教育王國

標題: adhd 女兒令我心亂如麻 [打印本頁]

作者: laabc 時間: 18-5-1 23:30 標題: adhd 女兒令我心亂如麻

心灰意冷.... 請問各位有專注力不足小孩的媽媽可否教我怎樣做(emoji)(emoji)(emoji)

大囡八歲經常冇禮貌（例子1: 喺mtr到見到有陌生的大人衝入去搶位坐，佢就會大大聲講：嗰D人真係乜乜乜。但其實每次我都有平心靜氣地教她不要管別人，只要做好自己）
另外又喜歡與別人比較和show off. （例子1: 見到同鑡穿上公主裙或拿著奬項，她會用冷眼望別人，然後就自言自語說：以為自己好靚，以為自己好叻）
還有對長輩目無尊長，對父母不懂體諒（例子1:我倆手已經拎著好多好重既野，佢沒有主動幫忙，反而叫我幫佢拎更多既野。例子2: 我幫他挍生日會，之前嗰晚太多野要預備，到凌晨三點多先瞓，第日話佢知媽媽好攰，冇精神，可能去唔到佢既party, 只能爸爸帶佢去，但佢竟然話：oh , 感我哋自己去啦！完全沒有關心一句。

我教導上可能有進步的空間，但我苦心自問，每遇到以上情況均有立即糾正和跟她一起討論，然後希望她下一次能再進步些。
有朋友説我太溫和，但我一來覺得打鬧是冇效，我有懲罰的，方法是減去她喜歡做的事情。
曾經我看過一篇文章關於adhd 的，內容是説adhd 小孩天生敏感（思想上），又衝動，他們會以自己的感覺行先，不懂别人的感受。

我已經接受了她有adhd 的事實，在校有吃藥時情況好很多，態度亦好較好。但當回家及假期沒吃藥，情況便失控。

你們有遇到這些問題嗎？是我放任她或是adhd小孩的特徵？我真的很亂很無助，我在她幼稚園階段為了照顧她已經放棄了一份喜歡而收入不錯的工作...... 其實我已問心無愧(emoji)(emoji)(emoji)(emoji)

作者: ccmak2009 時間: 18-5-2 13:49 標題: 回覆樓主:

可以帶小朋友去参加社交小組, 社工會有他們的方法教小朋友去鑑貌辨色。
要接受有時真的要帶小朋友出去上小組，學社交禮儀。
可以上協康會看看有沒有適合的小組，上到適合的小組應該可以幫到小朋友。

作者: tutik 時間: 18-5-3 14:30 標題: 回覆樓主:

我明！我仔都係咁，只能安慰自己佢既狀態係「製作中」，他朝希望佢做個好人。共勉之

作者: Letter_lalaland 時間: 18-5-5 08:27

laabc 發表於 18-5-1 23:30
心灰意冷.... 請問各位有專注力不足小孩的媽媽可否教我怎樣做(emoji)(emoji)(emoji)

大囡八歲經常冇禮貌（ ...

去揾OT 或者 ST嘅幫助；
〇T可睇下有冇其他感統問題，另外ST可幫忙教授溝通技巧、心智解讀。

作者: 米高華素基 時間: 18-5-14 19:15

我自己覺得新一代既專家教法都係話唔好體罰,會有反效果,普遍係佢錯就解釋,俾時間佢去消化,但現實我覺得睇小朋友性格,講一次兩次三次都唔聽,就唔可以再做溫柔媽媽了,適當既體罰亦係可以接受,我地呢一代細細個咪又係俾呀媽打大~ 有時可能係我地未搵到一個岩既方法去對自己既小朋友,始終個個小朋友有自己性格~

作者: 朱寶媽媽 時間: 18-6-23 06:25

laabc 發表於 18-5-1 23:30
心灰意冷.... 請問各位有專注力不足小孩的媽媽可否教我怎樣做(emoji)(emoji)(emoji)

大囡八歲經常冇禮貌（ ...

我個小朋友亦超冇禮貌,同同學相處亦是

作者: lillymarie 時間: 18-6-28 20:28

回覆 laabc 的帖子

我覺得這類小朋友需要「畫公仔畫出腸」。記得以前要好明白咁數俾阿仔聽，媽媽為他做了甚麼，呢D就代表愛佢啦！如果唔係，佢係永遠都唔明白的⋯⋯又要教他睇我面色，話佢知我個樣咁樣叫做嬲，然後再教佢避開唔好野我。
有時佢激嬲我，我要話佢知我點解嬲，又要教佢點樣補鑊，點樣向我道歉。
總之全程係自編自導自演。
好消息係好多年之後，確係有進步的。
不過，一定要趁佢地食咗藥時教，無食藥係教唔到，因為佢地無辦法專注，收唔到。

作者: a_for_apple 時間: 18-6-29 22:17 標題: 回覆樓主:

我仔一樣，有啲嘢講足十年，例如見到人要叫早晨，人哋幫你要講唔該，送嘢俾你要講多謝，咳/打乞痴要掩咀，食飯唔好飛象過河，包完雲吞/食完嘢嘅色裝紙放人垃圾桶，換完啲衫唔好掉落地下……數之不盡，但結果都係一樣。佢好冇同情心，同理心，永遠係自己啱晒，人哋錯晒，連擦功課唔夠乾淨都係擦膠嘅錯，賴得就賴，講到發晒火就好少少，但第二日又一樣。講嘢/眼神又冇禮貌，遲早俾人打

作者: CherryLNK 時間: 18-10-7 10:03 標題: 回覆樓主:

有些社交班有教這些的，我仔上過社交思考小組覺得有幫助

作者: tutik 時間: 18-10-8 11:04

CherryLNK 發表於 18-10-7 10:03
有些社交班有教這些的，我仔上過社交思考小組覺得有幫助

請問邊個機構？我個十一歲我教足十一年都重係咁黑人憎，可以點？

作者: 小余 時間: 18-10-11 14:31

tutik 發表於 18-10-8 11:04
請問邊個機構？我個十一歲我教足十一年都重係咁黑人憎，可以點？

其實我覺得我哋啲小朋友單純用“承擔失去喜歡的東西”的方法來管教係唔work或效果少的。
因為佢哋好快唔記得嘢。例如，就算唔係罰，你比一樣佢好鍾意的玩具放佢面前，然後開電視比佢睇，睇的途中拎走玩具，到熄咗電視佢已經忘記咗個玩具啦。咁你仲點可以佢會因為咁而感覺到受罰？

作者: adrio 時間: 18-10-13 00:11

提示: 作者被禁止或刪除內容自動屏蔽

作者: idak 時間: 19-2-16 04:13 標題: 回覆樓主:

我之前上堂學，最好係在佢做正確立即讚佢。例如:你頭先有同伯伯講早晨，真係乖。你幫我拎住個袋，我好開心！你講嘢無之前咁大聲，真係好C文！因為佢做咗D錯事，你立即話佢，一來未必聽得入耳，二來佢唔知點樣改，你話佢更加對你有反感。我女一做錯事會叫停佢，一句起兩句止，返到屋企先慢慢同佢分析。

作者: fion_umama 時間: 19-3-6 16:52

提示: 作者被禁止或刪除內容自動屏蔽

歡迎光臨教育王國 (/)