教育王國

標題: 有冇人因為子女不喜歡讀英小而放棄直私offer去大抽獎？ [打印本頁]

作者: MANYANGBB 時間: 21-2-28 15:20 標題: 有冇人因為子女不喜歡讀英小而放棄直私offer去大抽獎？

一路走來，目標係直私小。但某日閑談中小女告知，她喜歡讀中文小學多過英文小學.....

小女就讀K3地區私小，中文程度較好，英文一般。

其實我最擔心係佢對英文嘅吸收能力，只怕佢讀得辛苦及變得對讀書冇興趣！

當然，我哋大家都知道直私資源充足及其好處；但係我哋應否要尊重子女嘅選擇去揀？還是我們自己做家長嘅去決定？身為家長們嘅你哋會如何去考慮和決擇？謝謝

P.S. 如果有龍校offer又會點揀？

作者: xubin2008 時間: 21-2-28 15:56

回覆 MANYANGBB 的帖子

老實講，我會，但其實很多直私是中文小學啊，你考之前就應該考慮小朋友的想法而去選擇小學啊，怎麼等到依家來問呢個問題

作者: Babyfungmama 時間: 21-2-28 15:59

小女鐘意中文，我覺得既然佢咁講就選擇中小較好，或你試下講多d英文既好處，例如英文可以併出來好神奇，鐘意英文將來可以同媽媽一齊去其他國家認識呢個世界，將女兒鐘意做既事情演講成英文既好處，直私有中文小學，介唔介意講下有邊間offer，再研究一下適唔適合你女兒

作者: mcl203 時間: 21-2-28 16:00

MANYANGBB 發表於 21-2-28 15:20
一路走來，目標係直私小。但某日閑談中小女告知，她喜歡讀中文小學多過英文小學.....

小女就讀K3地區私小 ...

都係要睇返你有乜直私小和津小係手或目標，先可以去比較。仲要睇埋小朋友本身你認為佢嘅性格態度和潛在能力，否則，太空泛～～～

作者: b3410 時間: 21-2-28 18:08

小一，已經開始擔心英文？萬事剛剛開始而已。
雖然我覺得中小/英小，直私/官津，其實都各有各好。不過，如果純粹因為擔心英文跟唔到，好似唔係一個放棄的理由？當初點解要去考，打算入讀的原因？小朋友有幾抗拒去讀？有冇其他因素考慮？畢竟小朋友你哋自己最了解。

作者: MANYANGBB 時間: 21-2-28 19:42

Babyfungmama 發表於 21-2-28 15:59
小女鐘意中文，我覺得既然佢咁講就選擇中小較好，或你試下講多d英文既好處，例如英文可以併出來好神奇，鐘 ...

謝謝你的提議，非常好(emoji)(emoji)

其實小女未有任何offer, 只有3間waiting, 另1間等結果，不過想問定大家嘅意見萬一女兒咁幸運有call waiting或offer(emoji)

作者: MANYANGBB 時間: 21-2-28 19:43

mcl203 發表於 21-2-28 16:00
都係要睇返你有乜直私小和津小係手或目標，先可以去比較。仲要睇埋小朋友本身你認為佢嘅性格態度和潛在能 ...

Thank you

作者: MANYANGBB 時間: 21-2-28 19:44

b3410 發表於 21-2-28 18:08
小一，已經開始擔心英文？萬事剛剛開始而已。
雖然我覺得中小/英小，直私/官津，其實都各有各好。不過，如 ...

Thank you

作者: mcl203 時間: 21-2-28 19:54

MANYANGBB 發表於 21-2-28 19:43
Thank you

作為一個前英小家長嘅觀察，根本唔使太擔心科英文，眼見啲學生經多年英語培訓，無一個學生係英文學習上仍係跟唔到，若該英小係富有辦學經驗，自然有方法令學生融入當中模式，始終不論直私官津，學生水平係不一嘅。當然，若有家庭適當支援更好～～～

所以，要視乎你有甚麼offer係手～～～

作者: MANYANGBB 時間: 21-2-28 19:59

mcl203 發表於 21-2-28 19:54
作為一個前英小家長嘅觀察，根本唔使太擔心科英文，眼見啲學生經多年英語培訓，無一個學生係英文學習上仍 ...

明白....是我多慮了！如果有offer到時再請教大家(emoji)(emoji)

作者: lovelovebabe 時間: 21-2-28 23:53 標題: 回覆樓主:

我同你掉返轉，我個小朋友英文理解和表達能力較強，希望佢將來各科吸收得輕鬆些而選擇讀英小，當然在中文這一科要繼續加把勁。如果我同你是這樣相反，你小朋友就應該係讀中小較合適？

作者: jennylady 時間: 21-2-28 23:57

回覆 MANYANGBB 的帖子

一個五六歲的小朋友唔會識選校，只是無信心而已而且英小應該不會是全英
好似sfa
話就話英小
但其他科目都係中文教...
了解了學校的教學語言未？

作者: 964000 時間: 21-3-1 07:08

MANYANGBB 發表於 21-2-28 15:20
一路走來，目標係直私小。但某日閑談中小女告知，她喜歡讀中文小學多過英文小學.....

小女就讀K3地區私小 ...

其實你不用刻意強調是英小，local的英小又不是轉國際學校其實唔係好覺，初小的東西比較淺，佢唔覺唔覺就慣，你平時倍佢看看英文卡通睇吓淺淺地的英文書，不要有怕了英文的感覺，她只是信心問題，學校收得你就覺得你英文不是太差應付到。
佢本身中文強其實有優勢，keep住就唔怕等日攪到英強中弱。Make sure佢phonics ok英文會易好多。

作者: chriskaan 時間: 21-3-1 09:30

我會俾小朋友自己選擇 , 始終讀書果個係小朋友而唔係我 , 雖然小朋友現時只有5-6歲 , 但佢地會知道用邊個言語學習會比較容易 , 而其他家長亦講得岩 , 有好d英文私小/直資 , 都未必係所有科目用英文教 , 我覺如果 waiting 中的學校 , 可以先了解邊D科係英文教 , 看看小朋友能力應唔應負到 , 如果覺得吃力 , 就直接等大抽獎算了

我小朋友平時覺得佢成舊雲咁 , 就是問佢N次 , 要讀中文學校定英文學校 , 佢堅決要英文學校 , 所以我絞盡腦汁 , 幫佢考入一間真正全英文的小學(只有中文科用普通話教) , 只想佢學習時吸收得更好 ,

希望你小朋友可以入到適合自己的小學 , 可以愉快學習

作者: mcl203 時間: 21-3-1 11:43 標題: 回覆樓主：

本帖最後由 mcl203 於 21-3-1 11:46 編輯

好有趣！若果係本地真英小，上堂用英文搞得掂，相若去到國際學校就會搞唔掂？又或者，係國際學校上堂搞得掂，課餘時溝通又搞唔掂？難明當中嘅分別～～～

現實，又唔少本地小學生轉國際學校，一樣唔存在大問題。適應就可能要啲時間，始終模式唔同，學生交流亦會有啲唔同～～～

作者: mimi222shi 時間: 21-3-1 11:53

同樓主相反
我小朋友當初堅持讀英小,小學英文科成績一直前列,亦無補習.

幼稚園已經要中英並重
全港英小唔係多,不過,最重要係適合！

作者: MrBeast 時間: 21-3-1 12:33

本帖最後由 MrBeast 於 21-3-1 12:38 編輯

MANYANGBB 發表於 21-2-28 15:20
一路走來，目標係直私小。但某日閑談中小女告知，她喜歡讀中文小學多過英文小學.....

小女就讀K3地區私小 ...

咁細小朋友考慮唔會周全，e加唔係去買麥當勞，但又咁講，既然佢強項是中文，咁至少可以cross out 全/真英小（唔會好多），之後就睇佢有乜offer, 事實上小一遊戲大多是學校揀你，不是你揀學校。
ps 有龍㨂龍

作者: MANYANGBB 時間: 21-3-1 16:56

lovelovebabe 發表於 21-2-28 23:53
我同你掉返轉，我個小朋友英文理解和表達能力較強，希望佢將來各科吸收得輕鬆些而選擇讀英小，當然在中文這 ...

謝謝你的分享

作者: MANYANGBB 時間: 21-3-1 17:04

謝謝各位家長們的寶貴意見

作者: b3410 時間: 21-3-1 17:23

MrBeast 發表於 21-3-1 12:33
咁細小朋友考慮唔會周全，e加唔係去買麥當勞，但又咁講，既然佢強項是中文，咁至少可以cross out 全/真英 ...

5,6 歲喎，如果平時唔係屋企講開英文，就算讀英文幼稚園，也未必會強勢英文。咁早決定教學語言，是否太早？唔係話一定英小好過中小，其實我一直反對選小學只睇“英小”兩個字，而唔係全盤考慮。
總體來講，小學的教學語言，應該唔係選校的主要因素。教學語言，更加唔係一個需要去擔心的因素。

作者: MrBeast 時間: 21-3-1 18:22

b3410 發表於 21-3-1 17:23
5,6 歲喎，如果平時唔係屋企講開英文，就算讀英文幼稚園，也未必會強勢英文。咁早決定教學語言，是否太早？ ...

其實全/真英小應該唔係好多間，樓主話英文一般，唔sure 什麼程度，若真的一般，dg, tsl 大多陪跑, 不考也罷，大家唔使咁肉緊，spcc 是中小，可以試下

作者: b3410 時間: 21-3-1 21:46

MrBeast 發表於 21-3-1 18:22
其實全/真英小應該唔係好多間，樓主話英文一般，唔sure 什麼程度，若真的一般，dg, tsl 大多陪跑, 不考也罷 ...

我以為考到想放棄。如果未考，咁考慮清楚都好。

作者: scgift 時間: 21-3-2 23:12 標題: 回覆樓主:

我小朋友係中文強過英文好多，讀緊英小小二(除中文科外所有科目均是英文教授)，完全冇問題呀。未入學前佢都有點擔心全英文上堂，但一返學佢就好開心好鍾意學校，好快連自言自語都講英文(一向在家只講廣東話)。

個人覺得中文強讀英小很不錯，因基本上不用點理科中文，又可提升英文能力

作者: EudyptulaMinor 時間: 21-3-3 12:50

MANYANGBB 發表於 21-2-28 15:20
一路走來，目標係直私小。但某日閑談中小女告知，她喜歡讀中文小學多過英文小學.....

小女就讀K3地區私小 ...

我女普通券幼，平時只講中文，我一開始就幫佢搵中文私小諗住做抽獎backup，後來發現佢好唔鍾意中文寫字，我問佢會唔會想少d中文功課多d英文功課，不過上堂可能會講英文多d，咁佢為咗唔想寫咁多中文就想去讀英小，其實佢唔係好識聽英文，但佢自己覺得冇問題我就即時報幾間未deadline嘅英小，咁最後佢考到一間，間學校唔係全部英文，有一半科目係中文教，我覺得幾適合佢呢d唔中唔英嘅小朋友。
我係咁諗嘅，英小對佢嚟講可能係聽明老師講乜最大障礙，listening方面我就趁未升小學我俾多d機會佢聽英文，listening好咗自然oral會跟住進步，希望9月開學佢會適應到英小學習。

歡迎光臨教育王國 (/)