教育王國

標題: 發哥捐相幫正生籌款 [打印本頁]

作者: elbar 時間: 14-5-2 10:53 標題: 發哥捐相幫正生籌款

■發哥捐出一幅親自操刀靚相，為正生書院籌款。

今個月尾（27日）係正生書院辦學團體基督教正生會創會30周年，佢哋首次舉行慈善晚宴，預計籌1,500萬，發哥周潤發仲捐咗張特別曬成嘅相幫正生籌款，拍賣底價400萬，各位粉絲留意嘞！

政府喺2011年話可以幫正生搬新址，但至今都未搬到！早前屋宇署通知正生，話可以喺大嶼山芝麻灣舊校址嘅峭壁山地上做「臨時緊急改善工程」，包括興建三座兩層高建築物，有23間房、15個教室、兩個淋浴區、兩個洗衣區同污水處理等設施，畀約百名教職員、學員教學同住宿。

校長陳兆焯估計成個工程要6,500萬，正生暫時籌款目標係1,500萬，咁就可以利用每一蚊得到政府配對四蚊嘅比例，搵政府配對畀正生。

饒宗頤沈祖堯墨寶拍賣

據聞晚宴拍賣品除咗發哥嘅相，仲有國學大師饒宗頤嘅「春風化雨」墨寶、中大校長沈祖堯寫嘅蘇軾詩作《題西林壁》，其他有份捐出拍賣品嘅善長仲有商務及經濟發展局前局長馬時亨同鄺美雲等等。到9月，正生仲有一次籌款活動，就係大嶼山慈善跑，由東涌跑到梅窩，真係有錢出錢，有力出力。

作者: himching 時間: 14-5-2 11:30

發哥 salute!

作者: awah112 時間: 14-5-2 11:58

提示: 作者被禁止或刪除內容自動屏蔽

歡迎光臨教育王國 (/)