想問關於九龍灣德福幼稚園的資料, 知道請過d料啦!

田田媽咪

fostermak ,
其實我之前都打電話同廖老師講過,佢話幼稚園同幼兒園D老師係分開,我都會支持妳做法!   
onon328 :
安安係咪由細到大都睇開劉小析兒科醫生?係咪專兒科?吾該哂!!
LeeLing,
你1D班菠蘿組識得邊個同学仔呀??
all 德福媽咪:
我仔仔星期一同今日都冇返学,又咳又流鼻水,一到夜晚一定燒到39度以上 希望今晚冇燒,明天可以返学啦!! :cry:

LeeLing

田田媽咪，
得七個同學仔，每一個我都有聽阿女提起過，菠蘿組我只識第一日已一起返學嘅文天朗者！頭先阿女話琳琳都系菠蘿組喔！仲有一個我系吾識架！因佢第一日返學系返第二段時間架！仲有提子組我都識YoYo同偉偉，因佢哋第一日返學都系第一段時間架！

田田媽咪

onon328 :
我夜晚6点帶軒軒去左劉小析兒科醫生度睇!醫生話仔仔喉嚨發炎,開左抗生素!但我仔仔返到屋企餵佢食葯,食都吾食,要食返之前范醫生D葯.跟住我話麒安都係喺度睇醫生食葯葯,佢先肯食,食到第2支葯水,佢一啖同我嘔返哂出黎 :cry:

田田媽咪

LeeLing,
我老公個朋友個仔係文天朗,但我同我仔仔未見過文天朗,一返到学校,景然文天朗同我仔仔同一個掛書包個位,又會咁啱既,我開頭而簡左下午班,但我老公話讀小学都要朝早起身,所以就轉左上午班,我仔仔未開学既時候,晚晚都1点至2点訓,開頭仔仔返学好辛苦,但而經習慣左,返左上午班仔仔精神左同有規律左,D時間好用左好多!

onon328

田田媽咪 ,
安安之前係淘大睇, 後來我有個朋友介紹話比我聽劉醫生係兒科醫生, 咁咪去試吓!睇完一次我又覺得佢幾細心又收得平, 安安又夾到. 而家安安妹妹都係睇劉醫生ga!
又咁啱...??我琴晚約6:30又帶咗妹妹去睇劉醫生.
軒軒而家好d未呀? 比多d水佢飲. 快d早日康復.
星期五我朝早會送安安返學, 會約埋waiwai mame 食早餐,影下相, joy together lar!!

WaiWaima,
妳去咗邊樹呀? 咁耐都唔上嚟?? friday...what time?? where??

fostermak ,
27/10時裝打扮節, 妳諗住同囡囡扮咩呢?
係呢! 妳係唔係在職媽咪嚟? friday..do you interest in breakfast??  

LeeLing

田田媽咪，
我都系見過文天朗媽咪一次者，都系第一日返學至見到佢，跟住就一路系佢婆婆湊佢啦。

fostermak

田田媽咪,小力&mama & onon328:
我今早見唔到校長,於是托校務處職員轉交左封信俾校長,
校長好快回應,隔左一陣就打電話俾我,表示會問番果位老師及派主任留意老師上堂情況,了解詳情後遲D再致電俾我.
她並且澄清個位老師係教全日而唔係n1C班(雖然我日日都見到呢位老師坐響n1C班果邊睇幾個小朋友食早點).

校長表示該名老師任教兩年,一直得到家長讚賞,平日說話細細聲,不過眼仔碌碌,唔笑果陣,個樣會好惡,校長亦話曾經因為咁誤會左佢,不過,我已同校長一再表明該名老師果日係指住小朋友額頭責罵,跟住質佢飲水,再扔佢條毛巾,呢個係侮辱性行為,校長保證,話會響不公開發信家長的情況下,同呢位老師跟進...希望校長真的如此.
再有進一步消息O既話,再同大家分享,希望今次向校方寫信反映係冇做錯啦...

onon328:
我係在職媽咪,日日湊完囡囡返學先返工,你地星期五幾點食早餐呀?同埋響邊度食?如果係9點食到9:30,我都ok架

其實上星期五我擺左烏龍,幫囡囡帶埋套甲蟲衫慶祝生日,老師俾佢著住一陣,我都諗緊今個禮拜係咪著番呢套...

田田媽咪:
我都覺得囡囡返學之後,生活更有規律,至少佢冇賴床,叫佢起身返學就起身,之前佢會喊幾句唔願起身架

原來幼稚園同幼兒園老師係分開架,我仲以為會跟住N1,K1,K2咁一齊升上去教添...

呢派轉季,真係好多小朋友病,我兩個小朋友都病左成個禮拜,本來餵佢地食猴棗散溝奶粉,但唔見好轉,唯有睇西醫,餵西藥仲煩,真係好似搏鬥咁...

WaiWai媽媽

Dear All

歡迎禁多位媽媽加入

維尼熊Pooh:
我個女讀緊中英文班,都會有外籍老師(Ms. Chatherine)教英文及普通話老師教,至於國際班就只用英文及普通話教學,其實好睇小朋友d語言能力黎選擇讀咩班,我個女講野唔係太叻,所以我選擇讀中英文班

WaiWai媽媽

小力mama
你唔駛禁驚,其實德福d老師我都覺得o.k.

WaiWai媽媽

ILoveYou520

我聽朋友講轉左校長d程度深左,自已覺得間學校環境,老師同工友都o.k., 個女讀個班劉老師,廖老師同愛姐都好好,老師對d小朋友都好細心,如果有問題佢地都會打電話比我

WaiWai媽媽

onon328,田田媽咪, Fostermark,

星期五湊小朋友早小小返學記住唔好入課室住呀,影d相先,   跟住約你地去九龍灣大榮華酒樓飲茶,佢地d馬拉糕好出名嫁 , 飲到差唔多就接佢地放學啦

維尼熊pooh

FOSTEMARK, ONON328, WAIWAI媽媽,
其實我已經交咗N1報名表, 揀咗普通班, 因為我驚母語都未講到掂, 而且想佢番上午班, 你地返NI, 會唔會繼續上, 還係會再揀第二揀, 如果遲D轉為非允利, 唔知會唔會有國際班?

其實你地點解揀德福? 我報咗幾間, 到時可能煩究竟讀邊間?

你地去大榮華飲茶, 好多人喎? 因我知好多人專程走去飲茶.

田田媽咪

fostermak:
你兩個小朋友都病左,你同你兩個小朋友多D休息,你自己都吾好咁操勞!你兩個小朋友快D好番!
onon328 ,WaiWai媽媽:
如果你早2日同我講就好,因我剛剛約左我D屋企人入馬鞍山飲茶!所以去吾到 我啱啱軒軒自已簡左件蝙蝠俠衫,但軒軒個頭太大,頂帽有D緊,時裝打扮節, 妳地諗住点樣幫仔仔/女女打扮呢?

田田媽咪

LeeLing:
我今日見到中秋嗰日影既相,諗緊邊個係你女女,你女女揸住点樣既簦籠?等我望下你女女先
ILoveYou520,維尼熊pooh:
首先歡迎你地加入! 我之前同你地一樣周圍留意幼稚園,我之前考慮最緊要間学校環境,同埋佢面試既時候小朋友鐘吾鐘意間学校,我老公個阿哥有個学生係德褔讀,佢上年派左去喇沙小学,個家長話間学校好好,我開頭都有諗過比仔仔讀國際班,但我諗諗下,平時同佢大部份都用廣東話溝通,如果真係比佢讀國際班佢又聽吾明又辛苦,中英文班都有教普通話同英文,所以我比仔仔讀中英文!你地都吾好比咁大壓力比自已!!   

fostermak

WaiWai媽媽:
有幾位媽咪黎架？因為我要返工，坐半個鐘，歡唔歡迎呀？
同埋響邊度等同點樣相認？我淨係認得你地小朋友個樣乍,不如我pm我個手電俾你


田田媽咪 :
多謝你啊,大細b已經好好多,希望食埋今日藥就唔使再餵藥啦

維尼熊pooh:
我報讀德福,因為:
1.九龍灣/牛頭角佢算最有規模
2.係基督教幼稚園
3.有家長話老師有愛心,雖然亦有家長話校務處staff tel manner麻麻,老師一般,我同囡囡黎過open day,上過學前適應班,覺得老師好有愛心
4.鍾意有露天操場俾小朋友活動
5.讀中英文班,因為諗住俾囡囡黎學群體生活,學下禮貌規矩同自理,至於學英文或普通話,我冇請賓賓,暫時係麻麻湊,麻麻唔識字,冇一個語言環境俾囡囡講,我只能夠同囡囡睇英文VCD,唱英文歌黎學英文

我都幫囡囡報左其他區o既K1，亦考慮緊係咪俾囡囡響度讀k1,我ｏ既考慮係：
1.校舍同交通--以德福最近屋企,接送方便,我可以每朝返工前抱佢去學校,望下囡囡上堂情況,先返工
2.升小派位,我報左
--一條龍學校,諗住煩一次,唔駛再過三五年部署小學,中學
--名校幼稚園,希望派間校風好,學習風氣好的小學
3.宗教因素--想搵基督教辦學團體
4.學校著重活動教學/傳統教學/注重個人發展定催谷學業成績--未揀定
5.牟利/非牟利/學費--因為有兩個小朋友,都想平均分布資源響佢地身上,而大b係先頭部隊,佢讀邊間,細妹多數跟佢一齊讀,第日可以一齊返學,放學

onon328

fostermak, Waiwaima,
我pm message for you! see you tomorrow!

田田媽咪,
no problem, next time lar!! 不過明天記住唔好入課室住, 影番d靚相先!!   check pm...

維尼熊pooh,
冇咩特別我都會暫時比我囝囝繼續升上去, 正如fostermak所講, 德福係係九龍灣/牛頭角佢算最有規模幼稚園, 同埋以我所知派位都很好. 不足之處就係k3又要開始煩腦升小一選校問題, 如果選有直屬小學幼稚園咁就可免除升小一選校問題了...

fostermak

小力&mama :
今日校長再來電話跟進,佢話已同該名老師了解情況,
佢o既處理手法係：
1．佢冇直接話俾個老師聽有家長投訴佢指著小朋友額頭同扔毛巾，淨係話校方見到佢餵小朋友ｏ既飲水方法，提點左佢，該老師有歉意．
2．校長試圖平淡呢位老師質學生飲水呢件事，話可能老師餵學生飲水果陣，學生唔肯飲先將個頭挨後，呢方面我亦唔想周旋落去---因為我只想知道校方o既處理手法．
3．校長表示唔會就咁告一段落,會繼續派主任留意呢位老師o既表現
其實我諗左好耐好唔好出信，亦考慮左好多因素，
包括對個位學生o既影響----佢會唔會繼續受到咁o既待遇
對我囡囡o既影響---會唔會被老師針對或冷落或成不受歡迎人物
對果位老師o既影響--會唔會被炒或根本校方容許佢咁做

我唔想因為睇到少少野就亂發匿名投訴信,今次願意同校長表明我係邊班邊個學生ｏ既家長，因為見o既係事實,亦想知道校長會點處理,同埋德福係咪一間值得俾囡囡讀o既學校,定係要即刻同囡囡停學轉校

校長話想同我相認傾幾句,我話冇問題,我會自動現身,但係會唔會俾人點相呢?

維尼熊pooh

多謝你地咁詳盡的回應, 現在做媽咪確係唔容易, 為咗下一代頭髮都白哂, 因為傷腦筋.

直屬小學, 一條龍, 確係煩少D, 但係通常都要俾學費, 因為全部都係直資或者私立.