教育王國

標題: 小朋友好反判 [打印本頁]

作者: sweetapplebb 時間: 21-5-22 11:27 標題: 小朋友好反判

5年級了還有2星期考呈分試，唔溫習。最大問題連功課都拖到最後先做，搞到夜瞓。就算收埋IPad，佢都可以畫畫搞其他野，唔快快趣完成。同佢好好地講唔聽，甚至會發脾氣，根本逼佢唔到。
讀書好似為我讀，不是為自己。老師話佢學校好乖係靜d,估唔到佢係屋企咁樣。
真係擔心讀1間差既中學，人地發力，佢就原地踏步。皇上急，太監唔急，難教

作者: chitchitboy 時間: 21-5-22 14:47

女仔定男仔？唯有慢慢解俾佢知利害

作者: sweetapplebb 時間: 21-5-23 13:47

女仔

作者: Jane1983 時間: 21-5-23 16:11

佢一直都係唔鍾意讀書、做功課，定係突然咁樣？

呈分上好中學係緊要，但上到之後仲有讀落去的問題，你要搵到佢點解唔肯做唔肯溫，咁唔在乎的理由。否則，而家佢仲細，你可以用父母的威嚴夾佢溫，升中後仍有漫漫長路。

作者: ferrymama 時間: 21-5-23 16:29

女仔差唔多青春期，我朋友個女都變左另一個人咁...你要加油

作者: qpalzm 時間: 21-5-23 20:01

sweetapplebb 發表於 21-5-22 11:27
5年級了還有2星期考呈分試，唔溫習。最大問題連功課都拖到最後先做，搞到夜瞓。就算收埋IPad，佢都可以畫畫 ...

非常明白你的無奈, 好似一條蛇鞭極都係一條蛇咁。
你要事事一對一, 人釘人咁教先有進展, 唔係一睇少眼就發夢。但幫得太多呢, 又驚佢太依賴, 唔知幫得佢幾多年。

放手呢, 成績立即下滑, 怕佢派去間band 3學壞, 唔知幾時先開竅, 或到開竅個時已落後太多。

作者: sweetapplebb 時間: 21-5-26 19:20

本帖最後由 sweetapplebb 於 21-5-26 19:21 編輯

回覆 sweetapplebb 的帖子

自從4年級疫情開始改變，整個人鬆曬.同埋反判期，唔會聽人講，講得多，嫌囉嗦。我返part time冇可能一直叮住佢。返半日學番屋企，叫佢做功課唔做，拖到夜晚先做，大家都唔够瞓，我又要早起身，返工冇停過手，還要買餸煮飯，身心疲倦。

作者: 宮二 時間: 21-5-26 20:19

叛，不是判

作者: rainbowcov 時間: 21-5-28 15:34

sweetapplebb 發表於 21-5-26 19:20
回覆 sweetapplebb 的帖子

自從4年級疫情開始改變，整個人鬆曬.同埋反判期，唔會聽人講，講得多，嫌囉嗦。 ...

完全明白, 很多小朋友疫情, 由於太耐無返學, 成個人散了, 疫情前都唔錯的, 但疫情後真係無野講, 始終係細路, 一鬆散左就好難捉番緊。
加上青春期, 你千萬不要同佢硬碰硬, 要循循善誘, 用其他方法代替講的方法。

另外, 可否一星期可否買一兩次外賣, 咁晚上可多些時間自己休息, 和顧下囡囡。

作者: sweetapplebb 時間: 21-5-29 19:33

回覆宮二的帖子

謝謝提點！

作者: sweetapplebb 時間: 21-5-29 19:34

回覆 rainbowcov 的帖子

謝謝回應，好提議！

作者: nancyngai79 時間: 21-5-31 03:03

有時自己唔忍心罵佢，我個都會駁嘴，只可以靠功課班姐姐搞定佢每日功課温習。

歡迎光臨教育王國 (/)