教育王國

標題: 嘉諾撒聖心幼稚園的優缺點 [打印本頁]

作者: kongman 時間: 13-2-20 02:02 標題: 嘉諾撒聖心幼稚園的優缺點

有沒有聖心家長（現在或以前皆可）能夠說說這所幼稚園的優點和缺點？如沒有龍校因素，這是否一所值得推薦的幼稚園？

作者: CMMM 時間: 13-2-20 09:56

My opinion: It is a good school. But if it were not a dragon school, it would not have been so attractive.

作者: christywong111 時間: 13-3-1 16:50

很擔心英文程度, 他只係一星期有二堂, 每堂半小時, 全間學枚唔重視英文, 只係重視中文,一定要出去補習, 我就係因為唔想煩, 係龍校, 我都想知其實仲有咩好

作者: Aaby 時間: 13-3-1 17:00

但聖心小學, 英文好似好好。
不過好似話聖幼上聖小係有gap, 要d時間適應。

作者: keio 時間: 13-3-1 18:36 標題: 回覆：嘉諾撒聖心幼稚園的優缺點

小女是shck k1 生，英文雖然是net 教但課程不深，每周上課時間亦不多。

但培正、spk、德望的英文課程也很淺，某些連net 也沒有，你們會嫌棄嗎？

其實而家讀咩幼稚園（或許IS 及純英普班除外），各位家長都自發或迫不得己幫小朋友補英文，所以學校內教的英文往往不是重點。

作者: keio 時間: 13-3-1 18:41 標題: 回覆：嘉諾撒聖心幼稚園的優缺點

另外，聖幼的中文也不會好深，其實overall 成個課程是屬於淺的。但學校對小朋友的德育培養很注重，小女和她的同學大部份都很乖很斯文淡定但不失活潑，這是我所欣喜的。由於聖心是傳統天主教學校，所以小朋友好叻念經

和愛護別人。

作者: Virginia_Arare 時間: 13-3-1 20:43

多謝分享! 我問過朋友，聖心學生好鐘意祈禱、宗教和品德培育好，令我好開心! 希望快啲 confirm校車嘅位，咁就開心啦

作者: petercck 時間: 13-3-1 21:04

擔心聖心的英文程度，很有意思呀！
樓主是新移民？
不要誤會，順便問問而已！

作者: kongman 時間: 13-3-2 08:00

petercck 發表於 13-3-1 21:04
擔心聖心的英文程度，很有意思呀！
樓主是新移民？
不要誤會，順便問問而已！

我是土生土長的香港人，不是新移民。因想多知道一些聖心的情況，所以有此一問。

作者: kongman 時間: 13-3-2 08:10

keio 發表於 13-3-1 18:41
另外，聖幼的中文也不會好深，其實overall 成個課程是屬於淺的。但學校對小朋友的德育培養很注重，小女和她 ...

如果小朋友本身並無宗教信仰，進去以後會否因為天天唸經，而相信起來呢？有沒有很多這種例子？學校的德育培養，是否都從宗教的角度出發呢？

作者: lawa 時間: 13-3-4 16:18

回復 kongman 的帖子

我從小學, 中學及大專時都係在天主教學校讀書, 到現在都未有宗教信仰. 但天主教學校好注重品德修養而且修女亦很有愛心. 所以當聖心幼稚園收左我女後, 十分開心.

作者: bu_mama 時間: 13-3-4 16:47 標題: 回覆：lawa 的帖子

學校地點不方便

作者: lawa 時間: 13-3-4 16:53

回復 bu_mama 的帖子

這很視乎住邊區, 因為校車主要覆蓋港島區.

作者: McBonnie 時間: 13-3-5 09:45

聖心是很專注宗教和德育培訓. 女兒K1上學不用2個月, 已經熟讀祈禱經文, 因為天天都有早會. 至於英文, 其實家長都有責任在家溫習, 看圖書.

作者: fefemom 時間: 13-3-5 11:30

kongman 發表於 13-3-2 08:10
如果小朋友本身並無宗教信仰，進去以後會否因為天天唸經，而相信起來呢？有沒有很多這種例子？學校的德育 ...

天天唸經是真的，天主教學校的德育培養是從宗教角度出發，教導學生學習耶穌、聖母、其他聖人，做到愛主愛人的精神。
我從幼稚園到中三都是讀天主教學校，古文經背得滾瓜爛熟，之後四年讀基督教學校，之後再接觸天主教再聽道理，才領洗；相信是當年讀書播下的種子發芽了。當然如耶穌說撒種的比喻，種子播下會否發芽結果，還要看落在什麼地方。

作者: leung720 時間: 13-3-30 18:35 標題: 回覆：嘉諾撒聖心幼稚園的優缺點

囡囡現在PN班只愛和男同學玩，係咪唔適合SH?

作者: kenobaby 時間: 13-4-1 17:36

想知聖心多學校假期嗎?或者放暑假有多長?

作者: keio 時間: 13-4-2 01:06 標題: 引用：想知聖心多學校假期嗎?或者放暑假有多長?

原帖由 kenobaby 於 13-04-01 發表
想知聖心多學校假期嗎?或者放暑假有多長?

假期不多但k1 k2 暑假特長，from 1/7 to 31/8

作者: rvp909 時間: 13-4-2 22:48

大家知道天主教學校就梗係從天主教的角度去教德育和宗教。其他宗教的學校也是以它們各自的宗教去教德育和宗教。This is so obvious.

作者: JP908 時間: 13-4-3 03:05 標題: 回覆：嘉諾撒聖心幼稚園的優缺點

想問問媽媽係聖心幼稚園讀到中學畢業，女兒考K1有優勢嗎？

作者: Aaby 時間: 13-4-9 13:24

JP908 發表於 13-4-3 03:05
想問問媽媽係聖心幼稚園讀到中學畢業，女兒考K1有優勢嗎？

有
我囡囡考2013-14 K1, 我都有attach埋我的畢業證書。
相信除了睇interview表現, 其他相關資料都係收生考慮因素。

作者: JP908 時間: 13-4-10 11:38 標題: 回覆：Aaby 的帖子

Great! Thanks!

作者: hello_my_babies 時間: 13-4-11 17:30

回復 JP908 的帖子

無, 仲要reject.

作者: crystal720 時間: 13-4-18 09:52

有架,要預備好証明文件

作者: chingcging 時間: 13-4-25 22:47 標題: 引用：想問問媽媽係聖心幼稚園讀到中學畢業，女兒

原帖由 JP908 於 13-04-03 發表
想問問媽媽係聖心幼稚園讀到中學畢業，女兒考K1有優勢嗎？

有優勢，我係舊生，由k1讀到f7，收咗我個女，但我reject。

作者: Aaby 時間: 13-4-26 11:15

chingcging 發表於 13-4-25 22:47
有優勢，我係舊生，由k1讀到f7，收咗我個女，但我reject。

Why you reject?
Which kg you choose?

作者: chingcging 時間: 13-4-28 14:28 標題: 引用：Quote:chingcging+發表於+13-4-25+22:47+有

原帖由 Aaby 於 13-04-26 發表
Why you reject?
Which kg you choose?

我只幫我個女選合適嘅幼稚園，而唔係人入我又入嘅幼稚園

作者: keio 時間: 13-4-30 00:10 標題: 引用：Quote:原帖由+Aaby+於+13-04-26+發表Why+yo

原帖由 chingcging 於 13-04-28 發表
我只幫我個女選合適嘅幼稚園，而唔係人入我又入嘅幼稚園

Then why did u still apply SHCK at the beginning?

作者: ccoic 時間: 13-4-30 22:06 標題: 引用：Quote:原帖由+chingcging+於+13-04-28+發表

原帖由 keio 於 13-04-30 發表
Then why did u still apply SHCK at the beginning?

作者: chingcging 時間: 13-5-1 20:01 標題: 回覆：嘉諾撒聖心幼稚園的優缺點

因為我爸走咗去攞form！娘家係正樓上！成日同啲staff吹水，俾佢知道幾時攞form!

排得咁辛苦咪去in囉。In嗰日撞正學校旅行。我要個女著埋校服去interview，諗住你收就收唔收就算。

作者: chingcging 時間: 13-5-1 20:03 標題: 回覆：嘉諾撒聖心幼稚園的優缺點

我自己都有fd教小學，佢個方針is not my cup of tea.

作者: chingcging 時間: 13-5-1 20:04 標題: 回覆：嘉諾撒聖心幼稚園的優缺點

再講啦，你哋咪又係考10間8間k1,收先簡！相對我只考2間，自間叫有良心。

作者: kongman 時間: 13-5-2 00:55

chingcging 發表於 13-5-1 20:04
再講啦，你哋咪又係考10間8間k1,收先簡！相對我只考2間，自間叫有良心。

...

你報考兩間，但聖心並非你本來的選擇，那就是說你要報考的其實只有一間！很想知道是哪一間幼稚園讓你這麼嚮往？它已錄取你的女兒了嗎？自信一擊即中，與其說你有良心，不如說你很有信心，而且是100%的信心！一般家長報考十間八間不是沒有良心，而是沒有你這樣大的信心，相信自己的子女逢考必收！

你在聖心從K1讀到F7，聖心的情況應該你最清楚了，為什麼還要去問你教小學的朋友？無心讀卻跑去考，錄取了就reject，不懂！你真的是聖心的校友嗎？

作者: chingcging 時間: 13-5-6 22:13 標題: 引用：Quote:chingcging+發表於+13-5-1+20:04+再

原帖由 kongman 於 13-05-02 發表
你報考兩間，但聖心並非你本來的選擇，那就是說你要報考的其實只有一間！很想知道是哪一間幼稚園讓你這麼嚮 ...

正因為係入面10幾年，好的差的心中有數。現在課程已比較淺(我年代小三已有history 同geography) ，但現時質數比以前為差。尤其文憑試後排名跌得犀利，已是不爭事實。教書的朋友們是舊同學，可客觀分析各校利弊。不可能因聖心是母校而盲目追捧，選學校不是買名牌，選合適的更為重要。

作者: chingcging 時間: 13-5-6 22:14 標題: 引用：Quote:chingcging+發表於+13-5-1+20:04+再

原帖由 kongman 於 13-05-02 發表
你報考兩間，但聖心並非你本來的選擇，那就是說你要報考的其實只有一間！很想知道是哪一間幼稚園讓你這麼嚮 ...

我考真光full day，收上午，so i rejected the offer

作者: chingcging 時間: 13-5-6 22:17 標題: 回覆：嘉諾撒聖心幼稚園的優缺點

聖心收上午，but i prefer full day school, so i also rejected the offer

作者: venetamama 時間: 13-5-9 13:53

唔係想講SHCK壞話, 我自己本身都係OLD GIRLS, 阿囡本來都讀緊K2, 但今年讀完上學期我都QUIT左..... 只可以話我同阿囡都夾唔到個斑主任

作者: Virginia_Arare 時間: 13-5-10 12:18

唔夾到咩程度而令你 quit k2? 好難揾 k2 or k3 插班呢! 你囡囡仲有冇返學? 可唔可以分享多啲比我哋作參考?

作者: ccoic 時間: 13-5-10 23:24 標題: 引用：唔係想講SHCK壞話,+我自己本身都係OLD+GIRL

原帖由 venetamama 於 13-05-09 發表
唔係想講SHCK壞話, 我自己本身都係OLD GIRLS, 阿囡本來都讀緊K2, 但今年讀完上學期我都QUIT左..... 只可以 ...

究竟係咩問題？我女有幾間龍校offer, 但我心儀聖心，但又好怕選擇錯誤，希望你可以分享下學校因咩問題，而令你選擇退學？

作者: venetamama 時間: 13-5-12 22:14

當K2上學期尾時老師開始教組合數, 例如3可以係1+2, 2+1, OR 3+0, 但班主任演繹有D問題, 因為用中文教, 所以出現1和2是3, 2和1是3, 3和0是3. 但我個囡理解唔到, 返到屋企仲問我點解唔係1加2=3, 要用"和"&"是", 就呢個問題我同班主任請教, 佢根本都唔可以解釋俾我聽, 最後只係同我講呢條係組合數, 唔係數學題, 唔可以用加數去睇

跟住仲要話全班同學都冇問題, 係得我個囡一個唔明, 講到似乎有問題嗰個係我個囡.... 於是我覺得, 可能聖心真係太傳統喇, 接受唔到一個小朋友既challenge, 我亦唔想阿囡做隻唔識出聲既填鴨, 所以咪幫佢轉校lor

作者: venetamama 時間: 13-5-12 22:21

不過我QUIT左之後先知道呢個班主任應該係新人, 可能佢想樹立D威嚴啦; 據我同其他班既媽咪傾開, 佢地D小朋友整體都讀得開心既~

作者: 119ching 時間: 13-5-15 14:46

我囡囡到收咗, 同埋我朋友囡囡都讀緊, 佢囡囡讀得好開心.

作者: kongman 時間: 13-7-15 05:48

有人說聖幼的課程很淺，但升上聖心私小時卻要讀深一年的英文，這中間是如何銜接的呢？聖幼的英文老師是否外籍老師（NET）？

作者: iantsang 時間: 13-7-15 12:06

kongman 發表於 13-7-15 05:48
有人說聖幼的課程很淺，但升上聖心私小時卻要讀深一年的英文，這中間是如何銜接的呢？聖幼的英文老師是否外 ...

The first year curriculum of English in Private section will consists of both P.1 and P2. So, there are no need for any special preparation of transition as it just going to teach faster only.

作者: fefemom 時間: 13-7-18 03:43

kongman 發表於 13-7-15 05:48
有人說聖幼的課程很淺，但升上聖心私小時卻要讀深一年的英文，這中間是如何銜接的呢？聖幼的英文老師是否外 ...

幼稚園英文課本也是用深一年：K1 用K2書，K2用K3書，我想應該可以銜接吧。

作者: kerobobo 時間: 13-7-31 14:24

想請問大家,聖心上小學係點架?幾成上私小及幾成上唔係私小?
係咪讀佢幼稚園對叩門小學有幫助架?

作者: broadband 時間: 13-10-19 17:47 標題: 引用：不過我QUIT左之後先知道呢個班主任應該係新

原帖由 venetamama 於 13-05-12 發表
不過我QUIT左之後先知道呢個班主任應該係新人, 可能佢想樹立D威嚴啦; 據我同其他班既媽咪傾開, 佢地D小朋友 ...

其實在報考幼稚園或小學時有很多人不擇手段抹黑心儀學校以求學減少競爭對手。正常人如果已經放棄一間學校或子女已離開那間學校又怎會再入特意入那間學校的討論區呢？

作者: twllc 時間: 13-12-27 20:46 標題: 回覆：venetamama 的帖子

1和2是3，2和1是3... 其實會唔會係果位教師跟書教？因為我見我仔（讀另一幼稚園k2）本數學書係咁樣寫的

歡迎光臨教育王國 (/)