教育王國

標題: 唔係曬,真係唔識教 [打印本頁]

作者: wenwen_chan    時間: 19-5-19 11:46     標題: 唔係曬,真係唔識教

女女三年級,五歲時已確診ADHD和社交較弱。做過一排遊戲治療,但效果唔大。一直在學校表現都好乖,成績一直徘徊全級頭十內,老師完全唔覺得佢係ADHD。但偶然人地唔小心掂倒佢,佢就大吵大鬧話人推佢撞佢。如果我地兩公婆同姐姐在埸,啲表現就仲過份,只要佢想嘅嘢就博命扭,肢體同把口無一刻可以停,只要人地有少少錯就大大聲指摘,自己錯就歪理當道理,教佢同理心就緊係話人地都係咁啦!。細時過份我地都會講吓道理,咁當然唔合作唔聽教有打嘅,我老公打得較多,所以佢由細到大都覺得爸爸偏心,後來打到我老公都怕自己收唔倒手,同佢講過合作就唔會就打,佢都應承我地,但而家越大越唔合作。我先生已經去到話唔想再同佢講道理,有時嬲得濟,寧願入房避佢。早一兩年學校社工同醫生都建議過食藥,但食咗唔見有改善。佢食12個鐘,放學返嚟未過藥,但唔覺得有收斂,所以我地都停咗,近呢兩個月兩父女又日嘈夜嘈,我都覺得佢地好煩,道理講極都唔明,打就更加唔怕,問過社工有無啲訓練可以幫倒佢,好似樣樣都唔中佢需要。我真係擔心再大啲反叛期佢學壞,都唔知可以點做…

作者: stewie_griffin    時間: 19-6-6 01:15

wenwen_chan 發表於 19-5-19 11:46
女女三年級,五歲時已確診ADHD和社交較弱。做過一排遊戲治療,但效果唔大。一直在學校表現都好乖,成績一直 ...

其實你囡囡係咪想要你地 attention? 大吵大鬧無時停有時係因為未被滿足,想要人注意佢。
平時每日會花幾多時間同佢傾計(平靜嗰隻,完全無說教成份)?

作者: Tingyan61    時間: 19-6-6 10:05

stewie_griffin 發表於 19-6-6 01:15
其實你囡囡係咪想要你地 attention? 大吵大鬧無時停有時係因為未被滿足,想要人注意佢。
平時每日會花幾多 ...

我小朋友,之前都會咁情況!不過我有同佢傾計,佢其實都係想你們注意佢!比啲耐性再同佢傾下。
我之前都有帶佢做過遊戲治療,要慢慢引導佢內心說話!加油


作者: Missingyou0623    時間: 19-6-9 06:05

wenwen_chan 發表於 19-5-19 11:46
女女三年級,五歲時已確診ADHD和社交較弱。做過一排遊戲治療,但效果唔大。一直在學校表現都好乖,成績一直 ...

教育ADHD小朋友真係比一般小朋友辛苦好多, 我有兩個小朋友,一個ADHD一個冇,所以我深深明白個分別

行為治療嘅課程唔止小朋友要上,媽媽爸爸都要上。我大仔以前周不時情緒大爆發,我地都曾經教到好崩潰。本身脾氣好嘅爸爸都忍唔住出手打,媽媽教到有抑鬱症。經歷多年情緒高高低低,到今年我仔5年級,佢情緒終於有突破性嘅改善,相處得舒服好多。

總括多年經驗,食藥上課程係有幫助,但要從心改變小朋友,最有效係父母嘅愛同肯定。我自己唔會打小朋友,但爸爸會。我明白有時真係激到一個點係好難忍。但我知道阿仔性格係遇強愈強,試過好多次佢明顯係特登挑釁爸爸打佢。爸爸都明白,加上阿仔開始大。後來佢同個仔傾心事,佢答應唔再體罰,阿仔都答應會控制情緒。而阿仔情緒又真係會改善咗 (當然佢嘅改變仲好多好多其他因素加埋)。

教育小朋友嘅理論有好多,但唔一定岩用喺自己個小朋友身上。我自己有上網上堂學咗好多教學方法,然後不斷觀察同嘗試,慢慢搵到對阿仔最work嘅方法。

作者: wenwen_chan    時間: 19-6-9 09:42     標題: 回覆樓主:

本帖最後由 wenwen_chan 於 19-6-9 09:59 編輯

本帖最後由 wenwen_chan 於 19-6-9 09:59 編輯

其實大家講嘅我都明白,因為我兩個小朋友,兩個都係ADHD,連個性都唔同,大嘅偏向專注不足,細嘅偏向過動。但同樣多言,我地關係本身唔差,所以佢地每日放學都有好多嘢想同我分享,於是就會有爭嘢講嘅情況,輪住嚟係無用,因為細嘅點都唔守規则…

作者: wenwen_chan    時間: 19-6-9 09:49     標題: 回覆樓主:

本帖最後由 wenwen_chan 於 19-6-9 09:58 編輯

互相影響加上大嘅今年升中呈分壓力好大, 有時會好忟憎,我地多咗同佢做心理調整,但大嘅會覺得,細嘅成日耍野蠻, 霸曬我地。細嘅我同佢講道理,佢好似講極都唔明,所以有時真係覺得好攰, 我其實明白每個小朋友特質不同 只係因為兩個 有時 如果用唔同方法教,另一個就會有意想不到嘅行為出現 所以先至覺得頭痛

作者: kiki90    時間: 19-6-17 23:19

本帖最後由 kiki90 於 19-6-17 23:19 編輯

我PM左你喇,睇下幫唔幫到你啦~
作者: tcbobo    時間: 19-6-20 05:30

wenwen_chan 發表於 19-5-19 11:46
女女三年級,五歲時已確診ADHD和社交較弱。做過一排遊戲治療,但效果唔大。一直在學校表現都好乖,成績一直 ...

試下每天擁抱孩子,佢發脾氣時用搞笑方式氹下佢,佢搞事時就分佢心,比小任務佢做。記得千萬不要打,孩子感受到被愛就會聽話。另外要替她建立自信,找她做得好的地方,多些讚賞。湊ADHD孩子好考耐性,爸爸媽媽加油啊!

作者: maem    時間: 19-9-20 22:01

Missingyou0623 發表於 19-6-9 06:05
教育ADHD小朋友真係比一般小朋友辛苦好多, 我有兩個小朋友,一個ADHD一個冇,所以我深深明白個分別

行 ...

請問你在哪裡上行為治療課程?可pm我嗎?

作者: PurinBB    時間: 19-9-24 13:47

回覆 kiki90 的帖子

請問知否那裏有給小五/六的行為治療嗎
作者: wenwen_chan    時間: 19-9-28 22:02

maem 發表於 19-9-20 22:01
請問你在哪裡上行為治療課程?可pm我嗎?

協康

作者: wenwen_chan    時間: 19-9-28 22:02

PurinBB 發表於 19-9-24 13:47
回覆 kiki90 的帖子

請問知否那裏有給小五/六的行為治療嗎

協康

作者: firsttimemom    時間: 19-10-21 14:38

我覺得像是"心理問題" 多D。(而不是甚麼障礙呀甚麼,更不是"吃藥"可以解決的)

因為你話佢的狀況是會在不同環境不一樣的。例如在學校時會乖D、有父母在場時又離譜D...等等。咁好明顯就是對你倆夫婦有"心結"。

只能靠"改善關係" 來挽救 (例如多D陪佢去玩,用心聆聽佢所講的,俾佢覺得你們重視佢等等等等)

作者: wenwen_chan    時間: 19-11-24 09:55

firsttimemom 發表於 19-10-21 14:38
我覺得像是"心理問題" 多D。(而不是甚麼障礙呀甚麼,更不是"吃藥"可以解決的)

因為你話佢的狀況是會在不同 ...

我地已經成日做,基本都係我照顧同陪佢,減低佢同爸爸磨擦機會,爸爸只係陪佢玩,但有時爸爸覺得佢太過份,可能有危險或者騷擾倒人,都會有罰嘅,已經唔打,只係罰抄(10/20句),佢都發哂癲…

作者: piyohk    時間: 19-11-24 19:32

wenwen_chan 發表於 19-11-24 09:55
我地已經成日做,基本都係我照顧同陪佢,減低佢同爸爸磨擦機會,爸爸只係陪佢玩,但有時爸爸覺得佢太過份 ...

本帖最後由 piyohk 於 19-11-25 07:18 編輯

⋯ ⋯ ⋯ ⋯ ⋯ ⋯

作者: wenwen_chan    時間: 19-11-24 21:24     標題: 回覆樓主:

多謝你嘅建議,我會試吓努力搵呢個人

作者: noel-chan    時間: 19-12-11 11:08

wenwen_chan 發表於 19-9-28 22:02
協康

請問約這間需要醫生轉介信嗎?呢間難約嗎?thanks

作者: wenwen_chan    時間: 19-12-12 10:24

noel-chan 發表於 19-12-11 11:08
請問約這間需要醫生轉介信嗎?呢間難約嗎?thanks

我嗰時係學校俾資料我,有賽馬會資助。要interview㗎

作者: jolalee    時間: 20-9-9 14:00

回覆 wenwen_chan 的帖子

唔好意思好耐冇上黎EK, 剛睇到你這發文,想問囡囡現在情況如何,剛開始四年級了對嗎?上網課能否集中?
當時五歲已確診ADHD和社交較弱?好像早了點,請問是那裡確診的?


你提及偶然人地唔小心掂倒囡囡,佢就大吵大鬧話人推佢撞佢。聽落似係感覺統合失調症,不過這科不算正式醫學,要找職業治療師判斷。佢從小有冇因衣物、聲音或光線等產生負面情緒?


至於教同理心好像教不入,而且讀書高能力,像是阿士保加 Asperger。如果食咗ADHD藥唔見有改善,有可能佢本身根源問題不是ADHD (唔係話冇,係指根源問題要找出來,才能逐一擊破)。你囡囡同老公的情況好似我仔仔的一位Asperger同學好友的家庭情況。


其實小朋友的發展問題可以好『意大利粉』抄埋一碟,有機會係中幾樣。最重要係找到根源問題。我仔仔剛開始讀小五,感統問題由兩歲攪到依家,逐一拆彈做了不少 therapies,剛剛才開始服ADHD藥。效果暫時不錯,可能因為其他問題解決了。不過當然服藥又有它的學問,所以返黎EK同大家繼續學、繼續試。


有關我仔仔的感統進展我剛發了文寫下八年來的學習,你可以睇睇會否有幫助。歡迎PM我。共勉之。


作者: gilgil39    時間: 20-9-21 23:17

wenwen_chan 發表於 19-5-19 11:46
女女三年級,五歲時已確診ADHD和社交較弱。做過一排遊戲治療,但效果唔大。一直在學校表現都好乖,成績一直 ...

樓主你小朋友情況怎樣?

「只要人地有少少錯就大大聲指摘,自己錯就歪理當道理,教佢同理心就緊係話人地都係咁啦!」......你小朋友這情況跟我仔十分似,但我懷疑我仔是阿氏保加症➕adhd, 但未被確診。
你小朋友有冇check 阿氏方面?

作者: wenwen_chan    時間: 20-10-5 15:08

gilgil39 發表於 20-9-21 23:17
樓主你小朋友情況怎樣?

「只要人地有少少錯就大大聲指摘,自己錯就歪理當道理,教佢同理心就緊係話人地 ...

其實佢已經密住覆診同食藥。我地都有review過會唔會係其他問題,但好似搵唔倒。佢唔似亞氏,因為佢同人溝通係毫無問題,始終都係模仿家姐下嘅心結……

作者: wenwen_chan    時間: 20-10-5 15:22

jolalee 發表於 20-9-9 14:00
回覆 wenwen_chan 的帖子

唔好意思好耐冇上黎EK, 剛睇到你這發文,想問囡囡現在情況如何,剛開始四年級了 ...

我小朋友已經五年級啦!情況其實有啲改善,成績喺呢個疫情下,當然都有跌啲啦。可接受嘅!當有人點出佢嘅問題,仍然係會發惡,但我地兩公婆買過教訓,開始會試吓第二啲方法表達,有時喺可預見嘅後果下,早少少補定底。抓狂嘅時間會縮短啲。我地嗰時喺沙田做評估,我地有諗過大啲再做過,不過同學校社工、醫生商量過後,發覺佢啲嘢真係樣樣都有啲,做咗都無意思,唯有step by step咁拆……

作者: okwanokwan    時間: 20-10-12 11:59

回覆 wenwen_chan 的帖子

same case with my daughter......
作者: k317317    時間: 20-10-13 18:32

回覆 okwanokwan 的帖子

不要食藥, 神經科藥吃了,學習力更弱,且輔作用大, 如影响高度、賀爾蒙等....
建議可做其他評估,如認知心理分析或繪畫心理分析... ,

找問題原因..

作者: okwanokwan    時間: 20-10-13 20:36

本帖最後由 okwanokwan 於 20-10-13 20:37 編輯
k317317 發表於 20-10-13 18:32
回覆 okwanokwan 的帖子

不要食藥, 神經科藥吃了,學習力更弱,且輔作用大, 如影响高度、賀爾蒙等....

問過醫院他不肯給我女重新評估,我可做什麼?心理認知分析可以在哪裡做?

作者: MoMo-L    時間: 20-11-15 03:34

Missingyou0623 發表於 19-6-9 06:05
教育ADHD小朋友真係比一般小朋友辛苦好多, 我有兩個小朋友,一個ADHD一個冇,所以我深深明白個分別

行 ...
求教




歡迎光臨 教育王國 (/) Powered by Discuz! X1.5