教育王國

標題: 如何令囝囝專注做功課 [打印本頁]

作者: 417bbs 時間: 13-12-6 07:26 標題: 如何令囝囝專注做功課

如何令囝囝專注呢？同佢一起做功課，佢做做下會去玩，玩筆。。。温習仲差，反而温默書又ok，我要返工，希望佢自行做家課，小一開學初都ok、越來越差，冇我睇住仲差，k3時做過評估，話佢擲界，唔算專注力不足，佢默書成績又ok，唔似讀寫障，但佢温習情況令我好煩惱，返工回家成日催佢，温習考試我就勁惱气，有冇方法分享下呢？

作者: w_y 時間: 13-12-6 07:51

既是專注力擲界即係情況都唔太理想. 你可試用 timer, 限定時間好似測驗咁; 獎勵表, 每次在限時內做完有貼紙, 儲夠數量就換獎品. 限時最初要寬鬆D. 另外你要睇下佢是否有不會做的地方卡住, 同佢講真係思考過一定時間都唔識, 該題就唔好做住, 留到最尾才做或等你回家再問。另外係你要對佢功課質素要求可能要降低, 例如字體, 數學準確度, 不要隨便因為做錯而責罵, 我見好多小朋友係怕做錯少少都俾人鬧, 擔心之下唔知點好, 結果就拖住做。

最後我唔知你個評估係邊度做, 有無咩後續建議俾你, 但最好都當佢係專注力不足咁去上訓練課程, 一樣會有幫助。

作者: HaYi 時間: 13-12-6 08:15

幼稚園時擲界的入左小學可能會變差, 因為小學要求相對高左.. 留意下有冇需要再次評估, 同小學的老師溝通下.

作者: kipapa 時間: 13-12-6 12:18

看樓主的情況, 小朋友又唔似專注力不足噃. 開學功課ok而現時越來越差, 會否與他上課時不明白老師所教有關, 他不明白又怎麼能自行用心完成作業呢? 動氣也只會傷了大家感情, 令小朋友更不開心. 小女是小一生, 剛開學時她向我說學校之教學速度太快, 連舉手發問之機會也很少. 我選擇了每天陪伴她完成功課及了解她的學習進度, 有不明白會耐心講解, 現時她在學業上已慢慢在進步.

溫默書而不溫測考, 默書只是死記硬背, 他願意溫代表他是有心向學期望爭取分數的, 應予以掌聲鼓勵. 不溫測考, 一是他完全明白課文內容, 小女是此例, 大測前她要求不溫中常但溫英數, 結果中常果然取得高分, 因她真的明白, 而英數有溫習所以亦ok. 另一是小朋友已累積了太多的不明不白, 他也不知有何不明, 如何溫習呢? 如是此例的話, 家長就真的要付出多點時間及心力去教導才行.

作者: MrBeast 時間: 13-12-6 12:34

有冇和他一起定個daily timetable, 以他的專注能力定功課時間，之後玩一陣，再做一陣，如此類推。

同意樓上所講，都有可能上課時唔明丿冇興趣，用nice 語氣和他傾下。

作者: 417bbs 時間: 13-12-7 08:38 標題: 回覆：w_y 的帖子

我是先去普通診所叫醫生寫轉介信，再攞去政府排期，都排左成年，之後先做語言評估，再做專注力評估，結果就是擲界，話唔會有服務比我，叫我睇下小童群益會睇下有冇課程岩。後來囝k3下學期，老師話囝有好大進步，老師話其實佢係貪玩，我去評估時都有同當時老師傾過，佢認為囝其實沒問題，話去完都唔會有用，話囝只是未定性，咁我見k3下學期有進步未冇去報啲課程囉

作者: 417bbs 時間: 13-12-7 08:48 標題: 回覆：kipapa 的帖子

我都贊成囝是取易捨難，默書其實小一英文都默8-10句句子，當中要學文法，我最初都以為佢實讀唔到，我便一日讀3-4句，佢又讀到，可能就是死記啩。但近日考試同佢温書，情況好差，我仲要同個女温，可能有比較，覺得佢好唔正常，又因為我放工返來都晚，同佢地温就好心急，結果又罵囉，罵完又覺得自己唔岩，唉…
有沒冇方法可以令佢冇咁貪玩，專心點呢？我會試下你們提及我方法，儲貼紙，我也會盡量控制自己，希望有改善
我亦要分配時間平日温，等考試試唔好咁急，最慘是好多功課做，對完功課又想比佢地休息，自己都想休息下，小學生活真忙啊

作者: bonbon16 時間: 13-12-27 12:27

回覆 417bbs 的帖子

你試吓唔好單系稔住訓練佢專注做功課和溫習.試吓比佢出去學吓棋,學棋對訓練專注力和思維都好好,只要學得到3-6個月,會見到效果,我仔仔好動,由朝玩到晚,未夠4歲開始學棋,依家只要一開棋盤,可以坐系度4-5個鐘唔肯停!

作者: daisyk 時間: 13-12-27 19:18 標題: 回覆：bonbon16 的帖子

請問學甚麼棋？在哪裡學？

作者: joanthony 時間: 13-12-27 19:33

提示: 作者被禁止或刪除內容自動屏蔽

作者: skkeung 時間: 13-12-28 11:43 標題: 回覆：417bbs 的帖子

六歲以不大需要做評詁！

歡迎光臨教育王國 (/)