想問關於九龍灣德福幼稚園的資料, 知道請過d料啦!

LeeLing

田田媽咪，
我今日無乜點睇到d相，不過廖老師話系角落頭果兩張至有我囡囡！個燈籠我都吾系太識形容啊！正面睇只見到好似個四方盒甘了！我都想整個大頭相系bk度，但因size吾啱整到啊！我又吾識整喔？

fostermak

小力&mama :
呢幾日囡囡唔肯食藥,唔肯食奶,擾攘左一大輪都遲到,所以仲未到校長相認,不過就同左呢度德福媽咪相認咯,希望下次見到你啦...     

littledada

各位媽咪,
妳好
好開心今日與一班德福媽咪一起去了"大榮華"飲茶!    今天沒有試真d食物, 下次要試下其他菜式先.............哈 哈........其實我們一家都很為食的.

我囝囝讀N1A, 許老師真的很好很愛小孩子及了解他們不同的需要, 像我這位愛哭愛爹愛抱的大少也可以對她十分信任................真的感謝主的安排!

onon媽咪, 你的囝囝真的好熱情,我覺得他會是一個好哥哥, 可以保護妹妹.

fostermak

各位媽咪:
好開心見到你地,仲有去嘆茶,不過坐得一陣間,真係唔係好夠,希望下次再約過

onon328

"大榮華" 聚會mama,  

請pm e-mail address 比我 send photo 比妳哋..

littledada,
哈哈...妳個仔影相好似比我仔(協持住)咁.. 唉... 安安真係太過熱情 ^^^

fostermak,
下次再約過, 不過要星期六日, 我唔可以成日請假.....

onon328

littledada, fostermak,

Pls check e-mail.

田田媽咪

onon328,
軒軒越黎越咳得多,我尋日帶軒軒睇多次劉小析醫生,医生話會再開重D藥,吾知点解我仔仔無好D反而今日仲流埋鼻水,吾通真係要睇返范医生?? :cry:

gobby媽媽

Hi 田田媽咪,
軒軒越黎越咳得多你小心是哮喘, 是否晚上咳多d?
我仔仔睇果個兒科好好, 而且她是兒童胸肺科專科, 診所位於美孚, 收費合理兒科$280特別約另計, 可以去睇下.

Carmen2004

Hi 德福幼稚園的家長，

我和我個囝在昨日到德福interview。 和我interview的老師是吳老師，都好好人，好有愛心。Interview之後，吳老師便立刻通知我，收了我個囝讀明年的Ik1。真係快！我以為要等大約兩個星期先有通知。知道後當然好開心啦，因為德福是我其中一間好想入的kindergarten。

但我想問問大家小朋友讀international 的家長，小朋友的英文水準怎樣呢? 是不是有好多機會講英文呢? 請帮忙。
  

LeeLing

田田媽咪，
我囡囡睇開淘大吴醫生，我覺得佢幾好架！我囡囡試過肺炎，佢要求我一定要返去覆診照肺，但我吾知自己因乜事吾記得，我估應該系因為阿女好返無著件事，隔著幾個月囡囡又去睇佢，佢問返我上次點解無來覆診，我口啞啞。 佢話佢吾會亂甘叫人覆診，只系怕肺炎未清得晒，會有手尾跟。我不知幾吾好意思啊！
另外，我之前個老板娘都介紹佢俾我睇，我老板娘住九龍塘架！佢d女依家都12,3歲，佢話佢哋細個都系睇開吴醫生，依家就多數睇北角中醫，我問點解甘遠都來睇佢，老板娘就話吴醫生睇得幾好，好準，反正佢哋都系觀塘返工甘話！我女睇親吴醫生，頂多睇兩次就好返。你可以去試下架！
希望你囝囝早日康復啦！

WaiWai媽媽

田田媽咪

靚仔軒軒點呀?好返d未?最緊要唔好Fever,飲多d暖水,禁Dr. Lau話佢咩呀,十一月係流感高峰期,小心d呀!唔好帶小朋友去禁多商場行街街

WaiWai媽媽

littledada, fostermak

好開心認識你地 田田媽咪同onon328之前已經識左,原來講起湊仔湊女經真係可以滔滔不絕,五個女人真係有幾個虛 希望有時間再約會,又或致電給我

係呢田田媽咪,littledada你地買唔買到d Cream 呀?

在此祝各人及家人身體健康!

Carmen2004

hi Thomas&mama,

其實當日考試都只是老師比我個仔玩一D blocks、另外把一些珠珠用spoon放在一個碗中。之後又有放puzzle等。好簡單，不用擔心！
我選了上午班。我還有兩間幼稚園要考，但我多數會比我個囝讀德福幼稚園。祝你成功！

onon328

田田媽咪,

軒軒尋日睇多次劉醫生有冇好啲呀? 真係要小心, 因為呢啲天氣好容易感冒. 如果妳覺得劉醫生唔係好夾軒軒, 妳不如轉睇另外媽咪推介妳個啲醫生, 有時小朋友睇醫生都要講合得來?? 希望軒軒快啲好番.

littledada

田田媽咪,
軒軒康復嗎?

睇完waiwai媽咪話11月流感高鋒期,我都不敢亂同bb去街.

田田媽咪

all 德福媽咪,
好多謝你地關心! 其實我諗住星期一同佢再睇医生,軒軒之前食左成個幾禮拜藥,所以星期曰冇比佢食藥,但冇食藥景然好番好多 日日臨訓同起身刷完牙之後比佢飲杯暖水,對條氣管真係好D!你地係咪大多数都吾去学校旅行  !我仲意為你地個個都會去    !!依幾排越黎越大風,你地記住幫仔仔/女女着多件衫!特別係LeeLing你要着多件衫!   

LeeLing

田田媽咪：
多謝你關心啊！我囡囡會由爺爺湊去学校旅行。

all 德福媽咪，
我囡囡中著招了，擒晚開始有少少咳，依家仲有少少燒添，不過食著藥了，明日睇情況至再睇醫生了。記住幫仔仔/囡囡着多件衫；蓋好張被了！

fostermak

田田媽咪 & LeeLing:
希望你地兩個小朋友快d好番啦,天氣轉,加上返學,真係好易病,餵藥食藥都好辛苦

Thomas&mama:
我記得舊年年尾去德福幼稚園o既open day,K1普通班同國際班d課本係唔同架,國際班多好多英文書,中文書少好多,

Carmen2004:
你仲報左邊兩間幼稚園呀?我今個禮拜同囡囡去崇真int呀,唔知囡囡鍾唔鍾意果間呢?

onon328:
收到相,唔該晒!!!下次約星期六或日都好,可以帶埋小朋友出黎玩