教育王國
標題: 培正課程一問..及學校之優劣 [打印本頁]
作者: gogymiu 時間: 13-10-3 13:22 標題: 培正課程一問..及學校之優劣
請問一下, 培正小學既課程算唔算好深呢? 如果以1分為最淺..5分為最深...家長會點睇培正課程內容呢??
會唔會係, 一入到培正..就要預左面臨不斷補習..參加很多課外活動等等呢??
一直都感覺..培正係一間名校..歷史悠久, 我相信師資一定好好...但係對培正o既其他優點或缺點,,,就真係非常之唔了解。
我亦唔想..好似羊群心理咁, 見有咁多人考...自己又去考埋一份..太盲目了...
希望各位家長可以比少少意見我啦...!
優缺點都想了解多d....感謝各位!!
作者: gogymiu 時間: 13-10-4 21:21 標題: 回覆：培正課程一問..及學校之優劣
一個意見都無。。係好係壞都無人願意發表下嘛？
仲以為培正咁多舊生咁多家長。。總會有少少回應tim...
作者: NICOLE123 時間: 13-10-4 23:16
本帖最後由 NICOLE123 於 13-10-4 23:18 編輯
回復 gogymiu 的帖子
深淺好睇你有什麼來比較,培小多數人會升培中. 學校自會安排進度.
要唔要補習都係睇小朋友本身/ 父母.
無一定答案
睇完係唔係覺得我答左等於無答..所以無人答你一D都唔奇
作者: gogymiu 時間: 13-10-5 11:53
NICOLE123 發表於 13-10-4 23:16 
回復 gogymiu 的帖子
深淺好睇你有什麼來比較,培小多數人會升培中. 學校自會安排進度.
我當然明白, 人人對深淺STANDARD都唔一樣, 但我都只係想從大家既意見當中, 了解下唶...
算啦...可能香港社會, 而家網上討論變得越來越認真, 又可能好多人怕被人質疑..所以越來越唔肯分享了...
ANYWAY...好多謝你既回應^__^
作者: dragonbbma 時間: 13-10-5 13:56
咁我答你, 我覺得難度係3, 我冇比佢補習, 佢每日也很 hea, 功課不多因佢很少改正.但佢冇讀過其它学校所以我冇得比較. 咁你以加會唔會報?
作者: NICOLE123 時間: 13-10-5 16:14
本帖最後由 NICOLE123 於 13-10-5 16:16 編輯
回復 gogymiu 的帖子
你可唔可以講下你既標準, 幾多功課叫多? 一樣功課有d學校係寫2版 有d學校係寫2行 有d 可能係畫幾個心...就算同班有同學30分鐘完成功課 有人要2小時..咁你聽邊個講
默書點樣叫深? 默幾頁叫深 ? 定默幾個字叫淺
點情況先要補習??
小一淺 小三深定點??
用apple同orange 比. 定用apple同cow比???
你既問題本身就有問題..你想人比咩答案你.
如有懷疑 不報最好. 免得以後後悔
作者: lutang 時間: 13-10-5 17:01 標題: 回覆：gogymiu 的帖子
我個小朋友今年先讀K2，所以對小學嘅課程了解唔多，不如咁講啦，我個仔而家補習嘅學校個老細個仔喺培小讀緊，佢手頭上亦有好多培正學生，佢不時同我交流下意見，你唔好盡信，當一個參考好嗎？
佢話培幼同培小係兩個唔同嘅世界，一上到小學會改變好多，佢話培小比較看重中文同數學，亦會教快半年至一年，其實程度唔算好深，但教得頗快，如果冇補開習嘅可能吃力d（咁當然要視乎番小朋友嘅能力啦，能力夠嘅可能覺得淺添）。尤其係普通話，佢地著重拼音，但呢d喺培幼時就好缺乏，所以最好升小前補一補。數學就好多文字題，最好小朋友識解題啦！不過鑑於而家個個小朋友都出去學好多嘢，所以可能已經好叻。
不過老細都好強調，培正嘅學生真係幾乖，品德唔錯，呢樣都好重要！我唔知實情係咪咁，有錯嘅請其他家長指教！
作者: gogymiu 時間: 13-10-5 22:25 標題: 回覆：NICOLE123 的帖子
對唔住呀，如果係我既問題令你有咁大煩惱，真係好抱歉。你選擇唔答我唔會怪你。。我都講左只係想大家分享下。。而唔係出個問題來考大家，或者來為難你
如果你咁有hard feeling我對你講sorry..
同埋。。我想講就係。。我真係唔知唔熟唔了解先會開個post來問人意見，希望有舊生家長share下。。。
你話我唔相信就不如唔好報，我係唔知，又何來相信？ 培正多人報名，我都真正想知原因，究竟係因為一條龍，定還是有其他好吸引家長之處？
再次向你say sorry..因為我唔知原來問人意見係會令人反感。。sorry
作者: gogymiu 時間: 13-10-5 22:30 標題: 引用：我個小朋友今年先讀K2，所以對小學嘅課程了
原帖由 lutang 於 13-10-05 發表
我個小朋友今年先讀K2，所以對小學嘅課程了解唔多，不如咁講啦，我個仔而家補習嘅學校個老細個仔喺培小讀緊 ...
所以我都會諗，係唔係培小d課程真係比出面深d呢。。
好好呀，我會參考下既。。
作者: gogymiu 時間: 13-10-5 23:36 標題: 引用：咁我答你,+我覺得難度係3,+我冇比佢補習,+
原帖由 dragonbbma 於 13-10-05 發表
咁我答你, 我覺得難度係3, 我冇比佢補習, 佢每日也很 hea, 功課不多因佢很少改正.但佢冇讀過其它学校所以我 ...
所以我想搜集多d意見，起碼報讀都應該先了解。。我唔想人地話好就去做。。係好都要知好在那裡咁囉。。
點解問小學，係因為我知道上左小學先係真正戰鬥開始。。如果唔係為左直升培小，今本就唔會報培幼。。
多謝你意見呀！
作者: NICOLE123 時間: 13-10-6 07:33 標題: 回覆：培正課程一問..及學校之優劣
報培幼除了一條龍外我相信好多家長同我一樣是欣賞他對德育的培訓
作者: Lulu0820 時間: 13-10-6 10:34
回復 gogymiu 的帖子
其實如果你係為左一條龍報培正，你要了解既唔係小學而係中學，好簡單既一個問題，你介唔介意中學係CMI？如果介意，勸你就唔好報。因為係學校讀左九年書之後，大部分培正小學既學生都唔會想轉，就算成績好好都會留係中學。
EK其實好多培正既討論，你有時間爬下舊帖就可以客觀地了解多D，你入去以前D”小既家長請進”甚至係search function打培正已經可以得到好多資訊。我估無物家長覆你係唔想太主觀地比意見。
我兩個都讀培正，大既已經升中，so far我滿意學校，校風真係好，同埋好欣賞培養讀書興趣個樣野，學校鼓勵大量閱讀，由幼稚園已經開始，我個人覺得係香港而家D個咁瘋狂既教育制度之下，學校算係平衡到課程深淺同空閒時間，起碼我小朋友每日都有空間去睇書。
培幼係全上培小，培小有大部分學生上培中，培中係band 1中學，升中簡介會既時候中學副校長講過自己學生band 3都唔怕收，學校自有辦法教好佢，我個人好欣賞佢地既教學熱誠，當然家長亦都要配合。
我好少覆咁長帖，因為真係無時間，亦怕比唔like培正既人話，只係大既剛升中，諗起升中個遊戲真係好感恩佢讀培正，希望我既意見幫到你。
作者: NICOLE123 時間: 13-10-6 10:58 標題: 回覆：Lulu0820 的帖子
作者: lutang 時間: 13-10-6 12:28 標題: 回覆：gogymiu 的帖子
其實一條龍喺依家呢個時勢真係好重要，未經歷過考小一嘅家長可能感受唔到，我身邊有相關嘅家長就好頭痕，因為唔係到K3先嚟擔心，而係由K1甚至N班就要好好裝備自己，嗰種栽培維持幾年，真係少d心血都捱唔住㗎！當然，你只係安於接受大抽獎結果嘅就另計啦！
其實你問其他家長關於培正嘅評價，相信以正面居多，始終咁多年歷史，口碑好唔係一兩年間講出嚟嘅，而係幾十年累積落嚟嘅成果，所以你唔使太擔心，反而係要知佢適唔適合你嘅小朋友啫？例如宗教、教學理念、學校環境、設施等等。始終有部分家長介意培正係中文學校，雖然有家長會話培正英文唔係差，但以我觀察，始終小朋友係要出去補或者本身在家有一定訓練先可應付，因為學校點教都好，自身嘅培訓和鍛鍊係靠自己，學校只教基本，不停操練先緊要！好似我個仔d同學咁，手揸幾樣證書，中英數普點都學番幾樣，已經唔需靠學校已得到嘅成績，所以我覺得學校已經變為補習學校，小朋友喺外面學識晒先嚟返學，所以你話學校幫助有幾大我真係唔知，我諗要問番一d完全冇學嘢嘅小朋友意見會好d！而喺培正讀書嘅學生，相信十個有九個都會補習（應該話大部分嘅學校都係咁），我諗你都會！
鑑於考小一嘅煩惱，所以造就一條龍嘅學校勁受歡迎，當然佢地本身嘅質素都好好，因為要Keep住成績，要操練、要補習就少不免；相對地亦好難考，到時睇你嘅彩數喇！你要知道，要成績好係要付出㗎，如果學校教得淺、零功課、零壓力、零補習、零培訓都可以同其他小朋友競爭到嘅話，我都想讀呀，哈哈！
作者: dragonbbma 時間: 13-10-6 14:01
lutang 發表於 13-10-5 17:01
我個小朋友今年先讀K2，所以對小學嘅課程了解唔多，不如咁講啦，我個仔而家補習嘅學校個老細個仔喺培小讀緊 ...
luting,
你既小朋友讀 k2, 即係話佢一路都係跟新校長, 咁幼稚园既課程己深了很多. 你唔駛担心上到小学有問題. 我仔幼稚園時仲係舊校長, 上到小学初初都倒瀉籮蟹咁. 但好快都適應到.
作者: gogymiu 時間: 13-10-6 21:50 標題: 回覆：Lulu0820 的帖子
明白既。。多謝你分享
作者: gogymiu 時間: 13-10-6 21:57 標題: 回覆：lutang 的帖子
唉。。而家個社會真係迫到d家長同學生都好慘。。
唔去學多樣野。。又怕會被比下去。。但時間真係一日48小時都覺唔夠。。。
一條龍係少左好多憂慮。。但我反而係擔心係。。越有質素既學校，學內競爭就越兇險。。可能係我諗多左啦。。
作者: 蕙然爸爸 時間: 13-10-6 22:46
回復 gogymiu 的帖子
見NICOLE123和Lulu0820都回應， 小弟加少少資料和個人意見， 不喜勿插。
問培幼或培小資料， 小弟次次都引用彥彥媽咪的帖子：
培幼資訊編 http://www.edu-kingdom.com/forum.php?mod=viewthread&tid=1044245
培小資訊編 http://www.edu-kingdom.com/forum.php?mod=viewthread&tid=1044253
資料是在2006至2007年的， 所以部份已更改， 但其他部份(特別是評論部份)小弟覺得好中肯。 參考不妨。
以下是小弟意見：
問： 如果以1分為最淺..5分為最深， 家長會點睇培正課程內容呢?
答： 4分， 步向4.5分（新校長）
“培正係一間名校”
小弟唔覺得
“歷史悠久”
同意， 不能反對
“我相信師資一定好好”
小弟覺得3.5分， 一定有改善空間
“一入到培正..就要預左面臨不斷補習..參加很多課外活動等等呢?”
我相信家長選培小都想子女升培中（或更好的）， 而培中不是全收培小， 所以成績不能太差， 加上夫婦都工作， 補習在所難免， 家長一定要有心理準備。 培正一向建議課外一體一藝， 但家長自己決定， 沒有強迫成份。 加多一句， 培正學生咩人都有， 但培正家長就一定係band 1（自己讚自己）， 家庭對學生的支援一定強， 所以一定要有心理準備。
小弟講多幾句（小弟是舊生）， 培正已經改變了很多， 不再是街坊學校， 好多野都係家長吹捧以致名過其實， 但有好多其他東西是歷久常新的， 例如基督教辦學， 中文教學， 校風純樸， 尊師重道， 舊生網絡強大（和支持母校）， 等等。 如果家長你覺得這些比其他重要， 不妨報讀。 可惜的是， 今時今日想入也很困難。
作者: gogymiu 時間: 13-10-6 23:28 標題: 回覆：蕙然爸爸 的帖子
好一句。。家長一定係band 1
我老公都係舊生。。所以佢非常希望個女入到培正。。而我自己呢，真心個句，我唔太喜歡。。總係覺得有一種說不出的壓迫感。。可能就正正係你所形容。。培正家長都是band1的原因了。
不過都係想以了解為目的，一切隨緣啦。
作者: NICOLE123 時間: 13-10-7 06:12 標題: 回覆：培正課程一問..及學校之優劣
其實考到先算上年6千幾人報今年不敢想像·不要以為舊生家長一定有分加·我仔在讀我都為妹妹入学擔心到震
作者: dragonbbma 時間: 13-10-7 14:53
NICOLE123 發表於 13-10-7 06:12
其實考到先算上年6千幾人報今年不敢想像·不要以為舊生家長一定有分加·我仔在讀我都為妹妹入学擔心到震:to ...
妹妹今年考嗎? good luck .
作者: 若愚 時間: 13-10-7 15:01
提示: 作者被禁止或刪除 內容自動屏蔽
作者: NICOLE123 時間: 13-10-7 15:07
dragonbbma 發表於 13-10-7 14:53
妹妹今年考嗎? good luck .
作者: dragonbbma 時間: 13-10-8 09:41
若愚 發表於 13-10-7 15:01
我少爺k1入培幼,轉眼小六了,等我都答番2咀
小一一路升上去,你會發覺個壓力越來越大,同埋,其實培小升培中唔 ...
8 went to 九華? 有特異工能嗎?
作者: dragonbbma 時間: 13-10-8 09:47
NICOLE123 發表於 13-10-7 15:07
係呀...所以很擔心而且亞哥今年小一...好多野我都在學習中....
聽講今年小一比去年容易左, 加上佢幼稚园時已比以前李校長時深了, 所以應該問題不大, 不用太担心.
作者: 若愚 時間: 13-10-22 14:58
提示: 作者被禁止或刪除 內容自動屏蔽
作者: andyng2014 時間: 14-3-6 16:19
我可以回答你幾句，小女兒是培正的，現在入讀中學了，培正是間很傳統的學校，學生成績很好，小女兒那年有20多個同學去了男拔，女拔，聖保羅男女，英華，協恩，瑪利諾，華仁等名校，培正小學生在外的競爭力好強，培正小學的中文和數學會比外面的小學難度高一些，而英文會差一點點，但家長會在外面補，因為培小大部是中產，公務員，老師子女多。
絕對是一間好學校，小六有85%會上中學，小五和小六三次分試只要在第一第二組別內完全可以上中學。
由於大部分同學都是從培幼開始的，一直到中學，他們的感情很好，很團結，培小會有好多閱讀。
到了中學英文課程都很多，教得也很深、小女兒考英國的中學完全沒問題，考得非常好，今年9月去英國讀中四了。
培正的校風很好，我都好鼓勵身邊朋友們的子女讀培正。只是好難進入。
作者: rabbithung 時間: 14-3-17 02:28
回覆 andyng2014 的帖子
謝謝你的分享，小女是培幼學生，真的很喜歡這所學校，是一間充滿愛心的學校。
作者: spysiub 時間: 14-4-6 00:33 標題: 回覆：rabbithung 的帖子
我女兒在一間愉快學習的幼稚園畢業, 小一才入培正，我亦盡量培養她閱讀的興趣，可惜還未成為真正的"書蟲"，但足以讓她可輕輕鬆鬆應付中英數三科，當中數學要加㸃力應付文字體（有空閒時間做少少補充練習,不需出外補習）, 好好彩學校在今年把小一課程調整較為淺, 再加愛心老師，她真的非常享受在培正讀書的時光。
作者: maem 時間: 14-6-11 09:28
多謝樓主出呢個post
我都係"唔想人地話好就去做&好都要知好在那裡"的人, 又找不到人問, 呢個post真係好有幫助! 我最近去了一些小學參觀, 如果培小都可以就好了...
作者: nky228 時間: 14-6-28 21:50 標題: 回覆：gogymiu 的帖子
考到这学校，親自讀感受是否适合。我支持培正。
作者: Dediamond 時間: 14-12-13 00:33
回覆 maem 的帖子
I have the same feeling as you. Wish my kid has the luck.
作者: BC 時間: 14-12-31 16:53 標題: 引用：我個小朋友今年先讀K2，所以對小學嘅課程了
原帖由 lutang 於 13-10-05 發表
我個小朋友今年先讀K2，所以對小學嘅課程了解唔多，不如咁講啦，我個仔而家補習嘅學校個老細個仔喺培小讀緊 ...
作者: gunner1015 時間: 15-2-9 14:10
很感激各家長無私分享,小女有幸被塔幼取錄,看完各位回覆後對學校了解更深了,謝謝
作者: Jjchow2015 時間: 15-2-11 10:32 標題: 回覆：spysiub 的帖子
請問培小會不會普教中，用英文教數學？
作者: NICOLE123 時間: 15-2-11 20:02 標題: 引用：請問培小會不會普教中，用英文教數學？
+
原帖由 Jjchow2015 於 15-02-11 發表
請問培小會不會普教中，用英文教數學？
作者: Jjchow2015 時間: 15-2-11 21:54 標題: 回覆：NICOLE123 的帖子
Thanks!
作者: 73662710 時間: 15-4-12 19:05
小兒將會讀SC PN, 打算报倍正K1, 主要是一條龍的关系。但看倍幼网站，发现教學語言是中文，所以甚为擔心英文語境。雖然可以補习,但是很難同一個星期五天在学校的語境比较。大家可否比多些意见？
作者: maem 時間: 15-4-16 16:02
dragonbbma 發表於 13-10-6 14:01
luting,
你既小朋友讀 k2, 即係話佢一路都係跟新校長, 咁幼稚园既課程己深了很多. 你唔駛担心上到小学 ...
人0地話"培正馬騮頭", 大多數男仔是活躍還是比較靜那種? 活躍/靜到哪種程度?
我的也是仔, 所以很想知. 謝謝!
作者: NICOLE123 時間: 15-4-16 18:41 標題: 引用：Quote:dragonbbma+發表於+13-10-6+14:01+lu
原帖由 maem 於 15-04-16 發表
在小學階段, 通常都係女仔比較出色, 培正一級又咁多人...請問...男仔有無發揮的機會?
人0地話"培正馬騮頭", ...
| 歡迎光臨 教育王國 (/) |
Powered by Discuz! X1.5 |