教育王國
標題: 陳守仁今天開放日加學校簡介及參觀 [打印本頁]
作者: swmami 時間: 12-4-28 10:05 標題: 陳守仁今天開放日加學校簡介及參觀
未開門已經排長龍啊！！！
作者: bluebluesky 時間: 12-4-28 10:46
咁厲害!!!
作者: leekingfu84 時間: 12-4-28 11:00 標題: 回覆：陳守仁今天開放日加學校簡介及參觀
唔係幾點入去參觀都得咩？
作者: silvia_ng 時間: 12-4-28 12:04
10~17:00
幾點入去都得呀
作者: 姬絲蒂 時間: 12-4-28 12:27 標題: 回覆：陳守仁今天開放日加學校簡介及參觀
參觀係可以free walk in, 不過簡介會係要拎飛。我老公十點去到，超多人，排左九個字，全部籌派哂。
有冇人聽左簡介可以講下內容係點？
作者: a-burberry 時間: 12-4-28 13:12
提示: 作者被禁止或刪除 內容自動屏蔽
作者: jaspachate 時間: 12-4-28 18:18
今日副校長話將要在7月舉行的小一入學講座會以'walk-in'方式讓家長入，若禮堂不夠坐，便會開放課室。若真是這樣，就真苦了家長一早去排隊霸禮堂位了。
作者: cmt1010 時間: 12-4-28 18:34 標題: 回覆：姬絲蒂 的帖子
我地今天0920去到，都只攞到第二場的飛
作者: juliakmy 時間: 12-4-28 20:42 標題: 回覆：cmt1010 的帖子
我哋攞唔到飛入場呀。
可否分享吓有咩重點？有咩收生要求？多謝分享！
作者: 虎媽媽 時間: 12-4-28 20:49
其實，tsl係咪算少功課呢？
我聽幾個學生講，都話少功課，但當問老師，佢就話一d都唔算少，佢自己一日都俾3樣功課，所以total可能有十樣左右
都唔知信邊個好.. 
作者: cmt1010 時間: 12-4-28 22:16
其實個簡介會大部分時都係介紹學校有乜活動和學生的成就,只有好少時間講收生的事,七月中會有入學簡介會, 到時再聽都唔遲
收生主要睇interview表演
作者: hell_hell_ 時間: 12-4-29 12:33 標題: 回覆：陳守仁今天開放日加學校簡介及參觀
我也是早上9：20左右到，只拿到第二場的票入禮堂，雖然是次講解不重要，但我排隊時，前面只剛剛轉了一個灣，人不太多。但排我前面的一位先生，一個人變十幾個人，幾個家庭。就因為有這樣的人，9點幾到，都只攞到第二場飛，離普！
作者: MATTHAW 時間: 12-4-29 13:05 標題: 回覆：陳守仁今天開放日加學校簡介及參觀
唔知幾時有第二輪呢？(2012/13)
作者: littlecook 時間: 12-4-29 17:40
回復 hell_hell_ 的帖子
仲有,1人可攞4張票!
我前面都係,1人排排吓變左7人!每人可攞4張,咁1人最終變成攞28張都得啦!
見到有D人,唔理三七二十一,攞晒4張先,然後企埋一邊猛CALL朋友嚟!
門口排完,入到去原來又排過,但因門口位阻礙左一陣,入到去再排又排後左!
我都好早去到,睇前面唔夠100人,結果都差少少連第二場票都攞唔到!
作者: seamama 時間: 12-4-29 18:08 標題: 回覆：陳守仁今天開放日加學校簡介及參觀
我未夠9點9到都攞唔到飛！
作者: jaspachate 時間: 12-4-29 20:58
其實今次的簡介會只是簡單用了不足15分鐘講解入學申請，最重要的是七月正式的講解會。但學校話會以先到先得方法，咁就慘啦。
今次開放日先到先得，都攪成咁，七月果次會點？
作者: manmanchubb 時間: 12-4-29 21:17
回復 jaspachate 的帖子
到時如果又係好似今次咁,一人攞4張飛,又幫人排,分分鐘唔係晨早去就變成白等
作者: seamama 時間: 12-4-29 21:54 標題: 回覆：陳守仁今天開放日加學校簡介及參觀
只係想知多d都咁辛苦，做人父母甚艱難！俾著以前，我哋細時，咁排法已經可以有學位喇！
作者: chickenwing2006 時間: 12-4-29 22:49 標題: 引用：其實今次的簡介會只是簡單用了不足15分鐘講
原帖由 jaspachate 於 12-04-29 發表
其實今次的簡介會只是簡單用了不足15分鐘講解入學申請，最重要的是七月正式的講解會。但學校話會以先到先得 ...
作者: swmami 時間: 12-4-29 23:32 標題: 回覆：chickenwing2006 的帖子
今次學校簡介會中講到明（also written on slide）7月14日星期六小一入學簡介會有上下午各一場，即合共兩場，係walk-in入場的，所以我一聽到都好愁，雖然副校長話如多人會開放啲課室俾家長入去，但係啲人實晨早去排隊爭禮堂位啦！咁又攪到啲家長驚弓之鳥，會唔會有人未天光就去排呢？
其實可唔可向校長反影下呢？
作者: Agenda 時間: 12-4-30 11:33
Sorry!
我想講, 去完佢哋open day, 都諗唔明點解有咁多家長鍾意佢...........
作者: ha8mo 時間: 12-4-30 11:40
提示: 作者被禁止或刪除 內容自動屏蔽
作者: cowkingb 時間: 12-4-30 12:14
回復 Agenda 的帖子
老實講, 我當日都有去, 發覺學生唔多有禮貌, 有爭先恐後既情況, 我就試過o係樓梯比 3 個學生撞開, 一句 sorry 都無. 我個仔差 d 比佢地撞倒. 不過值得一讚既係當日既 musical performance 真係好精彩, 其中一個 mc 既英文真係好得...
作者: sthnothing 時間: 12-4-30 14:49
其實如果佢地真系為家長著想, 點解唔可以網上攞籌, 多辦幾場, 我覺得佢地咁樣有點造勢之嫌
作者: cowkingb 時間: 12-4-30 14:59
回復 sthnothing 的帖子
同意, 似係想做勢多 d. 無理由諗唔倒會有咁多家長去排隊. 當日天氣重要唔好. 我聽到有唔少家長有怨言. 的確有 D 反感.
作者: ha8mo 時間: 12-4-30 15:23
提示: 作者被禁止或刪除 內容自動屏蔽
作者: pandabonita 時間: 12-4-30 15:33
本帖最後由 pandabonita 於 12-4-30 15:33 編輯
其實往年簡介有錄影,可綱上睇返,家長無須太緊張,不過交form時就應要排.
作者: gooday 時間: 12-4-30 17:01
今年比上年真係多好多人, 以往在11-12點到場, 亦可聽到簡介會, 今年真係多人到....
但以我上年的經驗, TSL已經係一間比較顧及家長感受的學校, 例如: 網上重溫... 面試安排於星期日... 簡介會上仲會提你小心同其他學校面試撞期...等等, 都算係咁囉! 相比一些傳統學校... 好好多了
我諗2007年出生的小朋友, 今年競爭真係好大!!
作者: ha8mo 時間: 12-4-30 17:35
提示: 作者被禁止或刪除 內容自動屏蔽
作者: ha! 時間: 12-4-30 17:57
提示: 作者被禁止或刪除 內容自動屏蔽
作者: colourpen 時間: 12-4-30 18:10 標題: 回覆：陳守仁今天開放日加學校簡介及參觀
本帖最後由 colourpen 於 12-4-30 18:20 編輯
上兩年去open day, 真冇今次咁多人，但今次人多到，冇做成大混亂已萬幸了！真等d 老師及員工辛苦，他們仍在3~4 點向我禮貌回答時，聲已沙，亦見疲態，！呢間「野」唔「野」就唔知，我只見我見嘅嘢咯！ 
作者: mrshoho 時間: 12-4-30 19:22 標題: 回覆：陳守仁今天開放日加學校簡介及參觀
簡介會要家長排隊好過份，好似玩人哋咁，全心想整到自己間學校好巴閉咁多人排！好變態，無愛心。
作者: manmanchubb 時間: 12-4-30 20:11
agree,確似有造勢之嫌，我無Join 到tour,當曰都係自己慢慢睇，當日Tsl 比我感覺英文能力確係唔錯，而引導學生思維上都不錯；但學生不屬helpful,當然我地無可能expected學生能個個對外來參觀者逐一協助，可能之前去其他open day 都見到小學生好helpful ,而其他的都做好自己崗位，當天都遇到學生因傾得忘形有少許碰撞，及後都沒有道歉，不過我覺得人太多同開心傾到忘哂形可以理解，但老師都好helpful ,所以整體上還是不錯的~
作者: Confident 時間: 12-5-1 02:34 標題: 引用：Sorry!我想講,+去完佢哋open+day,+都諗唔明
原帖由 Agenda 於 12-04-30 發表
Sorry!
我想講, 去完佢哋open day, 都諗唔明點解有咁多家長鍾意佢........... ...
作者: SCKnight 時間: 12-5-1 09:00
ha8mo 發表於 12-4-30 15:23 
我見到條隊就同老婆講
「哩間咁野都咁多人排，如果D乜S係男女校，咁條龍咪要排到出尖沙咀」 ...
舊年D乜S真係有家長凌晨就排隊去聽talk。
作者: SCKnight 時間: 12-5-1 09:03
mrshoho 發表於 12-4-30 19:22
簡介會要家長排隊好過份，好似玩人哋咁，全心想整到自己間學校好巴閉咁多人排！好變態，無愛心。
...
其實舊年攞籌真係好impressive，辦得好好。
今年學其他學校排隊，結果安排表現倒退，希望TSL出年可以做好啲啦！
作者: christinac 時間: 12-5-1 10:53 標題: 回覆：Confident 的帖子
借我地班家長造勢:;pppp:
作者: angusmama129 時間: 12-5-1 13:39 標題: 我唔贊成佢改以排隊形式入場
本帖最後由 angusmama129 於 12-5-1 13:50 編輯
以我去年經驗，覚得簡介會安排最妥當，最顧家長感受嘅係英華。最憎喺嗰啲只辦兩場，話知你淋雨、總知唔夠鐘唔開門，排晒長龍，等你睇佢幾架勢。不過就係咁，家長就會更清楚邊間學校啱自己小朋友。
作者: silvia_ng 時間: 12-5-2 15:02
嘩....上次要上網先登記, 入唔到網站又比人插, 今年開門比你地入去聽, 又比人插, 咁不如去你屋企同你慢慢解釋好唔好?
其實學校以往攪3場簡介會, 次次都滿, 之後又會upload上網比家長睇, 已經算好好啦。有幾多間學校過左都會upload返上網呀?
而家比家長入, 開個hall, 開埋劇院, 仲開埋課室 (幾十個), 仲話唔夠?!
要怪就不如怪d 死唔蝕底, 有幾多攞幾多飛既自私精家長好過啦!
仲有, 交表網上交, 唔洗你自己去, 唔收portfolio, 仲想點? 要造勢, 大把學校仲造勢過佢啦! 有d得一日收表架咋!
作者: silvia_ng 時間: 12-5-2 15:29
ha8mo 發表於 12-4-30 11:40
我見到圍欄貼左好多阿乜阿水運動能力高升左去某某名直資中學
咁我仲想問下，其他學生實質升中多數升 ...
佢網上有post出黎, 可以睇返近3年既派位, 其中顏bowling好多, 好大原因都係有班ncs小朋友, 未必可以繼續係普通中學讀番法文, 所以較多同學仔去果度。(每級約5份之一既小朋友係ncs)
http://www.plkctslps.edu.hk/students-student_sspa-2009-2011.php
作者: sukitelfold 時間: 12-5-2 15:31 標題: 回覆：silvia_ng 的帖子
培正上年淨係交表要排2個半鐘，依家做家長辛苦了，啊Q啲想唔辛苦又何來有難忘的回憶呢，第日小朋友讀書有成，可以同佢哋講下，哈哈多個話題溝通下。
作者: cowkingb 時間: 12-5-2 15:34
回復 silvia_ng 的帖子
你唔好勞氣啦, 大家都係想講自己既感覺唧.
上年係點我唔知, 不過 open day 前我的確有打電話去問過學校, 當日要唔要 ADVANCE BOOKING 先可以聽 briefing 或者攞 TICKET 之類先有得入. 學校好輕鬆咁話唔使, 當日開放時間入就得啦, 亦無提過 BRIEFING 要咁攞 TICKET 先有得入. 我住得遠, 當日都好早到, 都無得入. 有家長攞左 TICKETS 先 CALL FRNDS, 我都覺得佢地唔啱, 咁對學校同有興趣既家長來講, 好唔公平.
重有, 當日我打電話去問既時候, 佢地無講 SCHOOL WEBSITE 有得睇番. 我知有呢樣嘢都係因為有家長好心, MOST 呢個MESSAGE 出來我先知.
OPEN DAY 當日, 我地一入操場, 就有個著 UNIFORM 既女仔比張紙仔我, 話7月會攪多一次類似既 OPEN DAY, 佢話時間日子唔 CONFIRM, 叫我地多D 上去佢地既 website 留意. 但佢一句都無提過上 school website 有得睇番個 briefing.
學校可能無預計到會有咁多人, 不過個人認為, 呢個係學校既責任. 學校應該要預埋, 咁個安排可能會好 d. 其實 online registration 都係一個好方法呀, 好似英華, 邊過想去就早 d 起身 try, 如果早左起身都攞唔倒 ticket, 都無辦法, 不過至少唔使 d 有心人長途跋涉, 有老有嫩咁去晒同淋雨. 當日真係有好多小朋友, 同老人家呀...
作者: silvia_ng 時間: 12-5-2 15:35
上年學校開放日, 大約8000人次入場。今年竟然有10900入場人次, 從未如此多人!!!!!
今年小朋友好大competition, 做家長既自己應該知道自己要乜, 自己亦要小心d網上留言。唔係只tsl forum, 而係任何一間都係要小心, 因為好多人會開始"離間"d人, 等少d人考，呢d"宮心計"我早幾年都遇到。
anyway, 祝大家既小朋友都可以考到"最適合"既小學, 開開心心上小一。
作者: cowkingb 時間: 12-5-2 15:39
回復 silvia_ng 的帖子
Thanks for sharing 
作者: silvia_ng 時間: 12-5-2 15:39
sukitelfold 發表於 12-5-2 15:31
培正上年淨係交表要排2個半鐘，依家做家長辛苦了，啊Q啲想唔辛苦又何來有難忘的回憶呢，第日小朋友讀書有成 ...
作者: silvia_ng 時間: 12-5-2 15:45
本帖最後由 silvia_ng 於 12-5-2 15:49 編輯
cowkingb 發表於 12-5-2 15:34
回復 silvia_ng 的帖子
你唔好勞氣啦, 大家都係想講自己既感覺唧.
上年就係太多人同一時間入個WEBSITE, 攪到好多人想去都去唔到呢。其實OPEN DAY呢個TOUR, 都唔係話有咩特別野比你睇, 有D家長係藉此同個HELPER傾下計, 睇下佢平時讀成點咁囉(我個人覺得)。學校除左教員室同校務處校長室閂左門之外, 差唔多成間學校既門都打開哂架啦, 自己行入去點睇都得。
簡介會又係另一回事, 會講下學校課程, 課外活動同埋家長最最緊張既入學要求。
而家都仲可以比你睇
http://www.plkctslps.edu.hk/campustv/CTV2010-11/webpagehtml/P1AdmissionVideo2011July/
順得哥情失嫂意, 作為家長插人之前都做下RESEARCH先啦, 講出黎既說話真係如倒左出黎既水, 收唔返架!
如果問返以前考過小學既家長, TSL既安排可以話係TOP 3其中之一呀!
希望7月唔好再攪OPEN DAY, 我地班義工家長真係好辛苦, 攰到死! 果日下午我係咁整COTTON CANDY, 果晚直頭要老公按摩隻手先瞓得著。估唔到咁辛苦SERVE班來賓, 竟然換黎咁既COMPLAIN!!!!!!!!
作者: gigayan 時間: 12-5-2 16:56
本帖最後由 gigayan 於 12-5-2 16:57 編輯
其實open day個日既簡介會飛, 一早係TSL既website已經講明10am開始派晒咁多場既飛, 有心去聽簡介會, 就應該知道要早過10am去排先可以拎到飛......
btw, TSL係一間咩都講清楚既學校, 就算唔明打去學校問, 都唔會有唔禮貌既對待, 比起好多多人爭既學校, 已經好好多......
作者: cowkingb 時間: 12-5-2 17:17
我 10 AM 前已到啦...未出門口既家長都可以上 WEBSITE CHECK, 一早去,
o係街到, 唔會 CHECK.
Anyway, 相信每個有去既家長, 都係對呢間學校有興趣先會去, 唔係只係想去玩佢地既 GAMES. 早去而又無得聽 BRIEFING 個心真係有 D 唔舒服, 不過都無辦法.
作者: gooday 時間: 12-5-2 18:14
silvia_ng 發表於 12-5-2 15:45
上年就係太多人同一時間入個WEBSITE, 攪到好多人想去都去唔到呢。其實OPEN DAY呢個TOUR, 都唔係話有咩特別 ...
silvia_ng, 我支持你, 我是上年四出申請小一家長的其中一個, 老實說... TSL已經好照顧家長的感受, 比起有D學校要响街排隊, 夠鐘先比你入去, 仲有行多步都俾校工話你o既學校, 真係好好了!
仲有, 上年考咗好多間小一, 只有TSL會將面試流程拍攝成短片, 放上Youtube俾你睇, 等大人同小朋友都有心理準備, 咁.... 各位仲想點?
往後數月仲有很多學校的簡介會, 請大家自行比較吧!
作者: tomcathui 時間: 12-5-2 21:46
回復 silvia_ng 的帖子
Silvia,
你對仔女好似鍾意食我整個D多D,雖然我自己個女都冇得食我整的
tomcathui
作者: swmami 時間: 12-5-2 22:55 標題: 回覆：silvia_ng 的帖子
哦！我只是幫襯咗爆谷咋，早知就可以去棉花糖度同妳打個招呼啦！我都好想多謝妳在BK無私的分享！
作者: swmami 時間: 12-5-2 23:18 標題: 回覆：gooday 的帖子
以我上年的觀察，我都很同意妳的看法，陳守仁的招生安排我相信已經很周到很advanced啦！只是今次open day 簡介會安排的確有點倒退，這並不大影響我對這所小學的看法，校長、老師、學生、家長、校友和校公整體上都給我很好的感覺，開放日的活動頗大型，真的辦得不錯了，事問設身處地你會感覺怎樣呢？所以我明白蕭阿姨的感受，算吧不要勞氣！
作者: miutang 時間: 12-5-3 12:49
我去年都有去開放日,安排不錯呀. 去年開放日的簡介會講明並非小一入學簡介會 (即唔係講入學要求等), 當日是攞籌的, 七月份的小一簡介會才是上網登記, 但我登記唔到都無所謂, 可以睇返YOU TUBE, 幾時睇自己控制咪仲好. 開放日最重要係比自己到小朋友感受下呢間學校是否適合, 軟件及硬件是怎樣. 入唔到簡介會唔代表什麼, 不用太介懷吧.
作者: little-pig 時間: 12-5-3 15:26
tsl open day 我去咗幾年, 其實流程差不多, 而當日要拿籌的只是參觀學校的tour, 不是簡介會, join 咗tour會令你參觀得較全面, 又有student helper講解, 以往下午仍拿到籌, 只是今年太太多人, 家長又怕拿不到籌, 先一早來排隊, 各家長要有心理準備, 今年考小一會非常辛苦
Silvia, 我當日負責扭汽球, 一樣扭到手軟, 見到當日人山人海的場面, 我心想細果個可以同家姐一齊返小學的願望將會很難實現, 實在羨慕你已打嬴這場仗.
作者: hilarylau 時間: 12-5-3 19:14
我都係舊年APPLY P.1的, 真係覺得TSL好 USER FRIENDLY 喎. 雖然佢唔收我個女, 我都好鍾意呢間學校的行政安排呀!
作者: babychin 時間: 12-5-3 23:58 標題: 回覆：姬絲蒂 的帖子
1/ 14/7 有有關小一講座，時間待定
2）不需要portfolio
3) 哥姊在讀，沒有加分
4）交k2全年成績表
作者: silvia_ng 時間: 12-5-4 11:01
tomcathui 發表於 12-5-2 21:46
回復 silvia_ng 的帖子
Silvia,
好彩唔係做爆谷, 否則彈到我成身油!
作者: silvia_ng 時間: 12-5-4 11:04
little-pig 發表於 12-5-3 15:26
Silvia, 我當日負責扭汽球, 一樣扭到手軟, 見到當日人山人海的場面, 我心想細果個可以同家姐一齊返小學
的願望將會很難實現, 實在羨慕你已打嬴這場仗
嘩...扭汽球! 我好驚波的! 好彩我唔洗去! 我估都一定扭到手軟啦!
細果個幾時考呀? 我仔有個同學仔係ncs, 佢個細既上年考今年讀小一, 都係waiting, 希望佢6月可以成功考到啦! 我估學校都會考慮有兄姊既, 唔好咁擔心啦! 預祝你好運呀! ^^
作者: silvia_ng 時間: 12-5-4 11:06
賒賒各位既支持見到你地咁講, 真係點辛苦做義工都抵返哂!
咁我出年再做openday義工啦!
作者: wing 時間: 12-5-8 04:03
我大女當日都自己一個返咗學校, 佢畢業後呢一年成日都想返學校, 睇黎雖然佢成績麻麻, 但真係幾鐘意間學校同老師LA
蕭亞姨, 想問下知唔知叩門既資料呀?? 其實仲有無得叩呢?? 係咪會有第二輪申請呀 ?? THX
| 歡迎光臨 教育王國 (/) |
Powered by Discuz! X1.5 |