教育王國

標題: 20個月淨講單字 [打印本頁]

作者: 十字奶奶 時間: 16-8-16 20:02 標題: 20個月淨講單字

我女20個月淨講以下單字

媽媽爸爸婆婆波波puff (因為好鐘意食）dida（即工人姐姐）

係咪好大問題？聽指令完全無問題，但就係唔開金口。有無小朋友同樣情況？

作者: Sask999 時間: 16-8-17 00:06 標題: 引用：我女20個月淨講以下單字媽媽爸爸婆婆波波

原帖由 十字奶奶 於 16-08-16 發表
我女20個月淨講以下單字

媽媽爸爸婆婆波波puff (因為好鐘意食）dida（即工人姐姐）

盡快去健康院排評估。

作者: KCHK 時間: 16-8-17 10:25 標題: 回覆：20個月淨講單字

女仔來講算係慢左，不過無其他固執行為同明白指令的話試下帶佢同多d 公園, 遊樂場試下多d 同年齡刺激睇下有無改善? 不過盡快去健康院跟進。

作者: sukilulu 時間: 16-8-17 11:56

我仔21個月大, 都係只講媽媽,爸爸,冇其他, 去過評估中心, d姑娘話咁細個未可以定段到, 最快都要2歲半,先可以有follow up, 唉!我都煩緊中

作者: nickykiu 時間: 16-8-17 13:55 標題: 回覆：sukilulu 的帖子

我個細仔24個月大，只識講約10個字（中+英），岩岩做左評估，醫生話佢發展遲緩

作者: roy_ming8374 時間: 16-8-18 14:36 標題: 引用：我女20個月淨講以下單字媽媽爸爸婆婆波波

原帖由 十字奶奶 於 16-08-16 發表
我女20個月淨講以下單字

媽媽爸爸婆婆波波puff (因為好鐘意食）dida（即工人姐姐）

我囡8月尾兩歲，又係講得媽咪爸爸姐姐嫲嫲，爺爺之前都肯叫下，而家唔肯。已去下葵同協康排評估。我都好煩

作者: mo515 時間: 16-8-21 18:49 標題: 引用：我女20個月淨講以下單字媽媽爸爸婆婆波波

原帖由 十字奶奶 於 16-08-16 發表
我女20個月淨講以下單字

媽媽爸爸婆婆波波puff (因為好鐘意食）dida（即工人姐姐）

我個仔月尾2歲，都仍是單字，都有20單個字，但仍流口水，排緊CAC

作者: 十字奶奶 時間: 16-8-21 23:28 標題: 回覆：KCHK 的帖子

已排CAC，應該呢2個月有得見醫生。私家言語治療，話屋企太多語言。英文廣東話普通話，建議要改。

作者: bbjoanna 時間: 16-8-30 01:20

私家治療師有提過，有時小朋友既性格係因素之一，如果有自己主見個d未必你教佢就肯跟，會用自己方式去做事，但相對黎講較有創意

作者: jo.na.than.chan 時間: 16-8-30 18:30 標題: 回覆：十字奶奶的帖子

我個仔果陣情況同你小朋友有啲似。果陣未夠2歲，好多時都係做動作，識講嘅字10個都唔夠。去間訓練中心，中心介紹去搵個語言治療師做評估。治療師問我地好多屋企嘅情況。我地喺屋企多數講英文，日頭就老人家講中文，姐姐都係講英文。評估完之後治療師話阿仔識分中英文，好多野都聽得明。佢話唔駛刻意轉晒做一種語言。上咗就快一年，宜家阿仔好多野講，句子詞語都大有進步。

我諗每個小朋友嘅情況都會唔同，要搵專業人士做評估知多啲。

作者: 十字奶奶 時間: 16-8-30 19:03 標題: 回覆：jo.na.than.chan 的帖子

Many thanks!!! The same case as my home!

歡迎光臨教育王國 (/)