教育王國
標題: 中文書有什麼選擇？ [打印本頁]
作者: hellolulululu 時間: 20-8-12 23:23 標題: 中文書有什麼選擇？
女女3歲，我想買多一點中文書給她，但無從入手。大家都買什麼書？
已看青田的我自己會讀等的認字書，另外，她好喜歡看《帕歐小象繪本系列》和《丹丹愛學習繪本》。
平時的圖書，一本$70-80，有的她看一下又不愛看，好浪費錢
請問大家都看什麼書？
有沒有什麼便宜的推介？
作者: nanakochan 時間: 20-8-13 00:07
我推介新雅德育叢書，我小朋友開始認字嘅時候係睇基礎漢字500，呢套咁悶嘅嘢，我個女鍾意睇但個仔唔鍾意睇，雖然真係好悶但都因人而異，有啲小朋友係OK的，而且認字的確有效，睇完基礎漢字就睇新雅德育叢書，我將呢套當橋樑書，因為內容正面，而且題材非常貼近幼兒生活，字體用標楷體四四正正咁，句子不長，佢哋都鍾意睇，我個仔睇完呢套新雅叢書之後，就能自行閱讀好多字嘅書了
另一好處就係，呢啲咁大路嘅書好多幼稚園或者小學都有，我個仔小學面試嘅時候，就拎中一本佢平時睇開嘅讀俾老師聽，於是就冇難道啦
作者: Rila168168 時間: 20-8-13 01:05 標題: 回覆樓主:
請問基礎漢字500在那兒買到?
作者: hellolulululu 時間: 20-8-13 08:38
nanakochan 發表於 20-8-13 00:07 
我推介新雅德育叢書，我小朋友開始認字嘅時候係睇基礎漢字500，呢套咁悶嘅嘢，我個女鍾意睇但個仔唔鍾意睇 ...
本帖最後由 hellolulululu 於 20-8-13 08:44 編輯
我都有漢字基礎500，佢睇到喊，我唔敢再要佢睇了。
我不擔心認字，佢每天認一些，慢慢來。
反而是她喜歡看書，英文有好多選擇，ORT一個stage都百幾本，她很喜歡。
我網上看了一下，但找不到「德育」的。在新雅找到幼兒好行為書叢、幼兒情緒故事書叢、幼兒心理故事書叢，就是這些了？
那會認字之後，你仔仔看什麼書？去圖書館借？
我想讓她喜歡看書。
作者: hellolulululu 時間: 20-8-13 08:41
Rila168168 發表於 20-8-13 01:05
請問基礎漢字500在那兒買到?
我那時在Carousell買，全新書都比較平，不過真心好悶
，但有的小朋友好鐘意，我個個就勁唔鐘意
作者: nanakochan 時間: 20-8-13 09:22
hellolulululu 發表於 20-8-13 08:38
本帖最後由 hellolulululu 於 20-8-13 08:44 編輯
我都有漢字基礎500，佢睇到喊，我唔敢再要佢睇了。
我講嘅新雅德育叢書就係你搵到嗰啲，嗰啲嘢好多本，細細本好快睇完，好容易上網買到，搬都唔使自己搬
如果不求認字只求睇得開心，其實都好多選擇，例如賴馬繪本、屁屁偵探系列，亮亮的成長，木綿樹出版社系列等又係好大路嘅，至於值唔值得買返屋企，定係去圖書館借，就因人而異，因為有啲書我小朋友真係日日夜夜狂睇睇到殘殘舊舊，咁嗰啲我就覺得抵
我仔仔唔鍾意睇故事書，所以佢完成橋樑書階段之後都係睇科普讀物，都係百科書果類，試過比短篇小說佢睇，佢唔係太鍾意但都能夠完成，主動會睇的都是科普書
作者: flower9 時間: 20-8-13 09:49
提示: 作者被禁止或刪除 內容自動屏蔽
作者: omoinoyukue 時間: 20-8-13 09:57
小樹苗的書很好，叮叮噹噹系列或安徒生系列，少字同圖畫很美，小朋友自己讀會易入手d.
作者: hellolulululu 時間: 20-8-13 10:47
nanakochan 發表於 20-8-13 09:22
我講嘅新雅德育叢書就係你搵到嗰啲，嗰啲嘢好多本，細細本好快睇完，好容易上網買到，搬都唔使自己搬
如 ...
謝謝你，我網上搜一搜。
同意的，她喜歡看，再貴都抵買
作者: hellolulululu 時間: 20-8-13 10:50
omoinoyukue 發表於 20-8-13 09:57
小樹苗的書很好，叮叮噹噹系列或安徒生系列，少字同圖畫很美，小朋友自己讀會易入手d.
...
我都覺得女女會喜歡叮叮噹噹系列，因為佢都好鐘意青田的方方圓圓系列。
安徒生系列我之前沒留意，我去看看，謝謝
但我錯過了之前網上書展價，好似個時有63折，而家要正價了
買書買到窮
作者: nanakochan 時間: 20-8-13 11:36
或者可以上網留意吓有唔少二手書group，我自己買過，大部份都幾好，慳返一筆之餘，你都可以知道而家啲細路大概興睇啲乜書，如果你小朋友睇完之後，都可以拎出黎賣；尤其想買絕版書都要搵呢啲地方問吓
作者: hellolulululu 時間: 20-8-13 14:07
nanakochan 發表於 20-8-13 11:36
或者可以上網留意吓有唔少二手書group，我自己買過，大部份都幾好，慳返一筆之餘，你都可以知道而家啲細路 ...
主要都是facebook的group嗎？
作者: zaba 時間: 20-8-13 14:08
本帖最後由 zaba 於 20-8-13 14:09 編輯
hellolulululu 發表於 20-8-12 23:23
女女3歲，我想買多一點中文書給她，但無從入手。大家都買什麼書？
已看青田的我自己會讀等的認字書，另外 ...
小朋友有冇乜嘢特別喜好?例如我囡超愛動物, 我哋由佢2歲開始就揾好多動物有關既書比佢, 有時係科普, 有時係動物做主角既繪本故事書.
例如<鱷魚愛上長頸鹿>, <森林裏的小狐狸>, <獅子與老鼠>, Eric Carle (你可以揾中文版, 如果想要中文書) etc etc
另外五味太郎同宮西達也既書都好好睇.
我自己就鍾意故事性強既書, 所以唔太鍾意學習型工具書. 我覺得對小朋友吸取知識, 培養情意同埋閱讀興趣方比較好.
你可以 follow 下台灣大出版社既 FB (例如小熊出版社, 上誼嗰類), 佢哋會有繪本介紹, 香港就家長會, 百好繪本士多等. 我通常睇咗佢哋介紹, 再揾下有冇二手書或者圖書館借, 再冇先訂新書.
小朋友睇書好多好快, 如果下下買新, 會破產啊 
作者: omoinoyukue 時間: 20-8-13 14:48
hellolulululu 發表於 20-8-13 10:50
我都覺得女女會喜歡叮叮噹噹系列，因為佢都好鐘意青田的方方圓圓系列。
安徒生系列我之前沒留意，我去看看 ...
作者: hellolulululu 時間: 20-8-13 17:04
omoinoyukue 發表於 20-8-13 14:48
小樹苗定期有特賣場推廣，可以留意fb 公佈，上半年起北角有做過啊
等我都留意下，謝謝你
作者: hellolulululu 時間: 20-8-13 17:05
zaba 發表於 20-8-13 14:08
小朋友有冇乜嘢特別喜好?例如我囡超愛動物, 我哋由佢2歲開始就揾好多動物有關既書比佢, 有時係科普, 有時 ...
等我上網睇下，我就係因為快破產了。所以先來問問大家意見
作者: ada100525 時間: 20-8-25 12:34
我囡囡都係3歲，都搵緊啲中文書比佢睇，但我見好多都係以講德育為主，有無一些以故事為主的系列書介紹/推介？類似野貓，小雞，小企鵝系列果啲，只係我囡唔鍾意睇
作者: hamstar 時間: 20-8-25 21:47 標題: 回覆樓主:
中屋美和蠟筆小黑系列、「小蠶豆系列、殼斗村系都好好睇
作者: ada100525 時間: 20-8-26 18:42
hamstar 發表於 20-8-25 21:47
中屋美和蠟筆小黑系列、「小蠶豆系列、殼斗村系都好好睇
作者: hamstar 時間: 20-8-26 20:43
ada100525 發表於 20-8-26 18:42
我未聽過呢個系列，即刻上網Search，又幾得意，多謝你的介紹。
本帖最後由 hamstar 於 20-8-26 21:03 編輯
唔洗客氣， 如果鍾意呢類日本出的繪本， 可以試呢幾個系列
福澤由美子的大排長龍
野志明加 好吃服裝店
x 田澄子 年糕去海邊/澡堂
喜歡數學的可以試 小老鼠愛數學 系列， 故事情節都好有趣
作者: cathylchan 時間: 20-8-27 15:41
nanakochan 發表於 20-8-13 00:07
我推介新雅德育叢書，我小朋友開始認字嘅時候係睇基礎漢字500，呢套咁悶嘅嘢，我個女鍾意睇但個仔唔鍾意睇 ...
到3歲時、 書中有時簡單單字（學校已教的） ， 才等她自己讀一兩個字，
你跟仔仔伴讀會否要他你讀一句他跟讀一句這種方式？
要多久才可以自己讀到一本書？
我女兒快四歲、 她是很喜歡看故事， 和聽故仔。 但她對認字很抗拒的， 不喜歡我問她。
作者: nanakochan 時間: 20-8-27 16:27
我小朋友都係兩三歲開始睇新雅叢書，初初都係故仔咁聽，大概四歲可以自行閱讀一本（比較簡單嗰啲）
我兩個小朋友認字都係靠字卡，我知好多家長抗拒，但我小朋友係work，而且字卡階段唔會維持好耐，大概一年，兩歲至三歲嗰一個階段，過咗三歲唔需要用字卡
好睇個別小朋友，同埋唔好覺得要佢認字一定會削弱佢對閱讀的興趣，我2個小朋友係，佢越認字得多，越有信心自己閱讀，越鍾意閱讀，我睇唔到要佢認字的壞處。當然唔可以逼到佢驚，所以我用字卡，即係用遊戲形式教佢嘅
可以同小朋友輪住讀，當然中間如果有比較深嘅字，我會讀比佢聽；初時睇chapter book，我同個仔兩人輪着10頁10頁咁讀
加油，除非細路仔有讀寫障礙，否則好好教佢認字唔難，過咗初初嗰個階段就好快上手，你唔使理佢佢可以自己睇書
作者: cathylchan 時間: 20-8-27 18:03
nanakochan 發表於 20-8-13 00:07
我推介新雅德育叢書，我小朋友開始認字嘅時候係睇基礎漢字500，呢套咁悶嘅嘢，我個女鍾意睇但個仔唔鍾意睇 ...
多謝分享(emoji)(emoji)
想請教跟仔仔讀繪本時， 會指住字讀嗎？
大概幾歲真係認得曬漢字500？
作者: nanakochan 時間: 20-8-27 18:32
其實我啲小朋友有分自由閱讀時間，同埋指定閱讀時間，指定閱讀時間睇嘅書係我揀嘅，亦都需要讀俾我聽，用處就係知道佢究竟識幾多野，有啲乜嘢唔識，或者有啲乜嘢興趣大，又或者佢有啲乜嘢自己睇睇唔明可以同佢解釋
自由時間佢唔會讀出聲嘅，但四歲可以自己坐定定睇1小時
其實可以好彈性嘅，視乎小朋友情況
我兩個小朋友都可以K1完成五套基礎漢字，其實第三套之後佢已經認得好快，加油！
作者: nanakochan 時間: 20-8-27 22:28
吸收好營養都好重要，學所有語言都要先聽後說，先讀後寫，有好input才有好output, 這些是我這幾年來在孩子身上學到的，所以聽你講故事都好緊要，不要心急於孩子幾時識讀比你聽
作者: cathylchan 時間: 20-8-28 10:18
nanakochan 發表於 20-8-27 22:28
吸收好營養都好重要，學所有語言都要先聽後說，先讀後寫，有好input才有好output, 這些是我這幾年來在孩子 ...
多謝解答～
因為第一個小朋友、 所以多啲疑問(emoji)
作者: eeyore_ada 時間: 20-9-27 01:28
Rila168168 發表於 20-8-13 01:05
請問基礎漢字500在那兒買到?
作者: piglover 時間: 20-9-28 18:30
新雅嘅書超級說教，又悶，我唔識得欣。
作者: piglover 時間: 20-9-28 18:46
hellolulululu 發表於 20-8-12 23:23
女女3歲，我想買多一點中文書給她，但無從入手。大家都買什麼書？
已看青田的我自己會讀等的認字書，另外 ...
平書，買二手。網上成日有d好新嘅二手書。大約20-40一本。
作者: babejaiiiiii 時間: 20-12-16 13:32
推薦小樹苗的書
如果想CP值高點，可以去二手買賣APP度入貨，我成日都係咁
作者: swytca 時間: 20-12-17 01:19
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |