教育王國

標題: 兒科vs精神科完全不同 [打印本頁]

作者: doubt2012 時間: 12-7-27 18:33 標題: 兒科vs精神科完全不同

今天我帶了Joey見兒童精神科醫生，他的評估和兒科醫生完全不同，他說Joey內裡沒有問題，發展也正常，只是言語技術未純熟，經過訓練便可以改善。

自從兩個月前Joey見了兒科醫生之後，我唔開心了好耐，話佢遲了一年，我post了一篇文章講自己好震驚。現在竟然有完全不同的判斷，有時候專業人士的差異真係好大。

見言語治療師又係咁，第一次話Joey永遠不會和正常人一樣，第二次卻說她的表達夠同齡用。做媽媽的，要關心小朋友，但要學習對別人的批評不要太上心！

作者: fandd 時間: 12-7-27 20:29

回復 doubt2012 的帖子

一般而言，精神科醫生、合資格兒科醫生、心理學家才有資格為小朋友作自閉症評估，其他人仕(e.g.職業治療師、語言治療師)所做的評估報告，是不被政府承認，不可用來申請支援服務。

作者: pollybell 時間: 12-7-27 21:43

回復 doubt2012 的帖子

只可參考不能盡信........................

作者: idak 時間: 12-7-27 22:55 標題: 回覆：兒科vs精神科完全不同

我個女7月4日見精神醫生話唔係好似自閉，7月20日見兒科醫生專情緒話囡囡係自閉，照幫佢排磁力共振，轉介長沙灣遺傳診所，叫我試唔同嘢搵出原因！各方面都有不同說法，因為佢地唔係全日對住個小朋友，醫生只係見到個小朋友不足一小時，只係聽家長講，所以我係會問醫生可以點樣做先幫到個女！

作者: fandd 時間: 12-7-28 00:19

回復 idak 的帖子

評估小朋友有否自閉症必須使用一些評估工具(量表)如下，而結果亦應按量表計算出來的分數來決定，不能靠個人表面觀察來決定。

自閉症診斷面談–修訂版 [Autism Diagnostic Interview-Revised (ADI-R)]
自閉症診斷觀察量表 [Autism Diagnostic Observation Schedule (ADOS)]
幼兒發展量表 [Mullen Scales of Early Learning (MSEL)]
適應行為量表 II [Vineland Adaptive Behaviour Scales, Second Edition (Vineland-II)]
兒童行為評估系統, 第二版 [Behaviour Assessment System for Children, Second Edition (BASC-2)]

負責與你囡囡做評估的醫生有否使用呢？如果有，結果應會顯示她哪方面表現較弱，需要關注。

作者: doubt2012 時間: 12-7-28 09:01

有一件事可以推斷的是，兒科醫生的傘子比較大，傾向認為小朋友有事；精神科醫生的傘子比較小，會篩走一些較輕微的小朋友。

不過言語治療師會因為兒科醫生的評估，給小朋友帶上有色眼鏡。她不是判斷Joey有自閉傾向，而是她根據兒科醫生的評估，說Joey「永遠」無法像一般小朋友般表達。

作者: idak 時間: 12-7-28 09:52

回復 fandd 的帖子

智力評估中心我須要填多份問卷, 女女玩的時候醫生填緊一份唔知乜嘢, 入去見醫生又填兩份表, 就算醫生有同我講乜嘢表都聽唔入耳, 因為女女都係坐唔定果隻, 我跟本睇唔到個醫生寫乜, 就算同老公一齊去都無可能睇到個醫生填乜嘢表。

精神科醫生係我自己一個人帶個女去, 個女重大發皮氣, 因為女女一入間房摞起個玩具, 個醫生就話e樣唔玩得, 女女唔夠三分一時間已經話要走, 成個過程都睇唔到個醫生填乜, 我只能控制住個女d情緒。

到見兒科醫生情況都差不多, 我能夠聽到個醫生會幫我排乜都已經好好, 有可能因為我老公係度, 女女就表現得更加唔聽指令。

其實每位醫生及社工都係講番個小朋友d狀況, 往往現實係好難接受, 只係睇你點去面對啫﹗我就覺得每個人都係不一樣, 點解要睇成自閉係一個問題, 只係學習方法及形式唔同, 就算成年人理解能力個個係唔一樣的。唔好意思﹗講多咗其他嘢﹗

歡迎光臨教育王國 (/)