教育王國

標題: 每次小朋友在學校.... [打印本頁]

作者: marcoli8 時間: 12-5-18 08:54 標題: 每次小朋友在學校....

不論發生甚麼事，老師總是說看不到或唔知道！那作為家長的你，會怎樣辦？

謝謝分享！

作者: samsons09 時間: 12-5-18 11:29

朋友個小朋友，係學校比人咬，手背，手㬹，手臂同背共四啖，班主任都見唔到，開學九個月喊足九個月，佢媽媽只好同佢轉校，一轉校就冇喊冇扭仲好鍾意返學，而家我地都想幫佢問下可唔可以投訴學校！

作者: LL222 時間: 12-5-18 15:25

接受唔到D冇愛心老師, 轉校吧

作者: 12345BABY 時間: 12-5-20 17:42

中肯一點來看,很多時兒童不想返學可能有很多原因,尤其上午班的兒童最常的原因可能不夠瞓,再者在家中即使家長單對單對著子女,他們有撞瘀或受傷的情況也未必即時發現,也難怪老師一對咁多學生,作為家長我會教子女有事要主動向老師講.

作者: Manshiu 時間: 12-5-20 19:31 標題: 回覆：marcoli8 的帖子

邊間學校呀？

作者: albb 時間: 12-5-30 01:50

我仔細個時被同學從坐位推倒地上, 老師知道, 無通知我, 但仔回家跟我講被同學推倒地上, 痛痛, 我仔坐校車返學, 我第日晨早返學校了解情況, 等老師知道家長重視.
到仔大左, 有同學係幼稚園班房周圍撞人, 我唔知會否有其他家人好似我咁會投訴, 但今次撞到我仔心口, 我仔同老師投訴, 個老師話比機會佢喎, 但係投訴後又發生, 今次我晨早返學, 跟老師講, 問埋邊個同學, 親自叫我仔認人, 我就好客氣同佢講你用頭撞我仔個心口會好痛, 大家同學仔, 咁樣玩人地會好痛架, 你下次小心D好嗎?

佢點頭OK... 雖然我唔知佢同學仔明唔明, 但之後都無見我仔投訴. 我都同我仔講人地可能唔小心, 比次機會人地, 如果佢成日都係咁玩就要出聲. 老師唔理我都會返學搵老師傾.

其實唔即時處理, 轉校才投訴, 請問有何用處?

況且你朋友都轉校, 都唔洗怕公開校名啦

作者: albb 時間: 12-5-30 01:53

好多老師都係多一事不如少一事, 睇唔到係最好最好避責既理由, 而家老師都有好多無責任感, 為份薪水既老師大有人在

作者: SmartCandy 時間: 12-5-30 13:39 標題: 引用：好多老師都係多一事不如少一事,+睇唔到係最

原帖由 albb 於 12-05-30 發表
好多老師都係多一事不如少一事, 睇唔到係最好最好避責既理由, 而家老師都有好多無責任感, 為份薪水既老師大 ...

我學校老師ok wo!我老公話有兩次見呀仔比隔離同學仔攪，第二次仲推佢落地，佢同老師投訴，第二日調左嗰個小朋友到隔離枱。

其實佢唔做野我都無符架，不過睇吓老師係咪將心比心。

作者: hesperides_xu 時間: 12-5-31 10:13

我覺得家長過分保護小朋友未必是一件好事。小朋友小，我們作爲家長要教他們學會如何保護自己，畢竟我們不能一輩子陪在身邊。一方面可以在家裡模擬如果發生不利於自己的事情該怎麼做，讓孩子懂得避開危險，這也是種情商教育；另一方面可以和老師溝通，多說說老師的好話，讓老師感到很受尊重，自然也就對孩子多謝注意了。老公時常說兒子太軟弱，會被欺負，我告訴他與其將來大了在社會上受欺負，不如現在小受點欺負學會保護自己更好，這也是一種學習，很寶貴的學習機會。

歡迎光臨教育王國 (/)