教育王國

標題: 請問【唔湯唔水窮人】讀【協恩中學】有壓力嗎 ? [打印本頁]

作者: chumamma 時間: 11-9-9 00:33 標題: 請問【唔湯唔水窮人】讀【協恩中學】有壓力嗎 ?

我舅母最近同舅夫很多意見, 關於表妹升中學一事。表妹讀書 OK, 係地區名校全級頭二十名以內。

舅母同舅夫已退休, 現無工作, 但有接近二佰萬左右積蓄, 住淘大花園最細單位, 不用供樓了。

舅母想供獨女表妹讀協恩, 但舅夫覺得唔想咁去洗養老錢, 舅母意思就係個個月比 max $4,000, 每年約四萬元, 六年約30萬元。

舅夫話讀協恩, 每個學生都咁富貴, 而表妹就除了上學放學, 沒有額外錢支付其他課外話動/娛樂活動支出, 舅夫覺得表妹會有壓力。

我好明白舅母的想法, 比著我, 我都會將謹有的錢全供給唯一一個囡囡, 但係舅夫講法又好有道理。

我同舅夫講, 先比表妹試考, 睇下人地收否, 再作打算, 但係舅夫話如果人地話收, 咁又點, 唔好玩啦。

請問有無人可以比下意見。謝謝。

[ 本帖最後由 chumamma 於 11-9-11 11:05 編輯 ]

作者: Yanamami 時間: 11-9-9 08:21 標題: 回復 1# chumamma 的帖子

會唔會考慮Shamshuipo區寶血會上智英文書院? 唔洗交學費.

作者: Yukyuk 時間: 11-9-9 08:34

Good idea!

原帖由 Yanamami 於 11-9-9 08:21 發表
會唔會考慮Shamshuipo區寶血會上智英文書院? 唔洗交學費.

作者: TwoKidsFamily 時間: 11-9-9 08:48

其實協恩以前都是我目標中學之一,但轉直資後,我都考慮其他不用交學費的中學了,請問你表妹住/讀那一區?

作者: chumamma 時間: 11-9-9 09:57

表妹住淘大德福花園就讀藍循小學, 成績一向好好的, 現在小六。

原帖由 TwoKidsFamily 於 11-9-9 08:48 發表
其實協恩以前都是我目標中學之一,但轉直資後,我都考慮其他不用交學費的中學了,請問你表妹住/讀那一區?

作者: hw1115 時間: 11-9-9 10:00

這間有沒有助學金之類可以申請呀?

作者: fallenleaf 時間: 11-9-9 10:13

原帖由 chumamma 於 11-9-9 00:33 發表
我舅母最近同舅夫很多意見, 關於表妹升中學一事。表妹讀書 OK, 係地區名校全級頭二十名以內。

舅母同舅夫已退休, 現無工作, 但有接近二佰萬左右積蓄, 住淘大花園最細單位, 不用供樓了。

舅母想供獨女表妹讀協恩, ...

其實你未計讀大學那筆。不如叫佢地計清楚除左學費(學費可以減免，不過查清楚申請條件先)，雜費，還有他們的生活費，住屋唔好以為供完就甩難，重有管理費，甚至維修費用。重要考慮他們有幾多歲命，兩百萬可以捱到幾多年等等。
其實你將個題目寫到咁，將協恩無限量放大，無可否認係對協恩唔公平，每一間直資都有這樣的問題。試想想，如果佢地沒有收入，本身已經係有d壓力，都唔計要不要供養小朋友。因為人唔知自己會有乜野突發事情發生。一係拿拿聲變賣家產，將存款轉移，五年後申請綜緩，一了百了。
說到底，我都想他們試一試，看看若果父母沒有職業
，或退休後，還可不可以通過協恩的審核。

作者: HappyEE 時間: 11-9-9 10:42

原帖由 chumamma 於 11-9-9 09:57 發表
表妹住淘大德福花園就讀藍循小學, 成績一向好好的, 現在小六。

只係路過, 如果藍循小學全級考20名, 協恩收的機會唔大, 除非有特異功能, 藍循小學非地區名校

不如選藍田st paul 或聖潔靈

作者: wunma 時間: 11-9-9 10:54

提示: 作者被禁止或刪除內容自動屏蔽

作者: Yukyuk 時間: 11-9-9 11:07

同意！

不过，Lam tin 呢两间女校都唔易入！

选津校烦少样! 囡囡心理负担少d!
(个人意见)

原帖由 HappyEE 於 11-9-9 10:42 發表

只係路過, 如果藍循小學全級考20名, 協恩收的機會唔大, 除非有特異功能, 藍循小學非地區名校

不如選藍田st paul 或聖潔靈

作者: OfficeMgr 時間: 11-9-9 11:28

同意 HappyEE！先想學費, 不如考入才考慮吧! 協恩一向收好少外來生。

原帖由 HappyEE 於 11-9-9 10:42 發表

只係路過, 如果藍循小學全級考20名, 協恩收的機會唔大, 除非有特異功能, 藍循小學非地區名校

不如選藍田st paul 或聖潔靈

作者: hahe 時間: 11-9-9 12:19

協恩轉直資收三千幾學費, 就係想用部份資助啲有能力但家境唔係幾好嘅學生，所以如果叻但係窮，收咗都可以申請資助，反而係家境普通又有多個小朋友就影響比較大。如果佢仲係津貼，當你表妹無特殊技能，就算二十名以內都應該唔會入到協恩, 反而轉咗直資，可能機會會大咗啲。

作者: One-Mama 時間: 11-9-9 12:45

身邊有D協恩家長朋友, 都是一般的打工一族, 並不是什麼富貴人家. 我覺得既然有心儀學校,而唯一考慮係$, 何不直接查詢協恩有關申請資助之資格, 如果是符合, 就不妨嘗試投考, 成功與否都唔會後悔.

作者: jennyjenny 時間: 11-9-9 13:13

其實照學校上年升中派位睇返,全級有兩名入協恩,就算協恩轉直資後,全級20名內的成績應該入到協恩機會不大.

而家講咩都無用,協恩收左先決定入讀定參加大抽獎讀津校啦.

作者: hahe 時間: 11-9-9 14:26

轉直資後, 可能只會收返協小BAND 1和BAND 2 頭的學生，所以會多咗好多位出來俾人爭。起碼會IN多啲CANDIDATES，如果係叻又或INTERVIEW表現好好，入嘅機會都俾之前大啲.你表妹如果嚟緊今次呈分再勤力啲，考到頭幾名之內，可能都有幾會。報咗就一定有機會，唔報就一定無，千祈唔好心灰意冷。

作者: fallenleaf 時間: 11-9-9 16:30

原帖由 hahe 於 11-9-9 14:26 發表
轉直資後, 可能只會收返協小BAND 1和BAND 2 頭的學生，所以會多咗好多位出來俾人爭。起碼會IN多啲CANDIDATES，如果係叻又或INTERVIEW表現好好，入嘅機會都俾之前大啲.你表妹如果嚟緊今次呈分再勤力啲，考到頭幾名之內，可能都 ...

報咗就一定有機會，唔報就一定無....呢一句好精彩。
轉左直資後，報左，收左，都重可以唔讀走去玩大抽獎。
今年我發覺原來真係名校都未必一定收最top那班同學。
佢地有好多選擇，可以係特異功能，亦可以成績好平均，但面試好出色，當然，這一類數目唔會好多。我記得今年初時有post關於疵利羅仕收生準則，大家都拗左好耐，唔信考得後的同學可以入，考得前的同學反而入唔到，而家我信。因為QC都係咁。

[ 本帖最後由 fallenleaf 於 11-9-9 17:49 編輯 ]

作者: redkoni 時間: 11-9-10 00:19

坦白講, 以前的協恩是傳统名校中的平民學校, 轉直資當然引起很大的迴響, 既然巳經成為事實, 我個人暫且稱之為"新協恩". 很明顯"新協恩"的市場定位是中產精英學生, 在香港現時的教育生態環境, 仍然有很高的市場價值, 相信不會令捧場客失望. 對於現在就讀協恩的"窮人"來說, 學校提供學費減免, 或許只會有心理影響, 況且"新協恩"的主流學生也需要幾年時間才完全替換, 到時這批窮學生巳經畢業或者選擇離開, 所以實際影響相信不大. 另一方面, 對於曾經希望讀協恩中學的"窮人"來說, 正如有家長話齋, 目前最大的影響只是少了選擇. 回應番樓主的標題, 如果窮人明知"新協恩"的定位將來仍然要堅持去讀, 但又不斷說有壓力, 不如自己反問自己, 最初是不是已經衡量了好處多過壞處, 才決定入嚟讀? 又抱怨甚麽? 學校不就是一個小社會嗎? 現時的香港社會主流偏向中產, "窮人"如有需要可以申請綜援, 咁"窮人"有甚麽壓力? 要視乎"窮人"自己點諗, 有人一面洗緊綜援一面話不公平而發窮惡, 有人卻樂天知命而踏實地默默耕耘; 那邊廂的中產, 咪一樣有壓力! 像獅子銀行一聲唔該便裁員三千, 打爛個飯碗, 無收入又要種種開支, 供貴樓, 供保險, 俾貴直資學費, 又無資格攞綜援, 到時又有邊個可憐佢哋?

作者: ANChan59 時間: 11-9-10 12:26 標題: 回覆 17# redkoni 的文章

詳盡而合情合理的分析。

轉直資是一個被迫的出路........

作者: Carelesswhisper 時間: 11-9-10 18:15

淘大 or 德福 = 窮人? 我諗最主要係冇隱定or其他收入, 食老本吧了!

作者: Carelesswhisper 時間: 11-9-10 18:16

Totally agreed!

原帖由 redkoni 於 11-9-10 00:19 發表
坦白講, 以前的協恩是傳统名校中的平民學校, 轉直資當然引起很大的迴響, 既然巳經成為事實, 我個人暫且稱之為"新協恩". 很明顯"新協恩"的市場定位是中產精英學生, 在香港現時的教育生態環境, 仍然有很高的市場價值, ...

作者: heiheibbchu 時間: 11-9-10 19:21

如果學校只選擇叻學生入讀, 成功根本不在於學校, 而是學生. 窮人為什麼吾可以入讀好學校? 為什麼要受歧視?

作者: Carelesswhisper 時間: 11-9-10 19:47

Agreed!

原帖由 HappyEE 於 11-9-9 10:42 發表

只係路過, 如果藍循小學全級考20名, 協恩收的機會唔大, 除非有特異功能, 藍循小學非地區名校

不如選藍田st paul 或聖潔靈

作者: hingmami 時間: 11-9-10 20:53

收入不高的家庭亦有很多叻仔叻女，只要學校唔係以收入為收生標準，就算係公平。
大家的仔女公平競爭是好事！
好多中產都要公一份、婆一份，平日想多D時間睇仔女的功課，就要在夜一夜才做公司的[功課]！
唉......

原帖由 heiheibbchu 於 11-9-10 19:21 發表
如果學校只選擇叻學生入讀, 成功根本不在於學校, 而是學生. 窮人為什麼吾可以入讀好學校? 為什麼要受歧視?

作者: fallenleaf 時間: 11-9-11 00:32

原帖由 heiheibbchu 於 11-9-10 19:21 發表
如果學校只選擇叻學生入讀, 成功根本不在於學校, 而是學生. 窮人為什麼吾可以入讀好學校? 為什麼要受歧視?

這個就是是伯樂和千里馬的關係。古時認為：世有伯樂，然後有千里馬，千里馬常有，伯樂卻不常有。現代人卻認為千里馬不常有，但伯樂常有。所以要提高學校質素去吸納優質千里馬。
成功不在學校......根本兩者的成功解讀都唔同，但學校一出尖子，學校就聲名大燥，盡吸各方優材，奠下萬世基業的根基。
窮學生為甚麼唔可以入讀......窮學生重要加埋叻先得。若果真係窮，除了你可申請綜緩，重可申請書簿津貼、車船津貼，還可向學校申請學費減免。最慘係唔湯唔水那班家庭姐！

作者: pooh仔 時間: 11-9-11 12:33 標題: 回覆 8# HappyEE 的文章

I absolute agree with HappyEE. 藍偱只是一間屋村小學，藍田st Paul 機會比較大啲。誇區返學又要交通費！

作者: pooh仔 時間: 11-9-11 12:40 標題: 回復 12# hahe 的帖子

大家一搞清楚，樓主舅父母不是窮而是退休人士，有積蓄，未必通過到資助！

作者: hingmami 時間: 11-9-11 13:11

退休人士應有更多時間教養仔女，應該係優勢，二教一，羨煞旁人！
協恩好似以收入作資助評審，但計唔計利息/股息等，就唔清楚。
最緊要個女的成績唔好唔湯唔水，就得！
但而家唔係協小，而要入協中，成績要不俗，才可以！

原帖由 pooh仔 於 11-9-11 12:40 發表
大家一搞清楚，樓主舅父母不是窮而是退休人士！，有積蓄，未必通過到資助！

[ 本帖最後由 hingmami 於 11-9-11 13:14 編輯 ]

作者: fallenleaf 時間: 11-9-11 13:32

原帖由 pooh仔 於 11-9-11 12:33 發表
I absolute agree with HappyEE. 藍偱只是一間屋村小學，藍田st Paul 機會比較大啲。誇區返學又要交通費！

我絕對唔會睇少屋小學。今年QC、張祝珊等學校所收學生，除了同區小學之外，都好大部份來自將軍澳、柴灣、香港仔等地區，舊年皇仁個狀元郭同學都是來自景林天主教。除非協恩諗住唔收屋女啦。
機會大唔大唔係睇屋定唔係屋，係你考得好唔好，有沒有潛質，學費就另外一回事，因為好多住屋都坐Benz、養番狗啦。就算住屋都唔好氣餒就得。

作者: Mothercc 時間: 11-9-11 15:25 標題: 回覆 1# fallenleaf 的文章

協恩 / 直資幾時報名 ?

囡囡今年小六, 沙田區屋村小學. 老師建議佢報出面中學, St Paul. 我地驚太遠同程度問題. 唔知協恩會唔會適合的 ? 想試下.

作者: redkoni 時間: 11-9-11 16:26

你話香港人無創意就假, 睇樓主剛剛把標題從【窮人】改為【唔湯唔水窮人】, 我便覺得自己黔驢技窮, 究竟唔湯唔水有幾窮?

難道香港再沒有好學校? 有甚麽心結使【唔湯唔水窮人】也必定要追求"新協恩"? 就算我係窮人, 我不能阻止別人歧視我, 但我一定可以阻止自己歧視自己, 將壓力轉化為動力, 所謂人窮志不窮, 【唔湯唔水窮人】更應該善用唔湯唔水的僅有資源幫助自己找出路, 強求甚麼? 眼前條條大路通羅馬, 唔識變通的人往往總是視而不見, 可惜!

作者: babaBear 時間: 11-9-11 17:13

我想最直接是看協中有沒有可用的補助，扣除補助後還有多少支出，又到社署問社工樣的個案可拿到多少補助，估算每年的上協中的支出。

如果是足襟見肘就要考慮是否要拼上家當一博好，還是選津貼名校，把學費資原留給小朋友發揮校內成績或游學增廣見識之用。

作者: tchm 時間: 11-9-11 19:11 標題: 窮?

一. 有私人樓, 供完, 有二百萬積蓄, 當然稱不上富貴,
但可算是窮嗎?

二. 相信有很多直資學校學生亦沒有那麼好的家庭背
景啊!

作者: tchm 時間: 11-9-11 21:47

去協恩門外逛逛, 不是人人坐 BENZ/BMW/凌志的

作者: yph2005 時間: 11-9-11 23:05 標題: 回覆 1# chumamma 的文章

其實, 除了是否別無他選,
1 每年或會加學費.
2 雖有津貼, 但小朋友會否年年可保持水準, 因有些學校雖給你獎學金或津貼, 但好似每年要全級考1/3之內,否則取消獎學金或津貼,
3 既然小朋友有好成績, 為何一定要考直資, 因津貼學校, 如上智一定只收第一組別,
我想這些簡單問題須要考慮,另一方面, 其他小朋友交流時, 你會否唔去, 這些錢, 好似津貼唔包, 其實地區名校出到外面, 英文會否追得上, 好似有一些距離.
我只講我的意見, 不喜歡可不理會

作者: fallenleaf 時間: 11-9-12 00:23

原帖由 Mothercc 於 11-9-11 15:25 發表
協恩 / 直資幾時報名 ?

囡囡今年小六, 沙田區屋村小學. 老師建議佢報出面中學, St Paul. 我地驚太遠同程度問題. 唔知協恩會唔會適合的 ? 想試下.

直資學校報名可參考佢地的網頁。一般10月中至尾就會公佈。
協恩轉左直資後可以自由報名，試下無防。取錄與否，都可以繼續參加自行收生和大抽獎，不過若被取錄的話，學校會要求你放棄大抽獎。

作者: fallenleaf 時間: 11-9-12 00:34

原帖由 tchm 於 11-9-11 21:47 發表
去協恩門外逛逛, 不是人人坐 BENZ/BMW/凌志的

而家協恩未轉直資，大部份同學都係沿農圃道行落去搭巴士或小巴居多。坐Benz/BMW/淩志等各樣私家車的同學反而唔夠馬頭涌(紅磡灣)官立小學咁多。有時覺得讀官立唔一定窮，讀直資的又唔一定有錢。

作者: Chanv 時間: 11-9-12 00:35

原帖由 chumamma 於 11-9-9 00:33 發表
我舅母最近同舅夫很多意見, 關於表妹升中學一事。表妹讀書 OK, 係地區名校全級頭二十名以內。

舅母同舅夫已退休, 現無工作, 但有接近二佰萬左右積蓄, 住淘大花園最細單位, 不用供樓了。

舅母想供獨女表妹讀協恩, ...

參考khmama中學排位,藍田聖潔靈中學排位仲勁過協恩,即使不是百分百,亦不會相差太遠,咁何必要追求名牌,令到全家人咁大壓力,也可能因生活問題,日日吵鬧,需知無收入而又要咁多支出,除左學費,仲有好多雜費,長遠真係會有問題,影響心情,壓力,因錢銀吵鬧等等!

津校都會好好,使乜咁煩.

作者: fallenleaf 時間: 11-9-12 00:45

原帖由 yph2005 於 11-9-11 23:05 發表
其實, 除了是否別無他選,
1 每年或會加學費.
2 雖有津貼, 但小朋友會否年年可保持水準, 因有些學校雖給你獎學金或津貼, 但好似每年要全級考1/3之內,否則取消獎學金或津貼,
3 既然小朋友有好成績, 為何一定要考 ...

是否別無他選.....當然唔係啦！只係情意結。有好多人覺得協恩係佢地的dream school。

作者: fallenleaf 時間: 11-9-12 00:50

原帖由 Chanv 於 11-9-12 00:35 發表

參考khmama中學排位,藍田聖潔靈中學排位仲勁過協恩,即使不是百分百,亦不會相差太遠,咁何必要追求名牌,令到全家人咁大壓力,也可能因生活問題,日日吵鬧,需知無收入而又要咁多支出,除左學費,仲有好多雜費,長遠真係會 ...

可能校長就係睇完khmama的中學排位後先會考慮轉直資。

作者: redkoni 時間: 11-9-12 01:15

原帖由 fallenleaf 於 11-9-12 00:50 發表

可能校長就係睇完khmama的中學排位後先會考慮轉直資。

妙極!

作者: Yanamami 時間: 11-9-12 07:55

絕對係o丫. 我家雖無壓力, 但交左9年(連kindergarten)學費, 而家升到好津中, 果种感覺真係好. 突然間好似鬆左好多.

原帖由 Chanv 於 11-9-12 00:35 發表

參考khmama中學排位,藍田聖潔靈中學排位仲勁過協恩,即使不是百分百,亦不會相差太遠,咁何必要追求名牌,令到全家人咁大壓力,也可能因生活問題,日日吵鬧,需知無收入而又要咁多支出,除左學費,仲有好多雜費,長遠真係會 ...

作者: Glau 時間: 11-9-12 11:16

同意 ! 有錢人唔計較, 窮人可以申請支助, 最慘係d 小康之家/ 中產, 既要交稅又享受唔到福利.

原帖由 yph2005 於 11-9-11 23:05 發表
其實, 除了是否別無他選,
1 每年或會加學費.
2 雖有津貼, 但小朋友會否年年可保持水準, 因有些學校雖給你獎學金或津貼, 但好似每年要全級考1/3之內,否則取消獎學金或津貼,
3 既然小朋友有好成績, 為何一定要考 ...

作者: BearBearD 時間: 11-9-12 11:20 標題: 回覆 42# Yanamami 的文章

我在小孩獲派了津中後跟妳的心情是一樣，但小孩的補習社說中一的學費是小六時的1.7倍，小朋友的數學根底差又要專科補習，小學沒有時間學器，現在是必需的，以前的感覺又回來了。

作者: Yanamami 時間: 11-9-12 11:47 標題: 回復 1# BearBearD 的帖子

暫時未補習, 樂器一向學開, 所以唔洗交學費又可買舊書就覺得好爽. 爽住一排先都好.

作者: Yanamami 時間: 11-9-12 11:54

只要突破到自己, 大把好官/津校揀啦. 保一、上智、林護、聖傑靈、庇利羅士、伊利沙伯.....＋隻手指數唔完.

原帖由 fallenleaf 於 11-9-12 00:45 發表

是否別無他選.....當然唔係啦！只係情意結。有好多人覺得協恩係佢地的dream school。

[ 本帖最後由 Yanamami 於 11-9-12 11:55 編輯 ]

作者: Mothercc 時間: 11-9-12 17:59

咁女仔, 數學中等, 中英尚可, 記性好
但無其他特異功能~
住沙田區, 揀邊間較適合 ?

會唔會伊利沙伯、上智、林護較好?

保一、上智、林護、聖傑靈、庇利羅士、伊利沙伯.....

[ 本帖最後由 Mothercc 於 11-9-12 18:00 編輯 ]

作者: fallenleaf 時間: 11-9-12 21:22

原帖由 Mothercc 於 11-9-12 17:59 發表
咁女仔, 數學中等, 中英尚可, 記性好
但無其他特異功能~
住沙田區, 揀邊間較適合 ?

會唔會伊利沙伯、上智、林護較好?

保一、上智、林護、聖傑靈、庇利羅士、伊利沙伯..... ...

如果成績唔係最好那一撮，以上學校機會都好微。最好問問學校，參考番老師意見先啦！

作者: fallenleaf 時間: 11-9-12 21:26

原帖由 Yanamami 於 11-9-12 11:54 發表
只要突破到自己, 大把好官/津校揀啦. 保一、上智、林護、聖傑靈、庇利羅士、伊利沙伯.....＋隻手指數唔完.

只要突破到自己, 大把好官/津校揀啦........
呢句就係解決心魔的核心。最好送給李跳橋聽！

作者: Chau444 時間: 11-9-13 11:11

如果我是當事人, 我想我不會選擇"新協恩".

1) 有200萬現金, 不用供樓, 當然好. 但問題是已退休人士, 以目前通帳, 女兒才小六, 要長期生活在有出無入的情況, 我覺得欠缺安全感. 如果有買保險及危疾保障還好一點, 否則身體出現大問題, 真是讓人擔憂!

2) 中學只是其中一個階段, 既然又不是沒有好的政府津校, 為何不預留資源供大學所需.

3) 其實舅母對協恩是純粹一個情意結, 還是真的綜合了各校的優劣, 經過理性的分析, 認為協恩是最.....最合適其女兒? 我只認識一位現協恩家長, 她經常抱怨學校注重運動多於學業. 我不知是否屬實, 但無疑協恩在體育學界方面表現出色, 如果其女兒又有運動方面的天份, 入讀協恩可能是很好的選擇. 反之, 如果只是讀書方面唔錯, 不是太喜歡運動, 其實真的有更多免費津校可供選擇.

4) 我相信或許"新協恩"可提供學費資助予其女兒, 但會否對成績有所要求? 如果可心安理得受其資助, 那便勇往直前吧! 但如果我是舅母想女兒讀直資, 如果不是因身體情況不能工作, 我會重投職場工作, 自己用雙手去達成自己的願望, 而不會只要求學校給予資助. 而且舅父退休, 做了幾十年人, 原想逃離生活壓力, 何苦又要為此事而煩惱. 舅父反對好似變成唔捨得用錢在女兒身上, 我覺得對他已做成無形壓力.

我會選擇用自己的能力努力自己想要的.

作者: pooh仔 時間: 11-9-14 01:41 標題: 回覆 29# fallenleaf 的文章

我不是睇少屋村小學, 只是去到競爭時佢哋喺會蝕底.
每間學校都有BAND1,2,3, 有學生入到英中不出為奇, 只是上到去跟唔跟到先喺一個問題. 當然亦有不是卧虎藏龍之人.
我喺這區大, 藍循小學嘅程度相比其他是有差距的.

作者: KK 時間: 11-9-14 14:26

最大問題係：申請>面試>結果
結果a:收你，你才考慮
結果b:學位有限，多謝支持。你唔洗煩

呢個遊戲，我覺得........無奈！

作者: fallenleaf 時間: 11-9-14 16:37

原帖由 pooh仔 於 11-9-14 01:41 發表
我不是睇少屋村小學, 只是去到競爭時佢哋喺會蝕底.
每間學校都有BAND1,2,3, 有學生入到英中不出為奇, 只是上到去跟唔跟到先喺一個問題. 當然亦有不是卧虎藏龍之人.
我喺這區大, 藍循小學嘅程度相比其他是有差距的 ...

藍循今年派位情況。
http://www.ltmps.edu.hk/f1information/form1.htm

作者: wongpower 時間: 11-9-14 18:15

你揀人,人揀你.
既然轉了直資.就有多一個機會.
協恩當然是好學校,想入也非易事.
如果真的是心儀選擇,可不盡力試.
得了可再算吧.

作者: khmama 時間: 11-9-15 18:24

如果父母仲係賺緊錢, 當然讀邊間直資都冇所謂. 事實上讀書係靠個小朋友既, 小朋友識諗既去邊度讀都一樣, 唔係入咗協恩就識飛, 何必咁樣用o的棺材本? 而且要供個女十年先至可以望有收入, 仲要假設個女肯養你. 扣埋書簿, 雜費, 水, 電, 煤, 差餉, 地稅, 交通, 衣食同醫療, 二百萬真係唔係好夠用, 如果父母仲有工作能力, 起碼都要支持到個女中學畢業先食老本就穩陣o的.

作者: Yanamami 時間: 11-9-15 19:30 標題: 回覆 1# khmama 的文章

係啦, 人老左醫療開支會好大...

作者: 小伊 時間: 11-9-19 23:31

好多家長都系掉轉諗野，DGS,話富貴、marynoll,又富貴,st Paul 更富貴，嘩！每間學校有成千人，計埋DBS等等男校，真系一街都富貴。倒不如回到根本，考慮讀書吧！

作者: ANChan59 時間: 11-9-19 23:38

原帖由小伊於 11-9-19 23:31 發表
好多家長都系掉轉諗野，DGS,話富貴、marynoll,又富貴,st Paul 更富貴，嘩！每間學校有成千人，計埋DBS等等男校，真系一街都富貴。倒不如回到根本，考慮讀書吧！ ...

作者: ZZdaphne 時間: 11-9-20 10:47

上完中學. 還有大學學費,
有無考慮到.

我同學兩公婆一直工作,
收入不俗,
個女小學馬小, 中學MCS,
都不用付鈔,
中三完成去了英國讀....

作者: Glau 時間: 11-9-20 10:53

仲有完成六年中學再加大學, 一個唔該要出國讀, 又係另一筆錢. (比板主快一步添)

原帖由 khmama 於 11-9-15 18:24 發表
如果父母仲係賺緊錢, 當然讀邊間直資都冇所謂. 事實上讀書係靠個小朋友既, 小朋友識諗既去邊度讀都一樣, 唔係入咗協恩就識飛, 何必咁樣用o的棺材本? 而且要供個女十年先至可以望有收入, 仲要假設個女肯養你. 扣埋書 ...

[ 本帖最後由 Glau 於 11-9-20 10:54 編輯 ]

作者: ZZdaphne 時間: 11-9-20 10:58

原帖由 Glau 於 11-9-20 10:53 發表
仲有完成六年中學再加大學, 一個唔該要出國讀, 又係另一筆錢. (比板主快一步添)

7年後,唔好話出國,
本地大學學費對樓主親戚來說,都是一筆數...

[ 本帖最後由 ZZdaphne 於 11-9-20 11:09 編輯 ]

作者: fallenleaf 時間: 11-9-20 12:32

原帖由小伊於 11-9-19 23:31 發表
好多家長都系掉轉諗野，DGS,話富貴、marynoll,又富貴,st Paul 更富貴，嘩！每間學校有成千人，計埋DBS等等男校，真系一街都富貴。倒不如回到根本，考慮讀書吧！ ...

睇完後，令我想起「何不食玉糜！」

作者: jollyma 時間: 11-9-20 16:51

我覺得版主咁辛苦長篇大論 , 都只不過係轉過灣來批評協中轉直資啫, 果真用心良苦, 從來津校轉直資都比人批評得體無完膚, 講真你地囡囡當年不論什麼原因入到協小, 已經比好多人好彩好多, 幾多中產家庭派得唔好, 迫住要俾六年學費讀私小既, 如果講賽跑, 你地已經比人帶出咗好多步, 六年過後, 在協小所學既, 點都叫做賺突咗啦, 如今眼見一舊明明差點到口的肥豬肉會有被人搶去的危機? 不是味兒啫? 我成日諗, 自己係納稅人, 又要供養自己仔女, 又要交稅供養人地讀津校既子女, 真係越諗越覺得唔公平, 越來越心理不平衡!!
學其他回覆者話, 香港大把好津校, 比唔起又或者比得起但條氣唔順既, 考慮轉校囉, 有什麼大不了?

作者: fallenleaf 時間: 11-9-20 17:16

原帖由 jollyma 於 11-9-20 16:51 發表
我覺得版主咁辛苦長篇大論 , 都只不過係轉過灣來批評協中轉直資啫, 果真用心良苦, 從來津校轉直資都比人批評得體無完膚, 講真你地囡囡當年不論什麼原因入到協小, 已經比好多人好彩好多, 幾多中產家庭派得唔好, 迫住 ...

沒有甚麼大不了，不過唔知幾時又有另外一間名津校轉直資呢？我估下一間可能係MCS，或者SSGC。

作者: ZZdaphne 時間: 11-9-20 17:23

原帖由 jollyma 於 11-9-20 16:51 發表
我覺得版主咁辛苦長篇大論 , 都只不過係轉過灣來批評協中轉直資啫, 果真用心良苦, 從來津校轉直資都比人批評得體無完膚, 講真你地囡囡當年不論什麼原因入到協小, 已經比好多人好彩好多, 幾多中產家庭派得唔好, 迫住 ...

唉...你係唔係講我呀...我都唔係好辛苦亦唔見得長篇大論,
好似你長D喎...

我無批評協中轉直資的意圖,
只是就樓主的問題寫出個人愚見,
係咪我詞不達意, 令你有所誤會吧.啊!!!!

:loveliness::loveliness:

作者: Whitesnow 時間: 11-9-20 17:32

現實的問題, 要交學費喎, 6年喎, 唔係少數目, 真係要度清楚, 況且呢種名校, 好多遊學團, 課外活動, 駛唔少

作者: fallenleaf 時間: 11-9-20 17:35

原帖由 ZZdaphne 於 11-9-20 17:23 發表

唉...你係唔係講我呀...我都唔係好辛苦亦唔見得長篇大論,
好似你長D喎...

我無批評協中轉直資的意圖,
只是就樓主的問題寫出個人愚見,
係咪我詞不達意, 令你有所誤會吧.啊!!!!

:loveliness::loveliness: ...

版大，放心，應該唔係講你。佢連版主和樓主都未攪清姐！

作者: redkoni 時間: 11-9-20 22:33

原帖由 fallenleaf 於 11-9-20 12:32 發表

睇完後，令我想起「何不食玉糜！」

朋友兒子的同學平時好慳, 朋友兒子常約他去迪士尼佢都話唔去, 有次朋友兒子想到海洋公園平啲, 再約過同學, 同學只能苦笑話阿媽話唔得閒. 其實有不少家庭用每蚊錢都要計住算住, 唔怕得罪, 有少部份飽食無憂米的人, 相信未必能夠體會得到, 所以有咁嘅平台俾不同階層人士大家抒發一下, 也是不錯.

作者: Yanamami 時間: 11-9-20 23:13

的確, 而家MPF都話唔足夠退休用. 樓主舅父/母有"差唔多2百万左右", 又要退休用, 又要供女中&大學用, 唔可以話無壓力. 入直資就好似買車, 唔好忘記仲要入油$、牌費、保險、停車場fee、牛肉乾、驗車$....etc. 唔係話一定要大富大貴先讀得起, 但始終係對家庭開支有壓力, 有負擔.

作者: tchm 時間: 11-9-20 23:53

最慘是讀完協恩, 讀埋大學, 出來做工, 都係得一萬幾千, 本都收唔噃! 而家大學生收入微薄例子多的是!

有壓力,就不要免強!!

歡迎光臨教育王國 (/)