教育王國

標題: 有關考12-13年度直資及私小... [打印本頁]

作者: tokwawan 時間: 11-7-4 22:23 標題: 有關考12-13年度直資及私小...

其實我想問問有經驗既家長, 大家覺得D學校(尤其係名校), 會唔會考慮埋家長既學歷同職業? 特別係去到一D要取捨小朋友既時候?

作者: chanwendy 時間: 11-7-5 11:13

如果會, 你係諗住立即轉行還是虛報職業呢? 平常心吧!

作者: tokwawan 時間: 11-7-5 13:57 標題: 回復 2# chanwendy 的帖子

我諗你誤會了, 我只係想問下啫..何況我係專業人士, 根本唔需要你口中所講既虛報囉...係咪你打算咁做, 所以先會有咁既諗法呢?

作者: ziyi 時間: 11-7-5 14:24

其實,最緊要是小朋友的表現
何況,就算學校真的看父母,都唔會明說啦

原帖由 tokwawan 於 11-7-5 13:57 發表
我諗你誤會了, 我只係想問下啫..何況我係專業人士, 根本唔需要你口中所講既虛報囉...係咪你打算咁做, 所以先會有咁既諗法呢?

作者: 能得利 時間: 11-7-5 16:02

見到你這個問題和回覆, 有點奇怪, 你問這個問題, 是因為
1. 你是專業人士, 怕學校會標籤而不收你小朋友?
2. 你是專業人士, 所以很有信心學校會因此加分而收你小朋友?

別人也只是奇怪有這個問題才有#2的回應, 請不要太多心吧~
考學校正常都是考小朋友, 如果家長是專業人士, 係法官又如何? 如果小朋友係公主/王子病, 相信考學校都一樣會比普通打工仔既非公主/王子子女輸蝕. (當然某些貴族學校除外)

我不是說樓主都子女是公主/王子, 請別誤會, 謝謝!

原帖由 tokwawan 於 11-7-5 13:57 發表
我諗你誤會了, 我只係想問下啫..何況我係專業人士, 根本唔需要你口中所講既虛報囉...係咪你打算咁做, 所以先會有咁既諗法呢?

作者: jeremyphlam 時間: 11-7-5 18:35

我覺得主要是睇學生。但在這裡也見過有人呻話自己個小朋友入了很多學校2nd in(i.e.要見埋父母)，但最後沒有任何offer。你話唔關父母表現事我唔係好信。

另外，我唔知某家長所謂的專業人士有幾"專業"。考得呢類學校十個可能有七、八個家庭都係乜乜"專業"，物物"碩士博士"，亦唔見得有幾尊貴，唔需要係到表明身份。

除非你係E神級的"專業"歌唱家或國寶級的"專業"運動員，我唔認為個"專業"對申請直資有乜幫助。

作者: 莎莎莉莉 時間: 11-7-5 18:44

一定有關係, 我深信
想像下, 你自己係教師主教, 你自己會點揀.

仲有, 我好深信, 果D一家溫情洋溢的, 一定比單親阿爸阿媽機會大.

作者: 戀仔狂 時間: 11-7-5 19:52

原帖由 莎莎莉莉 於 11-7-5 18:44 發表
一定有關係, 我深信
想像下, 你自己係教師主教, 你自己會點揀.

仲有, 我好深信, 果D一家溫情洋溢的, 一定比單親阿爸阿媽機會大.

又未必喎, 我係單親, 我個仔咪一樣有直資同私小收, 唔通單親就冇溫情??

作者: thomasha 時間: 11-7-5 20:19

以己度人，不如設身處地。

原帖由 莎莎莉莉 於 11-7-5 18:44 發表
一定有關係, 我深信
想像下, 你自己係教師主教, 你自己會點揀.

仲有, 我好深信, 果D一家溫情洋溢的, 一定比單親阿爸阿媽機會大.

作者: GBM 時間: 11-7-6 00:26

不如咁講 , 當自己係校方.  我諗係:

小朋友表現以及禮儀  <  選一批出黎, 但當中有d小朋友係必入嘅, 因為當日表現好ok.

再黎, 上面已入選嘅, 會安排與家長會面.  marginal 嘅會睇家長談吐攞分.  < ok又選咗一批出黎.  有d又係見完家長必入嘅.

上面marginal嗰d, 可能會真係細心睇portfolio, 而家就會望吓家長職業, 學生平時成績.

跟住就會得出waiting list結果同埋入選名單.

p.s. 以上係我個人估計, 大家討論吓咋.

作者: GBM 時間: 11-7-6 00:28

原帖由 莎莎莉莉 於 11-7-5 18:44 發表
一定有關係, 我深信
想像下, 你自己係教師主教, 你自己會點揀.

仲有, 我好深信, 果D一家溫情洋溢的, 一定比單親阿爸阿媽機會大.

我深信無一間學校會睇小朋友係咪單親去比分數.

作者: tinyuichan 時間: 11-7-6 06:49

原帖由 莎莎莉莉 於 11-7-5 18:44 發表
一定有關係, 我深信
想像下, 你自己係教師主教, 你自己會點揀.

仲有, 我好深信, 果D一家溫情洋溢的, 一定比單親阿爸阿媽機會大.

若是單親家庭請在填表時清楚說明, 切勿隱瞞, 莫等到面試時才讓校長摸不著頭腦, 個人見解是”單親”不會影響子女入學機會, 始終很多辦學團體原本就是社福機構, 如聖公會自香港開埠已經收養孤兒, 保良局宗旨更是保護婦孺, “單親”應該更受照顧! (當然切勿為此離婚!)
http://hk.myblog.yahoo.com/[email protected]

作者: 莎莎莉莉 時間: 11-7-6 08:30

原帖由 tinyuichan 於 11-7-6 06:49 發表

若是單親家庭請在填表時清楚說明, 切勿隱瞞, 莫等到面試時才讓校長摸不著頭腦, 個人見解是”單親”不會影響子女入學機會, 始終很多辦學團體原本就是社福機構, 如聖公會自香港開埠已經收養孤兒, 保良局宗旨更是保護 ...

唉, 我都知係咁
但實際係點, 邊個會知呢?
學校都會睇家庭的support係咪夠吧
美其名係話家校要合作
實際咪又係睇下小朋友的家庭背景

否則, 駛乜成日都話最好父母都要一齊來interview?
都係想知, 父母係咪都重小視小朋友吧?
但重視的定義是甚麼?
一定要所有活動都要同小朋友一齊參與?
父母手停口停的, 無時間陪小朋友,
不會扣分? 真係咁公道?

單親, 無話一定唔收. 你小朋友真係叻, 又點會唔收
但, 如果同時間兩個都咁好呢? 到時, 呢d marginal factor就會發揮作用了
真係完全無影響咩?

而且, 實在見得太多, 現實社會係, 講一套, 做又另一套.

作者: 莎莎莉莉 時間: 11-7-6 08:32

原帖由 GBM 於 11-7-6 00:28 發表

我深信無一間學校會睇小朋友係咪單親去比分數.

哪間學校會明目張膽話單親會扣分?
但實際去評估時, 唔係真係咁黑白分明的
我都識人在直資小學教, 有時, 佢地評係咪收一個學生, 多少都帶點主觀的.

作者: 莎莎莉莉 時間: 11-7-6 08:35

原帖由 thomasha 於 11-7-5 20:19 發表
以己度人，不如設身處地。

設身處地的意思, 咪就係想像自己係果位主教老師, 校長,
你會點揀囉~

假如, 某天有一對父母, 好有文化咁出現在你面前, 談吐得體
另外係一個為小朋友趕到裙拉褲甩地, 放下手上工作的單親爸媽來, 又唔多識講野.

兩個小朋友相若表現, 你又會唔會有preference呢?
家長果d分係點比?

面試者, 講到尾, 就係看門面表現.
否則, 面試班又點會成行成市, 連幼稚園都話要

[ 本帖最後由莎莎莉莉於 11-7-6 08:36 編輯 ]

作者: thomasha 時間: 11-7-6 09:01

設身處地，就是放下自己的價值觀，以對方的價值觀來衡量。

門面在小朋友來說很快就會被拆穿，要使其成為習慣，不能單靠操練，還得好好的教育子女。

小朋友先要見老師及/或校長，才輪到家長見校長見家長，首輪沒家長的份兒，而且競爭大得多，所以面試的重點應放在怎樣令孩子在首輪面試能夠晉級。

也許單親人士在教育子女方面的確可能吃虧一點，不過一個肯用心教孩子的爸/媽，總比一對忙碌得很，把照顧孩子責任交給家傭，把教育孩子責任交給補習老師的爸媽好。

總而言之，誰有優勢是沒有絕對的，要看個別情況。

原帖由 莎莎莉莉 於 11-7-6 08:35 發表

設身處地的意思, 咪就係想像自己係果位主教老師, 校長,
你會點揀囉~

假如, 某天有一對父母, 好有文化咁出現在你面前, 談吐得體
另外係一個為小朋友趕到裙拉褲甩地, 放下手上工作的單親爸媽來, 又唔多識講野.

兩 ...

作者: water55 時間: 11-7-6 10:40

咁我有想問下住的地方如：屋村、豪宅又會影響直資及私小收生？

作者: 戀仔狂 時間: 11-7-6 10:53

http://www.enrichculture.com/bk/270/%E3%80%8A%E5%96%AE%E9%A3%9B%E5%AA%BD%E5%92%AA%E3%80%8B.htm

呢本書係講一個黎自基層既單親媽咪既生活, 個單親小孩今年考入左傳統名牌直資男校!

書入面好清楚咁交待左呢個小朋友由面試到取錄既情況~

作者: MonMumMum 時間: 11-7-6 13:24

從不同小學的 2nd Interview (見家長)来看, 他們主要看家庭的教育理念, 是不是跟小學一致. 例如要求學術水平高的小學, 你跟她説愉快學習, 重唔死得? 看出来大部分的校長非常討厭港孩類的小孩, 家長只要在回答時注意一下就可. 面試前最好想想簡介會或上网看一看资料.
不過, 有得2nd Interview再説吧, 始终小孩的表現最重要.
至于Interview的衣服, smart casual是基本的要求, 應該不會短褲踢拖去吧.

作者: tinyuichan 時間: 11-7-6 16:29

原帖由 water55 於 11-7-6 10:40 發表
咁我有想問下住的地方如：屋村、豪宅又會影響直資及私小收生？

16.
是否住豪宅, 坐名車, 是否環遊世界, 是否富貴等在今時今日是很難再成為收生準則的, 縱是學校想也極難執行, 因為領導層不能或不敢下達這麼一個指令, 校內若有任何一個正義職工在facebook隨意一寫, 學校立即會被千夫所指! 不過, 其實學費早已將學生不經意地分類。

作者: 莎莎莉莉 時間: 11-7-6 19:19

或者, 我對人性係悲觀
老師都只係人, 係咪個個都有咁好的教育理念, 係咪個個都係有教無類? 我真係唔樂觀
我只見, 唔少會揀d覺得易教的學生去收囉...

作者: MonMumMum 時間: 11-7-6 21:56

反而我覺得小一面試中的游戯活動環節是用來screen out自閉，AD等特别需要支援的小朋友。

作者: talknwrite 時間: 11-7-6 22:35

事實係, 最好的老師能把問題學生教好的機會是低的, 沒有要求就不用面試, 應先到先得或抽籤, 這樣的學校, 你可能也不會報, 因為和一般津官校都係一樣成績平平, 問題學生多多. 有得選擇的話,都想選d聽教聽話,聰明醒目的, 等於父母如果有得揀生什麼的小朋友,無論你幾有愛心, 你都希望生個醒目仔女, 係咪!

直資學校吸引你們報, 其中一個原因是入面的學生差極都有個譜, 因此教學水平也不用被拖得太低.

作者: granlee 時間: 11-7-7 12:43 標題: 回復 9# 莎莎莉莉的帖子

SUPERRRRRRRRRRR AGREED !!

歡迎光臨教育王國 (/)