我諗仔仔一定冇釆您. 佢係怕羞仔一名.

昨天放學回來與天通電. 他話子軒好熱. 我問佢點解.
佢話 : "因為出面d 風吹唔倒入來"  
自從子軒返了學. 佢真的講多左好多野. 好多時在tko 出 kowloon   全程車都未停個 口.
不過真係難教了. 以前他在家太大聲時我會嚇他話樓下叔叔會上來now 您.  不嬲都能收效,可以阻嚇他. 而家佢竟然反問我."樓下叔幾多樓. 點樣嫁 係邊度嫁"
我開始有d招架王住.

派了便服日 3 張相. 有紫晴, 不過我還是不知誰是傲楊. 希望有機會見一見.


聖若望收了子軒. 我還在考慮緊.此終是幾遠. 由tko 去 kowloon tong.