教育王國
標題: 中華基督教會灣仔堂幼兒園同嶺南幼兒園邊間好? [打印本頁]
作者: JessieWoody 時間: 12-12-7 10:51 標題: 中華基督教會灣仔堂幼兒園同嶺南幼兒園邊間好?
呢兩間學校收左我個仔, 但唔知 中華基督教會灣仔堂幼兒園 定 嶺南幼兒園 好D呢?? 當然仲有報其他. 但如果二選一, 可否俾意見? 呢兩間都可直升K1, 但唔知對升小一有無幫助?
作者: Venus.tsang116 時間: 12-12-7 15:21 標題: 回覆：JessieWoody 的帖子
幾時收到通知？
作者: JessieWoody 時間: 12-12-7 15:27
嶺南上個禮拜 (11月27), 灣仔堂今個禮拜(12月7日前) 親身去交留位費.
作者: Venus.tsang116 時間: 12-12-7 15:31 標題: 回覆：JessieWoody 的帖子
今日要交留位費，我冇收到=reject?
作者: Venus.tsang116 時間: 12-12-7 15:34 標題: 回覆：JessieWoody 的帖子
如果住灣仔附近，一定選灣仔堂，因為升小情況本人覺得好理想！
作者: JessieWoody 時間: 12-12-7 15:42
Hi Venus. You better call the school to check, coz I received a letter from 灣仔堂 saying they have accepted my son and by 7 December, parents will need to pay the deposit.
作者: JessieWoody 時間: 12-12-7 15:59
我去面試都覺得灣仔堂好好. 會為小朋友同家長著想.唔係懶高竇果D學校. 學校收唔收你個小朋友都應該有信通知. 我有個朋友細B都收到通知唔收. 所以你最好快D打去問.
作者: mimi66 時間: 12-12-7 18:18 標題: 引用：我去面試都覺得灣仔堂好好.+會為小朋友同家
原帖由 JessieWoody 於 12-12-07 發表
我去面試都覺得灣仔堂好好. 會為小朋友同家長著想.唔係懶高竇果D學校. 學校收唔收你個小朋友都應該有信通知 ...
作者: Venus.tsang116 時間: 12-12-7 21:54 標題: 回覆：JessieWoody 的帖子
謝謝Jessie!我打去問過，老師話最遲15／12收到信
作者: JessieWoody 時間: 12-12-11 17:15
Hope your child can get in. 我上個星期六帶左個仔去IN ST JAMES SETTLEMENT CAUSEWAY BAY. 印象一般. 校園細. D老師麻麻. 個先生問我對小朋友讀呢間學校有乜期望. 我話"希望佢打好語言基礎, 可以好好表達自己, 兼學習群體生活. 如守秩序等." 個老師即刻問我. "乜佢唔平時唔守秩序嘅咩?" 我心腍. 吓? 點解個老師會咁解讀? 咁負面嘅? 都係灣仔堂好. 老師正面. 有愛心.
作者: chiwiz 時間: 12-12-12 09:04
本帖最後由 chiwiz 於 12-12-12 09:05 編輯
請問有無人係呢幾日收到信呢? 我BB係細b, 我都唯有打定輸數啦! 唉! 有d灰!
作者: JessieWoody 時間: 12-12-12 09:37
我見INTERVIEW當日真係好多細B. 啱啱識行果隻. 你地個B幾月出世?
作者: chiwiz 時間: 12-12-12 10:05
我BB係9月尾, 個日去in 先識行無耐, 唉! 你想佢做到d咩呀! 唔喊, 識回應指令已經算唔錯吧? 難道要我日日地獄式train到佢1+1都識舉起兩隻手指咩? 唯一令我失望的是, 身為基督教學校, 明知小朋友這歲數做測試並不準確, 反倒用大細b來作分類, 不因應小朋友的歲數差異來評估, 那莫非以後生bb都要年頭生?? 唔係就無書讀? 這是上帝想見到的嗎? 說到最後, 教會要人們捐款, 在每區設校, 不是為了服務該區居民嗎? 幼稚園又是否這麼"服侍""本區居民"呢? 若不是, 那倒不如搬往九龍塘吧! 我希望這所基督教幼稚園並不如其他出名的幼稚園, 是有名有實的!
作者: JessieWoody 時間: 12-12-12 11:32
唔好咁嬲啦. 呢間學校都無特別考小朋友, 為難D小朋友. 反而話如果個小朋友唔捨得遊戲室D玩具, 可以拎住去INTERVIEW, 完左INTERVIEW先交番俾先生. 大前題係唔好令小朋友緊張. 我覺得好體貼喎. 至於大細B問題. 有D覺校會專登GROUP一班俾8, 9月後出生嘅小朋友. 我有朋友D細路去嘉遖同 維記都係全班細B.
作者: anzenchitai 時間: 12-12-12 11:56 標題: 回覆：中華基督教會灣仔堂幼兒園同嶺南幼兒園邊間好
我啊b喺十二月b,我地都有in灣仔堂個N班同其他幼稚園嘅K1， 我覺得灣仔堂N班考嘅嘢同其他幼稚園K1嘅嘢無咩分別，對細 b喺比較困難。我啊b同其他 考K1嘅小朋友相比，的確技不如人，所以無咩學校取錄，有間幼稚園仲差，見我小朋友喺細B即刻張份考試表反轉同啊B玩兩吓就叫我地走，呢間咪又喺灣仔出名嘅基督教幼稚園。其實，我都好明白，啲學校in噤多小朋友，緊喺想揾啲易教嘅，工作量都少啲，所以大B喺着數啲。有啲學校如真光講明只收到十月！11&12 月b唔考慮
作者: JessieWoody 時間: 12-12-12 12:16
anzenchitai 的小朋友是2010年12月嗎? 2011年12月唔夠三歲入年嘅K1 格. 咁你個女宜家讀緊邊間?
作者: anzenchitai 時間: 12-12-12 12:25 標題: 回覆：JessieWoody 的帖子
2010 的，所以N班是大b，K1是細b。做大b可能好啲，第時叩門in小學都「睇得吓」先
作者: JessieWoody 時間: 12-12-12 13:38
年尾出世可以有兩次機會. 唔係壞事哎.
我地做家長為小朋友讀書鋪路真頭痛. 怕選擇錯. 行錯路.
我聽有個家長俾小朋友讀兩間K. (ST STEPHEN'S GIRLS & ST CATHERINE'S), 兩間都無俾佢直升小一。咁辛苦都係枉。個小朋友真陰公。
作者: anzenchitai 時間: 12-12-12 14:32 標題: 回覆：中華基督教會灣仔堂幼兒園同嶺南幼兒園邊間好
其實，最緊要好命夠運，家長幫唔到啲咩，最多比吓啲無謂錢…
作者: mimi66 時間: 12-12-12 16:05
我個女係12月細b , in 灣仔堂時，老師問平時同佢玩d 咩，我話睇書，玩玩具。跟住老師比本書佢睇下佢反應。比起之前 in 玫瑰崗，我已經覺得沒有歧視細b。
作者: JessieWoody 時間: 12-12-12 16:26
聽聞維記小一留位費係50萬. 本來維記PN同K都係好好嘅選擇. 但睇FORUM維記小一好混亂. 所以都唔腍住讀. 一開始俾個仔响傳統學校成長.
請問MIMI 玫瑰崗點IN? 點解覺得歧視細B? 要小朋友答問題嗎?
作者: JessieWoody 時間: 12-12-12 16:35
我有個朋友個女去IN間名校(唔記得叫乜名). 個先生指住隻蝴蝶問小朋友英問點講. 我朋友個女答BUTT-A-FY. 個老師即更正. NO, IT"S BUTTERFLY.... 個阿媽在場覺得好嬲. 喂. 一歲幾人仔你想佢點. 識講BUTT-A-FY已拍手讚叻啦!. 點會SAY NO, 打沉哂個小朋友架. 我希望學校多D鼓勵學生. 唔好打沉佢地嘗試嘅精神.
作者: mimi66 時間: 12-12-12 16:45
我in 玫瑰崗時個女得十個月，問題包括：比蘋果老師，當時我個女手拿住梨, 好自然比梨 老師，老師話No, 我要蘋果。跟住要係一個有不同動物的藍找"一樣"的鴨仔。"一樣" lee 個concept 相信n班都唔識。仲有考插花，有泥膠，有假花叫小朋友把假花插係泥膠到。
作者: anzenchitai 時間: 12-12-12 19:59 標題: 回覆：中華基督教會灣仔堂幼兒園同嶺南幼兒園邊間好
其實，呢個社會充滿歧視，要睇開啲，就算住喺豪宅，住高層嘅人都歧視住低層嘅人。講返教育，政府都帶頭歧視啦，如小一入學方法，有宗教歧視無宗教，家長同間學校有關係有分加，兄姊就讀又有分加，做首名子女又有分加……
作者: chiwiz 時間: 12-12-13 09:24
我BB都in 過玫記喎! 個時BB都只剛剛一歲識行, 老師要佢係個有成十樣不同物件既籃到攞個橙俾佢, 再攞隻烏龜俾佢, 仲要我一路填住問卷, 跟住重俾枝花我個B叫佢插入個小花盤到, 仲要佢將另一個籃既五個小波放去另一個籃到! 又高舉佢手上的波高高的展示問係咩黎. 個老師高高在上企係到一對四、五個BB, 個BB都唔知你同佢對話緊啦! 我BB坐上張椅子細細粒, 根本連個籃內有d咩都未睇哂, 隻手仔都唔夠長伸上去攞野, 個老師唔俾我遞個籃俾BB, 甘得啦, 咩都唔駛做啦! 完呢part都未夠, 有個外籍老師講一輪英文, 意即叫小朋友跟音樂跳舞, 佢開住個media player d 光就係白板到飛呀飄呀! 結果在場幾group 十幾個B 呆哂睇住個media player d 光, 仲有兩、三個B大哭大叫瞓哂地, 真可憐! 我個B就播完先跳! 仲未完, (簡直有折磨我地既感覺, 一生難忘!) 呀老師又叫小朋友扮蛇, 要"爬"去攞條玩具蛇, 我B都識行, 佢點會肯爬呀!完左之後, 我對呢間學校感覺很差很差, 還未計算我交表時浪費排隊的三小時!
作者: JessieWoody 時間: 12-12-13 10:17
嘩. 算罷啦. 扮蛇呢D唔係一般指令. 我都無SUMBIT 玫瑰崗APPLICATION. 呢D學校唔識人唔會入到的.
其實我認為計分制度係得同區, 同埋條"兄長就讀有分加"比較合理. 因為如有幾個小朋友. 當然同一間學校讀書能讓家長容易MANAGE好多. 學校近都節省時間.
至於父母舊生有分加. 無意義的. 首名子女有分加都唔乜解究. 總之我個仔就慘...家姐讀女校不能益細佬. 又非首名. 又無家長舊生果D分. 唯有同佢去洗禮加入教會增加機會. (但只可落注一間教會).
作者: anzenchitai 時間: 12-12-13 11:12 標題: 回覆：中華基督教會灣仔堂幼兒園同嶺南幼兒園邊間好
同區喺無分加嘅，只可喺第二輪大抽獎講運氣，分分鐘派到第二個區。個制度應該在首輪分配比同區居住的小朋友，剩下來的學位就分配比啲世襲，宗教…不過，咁做法一定比啲嘅得利益者抨擊。
作者: JessieWoody 時間: 12-12-13 11:41
換言之. 學你先前話齋. 一切靠運.
作者: HHS 時間: 12-12-13 12:59
我個女係細 B 11月出世, 都有 IN 灣仔堂, 昨日收到信及輪後留位意向書表格, 請問有無人同我一樣收到呢?
作者: chiwiz 時間: 12-12-13 14:45
Jessie, 你都好呀! 已經有兩個offer俾你選擇, 我地無收到信....而家一個offer都無, 可能無書讀! 唉! 可憐BB! 我地都好擔心....如果真係無, 甘我地下年就要一in 就in k1啦! 
作者: JessieWoody 時間: 12-12-13 16:58
有無WAITING LIST 呀? 其實一直都係唔需要讀PN 的. 係呢個世代先話兩歲要開始讀書. 好多出名果D學校都無辦兩歲班. 學位自然少. 無幼兒園收就去PLAYGROUP玩啦. 天后BAMBINI, 跑馬地SUNKIDS都可以報堂. BAMBINI 好好的. 都好多野學. SUNKIDS 可選英文OR普通話. 仲有, 近入學時間會多人放學位出黎. 勤力D打電話俾心儀學校應該OK的. 加油!
作者: chiwiz 時間: 12-12-14 15:20
本帖最後由 chiwiz 於 12-12-14 15:21 編輯
而家搵多幾間囉, 不過想通了! 沒有PN咪自己教好BB囉! 落足雙倍愛心! 更加勤力教佢, 放工回家hae下都唔啦, 諗下點set d program教佢! 人地幼稚園一對十, 我Bb一對一! 說不定效果更佳! who knows~ ? 我以前都無讀PN啦, 仲係細細女, 我咪一樣大學畢業重有份好工! 大家細B家長唔好灰心, 個個BB都係叻B! 只要有爸爸媽媽撐住就得嫁啦!
作者: flopsybunnies 時間: 12-12-14 19:37 標題: 回覆：chiwiz 的帖子
agree!
| 歡迎光臨 教育王國 (/) |
Powered by Discuz! X1.5 |