教育王國

標題: 訓練安排, 請大家俾d 意見. [打印本頁]

作者: pgbaby 時間: 12-9-29 15:53 標題: 訓練安排, 請大家俾d 意見.

我仔仔而家就快18month, armarm 起威爾斯評估左係Suspect Autism, 而家等社工打來去選政府的e+s, 另外仲搵緊d 私人的s 位, 但check 清楚d 私人s位全部要上3個小時, 而且要2year old, 得link 可以1.5year old, 但始終三個鐘, 我怕仔仔應付不來, 而且又不能和照顧者一起上, so, 而家諗住唔上私人密集式training, 打過去問, 有d 建議我上單對單的言語治療or職業治療or 幼兒導師服務, 還有一些不是鐘對自閉症的playgroup, 得step 話可以安排單對單的親子的密集式training, 但其實應該都係言語治療or職業治療, 只係一個星期可以上三堂($850/each), 我本身而家上緊協康的早期幼兒訓練一星期一堂,佢其他的course都wait緊.
大家可否俾d 建議, 以上的training 應該點選擇呢?
thanks

作者: fandd 時間: 12-9-30 00:29

回復 pgbaby 的帖子

私人中心的S位每週5天，每日3小時，等同返幼稚園，對於幫助自閉症的小朋友具顯著的效果。我囝囝曾返過1.5年，效果奇佳，而家囝囝已可在主流K1就讀。

作者: pgbaby 時間: 12-9-30 08:37

fandd, yes, i know this, i also will let him join when he is older,did you children join some 單對單training

作者: fandd 時間: 12-9-30 15:41

我就沒有讓小朋友join單對單。除非小朋友係好嚴重咁唔聽指示及坐唔定，否則無必要join單對單呢！
另外，每週返五日既密集式訓練其實不是太heavy，反而這樣「密集」才可有效改善小朋友既問題。早半年前，我囝囝重每週上午返密集S位，下午返主流N班，雖然佢有D攰，但效果好好，為佢喺九月返K1做好準備。

作者: HopeLJ 時間: 12-9-30 16:11 標題: 回覆：訓練安排, 請大家俾d 意見.

要明白，普通小朋友五分鐘學到的事情，SEN 要五十分鐘嚟學 (我指當未 catch up 之時)。開始時係要密集每天repeat repeat repeat 佢地先吸收到。除非你小朋友身體很弱，否則應該頂得住，放學後瞓多d 晏覺，晚上早d 瞓，好過屋企hea 。單對單好多地方有，搵間近屋企的中心，建議開始言語治癒先。

作者: hv245 時間: 12-9-30 21:59 標題: 回覆：pgbaby 的帖子

提示: 作者被禁止或刪除內容自動屏蔽

作者: onmama1819 時間: 12-10-1 01:07

fandd
請問你囝囝當時幾多歲可每週上午返密集S位，下午返主流N班？時間是怎樣安排的？我的兒子快30 個月。九月開始上午上N 班 3 小時到12pm, 下午3：30 至5pm 到中環返小組班。大家都攰。剛收到通知私人位有3 小時給我們。與N 班老師及學校社工傾過，覺得佢有些進步，而且老師很有愛心，主動問怎樣可配合囝囝在下午學到的盡量幫佢。囝囝很喜歡返學，一穿上校服就急不及待出門口上校車。在校囝囝是「自由行」一名。雖然難搞，但老師冇嫌棄佢。現在嘗試請學校批准早些放學，可回家午瞓再到中環上2 至5pm 班。請給一些見意？

作者: HopeLJ 時間: 12-10-1 16:24 標題: 回覆：訓練安排, 請大家俾d 意見.

Onmama, yes your planning is good. Central STEPS?

作者: Olympian 時間: 12-10-1 17:43 標題: 回覆：pgbaby 的帖子

我認為你對體能的考慮是重要的。政府也要幼兒園兩歲才可讓小朋友入學，箇中自有理由。

作者: Olympian 時間: 12-10-1 17:45 標題: 回覆：Olympian 的帖子

個别堂最大的好處是內容及程度貼身剪裁，所以一定進步得最快。

作者: Olympian 時間: 12-10-1 17:53 標題: 回覆：Olympian 的帖子

先上職業治療及幼兒導師是個不錯的選擇。可以待小朋友開了口才上言語治療也不遲。

當小朋友能安坐及聽指令，而且又排到有位就上小組最好·。

作者: Olympian 時間: 12-10-1 18:13 標題: 回覆：Olympian 的帖子

我又認為不要祈望上小組會對“社交”有太大幫助，因為同學都是自閉，比此的交流很有限。而且能力參chi ，課堂就算加了所謂的社交原素，效益也不明顯。不過，小朋友可經驗群體生活，學習常規，這些都是必須的。

作者: fandd 時間: 12-10-1 18:20

回復 onmama1819 的帖子

我囝囝由上年(兩歲)返私人S位，至今年8月止，共上了1.5年。由本年2月開始，我安排佢上午返S位，下午返主流N班，都算幾成功，雖然佢個人係攰D(每晚九時便睡覺)，但返咗N班後，社交及語言發展明顯進步好多。由本年九月開始，佢已沒有返S位，改上全日制主流K1班，至今仍未有收到學校的投訴電話，估計佢應可慢慢適應吧！

據我囝囝經驗，同時返兩間既好處係可以讓小朋友適應多人既社交(主流)，並有助語言發展。唔係話一定唔得，不過要

1. 衡量小朋友能否融入主流既群體

2. 能否聽老師指示及坐定定

3. 有心理準備每天黃昏後小朋友會好攰

4. 每天最好能於9:00pm左右睡覺

作者: fandd 時間: 12-10-1 18:23

若小朋友正在上私人S位，而又想讓他們試讀主流幼稚園，建議父母先考慮下列因素：
1. 小朋友的現況是否ok，例如能否聽從一般指示？能否處身於陌生環境？能否坐定定？(如情況是不樂觀，便不要強迫小朋友，讓他們有不愉快的經歷；相反，就要堅持讓他們作嘗試。在不同學校面試N班過程中，我也有一些不愉快的經歷：其中有一間幼稚園，在面試前已知道囝囝情況，到面試時，因開始時老師不肯讓囝囝玩園內的遊樂場，故他十分不合作，既不肯回答問題，又不段大哭，最後老師給了「很多說話」我聽；另一間幼稚園，面試時囝囝非常合作，跟足指示，做到老師的要求，並得到高度讚賞，但最後都因為見他只懂說單字而未獲取錄。但我不氣餒，繼續尋找，終於成功找到一間)
2. 先徵詢私人S位導師的意見，他們每天與小朋友相處，定能給予你中肯的見解？
3. 要清楚讓小朋友到主流幼稚園的目的：知識？社交？(例如我只要求讓囝囝學習與人溝通，聽從指示；至於知識學習則不是重點，來日方長，只要能改善基本學習能力，那怕日後追不上嗎？)
4. 有心理準備小朋友是會較攰的？(但詢問過一些兒科醫生，認為若小朋友能支持，是不會有礙發展的。Anyway，每天完成上午S位訓練後，我工人都會讓囝囝在車上小睡片刻，然後才上下午N班)
5. 若小朋友正在排政府S位，也要考慮日後會否轉讀I位或E位，避免日後小朋友要不斷轉換新環境。

作者: pgbaby 時間: 12-10-2 15:12

thanks all advise, I plan to let my son to join one to one training first, if he can 安座and 聽指示, then change to group training

作者: onmama1819 時間: 12-10-2 18:39

fandd
很多謝你的寶貴竟見，我和老公會再詳細考慮。
HopeLJ
Yes, Steps @ central :)

作者: ackky 時間: 12-10-10 17:56

回復 fandd 的帖子

so which centre you go? step, link or 協康會?
my son is at full day PN now, struggling whether send him to private S K1 return to mial stream?
any suggestion on which orginzation is good and price is reasonable!
thanks alot

作者: fandd 時間: 12-10-10 22:30

回復 ackky 的帖子

嗰時報咗LINKS(領思)及STEP(邁步)，但STEP(中環)最先有位俾囝囝，又覺得兩間既師資和訓練內容都差唔多，所以就揀咗STEP。STEP既導師非常專業，又有耐性及愛心、囝囝於過去1.5年有顯著既進步，係多得STEP既幫助。

據我所知，現時STEP的S位每月收費約$8000，每週5天，每日3小時。與一般私人S位一樣，STEP也有言語治療師及職業治療師提供服務，但次數不多，每月約1次。但如果治療師認為小朋友有需要上多些課時，家長便要額外支付費用(每節50分鐘收$850)。現時STEP的S位收費約$8000，清貧家庭可申請減學費。

既然你囝囝正在上PN，不妨可以問吓幼兒導師既意見，睇吓佢可否坐定定、聽老師指示、願意與小朋友玩。若情況不是太好，你才考慮先帶佢做評估啦！

歡迎光臨教育王國 (/)