教育王國

標題: 英國班級問題:一月插班好？還是明年九月先入學好呢？ [打印本頁]

作者: myemmie 時間: 18-9-5 18:33 標題: 英國班級問題:一月插班好？還是明年九月先入學好呢？

囡囡今年中二(13歲)，讀Band2中學，成績中等。我打算明年暑假後先送囡囡過英國讀書，所以開始找Agent 報學校。
第一間Agent 話囡囡出年讀中三，所以係報2019年暑假後Year 9，但另一個Agent 又叫我插班明年一月讀Year 9，暑假後就升讀Year 10。突然叫我嚟緊一月就去英國，好似好趕咁，但佢話如果出年九月先讀Year 9，囡囡就變咗留班。
我而家都唔識點揀好，想請教大家意見，謝謝！

作者: ipadress 時間: 18-9-5 18:40

提示: 作者被禁止或刪除內容自動屏蔽

作者: myemmie 時間: 18-9-5 18:41

ipadress 發表於 18-9-5 18:40
你小朋友準備好未？

本帖最後由 myemmie 於 18-9-5 18:41 編輯

囡囡有晒心理準備明年去，但而家如果一月去，得三個幾月，好似好急。

作者: keibri 時間: 18-9-5 20:42 標題: 回覆樓主：

本帖最後由 keibri 於 18-9-5 20:42 編輯

我會揀明年九月先讀 year 9，一月插班比較倉猝。
始終學習環境完全改變，我覺得最好做足準備先出發。

作者: myemmie 時間: 18-9-5 20:58

keibri 發表於 18-9-5 20:42
我會揀明年九月先讀 year 9，一月插班比較倉猝。
始終學習環境完全改變，我覺得最好做足準備先出發。

其實係咪好多人都係唔計年齡，而係按年級過英國升學呢？
即係好似我囡囡咁，按年齡明年應該係讀Year 10，但如果計班級，佢下年升中三就係Year 9。
你哋係用年齡定班級去選升讀幾多班？
麻煩晒大家！

作者: SIYip 時間: 18-9-5 21:53 標題: 回覆樓主

用班級。
人生流流長，唔駛咁急大學畢業。好好預備，打好基礎比一齊重要。
你小朋友band 2 中游，俾我就9 月讀year 9. 用一年適應下，先去讀year 10,考靚GCSE.另一方面，亦可以多d 時間揀間適合嘅學校。

作者: myemmie 時間: 18-9-6 04:31

SIYip 發表於 18-9-5 21:53
用班級。
人生流流長，唔駛咁急大學畢業。好好預備，打好基礎比一齊重要。
你小朋友band 2 中游，俾我就9 ...

我原本都係咁唸，但個Agent又話插班，唔好留班，攪到我亂晒。

作者: SIYip 時間: 18-9-6 05:40

myemmie 發表於 18-9-6 04:31
我原本都係咁唸，但個Agent又話插班，唔好留班，攪到我亂晒。

你同小朋友點諗先最重要。
既然你接觸過兩個agent,你問下另一個agent 有咩advice. 同時，如果你插班，佢俾咩學校你揀呢? 揀到適合學校最重要。

作者: myemmie 時間: 18-9-6 06:07

SIYip 發表於 18-9-6 05:40
你同小朋友點諗先最重要。
既然你接觸過兩個agent,你問下另一個agent 有咩advice. 同時，如果你插班，佢俾 ...

阿女話冇所謂，另一個Agent就話以阿女成績讀year 9會好D，讀得上嘅話下學期再跳班。
不過叫我早D過去嗰個agent就話，Year 9其實唔難，Year 10先難，如果中途跳班去Year 10仲難追喎！
真係公説公有理，婆說婆有理。。。

作者: 過客 時間: 18-9-6 08:55

本帖最後由過客於 18-9-6 08:57 編輯

重係低年級, 我唔會比佢做插班生, 果邊 d 同學已經開左學一個學期, 已經一 group group 同學, 我覺得小朋友好難跟上....除非同學仔係好肯幫助中途加入既新生啦.

作者: Ruby1219 時間: 18-9-6 09:34

myemmie 發表於 18-9-6 06:07
阿女話冇所謂，另一個Agent就話以阿女成績讀year 9會好D，讀得上嘅話下學期再跳班。
不過叫我早D過去嗰個a ...

唔算留班，好多香港細路都係咁，包括我姨甥仔，佢係band 1 頭學校精英班過英國。
我覺得除非係好心儀嘅學校，先值得插班。

作者: myemmie 時間: 18-9-6 09:38 標題: 回覆樓主

多謝你哋呀！
我唸我都係按原先計劃，明年九月後先過去讀Year 9。
我都唔想太急，亦唔想咁急攪到好似冇得揀學校咁，因為咁急，可以選擇嘅學校都唔會多。
多謝晒大家比嘅意見！！

作者: angelthomas 時間: 18-9-6 11:36

myemmie 發表於 18-9-6 09:38
多謝你哋呀！
我唸我都係按原先計劃，明年九月後先過去讀Year 9。
我都唔想太急，亦唔想咁急攪到好似冇得揀 ...

Agent 梗係叫妳早些入學！妳應該估計到他是什麼原因！
一般香港人學生到英國都是跳班的！如果是我！我會報year 10 ! 學校會評估的

作者: angelleungyp 時間: 18-9-6 13:30 標題: 回覆樓主

如果你囡囡是中二 band 2學校，你們又有足夠財力。我建議你明年9月去讀 year 9, 打好了英語基礎，再繼續升上 year 10 準備考好 GCSE，那樣才是上策。
一來有多d 學校選擇，二來中途插班不容易融入班裡。
不要信晒香港 agent ，你早d去，他們早d 問那間學校收傭金。

作者: yuyueng 時間: 18-9-6 15:46

myemmie 發表於 18-9-6 04:31
我原本都係咁唸，但個Agent又話插班，唔好留班，攪到我亂晒。

有d野無須聽agent講，可能大部分學生都系9月去，而1月無咩生意做（但有些學校因有人轉校又或著9月時有人放棄學位/收生不足），所以agent想推銷一下。我個agent都叫我1月就去，不過我話太急又未箍完牙，所以會照原定計劃明年9月讀Y10（今年讀中三）。

9月開學多新生尤其Y9，明年去讀Y9好過1月插班。

作者: keibri 時間: 18-9-6 16:31

SIYip 發表於 18-9-5 21:53
用班級。
人生流流長，唔駛咁急大學畢業。好好預備，打好基礎比一齊重要。
你小朋友band 2 中游，俾我就9 ...

同意

明年九月讀 year 9 俾小朋友打好根基，熟習環境，咁先可以投入俾心機考試

作者: myemmie 時間: 18-9-6 17:43 標題: 回覆樓主

唔該晒大家！
而家我都決定繼續明年去嘅計劃。
我另一個agent上星期開始幫我報緊學校，囡囡成績唔太好，但希望都有些較好嘅學校肯收佢啦。
遲D我應該又會再問大家選校意見^_^

謝謝你們！

作者: noel2010 時間: 18-9-6 18:43

Year 9 較容易搵學校，我當年都係agent 游説早些去，由year 9 改 year 8適應先，其實你已準備year 9, 如果不是超齡，都有一年時間準備才讀GCSE。我仔和其他同學都係香港F2 然後去英year 9, 有一年適應，不過有心理準備他們maths 很淺吧。

作者: myemmie 時間: 18-9-7 00:36

noel2010 發表於 18-9-6 18:43
Year 9 較容易搵學校，我當年都係agent 游説早些去，由year 9 改 year 8適應先，其實你已準備year 9, 如果 ...

明白，謝謝你

作者: antia 時間: 18-9-10 09:04 標題: 回覆樓主

其實你們個女咁早過去讀書，會放心？
剛剛收到學校offer, 我個女下個月頭到澳洲，老公好擔心！阿囡都咁大個人，又話驚佢系香港太依賴，去到那邊唔識得照顧自己，又說怕她唔安全等等的憂慮...我現在又要解說一下，希望他唔好再咁擔心！佢又講到好似系我要個女去外國讀書咁！唉，是否第一次出國會特別擔心呢(emoji)

作者: myemmie 時間: 18-9-10 12:51

antia 發表於 18-9-10 09:04
其實你們個女咁早過去讀書，會放心？
剛剛收到學校offer, 我個女下個月頭到澳洲，老公好擔心！阿囡都咁大個 ...

本帖最後由 myemmie 於 18-9-10 12:54 編輯

你囡囡幾大？之前有冇傾過去外國讀書？
我個囡好想去英國讀書呀

我哋由小學已經計劃比佢去外國讀書，佢有晒心理準備。

佢去過兩年英國遊學團，話好鍾意寄宿學校嘅環境。Agent 比嘅學校，佢自己上網睇學校資料，仲話最好就邊間，其次又邊間咁，佢完全好ready過去。

我又不是太擔心，最緊要之後搵間信得過，好嘅監護人公司，我希望到時都一切順利，我講笑咁同阿囡講，開頭一定要每日打電話比我，失聯嘅話我就要佢返香港！

作者: meemeefung 時間: 18-9-17 20:31

It would be better to go in Sept as you have more choices for schools. Also you and your daughter needs to visit all possible offers esp those top 3! It's very much diff after you visited the school, as you can see teachers and students and their behaviour! You will make the right choice instead of just seeing the school websites / listening to agents only.

I found it super helpful when my son started in Sept. We know the school already and we have no hesitation at all. Spend time with the surroundings during the school trip that helps too. Also you can meet up with guardian / host family. Plan to go during the Chinese New Year!

All the best!

歡迎光臨教育王國 (/)