教育王國
標題: 有讀障係咪只會派BAND 3 中學?? [打印本頁]
作者: stellat 時間: 13-6-13 18:57 標題: 有讀障係咪只會派BAND 3 中學??
阿女溫書溫到盡晒力, 都係咁, 9月升五年級仲要呈分...佢操行和校內職務都好好, 唯獨成績就
唉.
請問邊間直資中學和津貼中學會接受 讀障生? 而校風比較好?? 謝謝!
作者: smallmama 時間: 13-6-15 20:38
其實BAND 3也不一定不好, 只要搵到校風好老師們有愛心,其實係可以幫助到他們這類小朋友, 好似我仔咁, 自小三轉到而家呢間小學後, 成績明顯進步, 雖然結果他也是屬B3生, 起碼他可以搵一些B3頭而校風好的 (但其實也要7月9日先知), 起碼他明顯可以自己看完一本衞司理既小說, 除了英文唔合格以外, 其他科目到有合格甚至第3次呈分試其他科有70分左右, 我覺得已經好安慰, 不要給他們太大壓力, 不然影响親子關係唔係咁好.
作者: stellat 時間: 13-6-17 22:37
回復 smallmama 的帖子
可否分享下你選咩學校？有無in 直資？自行有無得interview? 我留意緊二，三線既直資，想睇下有無啱佢, 謝謝。
作者: smallmama 時間: 13-6-18 21:13
回復 stellat 的帖子
我冇in直資, 因為比唔起6年咁貴既學費, 佢校網屬葵青, 所以in咗一間band2尾(迦密愛禮信)及一間band3頭既(葵循), 因去參觀迦密時, 佢有講明入紙都有得見, 所以用試下既心態 (老師都講其實有d難), 而家未知結果, 要等7月9先知.
作者: stellat 時間: 13-6-18 22:04
回復 smallmama 的帖子
明白,! 其實我係驚怇唔知派去邊 ,最驚係校風差, 所以想報下直資..! 謝謝!
作者: 貓太太 時間: 13-7-3 02:26
回復 smallmama 的帖子
我細仔有讀障。專注力不足,经過六年努力,操行好,遲band2尾,in蘇浙(band2中)和迦密爱禮信(band2尾)。蘇浙面试就收左。(大抽奖老師話太博没有填蘇浙,填迦密爱禮信第一燕京第二)當然為了面试努力準備大半年,英文朗讀,對答成日練,補普通話一對一補左半年,我仔小時言語發展慢,大個講野有時好螺表達不清,同佢執對答表達執好耐,好在樣子醒目,反應幾快,我認為目標要實際不要太高,然後盡力面為,機會總會留給有準備的人
作者: fitceo 時間: 13-7-5 12:38
我仔都係有讀寫障礙, 小學讀左3間小學, 即係轉左兩次校, 第2間小學私校要佢p.5 留班, 我覺得佢只係中文差,而又有讀障要佢留係嘥時間, 就算留多一年, 佢的中文都係咁上下, 千辛萬苦之下搵到一間小學俾佢讀p.6, 而呢間小學又有聯系中學, 佢轉校後雖然中文都係咁上下, 但其他科尚算滿意, 終於俾佢入到聯系中學, 而家中學既成績算中游,以前小學一直包尾. 其實 就算 band 3都唔緊要, 間學校有愛心, 校風嚴謹,再家校合作, 小朋友學壞機會就相對少的.
作者: stellat 時間: 13-7-5 23:26
我個女今次考試成績進步左少少, 唯獨英文就真係....佢連字都記唔到, 就算記到兩日, 到第3日已經又唔記得, 莫講話要記Grammer , Tense...!
今個暑假, 主力補英文, 另外安排左一個外籍老師操下READING同ORAL, 我都係諗住盡早預備下,希望到時有機會IN 下BAND2 學校...!
作者: 貓大姐 時間: 13-7-7 23:47
本帖最後由 貓大姐 於 13-7-7 23:48 編輯
我女當年小學都話佢係BAND 3成績, 後尾比佢 面試 入左間 BAND 2尾, 仲讀得幾開心, D 老師讚佢乖, 又話佢幫得手
其實間學校 BAND 幾唔重要, 最重要 間學校 D 老師, 主任, 校長 有冇愛心, 學校除左睇重成績, 會唔會比機會 同學發揮其他才能
作者: smallmama 時間: 13-7-9 17:43
我仔派咗入葵循, 佢好開心, 因為佢覺得適合佢, 而且我知呢間學校升緊band, 最主要我參觀後覺得老師都唔錯, 而亞仔開心便可.
作者: vincher 時間: 13-7-14 23:57
我兒讀障，小學還可以取得約7o分，因數學經常A，b2!
獲派b2中中，但因明知無機會在港讀大學，
所以叩直資英中，計劃過幾年放洋!!!
感謝天父，最後叩得b 1/2 直資英中!
當然在眾高手雲集下，成績沈底，我只望其升班!
作者: lammaggie 時間: 13-8-13 14:37
我囡囡讀障，由小一小二滿江紅, 至小五小六 數學/常識均A,
呈分試成績越戰越勇, 連英文都A.
加上游泳成績好, 考 B1 直資即中,
中一 全級成績中等, 200人約考100左.
講好輕鬆, 但路不易走, 是上帝讓我明白, 要讓小朋友有自信, 多鼓勵, 一定有進步.
作者: cecilau 時間: 13-8-14 14:36 標題: 回覆：lammaggie 的帖子
好想知你用了咩方法小朋友的改變甘大。
作者: lammaggie 時間: 13-8-14 17:25
回復 cecilau 的帖子
樂觀面對，發掘潛能
用了很多方法, 一匹布咁長, 以下小小分享...
小一評為讀障, 小肌肉發展得三歲, 專注力不足.
首先是放鬆心情, 找資源.
了解後, 馬上安排小朋友做 "感覺系統" 密集訓練.
即時放棄習琴和芭蕾舞學習 (因明白到小肌肉未及發展)
另外 安排做體操和游泳運動 (腦部平衡力發展好重要, 寫字也要懂平均分布位置)
以平常心看待成績, 但要保持正向學習, 等小朋友的發展追上, 按步而行.
培養閱讀習慣, 對學習, 特別是中文科發展也很重要
正向學習例如:- (初小的方法)
1. 坐地鐡玩數筆劃 (e.g. 比賽最快找出三劃的字) 因此我自己發掘了很多認字遊戲
2. 了解部首意思, 例如, 枱, 椅, 桌, 床等均為木做.
小三時, 小朋友仍會吾願返學, 明白她很辛苦, 還担心小四追不上, 種因得果, 結果慢慢追上了.
如果需要再了解多D方法, 隨時再聯絡, 因太多太多, 不好寫.
作者: lammaggie 時間: 13-8-14 17:26
各位要加油, 小朋友發展人人不同, 沒有最好, 只有合適.
作者: cecilau 時間: 13-8-15 09:20 標題: 回覆：lammaggie 的帖子
好多謝你無私的分享，真係好想知更多。我再聯絡
作者: stellat 時間: 13-11-21 00:45
回覆 vincher 的帖子
Vincher,
我都係咁諗， 希望佢讀直資可以接觸多d 多元化既經歷，又無咁擔心佢學壞，但佢屬於嚴重果種，照睇落去呈分試都應該唔會合格，我唔想迫佢，知道佢已經盡左力。
想問下你小朋友讀邊間直資？ 唔方便可P M我嗎？你見左幾多間？有無得interview？ 可以分享多d in 直資既程況嗎？或者邊方面優秀會較有機會？我個女短跑同跳舞都比較出色， 希望有機會in。
BK 好少人提，有好多問題想指教，請幫忙， 謝謝！
作者: vincher 時間: 13-11-26 01:32
如何訓練面試
~5升6 0既暑假+9月初 訓練兒子剪報+評論新聞 (後來停了，因功課太多)
~自行前已準備，我的 約3月
~我叫私補老師抽10~15分鐘@次 幫我訓練
~5月 兒子學校派了一些學校簡介 ，有一間雖然不是心儀中學，但學校提供模擬面試，我當時報名參加，讓他得到如實戰的經驗
~自行報了2所津中 (幸好它們in 曬所有報考學生)雖然失敗，也積累經驗
如何訓練兒子剪報+評論新聞，我先從看社論入手 (無記晨早新聞有各大報章社評簡要 精簡 很好0既教材 + 看報時剪下具爭議性的議題社評)
~多看幾篇，不妨朗讀社評(太長的 劃下要點 才朗讀、分析寫評者0既立場、支持/反對理據 ) 日子有功再進入下一步
~剪報+評論新聞
(對小組面試/個人面試都有幫助)
http://www.edu-kingdom.com/forum ... p;extra=&page=2
作者: Esther_Rachel 時間: 13-11-27 14:48
lammaggie 發表於 13-8-14 17:25 
回復 cecilau 的帖子
樂觀面對，發掘潛能
作者: hktwun 時間: 13-12-1 00:11
請問有冇人IN過德信中學? 如有可否分享一下?
Principal Herbert mentioned that he welcomes SEN students.
作者: hktwun 時間: 13-12-3 00:08
本帖最後由 hktwun 於 13-12-3 00:13 編輯
我淨係想個仔入間校風好D既學校，唔係因為英中或中中。
作者: 朱寶媽媽 時間: 14-6-2 07:51 標題: 回覆：lammaggie 的帖子
我想問下讀障是否要到小一二先知，因小囡都有大肌肉發展緩慢，依十4歲半，但肌肉發展只有3歲。她是左撇子，寫字時方向成日寫錯，特別是英文字(b,c,d,f,p,q,s)等
作者: MissCarley 時間: 14-6-2 22:18
可以試下北角的循道衞理中學，係專為讀障學生而設的
http://www.fhms.edu.hk/
作者: eerr 時間: 14-6-4 23:19 標題: 回覆：smallmama 的帖子
提示: 作者被禁止或刪除 內容自動屏蔽
作者: curly 時間: 14-11-27 14:03
回覆 stellat 的帖子
my son at P5 too, don't know how to do to help....should choose band 3 secondary school?
作者: curly 時間: 14-12-2 13:28
lammaggie 發表於 13-8-14 17:25
回復 cecilau 的帖子
樂觀面對，發掘潛能
作者: curly 時間: 14-12-2 13:39
It seems good for the student. But, will it be label as "SEN" to public?
When he finished school, how to face the society? Too much to worry...
作者: curly 時間: 15-1-13 07:35
回覆 curly 的帖子
去佐參觀主要收學習困难生，配套唔错，但課程淺一半，即六年=3年課程
唔夠科考大學
家長要接受😓
本人就点。。。
作者: sunsunchu 時間: 15-1-14 10:49
小兒現於校網64區的一間比較注重成績的小學讀小二, 是A仔+讀寫障礙, 學校已有調適, 但仍次次包尾. 所以想轉校, 希望大家可以幫助題供葵青或荃灣區對這類小朋友較好支援的小學. 感激!!!
作者: irenelwl 時間: 15-1-16 20:10
本帖最後由 irenelwl 於 15-1-16 20:11 編輯
我覺得都要睇性格
我女2個表哥都係讀寫障礙, 大表哥驚留級, 所以死讀難讀, 小一至小五成績都唔好, 但小六突飛猛進, 入了BAND1英中。而家細表哥小四, 但唔願讀書, 連書都唔會拎起來, 又情緒化, 覺得讀書辛苦, 無用, 佢媽又驚佢仔發脾氣, 自我安慰細仔遲D會跟大哥一樣好起來
我女, 剛證實都係讀障, 佢無大表哥的恆心, 但又無細表哥的情緒, 叫佢做都會做, 考試成績差, 久唔久先一次合格, 數學就暫時OK, 默書, 勤力個排可以有9字頭, 一懶就會得幾分, 一定要付出比別人多的辛勞先有較好的收獲, 但肯做是可以做到的。所以性格都好重要, 一個正常的小孩讀唔讀得叻, 性格都好大關係呢~
作者: sunsunchu 時間: 15-1-16 20:52 標題: 回覆：irenelwl 的帖子
我係全職媽咪， 日日等個囝放學返屋企…就好似同個囝死過禁， 佢吾肯做，坐底後…攪成半個鐘至開始做， 功課晚晚做到成10點，真係命都無
作者: brother4 時間: 15-1-18 08:56 標題: 回覆：有讀障係咪只會派BAND 3 中學
朋友孩子留學，才發現有，如有可能，考慮留學，佢會開心D
作者: sunsunchu 時間: 15-1-18 12:44 標題: 回覆：brother4 的帖子
佢地禁輪盡…吾起父母身邊，當然佢地攪得掂…就緊係最好啦，可以學自立。
但係攪吾掂…有咩事發生，禁點算呢?!
作者: irenelwl 時間: 15-1-18 21:45
回覆 sunsunchu 的帖子
小孩多大?
作者: brother4 時間: 15-1-19 09:08 標題: 回覆：有讀障係咪只會派BAND 3 中學
因朋友有那問題，留學才發現，佢孩子留學很開心，一般外國學校極少壓力，又少功課，但考試就安排可長-點時間，佢孩子上了大學。
作者: sunsunchu 時間: 15-1-19 16:53 標題: 回覆：irenelwl 的帖子
剛8歲，小二
因在一線小學，功課和考試的壓力很大
想找葵青區的小學，對SEN的小朋友有較好的支援
作者: irenelwl 時間: 15-1-20 20:13
回覆 sunsunchu 的帖子
完全明白
我女都係北區一線小學, 而家小三, 是上年12月時剛知佢係讀寫障礙, 兼有言語理解障礙及視覺認知障礙
因為小女幼稚園時係HAPPY LEARNING, 我以為佢小一唔適應, 下學期請左個姐姐同佢補習, 連功課都搞唔掂, 我晚晚番黎再搞, 搞到成11,12點。
到小二要佢落補習社, 功課搞掂左, 但係成績差過自己跟, 下學期我去左做手術, 佢科英文係得十幾二十分個隻....
今年升小三, 因暑假時知道有幾個堂/表親都係讀障, 即刻同老師講, 但班主任經學校搞得黎都太遲, 所以去左做私人評估, 先叫做確診。
點解咁耐先發現, 係因為小二, 小三時同學校老師傾, 其實都覺得我女唔係讀障, 個個以為佢只係懶, 連做評估個心理學家都話我女表徵不明顯, 而且佢係好肯做的小孩, 我有時間陪佢溫默書時佢可以默到ＯＶＥＲ９０分，所以我以為佢有能力做到， 只係懶，無諗過佢有問題， 直到Ｄ野越黎越深， 我教佢時發現唔妥.....
如果我一開始留意到佢的問題， 就唔洗拖咁耐， ＤＤ佢地都唔想 ， 我地只好耐心Ｄ去幫佢地， 希望佢地唔好太差。大家一齊努力啦
作者: sunsunchu 時間: 15-1-20 21:52 標題: 回覆：irenelwl 的帖子
係呀！大家一齊努力呀！
我心諗…如果我打工既…份工做得吾開心都可以轉工，點解我小朋友讀得禁辛苦，吾可以轉校呢，希望佢可以讀得開心d, 大家壓力小，關係都好d
作者: loklok0104 時間: 15-1-21 11:40
irenelwl 發表於 15-1-16 20:10
我覺得都要睇性格
我女2個表哥都係讀寫障礙, 大表哥驚留級, 所以死讀難讀, 小一至小五成績都唔好, 但小六突 ...
我大仔同細仔都有學障及專注力不足問題, 哥哥性格溫馴, 聽話, 勤力, 有耐性, 所以雖然有sen問題, 但性格上補上不足之處, 溫書時間比人長幾倍, 由P1至P4成績不太理想, 到P5下學期開始食藥及搵專科補習, 成績有好轉. 今年F1讀B1英中.
但弟弟性格同哥哥剛相反, 所以令我非常頭痛, 經常唔合作, 討價還價, 懶散, 今年小一成績好漂忽.
作者: irenelwl 時間: 15-1-21 13:27
回覆 loklok0104 的帖子
性格改變命運, 我記得小一開學, 學校安排個講座比家座長, 就是去了解小孩的性格, 再作出教育對策養育小孩真不是易事!
作者: irenelwl 時間: 15-1-21 13:28
回覆 sunsunchu 的帖子
如果小孩有感到上學不開心, 就真係要考慮轉考, 你同孩子傾談下吧!
作者: long0 時間: 15-1-21 15:25
本帖最後由 long0 於 15-2-18 01:33 編輯
http://www.sundaykiss.com/2014/0 ... 9%9A%9C%E5%85%92-2/
https://hk.lifestyle.yahoo.com/%E8%AE%80%E5%AF%AB%E9%9A%9C%E7%A4%99%E8%B3%87%E5%84%AA%E5%85%92-%E8%AE%8A%E8%BA%AB%E5%B0%8F%E5%B0%8F%E7%99%BC%E6%98%8E%E5%AE%B6-225106846.html
讀障只係有障礙
只要突破到
就唔係障礙(而係加持)
同升中選校無關係
亦有b1讀障
不恥精英教育
才會選b2 b3
亦有資優讀障同時存在
當小朋友有讀障
即表示你要增加資源係佢身上才有成果
而所說的是時間
父母能夠長時間陪伴
好多時子女表現比普通人更好
千萬不要因為讀障而給借口
自我放棄
作者: curly 時間: 15-2-11 13:22
irenelwl 發表於 15-1-16 20:10
我覺得都要睇性格
我女2個表哥都係讀寫障礙, 大表哥驚留級, 所以死讀難讀, 小一至小五成績都唔好, 但小六突 ...
作者: long0 時間: 15-2-18 02:04
見有人支持寫多少少
其實有無讀障都只係普通學生一個
千萬不要過份標籤
要讀障少朋友讀得好其實同一般學生一樣
性格一定要具備2個特質
1,有自信(有必定做到的決心)
2,有禮貌(因為語文能力較弱 不可單靠書本自學 有禮貌好多時D人會主動幫)
上面2個特質只有父母可以教到
學校唔會教到
父母如果教到個小朋友有以上2點
相信Band幾已經唔重要
因為佢會自我完善
作者: angel1106 時間: 15-5-27 10:21
提示: 作者被禁止或刪除 內容自動屏蔽
作者: long0 時間: 15-9-17 11:49
本帖最後由 long0 於 15-9-18 12:22 編輯
要到幾時家長們先醒悟
學校只是輔助
而主體幫助仔女讀書的是身為父母自己?
出面成日講怪獸家長
家有讀障兒 要佢克服讀書困難
父母本身就要成為怪獸
將所有生活重心放係小朋友到
工作困身就搵份hea d 人工小d 但可以睇住小朋友的
屋企唔會點開電視 只會間中睇新聞同天氣 其他no way
考試請假陪太子讀書
做功課就算去到兩點都陪伴在側
默書日日默4次
怪獸之處不能盡錄
我成日心想全世界約1/10有讀障
這樣都中到 是因為只有你先有資格做到佢父母
讀障可以名列前矛
代表如果佢係正常兒已經做到狀元
讀障最可悲係撞到寄生獸形父母
發現子女有讀障
佢成績唔好咪學校唔好囉
緊有一間學校可以教好佢
永遠認為教育係學校問題
仲幻想寄生係d好學校個仔就有希望
係讀障面前 作為父母自己都未全力付出
就算比神校你讀 都係無用
相反入到差校 父母繼續全力支援
仲要入家教會正面改善學校
加大家校合作
為仔女創造更理想讀書環境
這樣的怪獸才是真正父母應當的事
作者: tinaleung 時間: 15-9-18 14:43
lammaggie 發表於 13-8-13 14:37
我囡囡讀障，由小一小二滿江紅, 至小五小六 數學/常識均A,
呈分試成績越戰越勇, 連英文都A.
加上游泳成績好 ...
贈我兩句, 成個過程你自己默睇開, 同小朋友最重要係咩? 謝謝
作者: Hoining 時間: 15-11-19 11:48 標題: 引用：+本帖最後由+long0+於+15-9-18+12:22+編輯+
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |