教育王國
標題: 如果父母有能力, 應唔應該一直跟進孩子的學業 [打印本頁]
作者: pky 時間: 15-2-15 19:00 標題: 如果父母有能力, 應唔應該一直跟進孩子的學業
本帖最後由 pky 於 15-2-15 19:00 編輯
亞女同我講, 原來全級考第一的同學, 暑假時佢媽已經同佢進行特訓, 連bridging course都唔上, 嫌課程太淺.
很多家長, 子女一上到中學, 就話唔識跟, 所以冇理, 放手俾子女自己嚟, 咁如果家長有能力(學歷), 能夠一直跟進, 教導子女的學業, 係咪應該繼續跟進, 直到中學完成? 但有兩個問題: 首先家長想跟, 都要個細路肯俾你跟先得; 再者, 這樣目標為本, 係咪啱呢? 係咪真係只需要睇成果, 而不用理會學習的過程呢? 孩子這樣倚賴是好事嗎?
我女一上中學已經唔俾我跟, 今次考全級頭20%, 但見到原來考第一係要咁既, 即刻覺得很矛盾, 駛唔駛跟返呢? 到底過程緊要定結果緊要?
作者: Yanamami 時間: 15-2-15 20:21
你根本就已經知道答案㗎，係咪？
作者: longlokma 時間: 15-2-15 21:12 標題: 回覆：如果父母有能力, 應唔應該一直跟進孩子的學業
跟到中學完成？
佢媽媽真是咁叻，所有科，係所有科，都有本事跟同指導個女到中学完呀？
作者: TwinWong 時間: 15-2-15 23:39
本帖最後由 TwinWong 於 15-2-15 23:40 編輯
自問我真的沒本事跟囡囡功課, 測驗/考試, 亦無車望过囡囡是全班第一定全級第一, 只會叫囡囡每次測, 每次考 以60分做保險線, 希望佢每科可以提升最高5分為目标, 最少希望有3分, 如測驗高到有3分時, 下小心D向考試高多5分, 尽量唔好跌出保險線, 目前只係数學難搞, 其他已可以达到預期目标, 都有意外驚喜, 希望佢適應咗数, 再上返平日水平, 然後下个測/考, 再向上學分做基礎保險線, 再試提升3-5分做目标, 慢慢咁升上去
作者: beaclem 時間: 15-2-16 00:26 標題: 回覆：TwinWong 的帖子
就算有能力我都唔會囉，唔通讀大學又跟呀！唔小朋友會無咗自立能力架啦！
作者: beaclem 時間: 15-2-16 00:29 標題: 回覆：beaclem 的帖子
人生唔係剩係讀書, 重有其他野，在我黎講，有自立能力同品德與成績同樣重要
作者: 洋蔥頭媽咪 時間: 15-2-16 09:44 標題: 引用：人生唔係剩係讀書,+重有其他野，在我黎講，
原帖由 beaclem 於 15-02-16 發表
人生唔係剩係讀書, 重有其他野，在我黎講，有自立能力同品德與成績同樣重要
...
作者: pky 時間: 15-2-16 10:35
我對該家長認識不多, 只知佢係全職媽媽, 仲有一個大女讀高中, 兩個女從小學開始, 一直都名列前茅, 相信該媽媽付出不少心機, 也可能係咁, 佢想一直保持佳績掛?
我覺得佢能夠有方法跟到女女的學業, 又保持到咁top的成績, 真係好叻. 我自問讀書不多, 冇咁既料, 但如果有, 係咪應該都學佢咁, 咁咪可以年年攞學業奬, 第日升大學應冇難度?
作者: dsedse 時間: 15-2-16 11:09
係咪應該都學佢咁, 咁咪可以年年攞學業奬, 第日升大學應冇難度?如果是你去讀書,問題不大
...問題是你女女去讀書,就大問題不,點解要跟?同一方法用不同人有不同效果,怕弄巧成拙.....
作者: brother4 時間: 15-2-16 11:38 標題: 回覆：如果父母有能力, 應唔應該一直跟進孩子的學業
其實中—頭20%，真很叻，可以考慮放手，我自己孩子全級尾尾20%，我才要更需要。。。幸好年年升50名，孩子高中頭20%，是蟲是龍，好看上天安排，因性格，青春期，身邊什麼同學，。。。
作者: bestwish 時間: 15-2-16 11:53 標題: 引用：Quote:原帖由+beaclem+於+15-02-16+發表人
原帖由 洋蔥頭媽咪 於 15-02-16 發表
完全同意，所以響孩子小學階段就必須培養佢自理，自信，自學能力，其實好多家長就係小學唔肯學放手，所以中 ...
作者: Happy_miffy 時間: 15-2-16 11:54
提示: 作者被禁止或刪除 內容自動屏蔽
作者: 結結巴巴 時間: 15-2-16 15:10 標題: 引用：我對該家長認識不多,+只知佢係全職媽媽,+仲
原帖由 pky 於 15-02-16 發表
我對該家長認識不多, 只知佢係全職媽媽, 仲有一個大女讀高中, 兩個女從小學開始, 一直都名列前茅, 相信該媽 ...
同人比，只會越比越累。
作者: 王家爸爸 時間: 15-2-16 16:36
男仔要人跟，唔係跟學業，係提醒佢呢樣嗰樣，唔提可能考試都唔記得。
作者: Yanamami 時間: 15-2-16 18:40
都要睇資質既，就算阿媽有料又肯跟，但个小明友唔掂，只会激到阿媽血压高｡話分两头，机会成本，想佢而家年年第—，第日靠自己時失哂方向(断估阿媽唔可以扶到佢一世啩~)，定而家仲有進步空间，但練得一身好武功？想要賺短線定長線啫~
作者: Ceci333 時間: 15-2-16 19:11
因為孩子已讀大學，回看他身邊從小學到現在的同學，媽媽跟到足的，有的有好結果，有的是差的，很難說啊。初中時一定會好的，不過，上到高中，最top果個通常沒有媽媽跟的。
其實，全級第一和全級第二十分別不大呀。考公開試是看天時地利人和，考第二十的分分鐘比考第一的好。
作者: MC1128 時間: 15-2-16 19:17
本帖最後由 MC1128 於 15-2-16 21:18 編輯
Yanamami 發表於 15-2-16 18:40 
都要睇資質既，就算阿媽有料又肯跟，但个小明友唔掂，只会激到阿媽血压高｡話分两头，机会成本，想佢而家年 ...
真正有能力的家長,係要懂得分辨,怎樣做是提點、指引子女;怎樣做是害咗佢
"跟進",呢個說法其實好正面
老實說,我見到的叻學生,主力係佢本人。家長的跟進,是錦上添花
去到中學階段,所謂叻,是很全面的
除了學業成績外,仲有好多強項,未見過單學業叻
例如,做埋學生會,代表有良好溝通能力
英作/中作, 英辯/中辯,中/英/普演講能力
體育.音樂,美術等等,仲有,還可以做義工做到爆時攞金獎
呢啲項目,家長無得落場幫手
作者: Miss_Parker 時間: 15-2-16 21:35
讀書係學生的責任, 唔通大學都要阿媽一起溫書咩
何況依你所講,絕對可放手啦
作者: YDLFATHER 時間: 15-2-18 01:11
pky 發表於 15-2-16 10:35
我對該家長認識不多, 只知佢係全職媽媽, 仲有一個大女讀高中, 兩個女從小學開始, 一直都名列前茅, 相信該媽 ...
作者: 樂恩媽 時間: 15-2-18 11:23
我老公話, 上到高中, 是龍是蟲, 都靠囝囝自己, 所以, 現在仍不學習放手, 難道陪他上大學,見工和返工嗎?
作者: mymychung909 時間: 15-2-18 12:12
要訓練自立能力
作者: brother4 時間: 15-2-20 15:55 標題: 回覆：如果父母有能力, 應唔應該一直跟進孩子的學業
西北放文昌塔
作者: MariaTsui 時間: 15-2-20 17:19 標題: 引用：男仔要人跟，唔係跟學業，係提醒佢呢樣嗰樣
原帖由 王家爸爸 於 15-02-16 發表
男仔要人跟，唔係跟學業，係提醒佢呢樣嗰樣，唔提可能考試都唔記得。
作者: heayman 時間: 15-2-20 23:50
應該放手了
作者: jollyma 時間: 15-2-21 19:22
有些媽咪將仔女成就同自己成就掛勾，尤其係高學歷嗰啲，覺得自己已經犧牲咗份工做全職媽媽，點都唔可以輸。其實好悲哀，莫講話簡單如讀書，真係咩都幫仔女安排晒，跟到足，平日出街，成個袋都係仔女啲工課同補充練習。
作者: 咸蛋三寶飯 時間: 15-2-21 22:07
pky 發表於 15-2-15 19:00
亞女同我講, 原來全級考第一的同學, 暑假時佢媽已經同佢進行特訓, 連bridging course都唔上, 嫌課程太淺.
...
作者: zilch01 時間: 15-2-24 08:09 標題: 引用：+本帖最後由+pky+於+15-2-15+19:00+編輯+\
原帖由 pky 於 15-02-15 發表
本帖最後由 pky 於 15-2-15 19:00 編輯
亞女同我講, 原來全級考第一的同學, 暑假時佢媽已經同佢進行特訓 ...
你聆願個女讀書叻，年年考第一，但凡事要依賴你？
還是好似你個女咁，讀書中上，懂得自立？
你懂的！
小學，你的角色可能是教導
中學呢？輔導，因為佢開始建立了自己的價值觀了，你要做的只是協助，而且惡不得，佢開始會反抗
再大D呢？引導
作者: glu 時間: 15-2-25 17:32
我個人覺得每個小朋友都是不同的. 真的要看性格, 能放手訓練獨立當然是最好啦. 終身受用. 但要視實際情況. 可以放下收下. 見唔對路就跟貼些, 上了軌就放下, 萬一有時走出左軌道,就扶下佢. 畢竟每個小朋友的能力和成熟度都不同. 有人快些有人慢些. 只有父母最清楚自己孩子的需要.
每個家長都有不同的看法, 放手又好. 扶助又好, 最重要是不傷害關係.
(我有兩個小朋友. 一個要扶, 一個自動波, 兩個小朋友的求學心態不同, 兩個性格. )
作者: joyjoyparent 時間: 15-3-4 00:25
自問即或有學歷, 也恐怕跟不了今天的DSE(及其奇怪的評分準則)! 加上仔女可選的科目極廣泛, 未必我們以前讀過. 跟不了!
作者: mimi1102 時間: 15-3-5 18:10
其實我唔會羡慕要父母幫助下名列前矛的學生, 我覺得所有的功勞都係歸功於父母, 亦都覺得佢地的父母好可憐, 要咁樣跟到幾時? 到時出嚟做野, 又擔心個proposal 做得唔好, 比老闆鬧, 又幫佢做埋呀?
我只會欣賞在自動波下考到中上成績的小朋友.
作者: 1773 時間: 15-3-5 20:35 標題: 回覆：如果父母有能力, 應唔應該一直跟進孩子的學業
如果父母讀書好叻，應該有一套讀書的方法。始終中學與小學有不同，中一中二時可以教仔女讀書溫習的方法，不應是特訓，否則只有局限咗仔女。
作者: little_yolky 時間: 15-3-13 12:29
jollyma 發表於 15-2-21 19:22
有些媽咪將仔女成就同自己成就掛勾，尤其係高學歷嗰啲，覺得自己已經犧牲咗份工做全職媽媽，點都唔可以輸。 ...
我諗我會一直跟阿女啲廚藝、食物養生調理及家務處理能力到中學畢業.........為咗佢未來既另一半同我未來乖孫著想。
作者: TwinWong 時間: 15-3-13 12:40
little_yolky 發表於 15-3-13 12:29
係, 見到朝早坐火車時, 有位媽媽個shopping bag好大一袋英文圖書仔, 阿女由上車睇到落車, 唔駛郁, 只係睇書 ...
作者: Mat_Dad 時間: 15-3-13 13:12
我反而想問:
如果父母有能力, 應唔應該一直養孩子過世?
作者: donald63 時間: 15-3-13 21:01
跟? 讀書跟本係靠自己, 如果仔女讀到書跟本就唔使跟, 讀唔到書點跟都無用
作者: joyjoyparent 時間: 15-3-15 21:27
回覆 Mat_Dad 的帖子
我聽過有強國爸爸叫兒子不用比心機讀書, 只要花心思幫他駛錢, 因足夠養佢一世.
作者: aa123123 時間: 15-3-17 12:14
回覆 joyjoyparent 的帖子
作者: cherubic 時間: 15-3-17 16:47
100% parental involvement is not recommended, but kids sometimes need help. For example, my kid sometimes asks me to proof read his essay/ report or asks for my advice how to deal with a Maths problem. I am more than willing to help.
作者: goodmama2003 時間: 15-3-18 16:47
提示: 作者被禁止或刪除 內容自動屏蔽
作者: Yanamami 時間: 15-3-18 23:19
其实除开学業成績，仔女番学仲要学習定立目標、時间管理、自理、社交、檢討学习成效、再从而定立短/長期目標……如果父母介入太多，似乎係剝削左佢地磨練呢d重要技能既机会｡就似幫幼兒剪碎食物同著魔術貼波鞋—样，係快靚正，但係咪对佢地好？
作者: gloria2347 時間: 15-3-19 00:15
應該放手等佢自己處理
作者: soright 時間: 15-3-20 13:30 標題: 回覆：pky 的帖子
得閒跟少少便夠。放下手，難度跟到上大學？人生不止只學暦呀。
作者: zooweemama 時間: 15-3-22 21:42 標題: 回覆：pky 的帖子
跟，一直跟！
不過不是主要跟學業。
學業成績只是人生路上的一個很小很小的面向。其他的事情還多得很。
| 歡迎光臨 教育王國 (/) |
Powered by Discuz! X1.5 |