教育王國
標題: 兒童精神科醫生要排2年~是不是很荒謬? [打印本頁]
作者: cc1228 時間: 12-12-23 16:12 標題: 兒童精神科醫生要排2年~是不是很荒謬?
本帖最後由 cc1228 於 12-12-23 16:15 編輯
智力測驗中心小兒醫生評估我兒子為~自閉症顷向
之後把我轉介給兒童精神科醫生follow up
昨天親身去排期
結果說要排2年~2014,11月.....
是不是很荒謬?
我想有人真的等2年嗎?
自己自費去看了算~
作者: djlove 時間: 12-12-23 17:57
看兒童精神科醫生做甚麼的?
作者: Deniz 時間: 12-12-23 20:43 標題: 回覆：cc1228 的帖子
我都是，老公說排期的時候裡邊沒幾個人睇醫生，點要排到2014年
作者: jjcow 時間: 12-12-23 22:34 標題: 回覆：cc1228 的帖子
我最初排時俾個期我，係三年後
作者: Vichang 時間: 12-12-24 00:13 標題: 回覆：cc1228 的帖子
噢真的很荒謬！
我們做父母真的花了不少金錢和精神落去兒女度....
作者: jjcow 時間: 12-12-24 09:04 標題: 回覆：cc1228 的帖子
最好笑我二月排，攞到個期見寫住4月x日，星期四。於是我係google日曆諗住記低佢。點知入極都唔啱，點睇個日都唔係星期四。搞咗好耐，我至睇到個年份，原來係三年後
之後佢地好似加咗位，俾過個期我話早啲，但都要兩年。我真係等咗兩年呀！
作者: misshk12 時間: 12-12-24 09:44
本帖最後由 misshk12 於 12-12-24 09:44 編輯
我上個月去排係排到2015年1月，後來我話咁耐，佢先俾個2014年12月的期，排得黎，我個仔都差唔多五歲
作者: YingYin 時間: 12-12-24 09:50
上年5月排聯合,等候時間唔使一年,可能越來越多人排
不過睇了兩次,感覺無用
作者: jjcow 時間: 12-12-24 10:40 標題: 引用：上年5月排聯合,等候時間唔使一年,可能越來
原帖由 YingYin 於 12-12-24 發表
上年5月排聯合,等候時間唔使一年,可能越來越多人排
不過睇了兩次,感覺無用 ...
作者: annaanna 時間: 12-12-24 10:41
我都排左2年，冇計，等政府咪去私家睇住先囉... 不過私家好貴，但心態上... 遲D有政府又會平番好多，算吧
作者: yauman76 時間: 12-12-24 11:05
其實我都想知睇精神科醫生對A仔有乜幫助? 又唔係有藥可以改善行為, 我有問過CAC, 佢地話見咗精神科醫生先可再安排3T服務, 唔知係咪咁? 如果係, 真係等佢嘅3T服務真係唔駛諗.
作者: jjcow 時間: 12-12-24 11:16 標題: 引用：其實我都想知睇精神科醫生對A仔有乜幫助?+
原帖由 yauman76 於 12-12-24 發表
其實我都想知睇精神科醫生對A仔有乜幫助? 又唔係有藥可以改善行為, 我有問過CAC, 佢地話見咗精神科醫生先可 ...
作者: Stone媽媽 時間: 12-12-24 12:21
cc1228 發表於 12-12-23 16:12
智力測驗中心小兒醫生評估我兒子為~自閉症顷向
之後把我轉介給兒童精神科醫生follow up
各位媽媽, 請問你地既小朋友懷疑or已確定有自閉症顷向, 請問仍有學校收佢地讀n班/k1?
我小朋友歲半時見母嬰阮姑娘test時fail, 已安排去醫院見一次姑娘排1月中見醫生, 原先12月剛滿2歲返2歲暫托班, 返了3星期, 學校主任話我小朋友有問題 ( 唔識講野, 唔識表達, 坐唔定, 四圍走, 專注力唔夠, 唔聽指示, 極少眼神接觸) 要盡快評估安排轉入特殊學校, 佢原先收左我小朋友下年k1, 佢同我講想傾下同我小朋友退學問題. 我小朋友平時都真係有興趣先會望人, 如果唔係, 都唔會show人, 但佢真係唔肯講野, 佢有興趣先會跟我地講一d音, 當講厭左之後, 叫佢都唔會再講. 其實佢平時由老人家湊, 都比教少出聲, 但我見佢返左第一日學已成日講bb話, 好明顯有進步, 但返左3日就感冒停左2日冇返, 之後唔知點解就到學校門口就哭, 但又肯跟老師入去學校wo. 但返左3個星期主任就唔比佢再返仲要求佢退下年k1. 但我見佢返學有接觸多左小朋友肯主動發聲/講野, 好想佢可以返學, 可以等佢進步快d, 但上網見各位媽媽都講評完都仲要等1年先有治療, 2年幾先安排到兼收 / 特殊學校比小朋友, 我唔想等咁耐, 請問我仲有咩方法可以盡快比我小朋友治療同返學多d接觸小朋友?
作者: why-me 時間: 12-12-24 12:56
jjcow 發表於 12-12-24 11:16
我聽過其中一個原因係A仔大啲可能會出現過度活躍症狀，咁可能要食藥。有錯請指正。
...
正確.
我仔今年2月排, 上星期已見醫生.
作者: yauman76 時間: 12-12-24 14:23
jjcow 發表於 12-12-24 11:16
我聽過其中一個原因係A仔大啲可能會出現過度活躍症狀，咁可能要食藥。有錯請指正。
...
明白, 即係又要keep住排
作者: Vichang 時間: 12-12-24 15:00 標題: 回覆：Stone媽媽 的帖子
會唔會考慮做大b，即下年9月再讀N班？始終做大b會對佢心理好d卦。起碼自信心會加強。
作者: jelly-pudding 時間: 13-1-6 23:54 標題: 回覆：兒童精神科醫生要排2年~是不是很荒謬
咁我港島區好D. 2012年9月排瑪麗醫院，俾個期係2013年11月尾，即係排14個月.
作者: pipi331 時間: 13-1-7 01:38
提示: 作者被禁止或刪除 內容自動屏蔽
作者: snowpy2004 時間: 13-1-7 10:31 標題: 回覆：Stone媽媽 的帖子
可去私人s位如協康，耀能，樂天
作者: pinkdoll 時間: 13-1-7 10:31
pipi331 發表於 13-1-7 01:38
荒謬??? 多一單唔多...少一單唔少咁LOR.....
以本人粗淺的所知, A/ 自閉 系呢科 主要系開個FILE 咁LOR, 點 ...
咁又唔好咁悲觀 雖然佢哋實際唔係幫得到太多 但有陣時遇到覆診個醫生好啲既 咪聽下佢講啲乜嘢都好架 有時聽聽埋埋啲嘢 消化咗後都真係有得著. 遇著啲冇乜嘢講既醫生 就當俾小朋友去做社會適應
有時想得太多 反而會令自己負荷太重 何必呢?
作者: wilyun 時間: 13-1-7 11:05
我就係CAC CHECK左只話遲緩, 跟住我喊住同姑娘講我好擔心, 之後姑娘教我排兒童精神科, 我好似係七月排, 但十一月尾已經有得睇, 唔知佢係因為我另外比張醫生信可以快D?定係我個仔的情況差? 因CAC個DR話已SENT埋我個仔的報告去兒童精神科!
其實我覺得屯門醫院都排得幾快, 好似我咁, 我個仔歲半係健康院, 我要求佢地比我個仔去CAC度CHECK, 未夠兩歲已經安排做到評估(見DR), 本來係要排到十二月的, 但都可以提早十月有得見DR, 佢地話因為有人放棄左個位先有得我ZIP位, 但又聽人話會係睇個小朋友第一次見姑娘的情況而排, ANYWAY, 總之我有得睇, 我都懶理我個小朋友係咪嚴重, 反正佢係自閉我都已經接受左, 我現階段只係想有D乜野政府服務和支緩就盡量排定先!(雖然知道政府的服務係將貨就價...)
未夠兩歲我已經積極同個仔返協康PG, 心橋PG, 返N班等等! 見到個仔每日進步中, 就算講野都未得, 我都已經好滿足!! 大家都唔好咁悲觀呀! 盡量係呢度呻下, 睇下有無其它方法幫到個小朋友盡快得到適當訓練喇!
我本人都覺得如果未有得返N班, 可以自付去返密集訓練(如協康,STEPS等),叫做盡早做訓練先, 因為呢D都一樣要排架!
作者: jjcow 時間: 13-1-7 13:19
pinkdoll 發表於 13-1-7 10:31 
咁又唔好咁悲觀 雖然佢哋實際唔係幫得到太多 但有陣時遇到覆診個醫生好啲既 咪聽下佢講啲乜嘢都好架 有時 ...
作者: creamymami2007 時間: 13-1-9 12:51
身同感受:(
作者: 我係女仔 時間: 13-1-9 21:43 標題: 回覆：兒童精神科醫生要排2年~是不是很荒謬
我果時係聯合等左年幾先見，但好似都咩特別，都係做下評估咁，無藥食可以一年先返去睇一次，佢無比小組我，因我仔入等得黎都入左特殊位了
作者: jjcow 時間: 13-1-10 12:36
我係女仔 發表於 13-1-9 21:43
我果時係聯合等左年幾先見，但好似都咩特別，都係做下評估咁，無藥食可以一年先返去睇一次，佢無比小組我， ...
我地新界真係重災區
作者: szenana 時間: 13-6-8 11:14
我仔仔岩岩3歲一個月係6月6號係屯門醫院智力評估中心度做評估,醫生懷疑佢自閉,轉介佢去睇兒童精神科,排到8月2號可以睇,不過d醫生同社工好好人
作者: maggie38 時間: 13-6-11 16:20
回復 szenana 的帖子
szenana..你話醫生懷疑(自閉)? 冇確診到? 甘有冇幫你排左咩位呀?
作者: szenana 時間: 13-6-11 18:04 標題: 回覆：maggie38 的帖子
佢幫我排左s位同e位，佢話等精神科先確認到我仔係唔係自閉,不過排精神科好快,8月2有得睇，佢話我仔如果未有幼稚園收，就去住特殊暫托先
作者: unfunny 時間: 13-6-11 23:21 標題: 回覆：szenana 的帖子
咁你仔仔有咩特徵同行為話懷疑佢有自閉証?因我仔仔快3歲8月中排到見精神科醫生呀，想知多啲。
作者: sandy1109 時間: 13-6-11 23:26 標題: 回覆：兒童精神科醫生要排2年~是不是很荒謬?
政府真係食屎，我也排到13年11月，痴Q線
作者: szenana 時間: 13-6-12 13:43 標題: 回覆：unfunny 的帖子
我仔仔三歲仲講d火星話，對人少眼神接觸，唔聽指令
作者: szenana 時間: 13-6-12 13:48 標題: 回覆：sandy1109 的帖子
但屯門醫院好快排到
作者: fonnylam 時間: 13-6-13 23:25
本帖最後由 fonnylam 於 13-6-13 23:27 編輯
我都估唔到咁快, 上年8月排, 今日睇完. 不過跟進服務真的一般, 有平日上午的8-10人社交溝通小組班(咁多k1唔使返學?), 排咗一次言語評估及見物理治療師......等多6-9個月就有....
麥醫生幾好人, 但問我問卷問到我頭暈....由上年評為'自傾'變'PDD', 我仲好模糊佢講乜....太複雜
作者: fonnylam 時間: 13-6-13 23:27
我都估唔到咁快, 上年8月排, 今日睇完. 不過跟進服務真的一般, 有平日上午的8-10人社交溝通小組班(咁多k1唔使返學?), 排咗一次言語評估及見物理治療師......等多6-9個月就有....
麥醫生幾好人, 但問我問卷問到我頭暈....由上年評為'自傾'變'PDD', 我仲好模糊佢講乜....太複雜
作者: PandaVV 時間: 13-6-14 00:38
我個仔等了一年, 上個月才見完聯合兒童精神科醫生. 不過, 見完醫生後,
乜野藥都唔使食, 醫生只係問要唔要返升小一的適應班, 如果想返, 會寫紙.
CAC 的社工話睇完兒童精神科醫生, 會好d. 只求安心.
| 歡迎光臨 教育王國 (/) |
Powered by Discuz! X1.5 |