教育王國
標題: khmama 及各家長麻煩比d意見? [打印本頁]
作者: 心美 時間: 12-1-17 22:25 標題: khmama 及各家長麻煩比d意見?
小女band 1尾(又尾唔晒),成績小五 3A1B ;小六 4A,操行A-.自行已入表順利天主教及梁式芝;另已考到官塘福建,請比些意見:
1) 如福中收讀英文班,直得放棄讀津校嗎?
2) 三間學校,各有何評價?
作者: khmama 時間: 12-1-18 00:32
回復 心美 的帖子
咁既grade都要去到band1尾, 你小朋友全級幾多人, 考第幾?
作者: 心美 時間: 12-1-18 12:23
兩次呈分合計係 59/168.
作者: winglongyan 時間: 12-1-18 12:26
回復 心美 的帖子
請問小朋友讀邊間????
真係B1尾????
作者: 心美 時間: 12-1-18 17:13
老師說79名前都係band 1,咁我除返3份,59屬第3,咁咪屬band 1尾又尾唔晒果隻囉,係咪咁分
作者: 心美 時間: 12-1-19 15:27
:
作者: khmama 時間: 12-1-19 23:59
回復 心美 的帖子
福中幾時要決定交唔交留位費?
作者: 心美 時間: 12-1-20 18:32
khmama 發表於 12-1-19 23:59 
回復 心美 的帖子
福中幾時要決定交唔交留位費?
未知詳情.因分班試結果到今日都未知.又話今日會知,都唔知係咪入唔到英文班
作者: 心美 時間: 12-1-21 13:34
khmama 發表於 12-1-19 23:59
回復 心美 的帖子
福中幾時要決定交唔交留位費?
作者: elbar 時間: 12-1-21 21:48
心美 發表於 12-1-21 13:34 
今日收到信喇,順利入讀英文部,2月11日前要交留位費,請比d意見我點揀好??
作者: 心美 時間: 12-1-22 09:55
但女兒喜歡順天;福中就不太喜歡,原因係她不喜歡國內同學校名"福建"
daddy就喜歡福中,應為程度合適,又有專業球類校隊,適合女兒活動既性格.
我就3間都各有喜歡.
始終用家係女兒,理應跟她喜好,但又驚抽唔入順天,升小一時已經唔好采要叩門,果種擔心法真係唔好受,好驚又來多次...
作者: homingm 時間: 12-1-23 01:16
心美；
昨天家長日班主任有何意給你呀？其實最緊要囡囡喜不喜歡這間學校，如果她不喜歡讀得不開心，往後幾年怎算呢？
作者: 一家的太陽 時間: 12-1-23 08:22
記得幾年前福建中學的錄取信上有寫,歡迎曾被錄取的學生在7月放榜後再去叩門.唔知依家點樣?
作者: 心美 時間: 12-1-24 10:45
homingm 發表於 12-1-23 01:16
心美；
昨天家長日班主任有何意給你呀？其實最緊要囡囡喜不喜歡這間學校，如果她不喜歡讀得不開心，往後幾 ...
果日一來係我老公去家長日;二來亞囡一早講定叫我地果日唔好問升中問題,因班主任分咐左佢地同家長講唔準問....
亞囡唔多like福建原因只係個名,理由唔多充份,同埋佢都唔算企硬唔鍾意.如果我地(我同老公)定得到主意,相信亞囡會接受,可惜我地仲係15/16....
作者: 心美 時間: 12-1-24 10:57
一家的太陽 發表於 12-1-23 08:22
記得幾年前福建中學的錄取信上有寫,歡迎曾被錄取的學生在7月放榜後再去叩門.唔知依家點樣?
...
現在都有咁寫,但比補習老師嚇一嚇,佢話福中o向學校同學生講過,收左唔讀到叩門時就唔考慮的,補習老師話呢句"歡迎曾被錄取的學生在7月放榜後再去叩門"只係門面功夫,又話學校又唔怕收唔足生,所以唔會so我,就算收都只會係雙語班,所以又有顧慮...
作者: Fatty 時間: 12-1-25 15:45
回復 心美 的帖子
如果你依家放棄, 唯一好處係:
1. 可能有機會抽到/入到順天, 但係無人講到俾你知有幾多%機會入到。
壞處係:
1. 有排驚，驚到7月放榜。
2. 最後一次呈分試不容有失，好大壓力。
3. 如果派得唔好，想番轉頭叩門，可能機會好細(純粹個人感覺)
4. 想像下如果派得唔好，週圍去叩門果仲慘況。
相返，如果你選擇注冊福中，咁好處係:
1. 唔洗驚到7月放榜。
2. 最後一次呈分試，儘力考就得，唔會太大壓力。
3. 唔洗煩叩門，放榜日可以安安落落飲下茶。
4. 有時間可以選擇去順天叩門，無壓力之下，可能考到。
唯一壞處係:
1. 失去抽入順天的機會.
仲有，考到福中係靠實力/成績，同運氣無關； 抽到順天係要有成績之餘，仲要有運氣先得。你再開個家庭會議商量下啦。祝你女女入到心儀中學
作者: 心美 時間: 12-1-26 10:52
Fatty 發表於 12-1-25 15:45
回復 心美 的帖子
如果你依家放棄, 唯一好處係:
多謝意見.
亞囡話返學問多位老師,再集合這裡各家長意見後,會開家庭會議傾下,希望我地不要選擇錯...
作者: lrxsam 時間: 12-1-26 23:43
本帖最後由 lrxsam 於 12-1-26 23:44 編輯
褔建中學, 近年成績好好...可以話好優秀tim ....褔建中學係khmama 個直資中學排名好高....英中收你的話, 真係唔好咁易放棄!!!
作者: peaceandlove 時間: 12-1-27 12:39
近月，
我對於鄰近三所學校都做過調查，
包括順天、觀塘官中、褔建中學
最喜歡還是福中，喜歡他的全面性
作者: 心美 時間: 12-1-27 23:13
回復 peaceandlove 的帖子
lrxsam, peaceandlove 多謝你們的意見
作者: peaceandlove 時間: 12-1-29 00:24
不客氣，祝福你們選擇到一所合適學校！
作者: khmama 時間: 12-1-29 16:11
回復 心美 的帖子
福建同順天既成績都差不多, 比梁式芝會好些少. 如果你自行順天同梁式芝, 可能已經入咗, 即使唔成功, 你大抽獎填呢兩間都好大機會抽入, 只要你囡囡唔會失手跌落band2就可以. 假如你覺得自行順天成功機會唔大, 我會選福建, 因為好大機會梁式芝已經收咗你囡囡.
作者: 心美 時間: 12-1-29 18:50
khmama 發表於 12-1-29 16:11
回復 心美 的帖子
福建同順天既成績都差不多, 比梁式芝會好些少. 如果你自行順天同梁式芝, 可能已經入咗, ...
咁如果我現在先註冊左福建,而黎緊兩次既考試(呈分同畢業試)又keep係返band1成績,叩門順天有無機會?
老師都說入梁式芝機會好大,但現在我老公先同我講唔喜歡亞囡讀女校,佢話如果亞囡讀梁式芝,不如讀福建.兩校是否都係福建好些?
作者: khmama 時間: 12-1-29 22:29
回復 心美 的帖子
如果福建同梁式芝兩間選一間, 我會選福建. 放榜後去叩順天門當然可以, 但競爭會大, 成績要有番咁上下. 不過到時你已經有福建在手, 叩門成功與否都冇咩壓力.
作者: 心美 時間: 12-1-29 22:54
khmama 發表於 12-1-29 22:29
回復 心美 的帖子
如果福建同梁式芝兩間選一間, 我會選福建. 放榜後去叩順天門當然可以, 但競爭會大, 成績 ...
多謝意見
已經有福建在手, 叩門成功與否都冇咩壓力.<-----我都係咁諗
另我想問下,如果我簽左放棄大抽獎,咁自行揀果兩間學校仲會唔會有得面試?到填表大抽獎時,我仲要唔要填架?
作者: khmama 時間: 12-1-29 23:06
回復 心美 的帖子
我覺得唔會影響自行面試, 因為直資學校唔使咁快交番放棄大抽獎既form比教育局. 大抽獎既表格要照交但係唔使填30個志願, 詳情可以問學校, 放榜都要返去攞派位証, 上面會寫咗直資學校既名.
作者: khmama 時間: 12-1-29 23:10
唔記得話你聽, 你仲可以選擇唔去梁式芝interview, 佢就冇機會收你, 如果你仍然想搏順天, 自行唔得都可以搏抽獎.
作者: 98730 時間: 12-1-29 23:55
khmama 發表於 12-1-29 23:10
唔記得話你聽, 你仲可以選擇唔去梁式芝interview, 佢就冇機會收你, 如果你仍然想搏順天, 自行唔得都可以搏 ...
妳好:
如果樓主真的註冊了福中.就不能參加大抽獎.因福中上年3月頭.就要註冊和簽署放棄大抽獎的文件(.自行可能還有機會).
本人覺得順天會比福中好.順天的老師和校長真的好關心學生.而福中有某些老師的態度比較差.(因我仔仔上年都有考福中.所以有這感覺.)
這是本人的個人睇法.不喜請諒.
祝願樓主的小朋友能入心儀的中學.
作者: 心美 時間: 12-1-30 13:30
98730 發表於 12-1-29 23:55
妳好:
如果樓主真的註冊了福中.就不能參加大抽獎.因福中上年3月頭.就要註冊和簽署放棄大抽獎的文 ...
98730,
多謝妳的意見:D
妳所講的我當然知道,簽左就連抽入既機會都無埋,就是這樣才令我難以取捨,我真的怕了萬一抽唔到會係點...但唔抽過又有點不甘心,真係好煩.
我老公常說我自找煩惱,因他一直都是話叫囡囡入福中,佢無我咁三心兩意
作者: 心美 時間: 12-1-30 13:32
回復 khmama 的帖子
khmama,
多謝妳的意見
作者: 98730 時間: 12-1-30 15:29
心美 發表於 12-1-30 13:30
98730,
多謝妳的意見
其實上年我仔仔也考入了福中(英文班).順天也有99%可入讀.(因我仔讀的是天主教小學.有教區推薦位.而我仔也取得首名推薦.)但最後我兩間都放棄了.
福中是我兒不喜歡.仔說不喜歡面試老師的態度.(我也有這感覺).他說:就算福中收他.他也不會讀.我尊重仔仔的決定.因讀書的是他.不是我.所以放棄福中.
而順天.是我想仔仔再多看一點其他中學.讓他自己選.(因學校在12月中.就要我交自行選校表格.比其他自行選校收表的學校早一個月.我一直在想.若表格一交.就沒有了別的選擇.好自然的會入順天.)所以我也放棄了.
作者: betsymak99 時間: 12-1-30 16:14
老師說, 我的囡囡仍是Band 1 尾,兩次平均級排49名，因第二次呈分試大退步,由band 1中跌到band 1 尾, 自行入表聖傑靈及梁式芝，自知聖傑靈無望, 而老師想我放棄梁式芝, 等大抽獎，老師說梁式芝實收她，不明白為何老師這樣說？ 因恐怕囡囡在第三次呈分試又失誤，所以沒棄梁式芝, 請幫忙分析梁式芝, 謝謝！
作者: 心美 時間: 12-2-1 15:36
98730 發表於 12-1-30 15:29
妳好:
其實上年我仔仔也考入了福中(英文班).順天也有99%可入讀.(因我仔讀的是天主教小學.有教區推薦位 ...
98730,
妳仔仔成績一定好好,敢問最終仔仔入讀那間?
作者: 98730 時間: 12-2-1 18:44
心美 發表於 12-2-1 15:36
98730,
妳仔仔成績一定好好,敢問最終仔仔入讀那間?
妳好:
我仔仔最後自行第一志願選.保良局荷蔭棠中學.(是他自己選的).他有參觀校舍.十分喜歡.我也有聽簡介會.亦覺得此校不錯.交通也很方便.
而第二志願是保良局唐乃勤初中書院.(是朋友跟我說.此校和莊啟程接龍.我自己再上網看資料.覺得此校也適合他然後推介給仔仔.)最初他是不喜歡此校.因他覺得環境和設施都比荷蔭棠差.返學路程也比較遠.(因荷蔭棠是仟禧校舍.地方比較大.設施比較新.返學也很方便.)而唐乃勤.地方細和校舍比較舊.所以他比較不喜歡..
但最後奇蹟出現了.我仔先IN唐乃勤.他IN完出來即時跟我說:媽媽若此校面試不成功.在大抽獎時.也要把此校放第一位.(其實.我也猜不透.此校有什麼魔力.令他有360度的轉變..而他對自己面試的表現和對答都覺得不錯.
而他第二IN是荷蔭棠.他IN完跟我說:在面試過程中.跟老師單獨面談很好.老師還讚他.而小組討論那一部分.他說信心不大.他說:因有5個學生一起討論.但有4個是同一學校的.所以他沒有信心荷蔭棠會收他.我跟他說.沒所謂.只要盡力了就好.何況面試是很主觀的.可能跟你面試的老師.很喜歡你這一類型的學生也說不定.不用太擔心.天父自有安排.(本人是沒有宗教信仰的.)
最後荷蔭棠真的收了他.但他不喜歡.說要到唐乃勤叩門.我尊重他的決定.陪他去叩門.叩門也成功.
但我要他自己想清楚和親口說到那一間註冊.因我覺得.讀書的是他自己.不是我.讓他自己去選擇是最好的.讓他能容易投入中學生活.對自己在學業上負責任.免除日後有怨言.傷了親子關係.
祝願妳的女女.也選擇到一間適合她的中學入讀.加油
| 歡迎光臨 教育王國 (/) |
Powered by Discuz! X1.5 |