比華利幼兒園.

littleeva

我仔 18 個月時開始識講野. 一個月比一個月多d.  基本上佢可以表達自己, 不過他生性怕羞,內向. 見到陌生人就唔講野. 在家就不停口.   咁大個見到陌生人仍然哭.  所以我都好奇怪佢返學只哭了兩天.
何主人建議我讀全日, 咁仔仔會多d 同小朋友 接觸. 會好d.  
而且可以學會自理自己. 我叫仔仔試下自己著襪. 點知佢同我講 : "自己著會臭,  要姐姐著先至得" 冇人教過佢咁講. 您話係唔係比佢激死.

iron 我問過仔仔 佢話冇小朋友哭.  我諗何主任講得對. 入到課室唔哭嫁啦. 初初我仔都係咁. 我唔信何主任. 試過 2 次接佢放學 , 我要求何主任 比我在門口裝下佢上堂, 點知佢真係唔哭, 而且還很專心地聽老師講故事 .  我才信何主任講我仔冇哭.  



   

hktt

IRON,

咁邪!我囡囡又係好似你囝囝咁好多汗嫁，唔會吓，咁我要小心d啦!

住村屋有呢樣好羅，有得泊車。不過養狗就唔會住，雖然囡囡極之鍾意狗，一見倒就係咁追住。搬黎果時為左養狗呢樣野都同老公有意見，其實我地都好鍾意狗，但囡囡實在太細了，怕有危險。

我囡一d都唔叻，要成二個月先叫好d，講出來比人笑!!

littleeva

HKTT

我仔就極次鐘意 DOG, CAT..  而我就係極唔鐘意.

有次仔仔冇端端講 話 "子軒大個有 DOG DOG"

我一定唔會養. 我好怕. 怕的程度是去到 比晒全世界D錢我, 我都唔會養.  我真係好怕.  

hktt

littleeva,

我都有少少驚的，但又無你驚到咁樣。我個囡連變色龍都唔怕，所以話小朋友重未知有d動物的可怕啦。

而我老公係一個好鍾意動物...總之佢好鍾意大自然既人啦!特別係釣魚，佢可以唔返屋企釣魚釣通霄嫁，有時連續去幾日都得，好乞人憎。

IRON

我仔仔終於今日返三個鐘啦!!! ^_* 返學分離時都仲有少少鳴...... 放學我地一早去排隊, 第一個去課室門口, 佢見到我連書包都唔要就沖出黎, 好似相隔成個世紀咁, 呵. 搞到爹地想睇下佢坐邊個位都唔得.

hi littleeva,

何主任同d miss真係幾有辦法, 尋日仔仔走時講何主(任字講唔到)bye bye; 下午同佢去shopping又識同工人講all all 又識指下邊, 平時我地問佢佢淨係搖頭, 一陣就all濕地下; 返黎聲氣都多左, 聽到音樂或歌仔即刻郁身郁手, 我開始有d信心, 少d擔心(之前真係好擔心)

我都只係鍾意睇動物, 自己養就咪搞啦, 同一層樓有人養狗狗, 不過唔係我呢邊, 但天熱時行到電梯口都聞到陣味, 我仔仔就好鍾意次次出街都走去睇, 但我唔會比佢行咁近, 起碼隔成四五步.

hi hktt,

係我仔仔既經驗, 妳女女未必係咁既, 不過妳都留意下囉.

妳老公會去幾日釣魚?? 咁邊個照顧妳地?? 佢都幾瀟灑喎, 呵呵. 我果個就係住家男人, 一放工即刻返屋企同仔玩, 以前都有話同d同事去tea, 有左仔之後就仔大晒, 或者佢地潮州人真係好重視仔卦, 我覺得佢緊張個仔仲多過緊我呀. >.<


***幾時放學可以見到妳地呀??? =^0^=

littleeva

hi iron

好開心聽到您仔仔開始返3個鐘. 佢應該已在適應中, 這兩天我問仔仔有冇小朋友哭.佢話冇LU.  
之前問佢,佢話有小朋友哭. 我問佢小朋友哭點算. 佢答:收聲LAW.比佢笑死我.

您就好呢,老公咁STICK 家, 我老公都係潮州人不過佢係事業心重的人. 而且要一星期去2 天大陸. 間唔中又要出下差. 唔係狩多時間陪我地.

hktt

IRON,

咁就返三個鍾啦，真係快，咁我地咪可以同一時間接放學羅，跟住一齊 tea 羅，真開心。

無法啦佢有手有腳，我都管佢唔倒!不過佢做野真係好幸苦，有時聽佢同d客傾野都好勞氣，同同事又係咁，都唔知d同事點服佢。我就為有自已照顧自已同囡囡，不過我已習慣了。

你好幸福呀，老公咁好。

hktt

littleeva, iron,

剛和何主任傾完，佢話 e + 多左四個新的小朋友，有個重要細過紫晴，個個都已經無哭了。

littleeva

我都好耐冇打比何主任了.

唔知幾時換季? 下星期開始轉涼. 子軒著條短褲仔.我怕會凍.

hktt

littleeva,

d女同學重涷呀，係裙底走入去，諗起都驚，因我又好怕涷。

IRON

hi littleeva,

妳仔仔咁識講野肯定做領袖生, 哈哈哈.

係仔仔開學前一晚, 我剎有其事咁讀學校比果份野我老公聽, 即係bb返學後可能會有情緒不安, 食慾不振, 腹瀉等症狀果份, 但尋日我比佢窒話似乎講果個係我唔係仔仔, 仔仔返黎不知幾掂當, 真激死! >.<

IRON

hi hktt,

係喎妳女女著短裙仔咪好凍?? 妳地買左冬季校服未架?? 我尋日先幫仔仔去買對白鞋仔今日著, 因為佢腳面厚, 學校賣果對整到只腳面紅左同凹左.

我老公因為返呢份工先咁得閒; 不過我好懷念單身既日子, 而家湊仔真係好辛苦; 尋日仔仔返三個鐘我地兩公婆去美心嘆茶, 係2年3個月以黎第一次好舒適咁食野, 唉. (平時一開始就顧仔仔食, 一陣又all all, 食飽又唔坐要出商場行, 兩公婆無時坐得定, 就算比工人睇住係出邊都心掛掛, 求其快d食飽就閃)

littleeva

HI IRON

我仔仔在家講好多野. 不過出到去聲都唔聲下.  係怕羞仔一名.

今朝我返工仔仔同我講 " BYE BYE 慢慢行,小心D"
您知唔知點解佢會咁講, 就係我奶奶次次來我家走時我都係咁同我奶奶講.  

我而家會報個PLAYGROUP 比佢返下.  希望佢唔好太怕羞.  

睇見您和您老公的生活, 真係羨慕死人啦. 您地結婚幾耐呀?

hktt

IRON,

冬天校服何主任話要十一月先有得買，死啦到時唔知涷唔涷呢?我果時就無係學校度買鞋，係千色度買架。

嘩有無咁正，可以嘆茶咁好，真係寫意的生活啊，你地好似新婚咁呀。飲茶呢家野以前只係係星期六、日至做倒，不過依家就無呢支歌仔唱 law。

homingm

Hello! 各位媽媽：

你o地要唔要比華利女仔冬季校服呀？我朋友個囡囡先前係比華讀過下幾個月N1，但因sars之後退o左學，d冬季校服都係好新的，有d仲係全新的，有興趣請留言。

hktt

hi homingm,

如你朋友唔要，可以給我嗎?我囡囡 e+ 就讀 n1。

homingm

hktt

我朋友話d冬季校服包括:校褸，校裙，恤衫+呔，運動衫褲，冷衫，仲有一件未著過的夏季校裙，佢話平平d收番$100 bor，佢想問如果你有《兒童的第一個六年》及《兒童的第二個六年》呢兩本書亦都可以作交換。

IRON

hi littleeva,

我夠羨慕妳仔仔識講咁多野咯, 佢上午返完學仲要返呀, 會唔會好辛苦?? 下午唔駛訓教教咩?? 今日同何主任通電話, 佢話我仔仔食野好掂, 自己飲水自己食包包自己搵毛巾擦咀, 嘩, 佢個衰豬係屋企乜都好似唔識乜都唔做, 真係比我地就慣晒, 要試下叫佢自己做番, 原來好掂當既, 嘿.

我地岩岩過左七年之痒呀, 呵呵.

IRON

hi hktt,

今日睇到要買冬季啦, 妳就好啦100就搞掂囉, 呵. 我都好擔心下星期唔知會凍成點, 成時捱到換季, 星期日去買d厚長"物"頂住唔知得唔得呢.

辛苦左兩年先開始有dd私人時間喳, 不過keep住有單身既感覺係我地維持婚姻既方法, 未有bb之前每年既相識日我地都會同一時間分別去番同一地點等, 再重復當年既節目, 可惜當年食過果間餐廳已經執笠囉, oh......

littleeva

IRON

我打得唔清楚tim 我仔是星期六下午才返playgroup. 是做手工 & 畫畫. 佢好鐘意嫁.

平時回家 12 時半 沖涼食飯. 2時半訓 至 5時.
晚上 11時訓 至 8時.

hktt 您就好啦. 不用煩訂校服. 係呢 iron 您每衫 同褲 訂幾多件 ?  我夏天都係每樣一件. 冬天唔知長褲要不要日日洗 ? 衫 我諗即日洗, 第二日都會dry, 係怕條"用"褲 洗了唔dry, 買 1 條or 買 2 條 好 ?

iron 您仔好叻呀. 自己食野. 我仔就......., 在家食包包要姐姐拿住, 食飯要姐姐餵 . 著襪要姐姐著.(佢話自己著會臭)晨早起如冇人在房 佢一定嗚嗚嗚...再冇人佢就會哭. 好唔獨立
如果出年再係度讀幼稚園, 我諗都要轉全日. 比佢學下自己做番自己d野.