教育王國

標題: 我4歲9個月兒子的近況 [打印本頁]

作者: kc61282 時間: 13-9-14 11:13 標題: 我4歲9個月兒子的近況

大半年沒有上來, 心血來潮update兒子近況.

兩歲半左右開始在耀能返了年半, 終排到協康, 返左1個月了, 最初發覺仔仔皮氣變臭左好多, 好惡頂, 呢星期定左好多.

今星期更肯每晚刷牙訓教前做功課, 最初呢幾晚由我陪佢做功課, 昨晚唔得閒, 由媽媽陪佢刷牙, 刷完佢主動提出要做功課, 呢個轉變好開心, 另外佢一直唔肯剪頭髮, 每次都要夾實佢同佢剪, 上星期同佢講, 屋企隻狗出完去剪左, 我問佢下星期到你好唔好, 佢答我好, 之後每天我都提佢, 下星期日到你剪啦, 呢星期佢每日都大聲答我"好", 希望明天真係肯啦.

而家玩積木再唔係一條直線向上放, 而家會整間屋出黎, 雖然唔係好靚, 但比以前好好多, 有時更同我講, 整左個間警局, 消防局, 重有終極警察局... 點解加終極呢, 因為佢太鍾意朦面超人, 早排我買左d插黎插去既發聲超人玩具比佢, 佢自己轉黎轉去玩, 對佢小肌肉同耐性有小小幫助啦, 不過佢插唔番果d音樂會大發皮氣, 一發皮氣, 又變番乜都做唔到, 佢而家最大問題係佢d皮氣, 一發皮氣時亂掉野同訓地, 學校同我地都做同一方法, 要佢知道掉左就冇, 要比佢知道呢一點, 鍛鍊中.

游水方面, 每次去既時候都要我抱住, 腰骨快頂唔順了, 最初佢唔肯著保暖衫, 而家開始適應, 太長時間游水佢唔肯, 頂多一小時, 因為冇耐性, 要成日轉唔同老師, 佢完全唔怕水, 落堂後有時比佢出公眾池跳水, 自從上游水堂開始, 佢就鍾意玩潛落水底, 如何係屋企用盤沖涼, 佢會照潛入去... 游完之後更加肯企風機下吹頭, 游完水必定要去汽水機買檸茶, 有野引佢, 佢就肯行, 否則要我地抱佢行...腰骨痛到爆...

原先座的士回家, 等左一陣都冇車, 佢突同我講不如座電車, 我第一次聽時, 真係好震驚!!! 寫字未得, 佢主力手應該係右手, 但我又見佢可以用左手寫個O, D, H出黎... 已通知左學校.

暫時最大問題係佢皮氣, 連協康都話佢皮氣好大, 有幾位姑娘佢好怕, 唔惡過佢點head住佢呢, 我支持!

作者: miffymiffyt 時間: 13-9-15 10:10 標題: 回覆：我4歲9個月兒子的近況

加油！有你悉心照顧，仔仔一定會愈來愈進步！

作者: kc61282 時間: 13-9-15 14:37 標題: 回覆：miffymiffyt 的帖子

大家都要積極！

作者: chaimum 時間: 13-9-16 14:25

本帖最後由 chaimum 於 13-9-16 14:26 編輯

kc61282,
你好!我係之前請教過你關於耀能的密集訓練，好多謝你的寶貴意見。
我仔在耀能上了大半年，有好大進步，因支出實在太大，現在沒有上了。
我一直都想感謝你不厭其煩煩的解答我的問題，但怕突然send message比你會太唐突，好高興見到你update你小朋友既近況，仲有咁大進步，真心替你高興，為大家的小朋友繼續加油

作者: kc61282 時間: 13-9-16 15:34

回復 chaimum 的帖子

大家都是同路人, 唔駛客氣

總之唔好放棄, 盡最大能力幫自己兒女!

作者: csy_0101 時間: 13-9-17 09:00 標題: 回覆：我4歲9個月兒子的近況

作者: POCHACCO2011 時間: 13-9-18 16:49

提示: 作者被禁止或刪除內容自動屏蔽

作者: chaimum 時間: 13-9-19 10:35

回復 POCHACCO2011 的帖子

我係 working mom因訓練支出會好大
如你負擔得起，當然全職自己跟會好得多

作者: kc61282 時間: 13-9-19 13:25

本帖最後由 kc61282 於 13-9-19 13:26 編輯

POCHACCO2011 發表於 13-9-18 16:49
你好, 想問問你們是否都是全職湊小朋友? 是否一定要捨棄份工?

一個月入面有D堂學校安排同屋企人參加, 去到我地都會去, 否則由工人一齊聽, 學完返屋企每日再鍊習, 放工再陪佢做, 但多數佢地都會好抗拒, 係學校已經學緊, 放學訓醒到工人教, 夜晚又由爸媽教, 好易扭計, 要慢慢tum.

但返左密習之後, 由最初只識講爸, 媽, 拜拜, 到而家成首超人迪加唱出黎, 點都會有進步.

作者: Vichang 時間: 13-9-23 16:01

回復 kc61282 的帖子

Thanks very much for your sharing. My son is 2 years 4 months, and he is 自閉譜系障礙... 而家讀緊青蒽私人S位, 仲未識講嘢.....

請問耀能好嗎? 本身住嗰區有耀能及協康....2 間條隊都係咁上下長...

作者: kc61282 時間: 13-9-23 16:42

回復 Vichang 的帖子

我仔入耀能時都係2歲半左右, 由唔識講野, 到今年8月離開時已可唱成首超人迪加.

其實任何課程對佢地都有幫助, 重點係教佢住老師, 可以開發佢地幾多.

歡迎光臨教育王國 (/)