教育王國

標題: Montessori 有冇缺點？ [打印本頁]

作者: Phyphy424 時間: 14-11-15 19:12 標題: Montessori 有冇缺點？

而家好盛行Montessori，
我想問下有冇媽媽覺得Montessori 都有缺點？

作者: bonmom 時間: 14-11-16 07:57

Montessori要慢慢俾時間小朋友根據佢地需要而學習,所以如果超心急的家長就唔係好適合。

另外,Montessori沒有靈性的修行,沒有宗教意味,如果家長對呢方面好執著就唔係好match. 可能華德福會適合D。

作者: 貝珠 時間: 14-11-17 08:55 標題: 回覆：Montessori 有冇缺點？

小朋友會獨立一點，但較自我

作者: daddyday 時間: 14-11-17 13:27

If parents want to see the outcome as soon as possible, Montessori may not be suitable.

作者: kerkermui 時間: 14-11-17 21:45

貝珠發表於 14-11-17 08:55
小朋友會獨立一點，但較自我

一個真正蒙特梭利嘅學習環境，應該包括紀律，自理，尊重他人，甚至混齡上課咁樣又點會自我呢？

作者: crystal媽咪 時間: 14-11-17 21:58

如果一直只玩蒙特梳利教具, 家中也一樣,
有D小朋友會唔識玩拼砌玩具. 有些技巧未能掌握.

所以同時蒙特, 又玩玩具.

作者: bonmom 時間: 14-11-18 07:37

crystal媽咪發表於 14-11-17 21:58
如果一直只玩蒙特梳利教具, 家中也一樣,
有D小朋友會唔識玩拼砌玩具. 有些技巧未能掌握.

蒙特梳利教具的手抓拼圖、Pink Tower、圓柱體套裝，加上各樣practical skill activities,已經對小朋友手眼協調、分辨大小高矮、fine motor skills等有絕佳訓練,所以如果你一俾副Lego佢,就算未玩過都即刻識玩,而且好奇心和想像力在六歲前都是非常強,所以都可以同其他非蒙教的小朋友一樣玩得好好。
不過我唔反對同時又玩教具，又玩玩具，只要不是電子或發聲發光玩具，和必須分開擺放教具和玩具便可。

作者: daddyday 時間: 14-11-18 11:55

My boy likes to do things by himself and like to help others when need.

At home, I let him play many kinds of toys not just Montesori's. I cannot see any problem, he may choose which he wants to play. In fact, he has many cars and other toys at home.

There is no TV at home usually and only one hours kids cartoon during holiday when he ask.

作者: elmostoney 時間: 14-11-18 13:05

本帖最後由 elmostoney 於 14-11-18 13:08 編輯

如果你的孩子很內向, 就不太合適蒙特梭利, 因為真係可以自己做自己野, 唔多理人都得, 呢個係缺點. 唔係個個孩子都願意reach out的. 另外, 有d小朋友係極容易分心, 佢地真係會適合正常教學, 大家進度一致的環境, 呢d冇得勉強. 如你個小朋友專注力ok, 性格唔太內向, 其實讀montessori係好好.

至於Waldorf, 我唔太理解什麼靈性, 因佢地唔係基督教或物正規宗教, 係問佢地所謂嘅精靈, 個人覺得有點cult的意味. 我曾見過有人講到迷惘時, 就問下精靈, 比我感覺似求神問卜咁, 但當然唔係個個人係呢方面都做到咁入迷, 單從教育來講, 如果小朋友合適, 係可以試下, 不過佢地嘅進度會比montessori 更慢. 因為佢地主張唔用任個 conscious 形式教學術, 要等到小朋友甩第一隻牙, 通常係指7歲, 雖然而家d人提早左甩牙. 哈哈.

作者: konew720 時間: 14-11-25 12:30

貝珠發表於 14-11-17 08:55
小朋友會獨立一點，但較自我

下?我唔覺得我2個囡自我喎。
反而上完montessori playgroup之後, 學識留意同關心身邊既人同事, 係屋企都會幫我抺野, 同埋大囡性格外向左, 而家等過馬路都會撩隔離d哥哥姐姐傾計。

作者: konew720 時間: 14-11-25 12:32

elmostoney 發表於 14-11-18 13:05
如果你的孩子很內向, 就不太合適蒙特梭利, 因為真係可以自己做自己野, 唔多理人都得, 呢個係缺點. 唔係個 ...

我大囡一開始係好內向。但上完montessori playgroup, 外向左。
反而上傳統既d playgroup, 個人越上越呆。

作者: bonmom 時間: 14-11-25 13:18

elmostoney 發表於 14-11-18 13:05
如果你的孩子很內向, 就不太合適蒙特梭利, 因為真係可以自己做自己野, 唔多理人都得, 呢個係缺點. 唔係個 ...

內向的小朋友也可以用蒙特梭利教學法,蒙特梭利教學法是尊重每個孩子的成長速度和需要的,不是去扭轉其性格,老師的引導和專業知識十分重要,令孩子透過完成自選的工作獲得滿足感和自信心,自自然然優化本身性格,而且老師是鼓勵小朋友互相幫助,合力把教室收拾整齊,而混齡學習更讓較年長的小朋友教導或協助較年幼的小朋友,所以不是沒有互動的。
至於Waldorf,是基於人智學的一種教育哲學,不是什麼精靈,而是靈性科學，反對過份物質主義的社會。所以你會發現華德福教室用的都是天然物料,很多公仔、教具都是老師自己親手製作,連布料都是自己染的,教室有很多藝術學習,唱的兒歌也不是坊間的兒歌,而是專為華德福教學現作的,以感謝天下萬物,滋養心靈,小朋友在華德福教室會感到很平和。

作者: steppenwolf 時間: 14-11-25 15:46 標題: 引用：小朋友會獨立一點，但較自我 +

原帖由貝珠於 14-11-17 發表
小朋友會獨立一點，但較自我

我同意會比較自我

個種自我唔係唔理人,而係佢地慣左自理, 有自己的思考同意見,所以唔習慣其他人對佢過多的[干涉]。如長輩好多時覺得佢小朋友唔識乜唔識物,刷牙洗面全要幫小朋友做,但個小朋友其實自己做到兼肯做,便會有扭計情形。

我覺得蒙特梭利最重要係尊重小朋友係一個獨立個體, 係佢提出要求幫忙前唔好同佢搶住做。

作者: steppenwolf 時間: 14-11-25 17:28 標題: 引用：小朋友會獨立一點，但較自我 +

原帖由貝珠於 14-11-17 發表
小朋友會獨立一點，但較自我

作者: konew720 時間: 14-11-26 10:19 標題: 引用：Quote:原帖由+貝珠+於+14-11-17+發表小朋友

原帖由 steppenwolf 於 14-11-25 發表
我同意會比較自我

個種自我唔係唔理人,而係佢地慣左自理, 有自己的思考同意見,所以唔習慣其他人對佢過多 ...

你舉既例子應該係成人有問題，而唔係小朋友自我，如果佢識做，唔係應該俾佢自己探索咩。
我承認我個囡接受過Montessori 教育，變得有自己既思想，但絕對唔係自我。因為好多時我同佢傾計，佢係有自己既諗法，但都會接受我既意見。

純討論，不喜勿插。

作者: steppenwolf 時間: 14-11-26 12:27 標題: 引用：Quote:原帖由+steppenwolf+於+14-11-25+發

原帖由 konew720 於 14-11-26 發表
你舉既例子應該係成人有問題，而唔係小朋友自我，如果佢識做，唔係應該俾佢自己探索咩。
我承認我個囡接受 ...

但對老人家來說就是自我。

做家長要做小朋友同老人家的橋樑,尤其老一輩有時未必能理解。因為我個仔同婆婆就係呢個情形。

作者: Eskridge 時間: 14-11-26 15:37 標題: 引用：Quote:原帖由+konew720+於+14-11-26+發表你

原帖由 steppenwolf 於 14-11-26 發表
但對老人家來說就是自我。

做家長要做小朋友同老人家的橋樑,尤其老一輩有時未必能理解。因為我個仔同婆婆 ...

我都同意係成人的問題，過大控制欲不利小朋友的思想發展，"自我"一詞太負面，Montessori會train小朋友有合理的自主思想空間及自理能力，作為婆婆與小朋友的溝通穚樑，父母應向婆婆講解蒙氏的理念及好處及要應同小朋友的能力或要支持小朋友嘗試的決心，亦應教導小朋友如何禮貌表達意見及拒絕的技巧及言詞

作者: sibylyau 時間: 14-11-27 05:14

各位所講既蒙梭好處點解我完全感受吾到?
我有親戚小朋友由1歲開始上蒙梭pg到現在32m中上緊蒙梭, 自理能力奇差（除了好早學識戒片），又無禮貌，搶玩具，打人，勁內向不太同其他小朋友溝通不太懂如何一起玩，如樓上jm所講好自我，去人地屋企玩搶玩具都算，係搶完自己吾玩掉落地下。
我吾清楚係蒙梭吾岩佢讀還是家教有問題
我都不太敢批評蒙梭好與否或者學校如樓上jm所講不太正統

作者: Eskridge 時間: 14-11-27 12:09 標題: 引用：各位所講既蒙梭好處點解我完全感受吾到?我

原帖由 sibylyau 於 14-11-27 發表
各位所講既蒙梭好處點解我完全感受吾到?
我有親戚小朋友由1歲開始上蒙梭pg到現在32m中上緊蒙梭, 自理能力奇 ...

蒙氏教學的家庭一定要配合，不是上下蒙氏playgroup玩下蒙氏教具便可以，當中有好多理念要靠家長在日常生活中實踐，家長要花時間睇下相關的書，上下堂，做下各種試驗再調整方式以實踐當中的理念，否則上pg同在家可以係兩個樣，上pg只會變成花時間去玩下，那便冇意思

作者: Eskridge 時間: 14-11-27 12:20 標題: 回覆：Eskridge 的帖子

...例如在蒙氏學校每款教具只有一件，小朋友想玩嗰份便要學take turn等候, 玩完推好凳收好玩具放回原位，玩完一件收好再取另一件，要學懂繞過在工作毯上玩緊嘅同學，要學拿取物品的手勢等唔好整親人，爭玩具當然要即時沒收玩具，呢d在家父母每日也要小朋友一樣咁做，才會自然變成習慣...

作者: elmostoney 時間: 14-11-27 12:27

本帖最後由 elmostoney 於 14-11-27 12:33 編輯

我個仔唔係自我, 係太怕羞, 就算去左正常學校都有同樣情況, 我怕佢係蒙氏會加劇, 所以轉左佢出來.  佢以前返montessori pg, 都會自動去幫其他小朋友, 但就始終同唔到人make friend, 呢d係佢性格.  佢已離開montessori 2.5年, 我中間都做左好多野, 而家先慢慢調整到.  本來我有意比佢一直係montessori 升小學, 錢都交哂, 但性格方面要考慮, 個個人都唔同, 所以我建議唔好一本通書睇到老, 真係會有人唔適合的.  我個仔由18個月開始返montessori, 未返過其他幼稚園, 一直到佢4歲8個月轉入 IS 返小一為止. 我個人好buy montessori, 但香港montessori始終有缺憾, 唔好話同外國比, 我去過台灣mont school, 人地有地方, 老師有閒暇, 真係差好遠.  香港絕大部份學校都係以錢字行頭, 做出來效果就點都差d, 再加上戶外空間唔多, 相對起來, 唔太完整.

我最後唔送阿仔入蒙氏係因為全港唯一的蒙氏小學, 女生比例超高, 男生很少.  我個仔鐘意同男仔玩, 而且女仔一齊, 多少有佢地自己天地, 難以事事容入男同學.  IMS小學, 我係2~3年中, 去過睇不下4~5次, 由佢地仲係灣仔頂樓時已去, 到天后, 佢地全部校舍, 除stanley新開, 我未去過, 就算上環同鴨利州, 加埋我都去過5~6次.

我唔知呢度嘅montessori parents有幾認真, 係諗住讀完幼稚園就轉返出來, 定係會再上小學.  因我曾經認真考慮上埋小學, 而當時全港九 (新界例外)所有真正montessori幼稚園我都差唔多去睇哂 (以有持牌導師上課計), 所以我想講, montessori都有佢嘅限制, 特別係hk環境, 唔係個個細路都得.  如果換左係台灣, 我相信我個仔可以繼續montessori, 但香港嘛....

作者: elmostoney 時間: 14-11-27 12:41

本帖最後由 elmostoney 於 14-11-27 12:47 編輯

回覆 sibylyau 的帖子

我想問你所講呢位小朋友:

1. 一星期上多少天montessori?
2.  在家時, 家庭本身有沒有跟從montessori 的方法?
3.  1 和 2 是關鍵, 但我也很好奇, 是哪一家montessori?  很多pg也是掛羊頭賣狗肉的, 可能是中心負責人是持牌, 但真正上課的不一定是, 可能仍是實習中之類我也見過, 又或新考牌的導師, 欠經驗.  另外, 孩子和導師比例也重要.  最重要就是中心的態度如何.

其實如情況如你所描述的惡劣那位小朋友在家中應該沒有跟從montessori 吧. 試想一下, 別說蒙氏, 無論怎樣教仔, 如家長在家放任, 你用什麼方法都不會成功.

作者: sibylyau 時間: 14-11-27 14:17

elmostoney 發表於 14-11-27 12:41
回覆 sibylyau 的帖子

我想問你所講呢位小朋友:

1. 1星期三天
2. 我相信沒有吧

3. 在西貢的 (開名不知道會不會不太好, 我PM你)

作者: elmostoney 時間: 14-11-27 16:52

本帖最後由 elmostoney 於 14-11-27 16:54 編輯

如果在家中沒跟進, 是完全沒有用的. 試想一下, 一星期上3天PG, 我估每堂都係2.5小時, 即是一星期7.5小時, 其他時間由家人帶. 家中用自己的方法帶孩子, 可能是沒有什麼紀律的, 你可以想像, 是家庭或是學校對孩子影響大?

台灣的蒙氏成功, 是因為台灣很難請外傭, 所以幼兒園=托兒所. 孩子一星期5天 (即使是一歲半的孩子), 基本上是 8 ~4, 甚至5時為止都在學校, 所以學校對孩子的影響比家中大多了. 當然, 一般家庭沒有女傭也是主因.

作者: Phyphy424 時間: 14-11-28 11:41 標題: 回覆：elmostoney 的帖子

明白，我係ftm
上montessori 其實係想自已瞭解多D，先可以掌握到
唔乾預，觀察小朋友要到什麼程度
先幫助到佢！

作者: happyhealthymin 時間: 14-11-28 13:59 標題: 引用：Quote:elmostoney+發表於+14-11-27+12:41+

原帖由 sibylyau 於 14-11-27 發表
1. 1星期三天
2. 我相信沒有吧

西貢那間W開頭的吧，西貢分校不行Montessori, 網頁上有寫。

作者: sibylyau 時間: 14-11-28 14:49

happyhealthymin 發表於 14-11-28 13:59
西貢那間W開頭的吧，西貢分校不行Montessori, 網頁上有寫。

謝謝!
我相信我個親戚真係一個十下十下既家長, 原來自己學校不是蒙梭都吾知...我真的笑了!

謝謝各位媽媽回覆....

作者: konew720 時間: 14-11-28 16:09

sibylyau 發表於 14-11-27 05:14
各位所講既蒙梭好處點解我完全感受吾到?
我有親戚小朋友由1歲開始上蒙梭pg到現在32m中上緊蒙梭, 自理能力奇 ...

你知唔知你親戚小朋友返邊間?可能真係唔正統。
我個囡果間個個小朋友都好GENTLE字喎。

作者: lambeanmama 時間: 14-11-30 09:01 標題: 回覆：Montessori 有冇缺點？

多謝大家分享。我好like.蒙教。自己也看了不少書，仲報埋overseas的online course學習。孩子剛一歲，已排隊準備明年一二月開始蒙校playgroup。但也打算日後行傳統教育。畢竟香港的檬校選擇真的太小了。
大家認為我應該在升N式K後繼續檬校playgroup嗎？
我報的是DMS，愉景灣正校。

作者: Lucent 時間: 14-11-30 09:25 標題: 回覆：lambeanmama 的帖子

我都搵緊course, 可以俾D website 資料我嗎？thanks!

作者: elmostoney 時間: 14-11-30 11:15

本帖最後由 elmostoney 於 14-11-30 11:16 編輯

有上montessori好過冇上, 但返學上蒙氏是有原因的.  你在家可以同佢做D規矩, 嘗試練下耐性, 但好多benefit, 除非你教具齊, 自己有經驗, 否則係有難度的, 而且冇左小朋友互動原素.

我個仔一返PG, 18個月即返5天, 因為小朋友係需要重複又重複咁做, 你斷左一日, 老師就要再執過佢, 進度慢, 表現唔consistent.  Montessori本身就係慢, 除左一D自理, 某D規矩, 又或耐性, 好多野要到4~5歲你先會睇到明顯results, 所以太早quit, 我覺得好可惜.

另外, 如果不怕長途拔涉, 可多睇幾間MONT SCHOOL, 比較下, 唔係間間一樣的.  你睇多幾間就明我講物.

作者: elmostoney 時間: 14-11-30 11:25

本帖最後由 elmostoney 於 14-11-30 11:26 編輯

至於waldorf, 的確有極端的cult成份的, 你可上外國education forum睇下, 因為咁會有人投訴, withdraw. 投訴montessori 嘅, 多數會係師資問題, 而唔係針對cult問題. 我同意waldorf理輪上係慢的教育, 滋養小朋友 (in fact, 我有朋友係waldorf 導師, 甚至開pg), 香港少數的waldorf未必行到外國咁極端, 但如想入傳統學校, waldorf比montessori就更接唔上.如果係諗住成個幼稚園都係waldorf渡過, 咁就一定要報 IS.

歡迎光臨教育王國 (/)