教育王國

標題: year7 急問 [打印本頁]

作者: carol1974 時間: 12-8-21 00:34 標題: year7 急問

你好!今年仔仔 year 7,有D擔心。

好少功課?

有冇 tests , exams?

是否 year 9才選「三三四」or 「IB」?

如三年后選「三三四」,可用追回初中三年課程,怎样選科?

传統中学有商科、酒店管理, LA有嗎?

Thanks!!!

作者: carol1974 時間: 12-8-21 00:38

我都是等 25/8 的家長会才肯定是「三三四」或「IB」。
但據我了解課程內容year 7至year 9 與本地初中差不多,有歷史、I.S. ,「通識」改了另一个科目名.中文科買了本「啟思出版社」的教科书。
教学方法、評估則依照「IB」,滙報、report。
三年后才決定子女升读「三三四」或「IB」,那時LA將會提供「IB」,
因為的老師說現在他們會把学生的作业、評估等資料 sent 到外國的 IB总部,預計一至二年可以申請到 IB。
有冇比到資料我,以上是否正確。
Thanks!

作者: keeon 時間: 12-8-21 02:37

唉，同樣地擔心。 Carol, 25 號您帶小朋友返學校嗎？

作者: bananalemon 時間: 12-8-21 17:32

YEAR 7 有 6 個 teaching block, 上學期三個, 下學期三個, 每個 teaching block 會有 assessment, 每三個會有一次 exam, 有考試週

作者: bananalemon 時間: 12-8-21 17:52

功課方面 : (只是我女個班, 我唔知隔離班是否一樣)
中文 : 如作文,要先前在家搵好曬資料, 作文通常在校內完成, 有默書, 有背默, 有獎懲制度, 如連續滿分幾多次有 d 咩獎, 如欠帶默書簿會扣五分, 欠交功課又點...,除了課本, 另外會有 worksheet 附加, 好似詩歌, 之後同學要用 mac book 作番詩歌再介紹, 如考花木蘭果課, 要做有關孝順既剪報, 作文, 好似記得有兩篇不同關於孝順的文章去比較 (比較篇通常公開試都好鐘意出) 要分析及加個人意見

P.E. 每個 teaching block 會有一項活動, 之後要學生考番, 如打波咪考打波, 跳舞咪考跳舞咁啦, 會考卷, 但我唔知考咩, 不難的

作者: bananalemon 時間: 12-8-21 18:02

I.S : 同出面 D 學校課程應是一樣的, 只是沒有書, 但學校會有 Worksheets, 可能有時有 d 人唔齊, 但三個 teaching block 完我會叫我女覆一次, 唔齊要佢問老師攞番又好, 問同學抄番又好, 總知要佢自己攪番掂佢, 總算無咩問題, 會有 dict, 會有做實驗, 如果 note 齊又有讀, 就算上堂發夢, 高分也不難, 我比過校外 I.S. 既野佢做都識做的, 其實都係果 D 野

作者: bananalemon 時間: 12-8-21 22:35

英文 : 我最記得返學第一份作文係書信, 老師親筆自己寫封信比 d 學生介紹佢自己, 我覺得這比書本奏效一百倍, d 細路會覺得親切, 開心, 這總比吾知去邊度印 d 範文, 然後叫佢地 "作啦" 為好, 之後叫 d 學生回信, 我個人是喜歡的, 有次寫旅遊小冊子, 要介紹地區, 名勝, 要剪圖片, 我女貼滿整張都係圖片, 未去都開心, 有默書的, 但不多, 有範圍比的
下學期會另外買一片圖書, 好多家長都會覺得 "仲用呢本 ? 小學咪教左啦 " 係既, 好多小學都教過呢本書, 但今天回頭細想, 小學教過了, 今次考試係咪應該好高分呢, 也不見得個個都高分, 所以沒什關係小學有無教過的, 我有朋友讀 St. Paul Sec. 名喇掛, 人地中一都係用呢本書, 叫英國文學科, 不同的是, 人地傳統名校既個個欣然接受, 嘩, 文學呀, 深野呀, 通常勁野先有文學讀, 諸如此類, 套用於我地學校就 "咁淺既 " , 我不是什麼批評, 只是自己的一點反思

作者: bananalemon 時間: 12-8-21 22:50

音樂 : 好似教關於 Opera 既, 要佢地搵咩係 opera, 要表演番出黎, 要自己創作舞步跳舞, 咩 chicken dance 喎 , 好好笑的, 有次既功課好似話要五版紙, 當然全英文, 介紹某音樂家, d 細路要去搵資料啦, 我女去圖書館借番黎的已是大學用書, 當然佢睇唔睇得明, 有無睇曬, 我無去理佢, 豈碼, 佢肯去借, 知道借邊本, 就算扮野比我睇我已經好開心, 功課最後要提供 reference, 講真, 這似乎是大專的功課模式, 看似不易做, 但交到的也不少啊 !, 老師吾會催你交或提你, 比個日子你, 你吾交就零分, 我覺得並無不妥, 比起一般買本音樂書, 打開第一頁唱一次, 來得有深度有知識

作者: carol1974 時間: 12-8-22 01:27

回復 keeon 的帖子

不帶小朋友,太早!
你呢?

作者: carol1974 時間: 12-8-22 01:42

回復 bananalemon 的帖子

万分感激你的宝貴分享!
个心都定D。
如果我个仔能遇上你个女的那類型的老师,便太好了!
你知嗎?我想过叫个仔出去補習,避免脫節。
不过,如果課程如你所說的,便可以遲D。

作者: keeon 時間: 12-8-22 04:24

carol1974 發表於 12-8-22 01:27
回復 keeon 的帖子

不帶小朋友,太早!

個女遊學團番來，日日話好想返學，應該會帶佢去，仲話要立即買Mac Book

作者: keeon 時間: 12-8-22 04:25

回復 bananalemon 的帖子

終於有中學家長回應，若果咁上堂真係好有趣味的，感激

作者: dlh525 時間: 12-8-22 11:58

謝謝! 如果有多些資料就好了. 小女今年小四(另一英小), 我好想了解此校的YEAR 7情況. 有冇學校OPEN DAY? THANKS

作者: cindy1227 時間: 12-8-22 15:50 標題: 回覆：bananalemon 的帖子

好清楚。我仔仔只係升y3初時都驚學唔到嘢，聽你詳細解釋，明白哂。

作者: 小豆媽 時間: 12-8-22 16:58 標題: 引用：好清楚。我仔仔只係升y3初時都驚學唔到嘢，

原帖由 cindy1227 於 12-08-22 發表
好清楚。我仔仔只係升y3初時都驚學唔到嘢，聽你詳細解釋，明白哂。

...

樓主如果想知IB用334的問題，請在25／8或課程簡介夜，要學校「明確地」答，到底怎樣安排。
因為今年Y9已經入了死胡同，學校申請唔到IB，焗住全部Y9都考334。今年Y8亦好大機會同一命運。
我知好多中學部家長都好期望有一條IB路，如有這期望，真的要問清楚學校。
同埋，中學部的老師，其實並不是IB teacher，我都好懷疑佢點去apply IB。

作者: amypau83 時間: 12-8-22 18:04

學校已經證實y9全部考334嗎？

作者: 小豆媽 時間: 12-8-22 20:16 標題: 引用：學校已經證實y9全部考334嗎？

原帖由 amypau83 於 12-08-22 發表
學校已經證實y9全部考334嗎？

係。
唔信自己問學校啦！

作者: bananalemon 時間: 12-8-22 20:17

carol1974 發表於 12-8-22 01:42
回復 bananalemon 的帖子

万分感激你的宝貴分享!

水能載舟亦能覆舟

作者: keeon 時間: 12-8-23 01:56

若果334就真係吾拖吾水，往年家長日是否有提問時間？

作者: bananalemon 時間: 12-8-23 18:23

今日特意睇番我女 d 功課, (講明先, 我見你地急到好似廁所都去唔切才與你們分享一下, 你地讀唔讀, 補唔補習, 我無意左右你們)

中文 : 有次既功課係要小組形式, 要收集資料, 要普通話匯報, 完成後原來仲有一份反思文章要作, 內容要提及1)今次匯報中所遇到既困難, 如資料不足, 意見不同, 緊張, 2)欣賞地方 : 團結, 願意汲取同學意見, 3)要改為的地方....等,
這樣的反思不是一個學習嗎, 這樣的模式考唔考到 334 我唔知, 但學生在下一次的匯報一定會比今次的進步

有次有份中國歷史既工作紙, 之後佢地有個關於歷史人物的攤位, 分組做, 做完在禮堂比 d 小學生黎玩, 好開心的, 有 d 同學當然好投入, 有 d 響到無撩傾計緊係有, 有 d 呢, 響到玩跳 over 都有, 有 d 家長投訴返學唔知做咩, (咪響到跳 over 囉), 我想講既, 呢個都係一種學習, 全級一齊響個 hall 到, 你想做投入果個, 定比人開 mic 鬧果個, 佢地無理由唔知, 下次就唔會, 這也是一種學習, 只是在學習中成長, 還是在成長中學習

音樂果次 opera 功課, 我女原先選擇 memory , 在家日彈夜彈, 點知原來無上報, 因不可重覆 , 後來改了 do re me, 嘩, 一個天, 一個地, 都無辦法啦, 太遲了, 好的歌都比人選左, 呢個功課呢係要小組啦, 一個演奏, 其他人就好似老師咁講解番出黎, 結果佢話老師讃佢 excellent performer, 個人分數, 唔知六份五定8 份 7 , 總之差一分, 整組分數係 8 份 3, .......... 8 份 3???????? 比一半還少 ???? 唔高分都唔好低丫, 這是我心裡的說話, 過後我反思,其實這次過程我女真係學到唔少野, 下次要早 d 上報, 就一首簡單的歌曲只要用心演譯也可獲得讚賞, 我看到佢既厚度, 把自己之前苦練既琴譜送比同學, 佢話咁人地唔洗印過, 佢知道小組做野, 係要同人地夾既, 唔係你有你我有我咁, 我.....心感恩惠,

這種學習方式究竟有無用, 我唔知, 但我感恩

作者: carol1974 時間: 12-8-25 01:34

回復 bananalemon 的帖子

thanks
明天問清楚「334」&「IB」

作者: keeon 時間: 12-8-26 03:19

昨天，我已經問了Ms. Queenie 關於334 同 IB的問題，佢好詳細解釋了差不多15分鐘，結論是學校一直在搞IBDP認證和課程，確保學生有能力去考好所有的公開試，而呢個程序要花3-5年時間，今年的year 7的學生在時間上應該在高中的時期學生就可以選擇到底是考334或IBDP，她說IBDP的考試程度是深過新高中考試的，她亦保證不會突然轉制，家長完全可以選擇。至此我感覺中學部真的很用心對小朋友。

作者: bananalemon 時間: 12-8-26 08:22

本帖最後由 bananalemon 於 12-8-26 10:28 編輯

咁, 有無提到今年的 y8 & 9 呢 ?

另, 我有樣野想講既係, mac book, (以去年來說), 取機時學校會另外有個 password 比家長的, d 細路會千方百計, 用盡說話去得到你既密碼, 千奇唔好比佢啊, 有d家長怕麻煩比曬佢叫 d 細路自己攪掂, 咁比唔比, 麻唔麻煩你地自己決定喇

社工同明姑娘都有好多活動 (未必每位同學都有緣份參與的), 可以的話多參與一下, 比起你放學趕住去補習來得實在, 有 d 人會話, "廢既 ", 廢與否只在乎你用什麼價值觀去量度, 人地係做左好多好多野, 我覺得生命教育大於一切, 孩子亦需要從別人的分享中去學習, 無論錯的,對的 , 乖巧的頑劣的, 所謂以生命影響生命, 好話唔好聽人地幫你教緊仔, 佢地都有不滿, 不滿同學, 不滿老師,不滿亞媽, .................講真, 補習一般來說滿足到既只係亞媽而唔係知識, 你比錢, 佢地夠鐘咪去夠鐘咪走囉, (但我有時都會要求我女去滿足一下我的

) 話說有日我同個仔去睇超人電影, 90 分鐘, 我仔話好好睇, 我一d 都唔覺, 中間幾乎想偷走, 一陣又走去同帶位姐姐傾計, 一陣又去廁所, 好野睇完了, 90 分鐘後邊隻係 w, 邊隻係 xyz 我一d 都唔知, 亦唔想知, 補習咪一樣囉, 到有日我仔串我咁蠢架咁都唔識! 我就會自己搵答案架啦

廢話太多了, 只是一點分享, 希望你們有所得著, 願你們的孩子每天都能愉快學習

作者: LWLM0804 時間: 12-8-26 11:20

請問有冇人知今年y8是否只有334?

作者: carol1974 時間: 12-8-27 00:47

bananalemon
「mac book, (以去年來說), 取機時學校會另外有個 password 比家長的, d 細路會千方百計, 用盡說話去得到你既密碼」
个password有乜用？

作者: babybaby2010 時間: 12-8-27 09:49

keeon 發表於 12-8-26 03:19
昨天，我已經問了Ms. Queenie 關於334 同 IB的問題，佢好詳細解釋了差不多15分鐘，結論是學校一直在搞IBDP ...

家長學生可以自由選擇?
但LA一定要有51%既學生選334喎
咁即係點呢?

作者: yan814 時間: 12-8-27 11:12

Hi parents,

Last week, I went to LA attending a seminar with school authorities. The most important message which they deployed was to establish a team focusing their attention on IBDP in the following two years, which meant they wanted to make sure Y9 students could have another option rather HKDSE.

作者: 小豆媽 時間: 12-8-27 14:41 標題: 引用：Hi+parents,+Last+week,+I+went+to+LA+atte

原帖由 yan814 於 12-08-27 發表
Hi parents,

Last week, I went to LA attending a seminar with school authorities. The most importan ...

Y9在暑期前已經confirm左，只考DSE了。

作者: amypau83 時間: 12-8-27 14:59

上次簡介會校長話申請DP要两年時間，重話希整y9可以趕到可以讀ib，無人100%肯定y9係全部考334呀，我就無聽過呀

歡迎光臨教育王國 (/)