教育王國
標題: K3學習進度 [打印本頁]
作者: EudyptulaMinor 時間: 20-9-16 01:39 標題: K3學習進度
請問有經驗嘅家長
K3應該要識d咩,因為疫情關係停課咁耐,小朋友home schooling咗大半年,我想知有冇落後咗?落後咗幾多?
1. 中文要識咩?認字?幾多個字?寫字?寫咩字?
2. 英文要認得幾多生字?要唔要識讀?
3. 數學識加減數嗎?程度大概去到邊?
4. 睇時間學咗未?
5. 月份、星期要唔要識?
如果我想知各科嘅教學內容方便自己教可以去邊度搵到?
作者: kisani 時間: 20-9-16 10:10
本帖最後由 kisani 於 20-9-16 10:31 編輯
EudyptulaMinor 發表於 20-9-16 01:39
請問有經驗嘅家長
K3應該要識d咩,因為疫情關係停課咁耐,小朋友home schooling咗大半年,我想知有冇落後咗 ...
咁而家小朋友會唔會返番k3? target大抽獎定直私? 我小朋友今年小一,叫做有直私同兩間一線津小叩門offer,比你參考下k3畢業前嘅進度 (有大把準備得更充足嘅小朋友,for ref only). 我地冇外補亦冇上過面試班。
1. 中文要識咩?認字?幾多個字?寫字?寫咩字?
>>識寫自己中文全名係基本,另外要識寫簡單筆劃嘅字。
>>冇數認到幾多個,但k3上學期已認到晒新雅套字卡,下學期主要係每日伴讀改為小朋友朗讀中文橋樑書(未必每頁有圖)
>>做練習時能自己朗讀題目嘅字(中英數),做到24wk嘅中文閱讀理解3B
2. 英文要認得幾多生字?要唔要識讀?>>識寫同串自己英文全名係基本
>>k3先後認讀(望到識讀識解,冇串字)左sight words, cambridge english starter同mover嘅vocab list
>>叩門階段最好要識串one to twenty, month, monday to sunday, colors, body, animals, family 依d基本字
>>ORT小一前就睇完lvl7, 由小朋友朗讀
3. 數學識加減數嗎?程度大概去到邊?
>>一定要識心算個位連續加減數
>對兩個位加減數最好有概念(直式)
>>要認到時鐘,叩門有考
>>要識數字嘅規律如2,4,__,8,10要識填,可以係形狀類似奧數題目
>>老師比2,7,9三個數字小朋友要識砌最大同最小嘅兩位數
>>有好多小朋友會背埋乘數表可以試下記2,3,5嘅乘數
4. 睇時間學咗未?>>要識
5. 月份、星期要唔要識? >>叩門前要識中英(至少認到,最好識串)
最好小朋友要識d主題性英文生字如festivals, weather, sports, fruits, food etc 因為叩門老師會問小朋友英文問題要佢用英文簡單句子作答,最好每個topic都用英文完整句子答到4,5句至少。如what's your favourite weather, why?
以上係升學主導較進取嘅準備。如果只係想按教育局指引去接上津小小一,其實拎張卷幼書單去書局執套書跟住教便可。小一暑假老師會重溫k3教學重點
作者: EudyptulaMinor 時間: 20-9-16 12:07
kisani 發表於 20-9-16 10:10
咁而家小朋友會唔會返番k3? target大抽獎定直私? 我小朋友今年小一,叫做有直私同兩間一線津小叩門offer, ...
死啦~ 咁我唔止落後好多啦~
中英文認字都唔得…… 寫字更加唔洗講……係數學好少少……
時鐘佢識d唔識d……
我仲想話報私校希望攞住個offer去抽獎
作者: EudyptulaMinor 時間: 20-9-16 12:17
kisani 發表於 20-9-16 10:10
咁而家小朋友會唔會返番k3? target大抽獎定直私? 我小朋友今年小一,叫做有直私同兩間一線津小叩門offer, ...
我係券幼,因為停課半年好似咩都冇學,咁我就自己教,不過好似都係落後,我想報私小有個backup,似乎唔谷一下係唔可能攞到私小offer,咁就希望叩門有機啦
作者: yanyanb0401 時間: 20-9-16 14:39
kisani 發表於 20-9-16 10:10
咁而家小朋友會唔會返番k3? target大抽獎定直私? 我小朋友今年小一,叫做有直私同兩間一線津小叩門offer, ...
你小朋友好叻,家長都好落力教請問是否讀私幼?我小朋友有外補,都追唔呢個進度.可能讀卷幼,本身學校教得好簡單.
作者: EudyptulaMinor 時間: 20-9-16 14:58
yanyanb0401 發表於 20-9-16 14:39
你小朋友好叻,家長都好落力教請問是否讀私幼?我小朋友有外補,都追唔呢個進度.可能讀卷幼,本身學 ...
請問一般券幼教到邊?我女讀K3,下星期復課,暫時佢認得常見嘅十幾個中文字(我都唔肯定佢識幾多,我有做伴讀,故事書以外嘅字真係唔知佢識幾多),唔常見但筆劃簡單嘅佢都有可能唔記得。
學校英文係教phonics,咁我就接住教落去,依家識拼讀cat dog map ship 呢d簡單嘅。算唔算落後好多?
數學識加數同簡單減數,時鐘用中文講時間有時會講錯,英文講時間唔識。
我係唔係要幫佢追一下?我女冇外補券幼,我都唔知應該要教d咩。我想佢多個機會去考私小。
作者: kisani 時間: 20-9-16 18:12
本帖最後由 kisani 於 20-9-16 18:25 編輯
yanyanb0401 發表於 20-9-16 14:39
你小朋友好叻,家長都好落力教請問是否讀私幼?我小朋友有外補,都追唔呢個進度.可能讀卷幼,本身學 ...
我小朋友讀普通全日班屋邨卷幼畢業,學校教得好淺完全不足以應付叩門。(不過德育自理等做得好好)我地一心target區內一線津小,拎私小offer只為backup, 最後真係派左寶校要去私小註冊之後成功叩返入首1&2志願嘅津小,一間011,另一間020。
望返轉頭依個進度其實算唔太離地(相比好多考晒gapsk, cambridge english full shields, ORT睇晒lvl9, 熟背乘數表,英文識串好多字etc). 我地冇考過任何學術上嘅cert但有幾個比賽獎項咁。如果要卷幼出身要準備叩門心儀津小係要家長背後發力,可能我地由k1下學期開始私下睇中文字卡,將成個學習過程攤開黎做又唔覺得特別chur. 但家長一定要持之以恆,我一日中一日英咁陪小朋友伴讀(我伴,佢負責讀)依環係最緊要,冇外補同冇買坊間練習(只買了26wk中英閱讀理解果3,4本,一星期一篇)。最後好開心入得返最近屋企嘅津小,十分鐘行到返學
作者: kisani 時間: 20-9-16 18:20
EudyptulaMinor 發表於 20-9-16 12:07
死啦~ 咁我唔止落後好多啦~
中英文認字都唔得…… 寫字更加唔洗講……係數學好少 ...
中英認讀要時間浸返黎,越早開始越好。望返轉頭二線直私校offer其實唔難拎,首輪offer係難有但後期多人放位,只要waiting list keep住寫求位信R 2nd in, 之後再寫信R offer, 到6~8月大把人叩門成功放二線直私小~wkf今年都多人叩門階段放位,但你想1月填表前有私小offer揸手就難d, 疫情關係好多直私推後左出offer, 變相唔敢進取填大抽獎。
作者: EudyptulaMinor 時間: 20-9-16 18:52
kisani 發表於 20-9-16 18:12
我小朋友讀普通全日班屋邨卷幼畢業,學校教得好淺完全不足以應付叩門。(不過德育自理等做得好好)我地一心t ...
我女讀半日券幼,之前唔知學校教得快定慢,以為間間幼稚園差唔多,直到因為疫情要home schooling自己教,上網睇其他小朋友好似識好多嘢咁,我先發現我女咩都唔識,佢自小我就有伴讀,佢揀書不論中英文我都讀,一日講十本八本(唔係好厚嘅)係平常事,不過佢認字都係唔叻,似乎係齋聽我講故事冇用眼去讀d字。
佢比較抗拒坊間嘅習作,所以我自己用遊戲形式寫d數學題俾佢答,或者搵d phonics文章俾佢睇教佢讀。
我女比較怕醜,怕叩門面試唔掂,所以會先報私校,in多幾次,有offer當然好,冇嘅就當係一次練習。
我想請教我女依家嘅level,我應該用咩方法提升,同邊一方面比較急需提升?我希望可以攞到私校offer~
謝謝
作者: EudyptulaMinor 時間: 20-9-16 19:02
kisani 發表於 20-9-16 18:20
中英認讀要時間浸返黎,越早開始越好。望返轉頭二線直私校offer其實唔難拎,首輪offer係難有但後期多人放位 ...
係呀!如果手揸offer抽獎會淡定好多!抽獎我期望唔大,始終講運氣~ 叩門好多間話要111其實都令到我哋選擇少好多,叩門競爭都好激烈!
其實由佢細細個開始我就伴讀好多書,因為我同老公都係勁鍾意睇書,我女就學我哋得閒無事就揭書,不過佢仲係文盲…… 好似話有d小朋友係文盲好耐再突然大進步識好多字,我希望佢係呢種小朋友la。
作者: kisani 時間: 20-9-16 19:04
EudyptulaMinor 發表於 20-9-16 18:52
我女讀半日券幼,之前唔知學校教得快定慢,以為間間幼稚園差唔多,直到因為疫情要home schooling自己教, ...
黎緊幾多月應該係直私面試高峰期,而家去追坦白講有點遲,但有心係唔怕遲因為一定用得著。就咁睇我見你都算跟得緊keep住同小朋友學習,只係欠缺左少少系統....中文認字真係要用字卡(如新雅有塊板果隻),或漢字500,比個目標今年年底認熟大部分常見單字,詞語,三字詞。英文就上網download cambridge english starter & mover個vocab list同小朋友記下生字,好多圖畫小朋友一定鍾意。完成到上面target咁k3下學期可多以朗讀中英文書為主,ORT lvl5開始,中文就讀橋樑書,有唔識嘅字圈低佢抄喺字卡,不時同佢重溫。另外練練中英文完整句子答oral question, 要答到5句以上唔一定啱grammar都得。
作者: EudyptulaMinor 時間: 20-9-16 19:09
kisani 發表於 20-9-16 18:20
中英認讀要時間浸返黎,越早開始越好。望返轉頭二線直私校offer其實唔難拎,首輪offer係難有但後期多人放位 ...
我報嘅私小冇咁top,都唔敢報咁top,一嚟小朋友唔係話好叻,二嚟怕太催谷,唔想佢壓力太大。
大抽獎會想入區內一線津校,主要因為離屋企近,同埋升中成績比較理想,不過得15分自行階段一定冇,抽兩次抽唔到就要叩門。
作者: EudyptulaMinor 時間: 20-9-16 19:18
kisani 發表於 20-9-16 19:04
黎緊幾多月應該係直私面試高峰期,而家去追坦白講有點遲,但有心係唔怕遲因為一定用得著。就咁睇我見你都算 ...
小朋友唔洗返學就會懶,所以我有keep住教佢,好似平時上堂咁。
中文我會俾佢認下字卡,希望幫到佢認字,想問字卡係有冇圖嘅??屋企有一套有圖嘅得唔得?
英文方面我依家俾佢讀ORT lvl2,佢都係好多唔識讀,我就一本一本慢慢讀慢慢教,如果同時學埋Cambridge English starter會唔會太多,定係讀cambridge先?
中文答問題應該冇問題,英文就難d,佢識聽唔識講,我試過同老公傾偈唔想小朋友聽,於是有一段講英文以為佢唔明,點知佢聽得明仲問我哋係唔係咁嘅意思,我先知佢係識聽唔識講,咁樣點改善好?老公提議俾佢睇英文卡通片,其實有冇效?無論我點樣用英文問佢佢都係用中文答我,我扮唔識聽佢就唔理我自己走去玩,有時好d就答 yes no就完。
作者: yanyanb0401 時間: 20-9-16 22:53
EudyptulaMinor 發表於 20-9-16 14:58
請問一般券幼教到邊?我女讀K3,下星期復課,暫時佢認得常見嘅十幾個中文字(我都唔肯定佢識幾多,我有做 ...
我女有外補英文,中文.
中文可以讀到30-40字左右文章.
英文可以自己拼讀4句短句子.
數學就自己教緊10內加數,順數倒數.(未係好掌握得好好)
時鐘識啲唔識啲.
作者: kisani 時間: 20-9-16 22:54
本帖最後由 kisani 於 20-9-16 22:59 編輯
EudyptulaMinor 發表於 20-9-16 19:18
小朋友唔洗返學就會懶,所以我有keep住教佢,好似平時上堂咁。
中文我會俾佢認下字卡,希望幫到佢認字,想 ...
字卡我地用新雅識字樂趣多連埋塊板果set,冇圖架,每次一口氣排滿塊板認讀十幾個單字咁,每隔幾日轉一次咁,認好嘅卡紮起一疊佢見住自己識得越黎越多字,疊卡越黎越大疊會有滿足感。英文我地唔係操cambridge english成個syllabus, 只係溫vocab list https://www.google.com/url?sa=t&source=web&rct=j&url=https://www.lttc.ntu.edu.tw/Cambridge/YLE/sample_papers/396158-yle-starters-word-list-picture-book-2018.pdf&ved=2ahUKEwjdkK289u3rAhUEat4KHf20DDQQFjAAegQIARAB&usg=AOvVaw3PQ3iA3e4lPHrelxR1kPWd.
再同時search下sight words, 之後先直接陪佢讀ORT lvl5 magic key series, 有故事性d好睇好多。卡通我地通常比佢睇Netflix 開埋english subtitles, 佢睇peppa pig, pj mask睇到倒背如流我覺得好有用,有次睇ORT follow up question問 can you think of a word like motormouth which describes people who speak a lot之類,我心裡答案係talkative, 點知呀仔答chatterbox. 我一聽就知佢係喺peppa pig學
作者: yanyanb0401 時間: 20-9-16 22:56
kisani 發表於 20-9-16 18:12
我小朋友讀普通全日班屋邨卷幼畢業,學校教得好淺完全不足以應付叩門。(不過德育自理等做得好好)我地一心t ...
多謝分享.
希望宜家教到幾多得幾多
作者: kisani 時間: 20-9-16 23:10
本帖最後由 kisani 於 20-9-16 23:11 編輯
yanyanb0401 發表於 20-9-16 22:56
多謝分享.
希望宜家教到幾多得幾多
k2,k3大人小朋友有升學壓力係會辛苦少少...不過我地冇外補又冇操考試冇狂做練習,其實只係keep住每晚恆常抽15-20分鐘朗讀圖書,認讀中英字卡玩下遊戲咁就一日,每日都好輕鬆但就要keep住做日子有功會見到效果~到weekend就做一篇閱讀理解,一中一英咁都係mc或寫下短句,重組句子。出去外補計埋交通應該辛苦d, 反而家長貼身內補跟得貼d, 成效會顯著d~
作者: timzoeydon 時間: 20-9-17 00:19
其實識幾多真係視乎家長出幾多力去教
其實小朋友跟學校課程只係識最基本,你想要小朋友成績好,點樣都要家長攞少少心血。
就算未停課之前,我都係自細喺屋企教小朋友,儘量令到佢學過先至返學校再學會好啲。
父母自己教一定係非常攰,但係小朋友學得比人多,返學校有成功感,噉佢就會鍾意讀書多啲,因為如果你幼兒園階段學得比人哋少,上了小學跟得吃力,噉其實小朋友自小就認為讀書係唔開心,咁呢個長期戰爭就大人同小朋友都會好痛苦。
我小朋友今年k3, 佢中英數程度基本上大概小學二三年級左右,其實同佢讀邊間學校冇關係,基本上都係由細到大我自己教,數學及鋼琴仲拎好多國際比賽奬,但我都唔係為咗小朋友要考直私,只係為咗令小朋友覺得學校嘅嘢佢應付到,噉佢會享受返學。
還有我覺得樓主你而家係儘量抽時間教佢多啲,令佢上到小學嘅時候冇跟得咁吃力。
你唔知到自己應該教啲乜,你可以出邊買習作,用習作嘅課題你都去教佢,就可以。
呢一代嘅小朋友其實學嘅嘢會深過我哋以前好多,所以真係要家長付出心血幫手去教,因為如果你開頭小朋友都已經跟唔上,上到小學你將啲壓力俾曬個小朋友,想佢讀得好又要考得高分,其實小朋友就會好慘。
而家啲小朋友唔可以咁死板淨係寫字同抄書,或者日日做習作,都要配合好多遊戲,又要有時間比佢放電玩完再去學習,所以呢個年代做父母同埋小朋友都辛苦,大家要加油。
作者: timzoeydon 時間: 20-9-17 00:56
本帖最後由 timzoeydon 於 20-9-17 00:57 編輯
我都好認同中文英文基本上都係閱讀多與少嘅問題,其實乜嘢書都可以學字,如果佢有時覺得悶,可以叫佢自己主動搵一啲佢有興趣嘅書陪佢睇。
中文我會將平時同佢接觸到嘅生活上既字去寫,但儘量諗到簡單,筆劃唔多,小朋友先會肯去慢慢寫,例如,我今天和哥哥去坐小巴,今天的花十分美,我回家要洗手,我玩車十分開心等等,筆墨唔算多,但係平日生活上同小朋友自己有關。
英文我會主張叫小朋友久唔久寫日記,順便學埋日期月份,就算佢內容得兩句都好都冇所謂,例如I go to park today, I am very happy. I stay at home and play some toys等等, 剛開始寫嘅最簡單嘅句子, 仲可以順便教埋佢過去式, 現在式等等,其實寫日期都幾好用,小朋友亦都可以今日去過嘅地方或做過既野寫出嚟。
而數學就真係比較家長視乎教學嘅功夫,我自己就自細無時無刻都係可以教佢數學,例如砌lego, 數公仔,將一啲佢玩嘅嘢分幾個一組,順便教埋佢乘數除數,出街買嘢畀錢可以叫小朋友主動將啲簡單嘅嘢加減,但係唔可以為難佢,一定最基本嘅5+5,10+10,20+20,跟住試下畀錢佢找錢,由淺入深,令佢生活上都可以慣咗計數,如果youtube, 我建議睇numberblocks學數學,一邊聽英文一邊學數學,佢係由最簡單每個數字教起。
作者: EudyptulaMinor 時間: 20-9-17 08:09
timzoeydon 發表於 20-9-17 00:56
我都好認同中文英文基本上都係閱讀多與少嘅問題,其實乜嘢書都可以學字,如果佢有時覺得悶,可以叫佢自己主 ...
多謝你嘅分享
中英文係我讀書時嘅弱項,依家好似遺傳埋俾阿女 我諗係我教得唔好~ 我只係不停同佢讀故事書,冇俾佢去寫,讀完唔寫其實佢好快唔記得~
作者: EudyptulaMinor 時間: 20-9-17 08:28
timzoeydon 發表於 20-9-17 00:19
其實識幾多真係視乎家長出幾多力去教
其實小朋友跟學校課程只係識最基本,你想要小朋友成績好,點樣都要家 ...
你個小朋友好叻,你教得好好呀~
我之前真係冇要小朋友溫習,直至k2停課我先開始跟,可能我方法唔啱,我未搵到一個有效嘅方法去教小朋友,我買過坊間練習,佢做過幾本表示唔想再做,我就參考網上資料出d worksheet俾佢做,因為我出worksheet圖畫多題目少佢都鍾意做嘅,但我就好似好冇方向唔知應該出d咩教d咩…… 做成佢弱嘅積弱,佢有興趣嘅就超前,有偏科問題。
我好想佢愉快學習,唔想俾佢覺得讀書係壓力係唔開心,於是我好似顧此失彼,佢學習開心但進度就慢。
佢性格內向,鍾意畫畫但唔肯去畫班,我就自己上YouTube 睇完教佢,咁一定冇出去學咁好,只係佢畫得開心,佢冇任何cert,我直到報小學先發現呢個係一個問題,因為學校眼中,我小朋友係咩都唔識……
升小銜接我會努力呢一年希望追到幾多得幾多,等佢小一唔會太大學習壓力
作者: EudyptulaMinor 時間: 20-9-17 08:39
kisani 發表於 20-9-16 23:10
k2,k3大人小朋友有升學壓力係會辛苦少少...不過我地冇外補又冇操考試冇狂做練習,其實只係keep住每晚恆常 ...
我有同佢玩過類似你講字卡嘅玩法,我就寫一堆字出嚟,叫佢幫我搵出我要嘅字,不過佢始終唔係好認得d字。佢寫字會有時左右調轉(應該寫左邊嘅部手會寫咗去右邊),6 9 b d呢d相似嘅就更加成日認錯,老師就話年紀仲細出現呢d問題係好正常。
我有間中陪佢寫日記,都係寫一句,例如 「今天下雨了。」但佢成日唔記得,要我寫一次俾佢抄,係唔係我方法唔啱? 佢係專注力高嘅小朋友,佢專心做一樣嘢可以坐喺度幾個鐘,佢受教嘅,你教佢就乖乖坐好聽你教,幾唔願意佢都唔會自己走咗去,因為佢唔反抗,所以我要就住唔好唔覺意俾咗太大讀書壓力佢。
作者: EudyptulaMinor 時間: 20-9-17 08:47
kisani 發表於 20-9-16 22:54
字卡我地用新雅識字樂趣多連埋塊板果set,冇圖架,每次一口氣排滿塊板認讀十幾個單字咁,每隔幾日轉一次咁 ...
點解可以直接去ORT lvl5? 好多字喎~ 我讀故事讀到lvl 4,我女讀嘅就lvl2,ORT故事係好好睇,其實我都係開始咗冇耐,佢好有興趣,一日要我讀好多本,lvl2佢已經有字讀唔到,不過句子唔多,每句都好相似,咁佢每日讀幾本學幾個字都ok嘅,佢自己都有滿足感。睇卡通開eng sub我又未試過喎,等我又試下先,可能真係會幫到佢認字,特別係d sight word,phonics拼唔出讀音果d字
多謝你分享,我會繼續努力!
作者: kisani 時間: 20-9-17 10:05
EudyptulaMinor 發表於 20-9-17 08:39
我有同佢玩過類似你講字卡嘅玩法,我就寫一堆字出嚟,叫佢幫我搵出我要嘅字,不過佢始終唔係好認得d字。佢 ...
每個小朋友嘅性格同興趣都唔同,適合唔同教學方法。可能我小朋友自細對中文嘅語感已好好同記性好,對中文字好感興趣,會自己認車站名路牌標示嘅名同學名等,到我k1下學期開波同佢認字卡已覺得佢係好ready. 至於英文佢係聽得明但語感冇中文咁好,我地好似k2先黎起步認讀,之前都係睇圖書。或者你試下諗計提升佢對中文字嘅興趣先,象形文字點演變到現今文字,咩叫獨體字同左右/上下/左中右結構字依d先。雖然我一向唔太buy基礎漢字500依套書 但可能啱你地case. 你試下買一套返去睇,佢類似ORT咁所學嘅字會慢慢build up上去。
作者: kisani 時間: 20-9-17 10:09
EudyptulaMinor 發表於 20-9-17 08:47
點解可以直接去ORT lvl5? 好多字喎~ 我讀故事讀到lvl 4,我女讀嘅就lvl2,ORT故事係好好睇,其實我都係開 ...
唔係叫你而家睇ORT lvl5呀,係而家9-12月先記熟sight words同starter & mover個vocab list先(停ORT), 有時間就睇netflix cartoon, 到1月先由ORT lvl5直接開始睇同每晚讀半本,一日中一日英咁讀出聲。假如你年底前完成到以上target咁照計1月開始睇lvl5係識讀冇咩難度。
作者: lollylolly 時間: 20-9-17 10:38
kisani 發表於 20-9-17 10:09
唔係叫你而家睇ORT lvl5呀,係而家9-12月先記熟sight words同starter & mover個vocab list先(停ORT), 有時 ...
想請問下你冇考starter 同mover 嘅話,除咗認之外,你會唔會串埋啲字架?
另回一回樓主,如Kisani 講,可以試下買26 weeks 果套練習,做得有系統,最緊要印刷精美,小朋友應該鐘意做。出面有啲練習個款真係比較悶,小朋友難有興趣
作者: kisani 時間: 20-9-17 11:12
本帖最後由 kisani 於 20-9-17 11:13 編輯
lollylolly 發表於 20-9-17 10:38
想請問下你冇考starter 同mover 嘅話,除咗認之外,你會唔會串埋啲字架?
另回一回樓主,如Kisani 講,可 ...
k3上學期直私面試階段我地冇點串字, 我地拎私小OFFER一心只為作大抽獎backup. 但如果你想入APS, SMC, SFA依類, 或者將來打算報名女津小St Mary依d出名叩門考筆試就緊係要串埋字啦. 只係大部份津小叩門都只要求小朋友認讀中英生字或者讀文章咁, 唔洗考執筆寫字(除左自己名), 最多口頭考下你串starter vocab list ge 生字例如one to twenty, family依D. 所以4,5月開始都有同佢串下生字咁. 我地本身都買左套jolly phonics family set係比家長同小朋友自學blending, 至少佢本身識拼音而家串字唔辛苦.
作者: feifei_baby 時間: 20-9-17 11:20
lollylolly 發表於 20-9-17 10:38
想請問下你冇考starter 同mover 嘅話,除咗認之外,你會唔會串埋啲字架?
另回一回樓主,如Kisani 講,可 ...
我覺行傑思出果套幼稚園英文練習都相當唔錯,我個女都好鍾意做
作者: EudyptulaMinor 時間: 20-9-17 16:18
lollylolly 發表於 20-9-17 10:38
想請問下你冇考starter 同mover 嘅話,除咗認之外,你會唔會串埋啲字架?
另回一回樓主,如Kisani 講,可 ...
我買過26w、新雅愉快學寫字&新雅5合1,不過我女都話唔鍾意,上半年每樣都做咗兩本,我就冇再勉強佢繼續啦,我覺得26w係印刷最靚,我覺得有可能細佬搞搞震影響到佢嘅,依家我自己print worksheet細佬以為媽咪整嘢出嚟玩,佢哋兩個就會爭,自然就兩個都好想得到份功課 其實我都係print黑白
作者: EudyptulaMinor 時間: 20-9-17 16:25
kisani 發表於 20-9-17 11:12
k3上學期直私面試階段我地冇點串字, 我地拎私小OFFER一心只為作大抽獎backup. 但如果你想入APS, SMC, SFA ...
我想私立有offer再去大抽獎,不過睇嚟趕唔切谷佢啦,當係攞d面試經驗備戰叩門,本來我哋係一心入津校,冇st mary咁勁,只係大約6成升英中嘅地區一線,後來了解過覺得入到機會好微,主要係小朋友唔擅長表現自己,所以就想早d嘅時候就報多幾間學校多幾個機會,亦可俾小朋友心理準備咩係面試。我個心到依家,真係有私小offer我就唔想叩門啦,真係好攰~
作者: EudyptulaMinor 時間: 20-9-17 16:28
feifei_baby 發表於 20-9-17 11:20
我覺行傑思出果套幼稚園英文練習都相當唔錯,我個女都好鍾意做
傑思係邊本?可唔可以形容下個封面?
作者: EudyptulaMinor 時間: 20-9-17 16:31
kisani 發表於 20-9-17 10:09
唔係叫你而家睇ORT lvl5呀,係而家9-12月先記熟sight words同starter & mover個vocab list先(停ORT), 有時 ...
我有目標啦~ target就去到今年年底認哂d字先! 多謝你嘅建議~ 我會同阿女一齊努力~
作者: feifei_baby 時間: 20-9-17 17:14
EudyptulaMinor 發表於 20-9-17 16:28
傑思係邊本?可唔可以形容下個封面?
傑思出嘅幼稚園補充我幾乎買哂,小學嘅中、英補充也相當不錯。我細女都k3,疫情開始時,佢睇緊ort2,而家已經睇到ort6,靠的是同步學sightwords(我喺淘寶買了工作紙)同放棄學咗年幾嘅rwi,改請上門老師加快phonics進程。
圖片附件: myimage.jpg (20-9-17 17:14, 467.71 KB) / 下載次數 22
/forum.php?mod=attachment&aid=MzU1MDQ0fGZkNDcwZWYzfDE3MTM5ODIyMTB8MA%3D%3D
作者: EudyptulaMinor 時間: 20-9-17 23:26
feifei_baby 發表於 20-9-17 17:14
傑思出嘅幼稚園補充我幾乎買哂,小學嘅中、英補充也相當不錯。我細女都k3,疫情開始時,佢睇緊ort2,而家 ...
多謝你分享~
想問下你淘寶買嘅sightwords工作紙有冇用?我都有見到淘寶好多工作紙,我有諗過買,但係sightword要唔要靠多讀先有效?我最後淨係淘咗phonics一篇篇(cat on a mat)教小朋友讀果疊。
作者: chujojo 時間: 20-9-18 06:39
其實透過大量閱讀,自己會認得d字,同培養語感,儲詞彙。用做練習既時間,多睇幾本書,成效仲好。做練習目的係等佢知道有咁樣考佢既方法,多閱讀先係內功。
作者: chujojo 時間: 20-9-18 06:42
EudyptulaMinor 發表於 20-9-17 08:09
多謝你嘅分享
中英文係我讀書時嘅弱項,依家好似遺傳埋俾阿女 我諗係我教得唔好~ 我 ...
讀完千祈唔好寫。抄寫係成效最低的野。你同佢多閱讀多討論,我覺得佢知識,常識一定好。認字只係快慢各有不同。
作者: feifei_baby 時間: 20-9-18 07:34
chujojo 發表於 20-9-18 06:39
其實透過大量閱讀,自己會認得d字,同培養語感,儲詞彙。用做練習既時間,多睇幾本書,成效仲好。做練習目 ...
有啲小朋友透過閱讀會認到字,有啲未必,我大女由bb幾個月大開始每日伴讀,每日由幾本都十幾本都有,但去到k2,發現佢幾近係文盲。我由k2下學期開始俾sight words 練習同基礎漢字,先至儲到啲認字量,但升上小一初期都有啲吃力,不是每個小朋友都天資聰穎的。去到k3,做小小練習預備小一無可厚非,做練習同閱讀兩者冇衝突,家長肯花時間就得。
作者: EudyptulaMinor 時間: 20-9-18 08:35
feifei_baby 發表於 20-9-18 07:34
有啲小朋友透過閱讀會認到字,有啲未必,我大女由bb幾個月大開始每日伴讀,每日由幾本都十幾本都有,但去 ...
我每日伴讀嘅書量都唔少,佢真係連封面幾隻字都唔認得,我諗要俾佢讀下認字卡。我女佢未必聰明,但一定唔蠢,數學好多時佢一教就明,同埋我以為佢唔識嘅嘢,我好出奇佢係識。呢度有家長提到要識英文月份,我冇落力教,屋企有個小朋友用嘅my calendar ,我間中會同佢一齊貼,d月份有好多個佢都識讀,我以為佢一個都唔識的。
作者: EudyptulaMinor 時間: 20-9-18 08:43
chujojo 發表於 20-9-18 06:42
讀完千祈唔好寫。抄寫係成效最低的野。你同佢多閱讀多討論,我覺得佢知識,常識一定好。認字只係快慢各有 ...
我都會keep住伴讀,對於佢嚟講伴讀係樂趣,我自己都覺得當一個人能夠真心喜歡閱讀佢嘅大腦會大開吸收好多不同知識,我成日同佢講如果佢識字可以自己讀一定會覺得更加有趣同埋可以每日睇更多書。因為最近教佢phonics佢開始讀得到簡單英文,佢就無時無刻攞住ORT最簡單幾本自己睇。英文算係見到方向,中文點教我仲係好迷失,未捉到一個有效方法去幫佢。呢度大家介紹嘅方法我都會一一嘗試,希望梗有一樣啱佢。
作者: feifei_baby 時間: 20-9-18 09:54
EudyptulaMinor 發表於 20-9-18 08:43
我都會keep住伴讀,對於佢嚟講伴讀係樂趣,我自己都覺得當一個人能夠真心喜歡閱讀佢嘅大腦會大開吸收好多 ...
雖然伴讀認唔到太多字,但阿女講故事好好聽,語言組織也有幫助,所以係值得的。培養咗興趣,到識字多咗就自己拎書睇。
加緊認字對升小一好重要,小一除英文全部科目都用中文,認字量唔夠好吃力...
作者: kisani 時間: 20-9-18 15:32
EudyptulaMinor 發表於 20-9-18 08:43
我都會keep住伴讀,對於佢嚟講伴讀係樂趣,我自己都覺得當一個人能夠真心喜歡閱讀佢嘅大腦會大開吸收好多 ...
長遠D睇唔好淨係為面試, 或者你可以去書局揭下小一的中文閱讀理解練習, 或者打聽下同區心儀小學ge中英文書單, 睇完大概心裏有個譜K3畢業中英大概要到咩程度先能順利涵接到~如果讀一線津小多數家長都反映係中文追得辛苦過英文好多, 如果touchwood撞中普教中適應問題就更大了...
作者: EudyptulaMinor 時間: 20-9-18 16:46
回覆 kisani 的帖子
都係一個好主意!!
作者: Snowcream 時間: 20-9-21 02:09
閱讀重要,但要分開小朋友能力讀到嘅書同一般故事書。
由小我讀比小朋友聽,到k1開始每日一中一英,一星期先轉一次書,頭幾日我讀,之後到小朋友試讀,一星期會認讀到全本嘅字。而英文k2後書較多字,要學phonics先讀到,但唔使另外再學sight words。
除咗每日一中一英,亦有講其他故事書比小朋友聽。
每星期一中一英對認字好,另外再加其他故事書吸引閱讀嘅興趣,哩個方法對我小朋友work, 好過一日讀好多本。
作者: EudyptulaMinor 時間: 20-9-21 09:34
Snowcream 發表於 20-9-21 02:09
閱讀重要,但要分開小朋友能力讀到嘅書同一般故事書。
由小我讀比小朋友聽,到k1開始每日一中一英,一星期 ...
請問係唔係指同一本書讀一個星期? 小朋友讀到嘅書係唔係基礎漢字500呢一類書?
作者: airwalk 時間: 20-9-21 17:09
本帖最後由 airwalk 於 20-9-21 17:12 編輯
EudyptulaMinor 發表於 20-9-16 01:39
請問有經驗嘅家長
K3應該要識d咩,因為疫情關係停課咁耐,小朋友home schooling咗大半年,我想知有冇落後咗 ...
K3 要識D咩?如果唔考直私, 而去抽獎, 根本可以好HAPPY, 因為講運.
你亦唔洗擔心仔女會落後, 因為K3 , P1 個D野, 最後小朋友大過都會識. 你有無見過香港有人加減數唔識?
如果你考直私, 你要識P1 既野, 買本P1書來見就知.
作者: EudyptulaMinor 時間: 20-9-21 19:14
airwalk 發表於 20-9-21 17:09
K3 要識D咩?如果唔考直私, 而去抽獎, 根本可以好HAPPY, 因為講運.
你亦唔洗擔心仔女會落後, 因為K3 , P1 ...
我想攞住私小offer去抽獎,抽獎講運,我好唔想派咗去寶校。如果私小攞唔到offer都想做定叩門準備,我見有d家長分享叩門面試好似都要識好多嘢,我都將target放去二線小學。
我見呢度都好多爸媽會努力提供更好嘅比小朋友,所以我都想阿女可以開心咁學習,我明白到佢有d方面比較弱,希望趁佢未係落後到打擊自信心之前幫佢改善。
作者: airwalk 時間: 20-9-22 10:36
EudyptulaMinor 發表於 20-9-21 19:14
我想攞住私小offer去抽獎,抽獎講運,我好唔想派咗去寶校。如果私小攞唔到offer都想做定叩門準備,我見有d ...
如果你target 二線,咁你乙一, 咪選填二線學校..中既機會就好大.
作者: EudyptulaMinor 時間: 20-9-22 13:01
airwalk 發表於 20-9-22 10:36
如果你target 二線,咁你乙一, 咪選填二線學校..中既機會就好大.
我自行、甲一乙一都會揀同一間二線,最後都係決定走保守路線,另外私校睇下考唔考到,考到邊間再決定會讀私校定津校(都要睇抽唔抽中,不過二線抽中機會應該有7成)。本來我係想攞住私校offer抽一線,不過感覺未必咁易攞到私校offer。
作者: Dybala 時間: 20-9-22 19:03
睇完呢個post開始驚, 以為ORT level 4/5已經係4-5歲人仔嘅極限, 原來已經落後大市, 就算拎到直私offer都驚自己小朋友開始讀小一時遠遠落後其他同學
作者: Sadonnahon 時間: 20-9-22 23:28
唉..好像怎麼也是不夠..
作者: EudyptulaMinor 時間: 20-9-23 00:48
Dybala 發表於 20-9-22 19:03
睇完呢個post開始驚, 以為ORT level 4/5已經係4-5歲人仔嘅極限, 原來已經落後大市, 就算拎到直私offer都驚 ...
我諗最重要係小朋友學得開唔開心,家長要喺開心同追進度之間攞個平衡,我唔會要求小朋友同最叻嘅比較,同自己比較有進步就夠,盡量keep住小朋友對學習嘅熱誠。
作者: Dybala 時間: 20-9-23 10:25
EudyptulaMinor 發表於 20-9-23 00:48
我諗最重要係小朋友學得開唔開心,家長要喺開心同追進度之間攞個平衡,我唔會要求小朋友同最叻嘅比較,同 ...
我都有自知之明從來唔追求神校, 但見呢度好多人講嘅學習進度都比自己小朋友超前唔少, 所以擔心佢就算唔讀直私, 上到普通小學都同其他同學有段距離
利申: 佢讀緊間係happy school, 程度偏淺, 唯一係語境唔差, 可能靠把口呃到幾個offer返黎, 但而家真係驚入到去都跟唔上
作者: Azzurro 時間: 20-9-23 11:08
kisani 和 timzoeydon 都好棒啊!
我覺得小朋友進度可以用百分位概念去理解
(沒有對比之意,請勿見怪)
例如 timzoeydon 描述的水平可能在百分位99,即是超越了百分之九十九的小朋友,只有百分之一的小朋友在其之上
如果香港六歲同齡人有50000人,只有500人在其之上
例如 kisani 描述的水平可能在百分位95,只有2500在其之上
幼稚園畢業生的水平可以好高
百分位100的小朋友可能在做一些大家完全想不到的事情
同時,小朋友之間的對比是相對及流動的
可能小學畢業的時候排位完全不一樣
但是如果 oxford tree 在幼稚園畢業只有level 5的話可能百分位比較低了。。。
作者: Azzurro 時間: 20-9-23 11:15
小朋友水平真的看父母的期待和家裡操作
學校和課外班影響力少很多
因為和父母一起/留在家中的時間比在學校和補習班的時間長的多
作者: kisani 時間: 20-9-23 12:38
本帖最後由 kisani 於 20-9-23 13:13 編輯
Azzurro 發表於 20-9-23 11:08
kisani 和 timzoeydon 都好棒啊!
我覺得小朋友進度可以用百分位概念去理解
如果我地自我評價係大概80-85%,一定未到95% ^^” 果時都有入過下直私備戰面試嘅交流群組,發現有班小朋友喺有語境嘅私幼下浸左3年係可以好唔同,亦有家長潛心培養小朋友喺數理STEAM,或者樂器畫畫運動等。我地一心想讀最近屋企果間一線津小,大概都有50-60% B1但區內中只算係第3/第4受歡迎。叩門機會大概係每年700-800人叩,揀80人in, 再出8-12個offer (因為預有人withdraw). 如要準備叩門階段係要諗諗點砌portfolio同內補學術(我地以中英認讀為主)。特別卷幼出身有時真係較難stand out, 私幼嘅成績表評估寫得更詳細,校長人脈同牙力又可能差一段距離. 聽聞有心嘅校長係會寫完叩門推薦信後再補打電話比小學校長介紹下小朋友。我個人心態係升小盡量平常心面對,唔洗太在意單對單比較但要留意下自己小朋友相較同年大概去到咩位置? (中位數50%/15%/ 85%?)再去配對間適合嘅學校~1:1比較意思不大。如果話係ORT level, 我覺得將目標定喺k3畢業/小一9月開學前完成level 7係唔錯的,要能自行閱讀同讀啱9成生字,平心而論依個target唔算離地~加上ORT好有趣唔會悶架
作者: kisani 時間: 20-9-23 12:55
本帖最後由 kisani 於 20-9-23 13:04 編輯
Dybala 發表於 20-9-22 19:03
睇完呢個post開始驚, 以為ORT level 4/5已經係4-5歲人仔嘅極限, 原來已經落後大市, 就算拎到直私offer都驚 ...
如果心儀中文津小,其實英文同數學程度涵接多數問題唔大,聽返黎最大問題係中文閱讀理解能力,其次係中文造句同寫作。所以無論家長們心儀直私官津,一線二線happy school, 都建議搵返心儀小學嘅中文科書單睇睇閱讀理解&寫作大概有咩要求,再用k3同升小個暑假去準備。如要入讀普教中或英教數/常嘅津小,就更要盡早同小朋友做定心理準備~因為抽入嘅小朋友真係未必個個啱讀,配對錯誤隨時會讀到好挫敗....沒有最好嘅學校,只有最適合。
作者: Azzurro 時間: 20-9-23 13:13
kisani 發表於 20-9-23 12:38
如果我地自我評價係大概80-85%,一定未到95% ^^” 果時都有入過下直私備戰面試嘅交流群組,發現有班小朋友 ...
我覺得你教小孩方法和態度很值得學習啊!
我的小朋友現在 k3,免費幼稚園,英語在看 ORT level 12左右(供參考)
也是咩獎狀都沒有,雖然可能班裡表現相對好
我覺得理解自己小朋友在整體排名有作用,因為以後考中學,dse考大學本質上都是全部人大混戰
沒法迴避的一種對比
我覺得 ORT/ 漢字500 都很有趣,所以如果從k1開始從頭看的話,都可以學到很多很多
就算家長從k3開始,也絕對不會遲,好書是永遠不會過期的!
當然不是每個小朋友都適用這些書籍,所以家長需要在圖書館不停嘗試不同書本及讀書模式。
看書對小朋友來說一點壓力都沒有。
timzoeydon 說的很對
如果家裡讀書多一點,超過學校程度一點點,小朋友係學校更輕鬆,更有信心,就會更喜歡學習
形成良性循環
如果沒有看課外書,只跟著幼稚園書本,學到的東西很有限,
作者: Azzurro 時間: 20-9-23 13:18
我覺得唯一值得外補就係普通話發音和英語拼音,如果父母並非特別好普通話或英語
幼稚園和初小的學術水平,應該正常父母都能處理,不需要外補
作者: EudyptulaMinor 時間: 20-9-23 17:00
kisani 發表於 20-9-23 12:38
如果我地自我評價係大概80-85%,一定未到95% ^^” 果時都有入過下直私備戰面試嘅交流群組,發現有班小朋友 ...
你講得好好呀
要了解小朋友喺去到咩位置好重要!
我都係因為呢個post先了解到我個小朋友比我想像中仲要再後,於是我改變主意去抽二線,都唔想小朋友讀得太辛苦,而同時我會努力幫佢追~
我想問問大家小朋友「讀」到ORT邊個level係指小朋友自己讀定家長讀小朋友聽?因為好似一個比一個犀利。
幼稚園K3上咗兩個幾星期zoom,我了解到我女嘅幼稚園英文只係學到phonics -an,如果以學校進度嚟計,冇可能讀到ORT LVL5,數學仲教20以內相鄰數,連加數都未出現,但呢度嘅小朋友遠遠超過呢個水平,想問下係唔係呢度嘅爸爸媽媽都有幫小朋友外補或自己教快?
我想更準確咁評估阿女嘅能力,幫佢搵最適合嘅學校。
我女ORT頂多讀到lvl2-3;中文認字唔太好,未讀到簡單故事,頂多讀下d生字;數學好少少,能夠計雙位數加減;我理解係中英文落後好多,可能位於10-15%,數學應該落於50%左右?
ORT的確係好有趣,我買咗一個多月,我女要我講故事講到lvl5啦,亦都係因為呢套書佢開始自己試下讀,佢讀到最前面10本我已經覺得係好大進步啦!
作者: EudyptulaMinor 時間: 20-9-23 17:08
Azzurro 發表於 20-9-23 13:18
我覺得唯一值得外補就係普通話發音和英語拼音,如果父母並非特別好普通話或英語
幼稚園和初小的學術水平, ...
幼稚園教嘅普通話好淺,想知銜唔銜接到普教中嘅小學?
你覺得將來趨勢會唔會都係普教中?我聽咗好幾間津校最遲高小都普教中,私小更加好多小一就普教中。
作者: kisani 時間: 20-9-23 22:48
本帖最後由 kisani 於 20-9-23 22:48 編輯
EudyptulaMinor 發表於 20-9-23 17:00
你講得好好呀
要了解小朋友喺去到咩位置好重要!
我都係因為呢個post先了解到我個小朋友比我想像中 ...
去到k2後期時間買少見少,果時我地認熟左sight words, starter words list就直接開波睇ORT lvl 5, 果陣我將ORT定位為工具書,係用作提升認讀能力,所以以上嘅讀係指由小朋友朗讀而唔係大人讀。頭幾本我地係佢讀一句到標點符號再我讀一句咁,佢覺得好有趣亦好專心(怕miss左唔知我讀到邊接不上)。過左一排就直接由佢讀晒,每次讀半本,讀完一本會睇埋follow up questions(練下oral, 唔要求啱grammar只求聽得明)。ORT series一黎就由佢開口朗讀係想趁佢最有好奇心果陣鼓勵佢讀出聲,睇第二次再讀就冇咁大動力喇已知故事會點展開。如佢對某幾本有興趣就自然會再次翻看。果排我地每晚大概只有晚飯後15-20min進行認讀(一日中一日英咁隔住),睇ORT果日就認下中文字卡(讀中文書遇到唔識嘅字會圈低,抄落字卡),讀中文書果日又會記下英文字卡(mover vocab).
15分鐘佔一日24hrs好少時間,但持續做一年半載會見到進步~另外每晚臨訓前仲會有伴讀時間,佢揀書拎上床比我讀佢聽,中英題材不限,有時遊戲書有時謎語書,有時bb書pop up books,揭揭書,大家開開心心就好~
作者: Azzurro 時間: 20-9-24 08:10
考小學要知道在全香港 50000人裡面定位
考中學也要知道在 50000人裡面定位
考大學也要知道在 50000人裡面定位
大學之後出來更是混戰
工作/結婚/買樓等等對手就更多更厲害
作者: Azzurro 時間: 20-9-24 08:13
我覺得知道公海情況後,就可以得知幼稚園小朋友定位
報名小學就更準確,也可以改善策略
而不是降低期待值呢,大家都加油
雖然是對手,但是不是零和遊戲呢!
作者: EudyptulaMinor 時間: 20-9-24 10:14
Azzurro 發表於 20-9-24 08:10
考小學要知道在全香港 50000人裡面定位
考中學也要知道在 50000人裡面定位
考大學也要知道在 50000人裡面定 ...
了解小朋友嘅位置可以唔洗浪費時間考d零機會考入嘅學校,而且可以避免小朋友入咗唔適合佢程度嘅小學,去到次次都考包尾都好打擊小朋友自信。
因為好似我咁唔了解外面狀況嘅家長應該都唔少,一般家長都會認為自己小朋友好叻或好有潛質,往往會高估小朋友能力,結果考嘅小學未必最適合小朋友。
中學、大學嘅時候佢哋自己都知自己咩料,家長可以少操心,但升小學真係靠家長揀學校。我都有問小朋友想要點嘅學校,其實小朋友都講唔出實際想要咩,佢話唔想返學返咁耐,我就集中搵同區甚至行路可以去到嘅學校,節省返放學嘅車程。
作者: Azzurro 時間: 20-9-24 12:26
我覺得
考幼稚園,80%家長,20%小朋友
考小學,80%家長,20%小朋友
考中學,20%家長,80%小朋友
考大學,40%家長,60%小朋友
好似每年狀元都接受媒體訪問討論讀書秘訣。。
我在想,記者是不是應該找狀元父母訪問才對呢?
作者: Dybala 時間: 20-9-24 12:32
EudyptulaMinor 發表於 20-9-23 17:00
你講得好好呀
要了解小朋友喺去到咩位置好重要!
我都係因為呢個post先了解到我個小朋友比我想像中 ...
我果個同你小朋友差唔多程度
學校太淺真係唔係好事, 唔上呢度都仲以為比喺學校學多少少就足夠
作者: Azzurro 時間: 20-9-24 12:36
最近和家人研究到底幾十年前我父母如何給我報名學校
幼稚園:家旁邊,已殺校。
小學:家旁邊,已殺校。估計1-1-1這個小學。當然都沒報名私立直資。
中學:外區中學,我記得係隨便填志願。
大學:自己提出去外地讀書。不過對科目了解都係非常有限。。。
我覺得直到二十幾就業為止,如果沒有家長有效指導
各種決策都會大打折扣
作者: EudyptulaMinor 時間: 20-9-24 13:13
Dybala 發表於 20-9-24 12:32
我果個同你小朋友差唔多程度
學校太淺真係唔係好事, 唔上呢度都仲以為比喺學校學多少少就足夠
...
我原本都以為自己小朋友處於中等水平,點知
作者: blueberry10 時間: 20-9-24 13:31
kisani 發表於 20-9-16 18:12
我小朋友讀普通全日班屋邨卷幼畢業,學校教得好淺完全不足以應付叩門。(不過德育自理等做得好好)我地一心t ...
很讚同伴讀的重要性、 請教你跟女兒伴讀(你伴她讀) 的時候是大概幾歲? 如中文用甚麼書? 是漢字500/ 青田那些慢慢進階認讀字那些書嗎? 因我女兒快4歲、 她還未能自行讀一本完整書。 雖然已衡常伴讀、 但她都會讀出一些認的的字。
作者: kisani 時間: 20-9-24 15:19
本帖最後由 kisani 於 20-9-24 15:21 編輯
blueberry10 發表於 20-9-24 13:31
很讚同伴讀的重要性、 請教你跟女兒伴讀(你伴她讀) 的時候是大概幾歲? 如中文用甚麼書? 是漢字500/ 青 ...
我果個係仔仔黎架~之前有提過>> 字卡我地用新雅識字樂趣多連埋塊板果set,冇圖架,每次一口氣排滿塊板認讀十幾個單字咁,每隔幾日轉一次咁,認好嘅卡紮起一疊佢見住自己識得越黎越多字,疊卡越黎越大疊會有滿足感。伴讀係未一歲起已晚晚伴讀, 主要睇台灣繪本多~到K1上學期見佢對中文語感幾好, 喺街會對車站名同海報標語有好奇心同指住讀, 於是K1下學期的起心肝買左新雅套字卡. 冇記錯K1下學期到K2上學期我地都keep住認依套字卡到認到9成為止, 期間都有keep住睇唔少新ge中英繪本 (我口語讀+佢聽, 後期係我書面語讀+佢聽). 到K2下學期我地開始睇依套中文橋樑書: https://www.books.com.tw/products/0010795163 , 角色係佢鍾意ge小動物, 內容又有趣佢都好願意讀, 不過每次都係讀2頁咁, 大人細路都唔吃力~睇晒依一套4本後就開始睇中文版 老鼠記者, 直到而家小一開學已睇到第三本老鼠記者都未厭~漢字500同青田我地都冇接觸過, 可能佢自細睇開台灣繪本, 再睇番漢字500同青田依D嫌悶同太工具書睇唔落^^"...K3下學期時我都曾被漢字500 ge威力吸引到, 喺圖書館借左2本比仔仔睇, 點知畫風&內容關係仔仔掂都唔想掂我就放棄了mouth:" />小結一下, 我地策略係先認字卡>>投其所好揀啱佢心意ge橋樑書>>大人一句小朋友一句輪住朗讀>>由小朋友自行朗讀(家長陪住,專心投入地聽佢講)>>睇中文chapter books
作者: kisani 時間: 20-9-24 18:01
Azzurro 發表於 20-9-24 12:26
我覺得
考幼稚園,80%家長,20%小朋友
考小學,80%家長,20%小朋友
考大學我覺得係10-20%家長,80-90%學生。家長主要係出錢同比少少意見,最終決定權同應試能力都要睇返小朋友。
作者: blueberry10 時間: 20-9-24 18:41
kisani 發表於 20-9-24 15:19
我果個係仔仔黎架~之前有提過>> 字卡我地用新雅識字樂趣多連埋塊板果set,冇圖架,每次一口氣排滿塊板認讀 ...
多謝分享~
作者: EudyptulaMinor 時間: 20-9-24 19:15
kisani 發表於 20-9-24 15:19
我果個係仔仔黎架~之前有提過>> 字卡我地用新雅識字樂趣多連埋塊板果set,冇圖架,每次一口氣排滿塊板認讀 ...
多謝你嘅分享~
你提到伴讀係用書面語讀,仲會要小朋友跟讀,我諗呢個係我miss咗嘅重點之一!因為出街見到嘅字就讀,其實小朋友會學到d生字,但睇句子真係唔掂(我女就係),街名、路牌好少會出現「的、和、我、你、他、嗎、呀」或者一d動詞,伴讀時唔用書面語又係好易忽略咗呢d字~
作者: hkpapa852 時間: 20-10-8 09:17
本帖最後由 hkpapa852 於 20-10-8 18:06 編輯
EudyptulaMinor 發表於 20-9-16 01:39
請問有經驗嘅家長
K3應該要識d咩,因為疫情關係停課咁耐,小朋友home schooling咗大半年,我想知有冇落後咗 ...
學習進度,睇下你目標係乜
考小學?配合小學課程進度?
現實中,全港大部份小學既課程要求,比考直資/私立小學要求要低得多。唔信?去書局睇下小學各年級既補充練習內容就知
如果只係為考小學,就預咗係"超前教學"
至於經常見到大家講伴讀,覺得大家好似忘記了伴讀的初心。
伴讀,係一項親子活動,為父母在有(尤其在職那些)在限時間中,得到一個可提升父母子女既感情的機會,同時亦可透過呢項活動,令小朋友增加閱讀既興趣。
現今大家郤反而只著重伴閱後小朋友"認字"和"閱讀能力"既成效。
不如做個簡單測試,可能不少小朋友都睇過ORT,大家有冇試過,將ORT其中一頁既句子,抄張白紙到叫小朋友讀出嚟,甚至叫佢解釋埋個句點解呢?
又或者只抽幾個字寫係張白紙上,叫佢讀出嚟同問佢個D字點解呢?
另外,又有冇試過,放部手機同書放係枱面時,小朋友會寧願攞本書去睇都唔攞部手機呢?
作者: kisani 時間: 20-10-8 18:34
本帖最後由 kisani 於 20-10-8 22:10 編輯
hkpapa852 發表於 20-10-8 09:17
學習進度,睇下你目標係乜
考小學?配合小學課程進度?
伴讀,係一項親子活動,為父母在有(尤其在職那些)在限時間中,得到一個可提升父母子女既感情的機會,同時亦可透過呢項活動,令小朋友增加閱讀既興趣。
現今大家郤反而只著重伴閱後小朋友"認字"和"閱讀能力"既成效。
>> 其實伴讀同認字兩者冇抵觸可共存。回想之前k2,k3即使每晚抽15min進行認字活動(包括有系統地由小朋友朗讀工具書,字卡),最重要係由1歲前已進行緊嘅bedtime reading,有時佢揀幾本已被翻揭到爛嘅書一齊睇,有時各自睇,有時佢拎返本多字嘅chapter book但改由我讀,一齊笑下又一晚。前者認讀主要為應付升學需要,後者先係主菜培養閱讀興趣&親子交心。到而家小學每朝有晨讀課,發現之前建立嘅閱讀能力同認字庫絕對能加強佢嘅閱讀興趣 (睇得明>>有興趣閱讀更多更深入>>認讀能力提升>>發現閱讀樂趣 etc不停loop)
不如做個簡單測試,可能不少小朋友都睇過ORT,大家有冇試過,將ORT其中一頁既句子,抄張白紙到叫小朋友讀出嚟,甚至叫佢解釋埋個句點解呢?
又或者只抽幾個字寫係張白紙上,叫佢讀出嚟同問佢個D字點解呢?
>> 識讀識解,仲會一齊研究埋書後d follow up Qs (雖則grammar有時錯嘅,但佢表達到自己諗法)
另外,又有冇試過,放部手機同書放係枱面時,小朋友會寧願攞本書去睇都唔攞部手機呢?
>> 點解要用“寧願”? 先唔好急著假設全部小朋友都鍾意玩電話^^” 如果只係圖書vs電話我兩個小朋友都200%會揀圖書,佢地對電話零興趣。但如果係玩具vs圖書,或者睇電視vs圖書就有可能未必次次都揀睇書,睇佢地果刻心情又或者係咪新圖書、封面吸唔吸引、有冇我伴讀定淨係掉低本書比佢etc 鍾意睇書都唔代表做書蟲嘅,大仔都鍾意睇netflix animals discovery, 細果個都睇下peppa pig pj masks咁,同睇書都冇抵觸~
作者: hellolulululu 時間: 20-11-10 00:50
kisani 發表於 20-9-16 18:12
我小朋友讀普通全日班屋邨卷幼畢業,學校教得好淺完全不足以應付叩門。(不過德育自理等做得好好)我地一心t ...
想請問26week 是哪個出版社?我找不到。謝謝
作者: kisani 時間: 20-11-10 09:00
hellolulululu 發表於 20-11-10 00:50
想請問26week 是哪個出版社?我找不到。謝謝
3MS 教育出版- 26週學前教育系列–程度適合K1K3 小朋友,分K1A/BK3A/B,共6冊不過我地淨係買過2本中文閱讀理解K3A 3B,英文好似做左一本3A
作者: hellolulululu 時間: 20-11-10 13:57
kisani 發表於 20-11-10 09:00
3MS 教育出版- 26週學前教育系列–程度適合K1K3 小朋友,分K1A/BK3A/B,共6冊不過我地淨係買過2本中文閱讀 ...
謝謝你
作者: karenaleung 時間: 20-11-19 15:05
kisani 發表於 20-10-8 18:34
伴讀,係一項親子活動,為父母在有(尤其在職那些)在限時間中,得到一個可提升父母子女既感情的機會, ...
agree
從小伴讀,除了著重認字,閱讀能力外,我也著重理解,創意,表達,冇扺觸的。伴讀得多,以上能力自然培養到,冇乜刻意。
小朋友現在書不離手,有新書的興奮程度同有新玩具一樣。佢都鐘意睇電視。
歡迎光臨 教育王國 (/) |
Powered by Discuz! X1.5 |