教育王國
標題: 有無成功考到名幼家長可分享下經驗 [打印本頁]
作者: kit418 時間: 17-3-21 12:34 標題: 有無成功考到名幼家長可分享下經驗
我見有人同時in幾間名幼同時亦有幾間名幼offer,我諗名幼可能有一定的收生準則,不會時常有這麼巧合吧?衹是家長唔知佢地點揀學生和家長,有無成功家長可分享下經驗,應該如何準備呢?
作者: Dadagaga 時間: 17-3-21 13:02
回覆 kit418 的帖子
其實無人知學校收生標準。
名幼面試包括: 家長陪同小朋友個人面試, 小朋友獨立個人面試,家長面試, 家長陪同小朋友集體面試, 小朋友獨立集體面試,仲有問卷,我全部都試過,也幸運地也有offer。
我覺得老師見盡小朋友,佢地有方法搵到合適的小朋友,而不是單單有無講早晨、多謝,而決定收邊一個小朋友。
所以經常出現做哂唔收, 或者無做又收情況。
幼稚園面試just a game, don't be too serious and relaxed.....
如果問特質,我小朋友係大b,係淡定型,面試不是最active的一班小朋友,但很專心聆聽,留意指令,說話斯文。
作者: hello22 時間: 17-3-21 13:06
其實真是不知道他們的準則,好似我個囡考SC 的pn 和 k1 都失敗 (我覺得表現幾好),但考KV表現麻麻就有offer ,所以有時真講運氣,不過相信有一些特質是必須 :
1)要有反應 - 老師問問題就算唔識都要答不知道
2)要有禮貌 - 最起碼要講thank you
3) 說話要大聲 - 最小講自己名字要大大聲
沒有上面試班,平時教她唱下歌玩下積木,唔好給壓力,因為如果令小朋友唔鍾意面試就大件事
作者: kit418 時間: 17-3-21 13:25
Dadagaga 發表於 17-3-21 13:02
回覆 kit418 的帖子
其實無人知學校收生標準。
本帖最後由 kit418 於 17-3-21 13:30 編輯
本帖最後由 kit418 於 17-3-21 13:26 編輯
我女都算大B ,4月B,能聽從指令,有禮貌,面試都淡定,係尊注力麻麻,有時要重覆同佢講多次先會做(可能佢留意緊佢想玩嘅玩具),屋企較活潑,陌生地方就有怕羞的情況。我都知要平常心,但是吾知是否有什麼地方未做得好,想聽下其他成功的經驗。
作者: Dadagaga 時間: 17-3-21 13:30
kit418 發表於 17-3-21 13:25
本帖最後由 kit418 於 17-3-21 13:30 編輯
本帖最後由 kit418 於 17-3-21 13:26 編輯
好正常,同我囡一樣,所以我覺得老師對眼會screen and scan 的。
我囡一樣說話細聲,怕羞,什至唔講自己名,但老師有technique 開始conversation, 小朋友自然會講,所以評分應該係整體,非一個問題及答題決定。
作者: kit418 時間: 17-3-21 13:45
hello22 發表於 17-3-21 13:06
其實真是不知道他們的準則,好似我個囡考SC 的pn 和 k1 都失敗 (我覺得表現幾好),但考KV表現麻麻就有offe ...
本帖最後由 kit418 於 17-3-21 14:01 編輯
係呀,明白係好難估,我想了解多D名幼多數收什麼特質的小孩和家長,作好好準備。我都係每日看書,玩認知玩具,教唱歌跳舞,禮貌及自理。面試都答啱問題,係唱歌時衹企吾跳,佢可能怕醜。如果面試吾跳舞家長要點做呢?果時我同佢講吾洗怕醜一齊玩,都係吾跳,最後捉住手一齊跳,佢playgroup屋企會跳舞。另外請問你覺得KV這學校好嗎?對考直資私小有幫助嗎?謝謝妳回復。
作者: maymay27 時間: 17-3-21 14:36
外向、主動、說話/表達能力高,一般「名幼」都較易成功。但我覺得這些性格是天生的,很難塑做出來。
作者: boojiji 時間: 17-3-21 15:57
我覺得你自己和你小孩本身是什麼特質就只有將你們的特質SHOW出來, 而不是為了某一間幼稚園而"造"你們的特質出來...每一個人的天賦都不同~ 另總不能為了你自己想佢入名校而要你小朋友改變自己本身的特質.
如果某一間幼稚園不適合你的小朋友本身, 佢會返學返得好唔開心, 又唔FIT IN, 最後怕左返學, 得不償失.
作者: kitty0204 時間: 17-3-21 16:24
樓主所謂既名幼, 是那幾間?
我覺得每間幼稚園都有不同要求 ,
不過整體來說, 大B, 樣子乖巧得來性格又不是過份害羞, 聽指令, 樣子甜美, 醒目是有優勢,
我身邊有朋友考所有名幼及龍校都收就確是這類.
作者: SarahGil 時間: 17-3-21 17:29
回覆 maymay27 的帖子
也不一定,我囡有齊你所講的性格特質,仲要係大囡,當年in PN時剛踏入naughter two,衰好奇周圍走坐吾定,結果慘敗收場.係In K1 叫好少少.所以大B都沒有一定的優勢. In SC 最緊要識坐定定.
作者: hello22 時間: 17-3-21 18:40
kit418 發表於 17-3-21 13:45
本帖最後由 kit418 於 17-3-21 14:01 編輯
係呀,明白係好難估,我想了解多D名幼多數收什麼特質的小孩 ...
同意呀,如果小朋友唔肯做都冇辨法,所以培養他們覺得面試好好玩,不要給壓力,報多幾間當鍊習,有幾間是小朋友自己見的,真是睇運氣,不過就算是一齊見都不能提水
KV 是名幼當然對上直小有幫助,但應該幾谷所以辛苦啲,不過我都因為有龍校收而放棄offer
作者: kit418 時間: 17-3-21 20:20
kitty0204 發表於 17-3-21 16:24
樓主所謂既名幼, 是那幾間?
我覺得每間幼稚園都有不同要求 ,
我嘅目標係德望,培正,學之園,SC這類名幼,最想入德望,但知道很難考。自考pn失敗咗,所以很擔心今年考k1又考得吾好。
作者: mable0901 時間: 17-3-21 21:24 標題: 回覆樓主:
本帖最後由 mable0901 於 17-3-21 21:25 編輯
你做幾多準備幾多 只係一種期望
小朋友做到幾多識幾多 都只係一場遊戲
只有平常心 先會有驚喜
當年大女 表現比妹妹 好好多
我忙於大女升小 完全冇教冇理妹妹面試
第一場 先教佢 講自己名
不過妹妹offer多好多 仲有你講名幼
呢個其一場面試 仲有小學 中學
唔到你唸咁多 自己心態先重要
平常心 因為你永遠估唔到學校點選
作者: 貝珠 時間: 17-3-21 21:32
叫小朋友唔好怕羞,係冇用,你用呢個字,其實更加定形佢怕羞。冇須要給太多壓力,試下relax d, 陪佢一齊做大細路,一齊唱歌跳舞。生活上俾多d機會佢地和其他人有interaction, 例如自己點菜,賣旗之類。另外,有些學校,父母的表現,或問卷也很重要,(個人認為SC, KV)
作者: hello22 時間: 17-3-21 21:58
kit418 發表於 17-3-21 20:20
我嘅目標係德望,培正,學之園,SC這類名幼,最想入德望,但知道很難考。自考pn失敗咗,所以很擔心今年考k ...
離in k1 仲有好幾個月,小朋友大得很快,到年底相信有很大改變,記住上n 班( 就算不是心儀的學校),小朋友接觸老師和其他同學後會變得大膽一些,而in k1 時學校都會覺得小朋友讀過n 班會更容易適應
作者: msLamip 時間: 17-3-21 22:15
睇完這篇火都嚟,佢講既野全部都是真理。但係就無講佢地就係專收這些能從小迎合大人的小朋友!
圖片附件: myimage.jpg (17-3-21 22:15, 3.54 MB) / 下載次數 5
/forum.php?mod=attachment&aid=MTA3NTIzfDU4MjZjOWU5fDE3MTU4ODk0MjB8MA%3D%3D
作者: Tanyafish 時間: 17-3-21 22:52
我實際d講-
跳舞:面試前兩週晚晚同小朋友播歌一起high住那住shakers條同搖。小朋友比起無這樣做的之前(去年12月或之前)那些面試顯著變得聞歌起舞。
Playgroup: 有番開,習慣聽指令,不害羞。去樓下去公園認識不認識都打招呼。
伴讀:時常常講打招呼的故事。不怕生保容易識朋友的故事。習慣和喜歡看書。面試時看到有玩具同書本,都會玩完一陣玩具便選書看。可以看很多本。自己看都得。
其他因素:聽聞家長住址是否近學校,學歷和職業有影響。我覺得一定有,不然學校叫人填來做什麼。 但係呢d不是自己控制範圍內的東西(除了可以搬家)擔心都無意思。只能做好自己份內事。
至於上述培養事宜,其實係對小朋友本身好,考唔考到幼稚園都為小朋友做我覺得是好事。不用太過去想是否「迎合」大人或幼稚園面試。
利申:無考sc. 有LH, Vic, 啟思(九龍塘),明慧,綠茵,和全日制學券校offer。
作者: Tanyafish 時間: 17-3-21 22:56
msLamip 發表於 17-3-21 22:15
睇完這篇火都嚟,佢講既野全部都是真理。但係就無講佢地就係專收這些能從小迎合大人的小朋友!
...
同意。
作者: Dadagaga 時間: 17-3-21 23:08
kit418 發表於 17-3-21 20:20
我嘅目標係德望,培正,學之園,SC這類名幼,最想入德望,但知道很難考。自考pn失敗咗,所以很擔心今年考k ...
我囡有呢D學校offer,其實每間不同。
培正:佢自己入去,我唔知佢表現如何。
學之園:佢係in 得好,問題深,但佢好留心老師問題,也回答到,老師也專登挑戰下佢,再加上父母面試。
根德園:爸爸去,佢話in 得好。
SC: 我覺得表現可以,要答都答哂。
GH: 呢個佢無offer, 因為玩moody, 無開金口說話。
我無事前train,反而當去玩心態,佢都覺得係去玩,做返平時已經好......
作者: 貝珠 時間: 17-3-21 23:34
msLamip 發表於 17-3-21 22:15
睇完這篇火都嚟,佢講既野全部都是真理。但係就無講佢地就係專收這些能從小迎合大人的小朋友!
...
好中point. 家長也要有所反省。
作者: ekhc 時間: 17-3-21 23:49
msLamip 發表於 17-3-21 22:15
睇完這篇火都嚟,佢講既野全部都是真理。但係就無講佢地就係專收這些能從小迎合大人的小朋友!
...
作者: Twinklecar 時間: 17-3-22 09:19
大B
作者: yeikaki 時間: 17-3-22 09:47
我朋友個女一月B, 所有名幼都收佢
作者: kit418 時間: 17-3-22 10:04
SarahGil 發表於 17-3-21 17:29
回覆 maymay27 的帖子
也不一定,我囡有齊你所講的性格特質,仲要係大囡,當年in PN時剛踏入naughter two,衰 ...
本帖最後由 kit418 於 17-3-22 10:09 編輯
係呀,我個女都有naughter two問題,開始坐吾定及有自己主見。我會看書及嘗試用不同方法令佢合作,請問各位媽媽有沒有可以令她們合作的方法可以作參考。另外我認同用不同方法玩面試遊戲,希望佢知道面試衹是遊戲的一種,不會有壓力。
作者: kit418 時間: 17-3-22 10:19
貝珠 發表於 17-3-21 21:32
叫小朋友唔好怕羞,係冇用,你用呢個字,其實更加定形佢怕羞。冇須要給太多壓力,試下relax d, 陪佢一齊做 ...
真係好感激各位媽媽的分享,我亦會不斷檢討及改良方法,始終新手媽媽,希望吸收多D成功媽媽教小朋友嘅方法,如果小朋友面試特然不合作,請問家長各位會點處理。
作者: kit418 時間: 17-3-22 10:28
hello22 發表於 17-3-21 18:40
同意呀,如果小朋友唔肯做都冇辨法,所以培養他們覺得面試好好玩,不要給壓力,報多幾間當鍊習,有幾間是 ...
小朋友同媽媽都好叻叻,入到心儀既龍校,介吾介意講入左邊間,平時你如何教小朋友呢。
作者: pollywcw 時間: 17-3-22 10:55
小女讀LH PN, 今年考K1 有 MS, PC, SH offer. 佢係一月B, 坐得定 聽指令嗰type, 唔係主動但有問必答, 都獨立唔太痴身
自己覺得大B 一定有優勢, 其次係性格取決於一切. 佢學術普通, 我都冇刻意吹谷, 但相信任何學校都like 聽指令小朋友
另外, 做mama 都要勤力d 爬下文睇下心儀學校in d 乜, 有d 年年都咁上下. 明知LH 係考mummy 睇仔, 咁就帶定d 書同玩具方面control . MS 就考字母, 咁咪多d 溫下, 我嗰陣估通常都係A-G.唔會考得勁深.
嗰d interview 班就唔好join , 咁細小朋友都係moody , 亦都唔會記得咩interview 技效. 來來去去都係考common 嘢. 平時有心自己教下佢就夠.
講到尾, 經驗所得interview 唔係in 小朋友, 人地都會留意父母.
作者: dorandka 時間: 17-3-22 11:05 標題: 回覆樓主:
有龍校同其他offers, 覺得龍校鐘意收坐得定,乖巧型。喊都唔一定唔收架。
加油!
作者: kitty0204 時間: 17-3-22 11:16
kit418 發表於 17-3-21 20:20
我嘅目標係德望,培正,學之園,SC這類名幼,最想入德望,但知道很難考。自考pn失敗咗,所以很擔心今年考k ...
LH K1 真係預左難入, 因為N直升K, K位得好少,
LH K係最難考, 老師問既野好廣泛, 小朋友要自動波一問一答, 問既野係極多, 中英也有問,
有學術,有日常知識; SC 我無意見, 因為無考,
至於德望, 培正, 我小朋友都有呢D OFFER,
德望培正會喜歡乖巧聽話既小朋友, 佢地不一定要好醒目既小朋友,
德望有2次interview, 1st in係Group in , 小朋友向前面, 大人向後面填問卷,
小朋友要習慣聽指令, 同埋要乖巧,
2ndin 大人同小朋友分開in, 小朋友同父母一齊排隊, 然後拖住老師排隊入另一間課室,
我覺得2nd in 較重小朋友表現, 我同先生面談那部分只回答了1條問題1-2分鐘左右,
小朋友要有足夠既心理準備分離, 向課室老師會講故事, 同埋有玩LEGO , 滑梯, 老師會同佢地傾計,
我覺得揀N可以揀一間重紀律, 唔好甘free style 會對考K有幫助,
培正就小朋友自己入, 我眼見, 而家D小朋友分離真係無問題, 好少小朋友會喊,
因為小朋友自己IN, 所以俾唔到咩意見
其實interview 真係睇眼緣, 睇彩數, 向品德方面下多數苦功, 等小朋友習慣聽指令,
比著你係老師, 你都會鐘意有禮貌,好品德聽指令既小朋友.
作者: hello22 時間: 17-3-22 13:31
kit418 發表於 17-3-22 10:28
小朋友同媽媽都好叻叻,入到心儀既龍校,介吾介意講入左邊間,平時你如何教小朋友呢。
...
GH 收所以放棄KV,其實都幾唔捨得,不過心儀女校,因為之前報了好幾間個個星期面試,熱了身,所以GH 1st in 表現幾好,但問卷未填完,2nd in 小朋友自己見所以不知表現如何但我們家長見老師時答得認真麻麻,都驚會累了小朋友,所以有offer都好驚喜,平時都是讀下故事書玩下積木,不過我覺得上n 班是很重要的,等小朋友接觸下老師和其他同學,學校亦會教禮儀和德行,不要説面試就算對小朋友成長都有好處
作者: 貝珠 時間: 17-3-22 14:40
kit418 發表於 17-3-22 10:19
真係好感激各位媽媽的分享,我亦會不斷檢討及改良方法,始終新手媽媽,希望吸收多D成功媽媽教小朋友嘅方法 ...
我女兒最愛看書,我永遠有幾本書係身,平靜情緒。
作者: kit418 時間: 17-3-22 18:39
hello22 發表於 17-3-22 13:31
GH 收所以放棄KV,其實都幾唔捨得,不過心儀女校,因為之前報了好幾間個個星期面試,熱了身,所以GH 1st i ...
我這幾天都幫阿女報返屋村n班,但可能太遲,希望仲有位。有D係重英語的,這些好唔好呢?
作者: hello22 時間: 17-3-23 13:28
kit418 發表於 17-3-22 18:39
我這幾天都幫阿女報返屋村n班,但可能太遲,希望仲有位。有D係重英語的,這些好唔好呢?
...
重英文當然好啦,但好多間名幼都是用廣東話面試,上n班主要另小朋友接觸下唔熟的人和試下沒有媽媽在場,學校會教小朋友自律和禮貌
作者: 晴雨公仔 時間: 17-4-3 17:59
試過有間名幼稚園, 一個小朋友答晒所有題目唔收; 但另一個小朋友冇出聲一條都冇答卻收左, 所以我個人認為, 名幼稚園較看重"住址和父母職業".
作者: chingchingbb14 時間: 17-4-3 23:26
我小朋友由PN開始,SC,LH嗰啲都無,連sec in都無。到K,GH有sec in 唔中,但最後有SPK。佢學術上比其他小朋友少。佢唯一優點係多嘢講,唔怕醜。我無高尚住址同職業。其實係緣份遊戲咋。
作者: xiaoxiaoau 時間: 17-4-11 11:58
回覆 Tanyafish 的帖子
家長住址是否近學校,學歷和職業有影響。我覺得一定有>>> agree!
作者: 星星的後裔 時間: 17-4-11 13:47
chingchingbb14 發表於 17-4-3 23:26
我小朋友由PN開始,SC,LH嗰啲都無,連sec in都無。到K,GH有sec in 唔中,但最後有SPK。佢學術上比其他小 ...
我以為是我的留言,因為同你差唔多一樣情況。 我住私人樓,但唔係豪宅。打份工,但高過全港入息中位數。夫婦是大學生,但大把人有亦無學校要填寫。所以是緣分,亦視乎家長有否堅持。
作者: joeyliyc 時間: 17-4-12 06:29
本帖最後由 joeyliyc 於 17-4-12 06:31 編輯
大B
我個囡2月b,除左GH,其他有報名的都收。
作者: gloomy1115 時間: 17-4-12 10:14
我女七月尾出世上年考pn考LH果陣喊爆無offer, 今年考K1有LH, SC, MS, KCS offer,我女性格比較怕醜內向,所以都估佢唔到.
第一間考sc 果日佢作病,狀態唔好,加埋考pn爆喊陰影諗住唔喊已經當贏,我係隔離填問卷其實唔係好知老師問佢乜,淨係見到老師問親佢都唔出聲,叫佢放蘿蔔落拉鏈袋佢放左架車仔,有幅圖老師問叫佢指答案又指錯晒,所以預左唔收,最後有offer再回想返面試當日入第一間房玩Lego, 其他媽咪比較緊張係後面捉住個仔砌我就咁啱坐得比較遠,我女望住我我就鼓勵佢坐低自己砌,咁佢砌到好高之後隔離有小朋友跌左Lego落地我女又無啦啦幫人執返,老師話砌完要去第二間房面試佢就自己逐粒逐粒拆落黎先走,我估呢part 加左佢好多分,有興趣考sc 家長可以係屋企同小朋友玩多啲Lego
續
作者: gloomy1115 時間: 17-4-12 10:15
MS - 等果陣又係玩Lego 定係其他玩具(唔記得左),入房interview 真係大開眼界,問啲野比想像中深好多例如有幅圖有對父子係泳池入面游水,老師問完佢地做乜又問果度邊度(我女唔識答因爲無乜去泳池),指數字,指字母(開頭以為最多A-E,點知M呀Q呀都問埋,我無教過女數字字母佢竟然指(撞)啱晒、如有神助咁,應該pn有教過下所以記得,顏色以為問紅黃藍綠,點知老師要佢指黑、啡、白(呢個我之前刨Ek 見過有啲人見民生都係問啲難啲嘅顏色所以前一晚同佢準備過下)不過雖然難但老師有愛心又好encouraging , 女第一次唔答老師都係咁比tips ,或者問多幾次,所以我對MS 印象唔錯,最後有am offer,btw, 聽聞MS都好睇問卷,建議比啲心機填(我無加紙、佢比咁多行我填咁多行
LH - 唔係我帶所以睇唔到佢表現,我老公話佢面試正常唔係特別叻果隻
KCS - 都係問答指野,問返正常2歲小朋友程度,見完MS即刻覺得KCS 淺好多
希望幫到樓主
作者: matsushima 時間: 17-4-12 11:02
晴雨公仔 發表於 17-4-3 17:59
試過有間名幼稚園, 一個小朋友答晒所有題目唔收; 但另一個小朋友冇出聲一條都冇答卻收左, 所以我個人認為, ...
咁誇張
歡迎光臨 教育王國 (/) |
Powered by Discuz! X1.5 |