比華利幼兒園.

littleeva

HI IRON

我諗係得一個子軒. 另外有個"柏軒" , 我問仔仔最鐘意同邊個小朋友玩, 佢話鐘意 詩詩, 希希.(希希原來係女仔) 咁我又問最唔鐘邊個. 佢話柏軒. 我問佢點解. 佢話柏軒 推佢. 我都唔知信唔信, 不過唔緊要啦. 細路仔一定會有crash.  

會唔會係我仔取左您個仔個柸呢 ? 等我今晚回家睇睇先.
等我問下仔仔識唔識"傲楊"先

魚肝油丸個牌子唔記得. 是日本.有個小男孩帶住頂hat.
好common 係 各大超級市場, 萬0, watsons 會好易找到.
得我返家睇下個名再話您知.

如果在街食粉.我都會沖下水先比仔仔食.  

頭先何主任話已派校服, 運動未有. 下星期一可以換季了.

IRON

hi littleeva,

唔係子軒羅左個杯呀, 我睇過係"許顥寶", 何主任話坐係傲楊隔離, 另一邊係個女仔. 妳問下子軒張台有幾人, 柏軒坐邊, 識唔識傲楊呀.

冬季衫收到不過條褲長要改, 好彩有裡唔拮肉; 張通告話唔放得入洗衣機乾衣機, 標籤又話dry clean only, 何主任又話要手洗, 搞到我亂晒, 妳會點做丫??

hi hktt & littleeva,

妳地仔仔女女有無係學校all濕褲架?? 我仔就成日all濕, 返黎一大包濕野. 聽日放學要去買黑鞋, 灰襪, 長褲仔(以備all濕)......哎, 細蚊仔返學都咁多野.

hktt

LITTLEEVA & IRON,

琴晚嚇死，放工返度屋企，囡囡發燒呀!

囡囡發燒，要我返度屋企先知，咁囡囡究竟燒左幾內呢?工人唔知，比佢激死!好擔心佢係燒左好內咋!!你地話點好，我問佢無抱或攬過囡囡，佢話有，但就唔知佢發燒!!咁即係點呢?我需唔需要換過工人呢?但如果換過要等三個月，又無人照顧倒囡囡，點算?

hktt

LITTLEEVA & IRON,

今朝囡囡都無返學 lu，去了我媽度，如果唔係我今日都返唔倒工呀!

littleeva

HKTT

囡囡點呀?  發燒幾多度呀? 我仔仔是日日探熱(學校要), 您工人有冇幫囡囡日日探熱?


我仔如果發燒99%都係工人發覺先, 我地係用耳探好方便.

我仔在佐敦有個兒科醫生好好. 不過藥就重d. 所以我仔平時病就在tko 睇, 睇唔好就出去 佐敦睇, 一次就ok . 有咳都變
冇咳,好快好.  不過d藥係重d, 份量又多d. 有抗生素.
所以我地好少睇佢. 不過一睇佢又即好, 連d 鼻水都收晒.
您要唔要我比個醫生資料您呀?

littleeva

IRON

我仔D校服係 6 碼, 今早叫個工人去換條褲. (好長) 其他都好OK. 而家買衫比仔仔好煩, 衫SIZE 我會買 100. 褲就 90 OR 95. 如果是一SET. 條褲多是長. 衫長唔緊要. 褲太長就唔好.

學校條褲是吊帶. 我仔唔鐘意. 佢平時冇吊帶褲. 星期一肯定又要TUM 佢 著校服. 我都唔知到時著吊帶褲佢識唔識自己小便.  
我仔在 17,18個月 已介了片, .佢好少好少ALL 濕 ( 3個月1 次度啦) 返學至今 都冇 濕過.  不過我都會放多一條褲在書包, 防萬一.  而家佢午睡 不用片. 而晚上係要等佢訓都好林, 才上片, 佢唔比我地上片.  半夜叫姐姐小便. 佢唔肯ALL 在片片上.  我工人天天早上都要了我仔條片, 佢話冇濕過, 佢蓄埋佢寄回菲律賓.比佢激死, 我覺得好唔衛生!! 冬天過後會介埋夜片.

我仔而家D校服都係手洗. 所以冬天都係一樣手洗.

我昨晚問仔仔識唔識傲楊. 佢話係比華利楊楊 坐係子軒張抬.

我問佢鐘唔鐘意同楊楊玩, 佢話鐘意. 唔鐘意柏軒. 我問 WHY. 佢一樣話係"柏軒推子軒. 撞到牌面" 佢指埋位置比我睇TIM. 您地話信唔信佢好?  

hktt

littleeva & iron,

今朝同囡囡講，你今日發燒唔好返學啦，佢話 "唔好，唔好，要返學"，都幾開心佢的反應，但後來佢一直都無話要返學，都唔知佢係咪真係鍾意返學!

我囡囡d校服全部係4碼，著上去重要大左 d tim。

iron,

我囡囡頭個月返學都試過一、二次 all 濕左 (因果時剛介片無內)，老師咪同佢換褲law，有時午睡都會 all 濕嫁，而夜晚訓覺就一定要著片 (因重未介夜片)。

hktt

littleeva,

唔該你先，其實囡囡有睇開果個兒科係旺角，琴晚因夜了，所以係新都城果度睇住先law。我諗今晚出旺角再睇一次試吓先，如都唔係咁好先再問你攞資料。

我都係用耳探，平時返學都係姐姐探的。囡囡今日只係 38 點幾左右，如食左退燒藥就 37 點幾，但唔知點解個身體都重係好似發燒個隻熱咁?我唔識點表達，希望你會明啦?

IRON

hi hktt,

妳女女點呀?? 呢個天時真係要小心d.
講起工人呢家野, 請到個好既真係要講運, 我覺得好似去酒樓食飯咁, 唔滿意都唔敢大聲, 因為唔知佢會加d"咩料"俾妳食, 去酒樓仲話好, 唔鍾意咪下次唔幫襯囉, 工人要日對夜對, 妳話激唔激! 我果件咪一樣, 試過係房同仔仔玩, 聽到仔仔打晒噴嚏入去睇, 仔仔成身涼冰冰, 問佢仲傻下傻下咁, 激死! 好彩後黎無傷風, 仲要好聲好氣教佢下次要點點點. 基本上仔仔我全程跟到足, 只係去廁所同偶然好倦要訓半個鐘外要佢單獨睇, 如果我要返工就老早炒左佢, 因為根本對佢無信心, 佢既好處只係仔仔由細見到而家, 佢又幾識同仔仔玩, (乙水)得仔仔開心; 我老公話換工人駛多d$$唔緊要, 問題係分分鐘新仲衰過舊, 又要重新訓練過, 而且仔仔未必會鐘意, 唉, 總之頭痕係啦. 妳要返工仲麻煩, 唯有提醒佢多d, 等佢上心d啦.

IRON

hi littleeva,

點解咁得意叫"比華利楊楊"既?? 係miss叫定係子軒發明架, 哈哈. 我同老公講仔仔粗魯左好多, 唔知係咪俾人蝦, 佢話唔打緊, 仔仔以前太斯文, 應該出去感受下點樣可以"遇強越強", 我話同人打交好咩, 佢話有miss睇住大件事應該無, 小事咪用細路仔既方法解決囉, 真係俾佢激死, oh......
傲楊著4號, 恤衫只袖都長喎, 子軒岩咩?? 不過有袖扣都唔打緊, 條褲都長一吋, 今日洗左睇下有無縮水先改. 校長教唔駛成日洗因為洗得多會甩毛, 用濕毛巾加蒸汽熨斗就ok.

IRON

hi littleeva & hktt,

今日何主任打黎問要唔要約見英文老師(11月1日), 妳地有無約呀??

hktt

hi littleeva & iron,


想請問大家，抗生素如要食就要食完為止，但可否唔食呢? 因我怕食得多唔好。

何主任都有問我要唔要約見英文老師，我話無必要姐。見家長唔係只見班主任就ok咩 (除非有指定要同家長傾)，如要見英文老師，咁咪要見埋國語老師law。不過呢d都係我讀書時的觀念，係唔係時代唔同左呀!可能我太out啦!

hktt

IRON,

琴晚同囡囡出 MONG KOK 睇醫生，食左藥就退左，藥力過左都係會燒返，e+都係38點幾左右，成日咪貼住退易貼law。

真係好羨慕你可以唔洗返工，可以照顧囝囝，唔洗好似我咁成日驚工人會對囡囡點點點!因為工人係你面前一套，係你背後又另一套 (可能唔係個個工人都係咁，都有將心比己的工人的，我諗咋)，所以成日都好擔心嫁!

littleeva

HI HKTT & IRON

抗生素一食就要食晒成個療程. 否則下次d細菌會勁d 和有抗藥性.

何主任沒有問我要否約見英文老師. 如問我會約見, 我的諗法是聽多一個人的意見是好的. 例如班主任話小朋友上堂肯主動答問題, 如果多一個老師都係同一樣咁講小朋友. 咁我會好信老師講.

即是好似我地有事睇醫生. d 人都會suggest 睇多一個, 問多一個醫生意見.  

hktt 我都好明白要返工而小朋友又病左的心情.  惟有諗這是她成長的一部份. 小病是福. 將來您囡囡會有好好的抵抗能力,身體一定好強壯.

iron  因為學校有d 同學名 同我仔的表姐相同名. 有時我仔會話係比華利果個xxx 唔係xxx表姐. 所以我諗佢會講 比華利楊楊.  我昨晚又再問他, 誰是傲楊 . 仔仔話坐係子軒張抬.  我諗係真掛. 我仔好容易會先入為主. 佢仍然話唔同柏軒玩, 柏軒推子軒. 我唔想仔仔唔喜歡某一個同學.   我希望仔仔大方d, 唔好記住d小事.  我都係問下何主任如何!

IRON  您老公和我老公的諗法差不多. 仔仔未返學, 好細膽.  表姐仔搶佢d玩具. 佢不會哭. 任人搶. 初上學何主任話仔仔完全冇意思要搶番. 任人搶. 但後來仔仔識得望住何主任. 咁何主任就幫他取回. 慢慢仔仔識得同何主任講小朋友搶他玩具. 再後來何主任不再幫他取回. 只是教他同小朋友講大家一齊玩.

我諗成長係咁掛. 而家仔仔都粗老左, 會話人. 已前佢唔係咁. 我老公話正常.

hktt

littleeva,

多謝你地的關心，我決定比囡囡食抗生素，希望佢會快d好番，可以參加明天的 halloween party 啦!

yinyinma

大家好!

岩岩加入無耐, 我仔仔10月起已返"比"n1, 唔知係咪同妳地bb一班?? 希望大家交流下, tks.


yinyinma
    

hktt

yinyinma,

咁岩大家都係讀 "比" 呀，又多個媽咪交流啦。

你個BB係囝定囡呀?幾月出世呀?

IRON

hi yinyinma,

歡迎加入. 妳係咪全職媽咪呀?? (我好想搵到個可以等放學時傾下計, 呵) ^_*

IRON

hi hktt,

聽日女女返得學未呀?? 我想睇相睇到佢喎, 嘻.

抗生素真係要依足食晒架, 有d醫生落手好重, 我朋友個女女家下次次都要食先有效, 妳果個係咪出世跟到而家架?? 我仔仔果個就係啦, 個醫生唔係次次俾藥(除左高燒), check晒耳鼻喉肺......之後就叫我走, 日日抱去覆診俾佢check下, 又真係無事喎, 佢話係仔仔自己d抵抗力win左.

IRON

hi littleeva,

明白, 原來子軒係咁既意思. 咁佢有無講柏軒坐邊呀??

妳都講得好有道理, 不過我再問過何主任, 英文老師講既野同班主任有咩唔同, 佢話無乜大分別, 因為miss lau都係跟足全程, 都好清楚小朋友既野, 只係英文老師會再著重講下英文堂小朋友既表現, 介紹課程同埋問下我地家長有咩提議. 因為我仔仔病完又到個工人病岩岩至好返, 我老公唔想佢單獨對住仔仔咁耐, 所以我都取消左, 咁妳聽完講返俾我知好嗎??