教育王國

標題: 旅港開平商會中學討論區 [打印本頁]

作者: 漢堡飽 時間: 11-5-10 11:16 標題: 旅港開平商會中學討論區

星期五有中三家長會，會去嗎？

作者: delimama 時間: 11-5-11 14:04

原帖由 漢堡飽 於 11-5-10 11:16 發表
星期五有中三家長會，會去嗎？

Hi 漢堡飽,
剛發現此頁，是否我們的new home?
小兒仍是F.2，但很有興趣了解開平中四選科的安排。家長會後，可否在此分享一下？謝謝。

作者: 漢堡飽 時間: 11-5-13 21:52

開完家長會，主要是要子女按他的興趣及能力選科，中四A及B班會修M1及M2的同學，其餘三班無特別分，只是按意願從全級的成績先後優先分配。而M1或M2卻是從數學科成績排名編入。
總之全級成績愈好，愈早編到自己喜歡的科目，而數學全級第81後，基本無機會入AB班，除非有人放棄修M1M2，不過AB班不是精英班，唔好誤會。
編制幾公平，最重要自己的孩子唔好揀錯科，唔好以為自己讀到。

[ 本帖最後由漢堡飽於 11-5-13 21:53 編輯 ]

作者: lk362 時間: 11-5-14 19:58

原帖由 漢堡飽 於 11-5-13 21:52 發表
開完家長會，主要是要子女按他的興趣及能力選科，中四A及B班會修M1及M2的同學，其餘三班無特別分，只是按意願從全級的成績先後優先分配。而M1或M2卻是從數學科成績排名編入。
總之全級成績愈好，愈早編到自己喜歡的科目，而數學 ...

唔一定排第81後就無機會入A/B班
總有排頭80既唔揀M1/M2
而呢個人數年年都唔同
當然,總成績好有利揀科
但基本上成績唔係好差,都會入到自己喜歡既科目!
最近有冇睇新聞?
334唔係人人都handle到,
讀既野又多又深!
好多學生都要drop科.

作者: 漢堡飽 時間: 11-5-15 07:15

旅港有學生drop科嗎？老師無講。
排名較後的學生選科較吃虧，好被動。
最近一次選科問卷，A班選M1or M2的有40人，最多選的科目是chem, phys, bio, econ，chem有32人，唔怪得化學有三班。

原帖由 lk362 於 11-5-14 19:58 發表

唔一定排第81後就無機會入A/B班
總有排頭80既唔揀M1/M2
而呢個人數年年都唔同
當然,總成績好有利揀科
但基本上成績唔係好差,都會入到自己喜歡既科目!
最近有冇睇新聞?
334唔係人人都handle到,
讀既野又多又深!
好多 ...

作者: 一家的太陽 時間: 11-5-15 16:37

漢堡飽,
多謝你的分享!
雖然阿仔離選科還早,但都有參考作用.

作者: lk362 時間: 11-5-15 21:30

原帖由 漢堡飽 於 11-5-15 07:15 發表
旅港有學生drop科嗎？老師無講。
排名較後的學生選科較吃虧，好被動。
最近一次選科問卷，A班選M1or M2的有40人，最多選的科目是chem, phys, bio, econ，chem有32人，唔怪得化學有三班。

...

有,但人數應該不多!?
drop科係個人決定,
有d學生讀唔到三個選修科,
集中讀兩個選修科成績可能好d.
中三phy,chem,bio都係basic野
到中四係第二個世界...
最好去書局睇下d書,睇下明唔明,有冇興趣~
都幾多學生選phy+chem+? / chem+bio+ ?
?多數係econ,geog...
phy+bio+ ?
呢個組合就麻麻,
兩科關係不大!

[ 本帖最後由 lk362 於 11-5-15 21:31 編輯 ]

作者: 漢堡飽 時間: 11-5-15 23:19

最理想是phys, bio 及 econ，可說是全方位，萬無一失。奈何小女對經濟已到了討厭情度。
不過到他大個女，出到社會就會覺得讀econ的重要。到時再算，econ 到處都有得學，暫時不揀影響不大啩？

原帖由 lk362 於 11-5-15 21:30 發表

有,但人數應該不多!?
drop科係個人決定,
有d學生讀唔到三個選修科,
集中讀兩個選修科成績可能好d.
中三phy,chem,bio都係basic野
到中四係第二個世界...
最好去書局睇下d書,睇下明唔明,有冇興趣~
都幾多學生選phy+ch ...

作者: cocopig 時間: 11-6-6 23:06

各位家長好，小女今年選擇了旅港開平為第一志願（自行及統一也是），雖然未放榜，但係想問問如果幸運獲派此學校，跟住嚟緊在暑假的時間表會是怎樣的呢？即是旅港會有甚麼班要新生參加呢？是在甚麼時候呢？一兩天？整個暑假？還是集中在八月尾？

因為我想幫女兒報讀一些暑期班及想去旅行，但又未知新學校的時間, 所以想了解一吓。

如果問學校，可以問到嗎？

作者: lk362 時間: 11-6-7 19:21 標題: 回覆 9# cocopig 的文章

15/8-19/8 F.1 English Bridging Programme
21/8 F.1 Orientation & Parents' Day
你可以去校網,按 School Calendar就睇到

作者: cocopig 時間: 11-6-7 22:53 標題: 回覆 10# lk362 的文章

thanks a lot

作者: 漢堡飽 時間: 11-6-9 08:04

lk362 我有些間題,請你幫忙.可否在私人傳訊查閱解答. 謝謝
漢堡包

作者: lk362 時間: 11-6-9 20:22

原帖由 漢堡飽 於 11-6-9 08:04 發表
lk362 我有些間題,請你幫忙.可否在私人傳訊查閱解答. 謝謝
...

已覆!

作者: 漢堡飽 時間: 11-6-10 12:37

lk362

謝謝你的回覆,但還有小小問題,可否在私人傳訊中再解答呢？多謝幫忙。

漢堡包

作者: lk362 時間: 11-6-10 20:39 標題: 回復 14# 漢堡飽的帖子

ok!

作者: cocopig 時間: 11-6-27 14:45

想問問各位媽咪，旅港原來無叩門位，佢哋話到時放低資料喺門口就走得，有位會通知我, 係咪以前都係咁架?

點解會無叩門位嘅？萬一派唔到，機會咪好渺茫! 死啦，突然好驚呀!

作者: 一家的太陽 時間: 11-6-27 22:08

如果你肯定你的小朋友屬Band1組別,又放開平第一志願,絕大機會可以入讀.

作者: cocopig 時間: 11-6-30 01:11

係就係band 1生，但係亞女係跨網，仲要係個弱啲網轉過去, 所以我好擔心

原帖由 一家的太陽 於 11-6-27 22:08 發表
如果你肯定你的小朋友屬Band1組別,又放開平第一志願,絕大機會可以入讀.

作者: delimama 時間: 11-6-30 10:25

原帖由 cocopig 於 11-6-30 01:11 發表
係就係band 1生，但係亞女係跨網，仲要係個弱啲網轉過去, 所以我好擔心

cocopig

當年曾聽校長說，開平不設叩門位，但若自行有報名，放榜後又不理想，可致電學校留低名字，他們會翻看學生資料作考慮，若有位而又適合，便會致電confirm.
他說這是為了免卻對家長和學校time pressure, 但最主要是免除學生再要面試筆試的壓力。

相信你囡囡會成功入讀。但你可作兩手準備，上網download其他心儀學校的叩門表格並準備所須資料，萬一需要，除致電開平外，可立刻前往其他選擇。但很多學校須要學生即日考試，而且process 既dragging又demanding. 現在可跟囡囡做點mental preparation先。

Anyway, I wish you all the best，九月在開平見。
Good luck.

作者: cocopig 時間: 11-6-30 13:59

咁我真係好有誠意入開平架，我自行同統一都選開平係第一位

作者: jemm 時間: 11-7-1 10:21 標題: 2011 A Level 成績

收到料今年有兩位同學A Level 有四優二良。升中六時, 成績好的同學被拔尖和去了莊啟程和恆商, 還有此好成績, 可喜可賀，開平加油！

作者: delimama 時間: 11-7-1 13:17 標題: 回復 21# jemm 的帖子

對啊，今天明報所載的其中一位恆商狀元便是來自開平的

作者: 漢堡飽 時間: 11-7-1 22:03

原帖由 delimama 於 11-7-1 13:17 發表
對啊，今天明報所載的其中一位恆商狀元便是來自開平的

希望我們的兒女都有份，哈哈！

作者: 漢堡飽 時間: 11-7-4 19:13

看初中教育版，見家長對學期又完，對自己的兒女有不同評價。
我們開平的孩子呢？今年你們的仔女表現如何？有進步嗎？成熟了嗎？駁多咗咀嗎？
有無特別變化呢？

作者: 漢堡飽 時間: 11-7-7 13:06

Senpei:

我女兒小學讀津小，成績過得去。
她中一時適應不太難，無太大問題，只是太多科目，有些科好強，有些科較弱。
我估要睇你讀的小學的水平，有些可能比較弱，即使他在小學排名很高，但到開平讀時就發覺差好遠。我女兒的同學亦有不少，不過肯努力，一定可以應付，記著，你孩子是band 1學生，唔好睇低你的孩子！

作者: senpei 時間: 11-7-7 22:08 標題: 多謝分享

原帖由 漢堡飽 於 11-7-7 13:06 發表
Senpei:

我女兒小學讀津小，成績過得去。
她中一時適應不太難，無太大問題，只是太多科目，有些科好強，有些科較弱。
我估要睇你讀的小學的水平，有些可能比較弱，即使他在小學排名很高，但到開平讀時就發覺差好遠。我女兒的同學亦 ...

漢堡飽, 很多謝你的分享...

作者: dawnhu 時間: 11-7-8 12:48

你哋小朋友中一時是自己返學放學的嗎？

剛註冊了，書單已派，要成＄2400，原來中學啲書係咁貴，不過今年第一年，當然買新書啦，但係你哋多唔多人用舊書嘅呢？

作者: maggiepang 時間: 11-7-8 13:58 標題: 回復 1# dawnhu 的帖子

我女今年升F.2，佢好樂意用舊書，昨日已經同個師姐講好咗，自已D書又有幾本買比小學升上嚟个師妹。只要D書唔太舊都OK啦！

作者: jemm 時間: 11-7-8 14:00

我阿仔今年升中二, 他是自己乘巴士/小巴返學。

第一年升中一買新書無妨。但用舊書可以慳很多錢。阿仔和中二一位師姐make a deal, 用 HKD500.00 買下中二可用的舊書。

好像今天 (Friday) 下午校內有舊書買賣, 全部 50%off 或以下, 可致學校確定並立即去看看。

作者: dawnhu 時間: 11-7-8 14:28

係呀，今日晏晝有舊書賣，不過今朝又落咗訂，晏晝又要返工，而且今年第一年，人新路不熟，買新書貴啲都無辦法啦，下年啦，下年就會買舊書。

我頭先禁過計數機，原來要成2900呀！係用咗啲coupon先係2400 ja，唉！好貴好貴！原來用舊書可以平一半咁多，但係多唔多舊書可以用得返嘅呢？即係會唔會成日改版？

作者: jemm 時間: 11-7-8 15:12

Besides exercise books, there are around 70% - 80% books can be used.
However, some used exercise books are still very new that can be used.

作者: 漢堡飽 時間: 11-7-12 22:55

今日是他們學年最後一日，在facebook見到他們影相留念，彼此都好珍惜大家的友誼，好為他們開心。年青人就是這樣長大。

作者: lk362 時間: 11-7-14 16:36

漢堡飽:
你的女兒是否最後選了甚麼科?

作者: 漢堡飽 時間: 11-7-15 22:25 標題: 回復 1# lk362 的帖子

女兒最後選phy, chem and bio，因三科都是她最高分的科目，她亦對此三科很有興趣。我們本來希望她一科選econ,但這科她好不穩定，一時會不及格，一時又幾高分。
看中四的書，似乎比中三深得多，中四易應付嗎?高中又好似要負責好多課外的事，如peer,prefect等，好似好多事。

作者: lk362 時間: 11-7-16 10:09

原帖由 漢堡飽 於 11-7-15 22:25 發表
女兒最後選phy, chem and bio，因三科都是她最高分的科目，她亦對此三科很有興趣。我們本來希望她一科選econ,但這科她好不穩定，一時會不及格，一時又幾高分。
看中四的書，似乎比中三深得多，中四易應付嗎?高中又好似要負責好多 ...

其實揀咩科最重要都係有興趣,
中四都不算難應付,
仲可以參加不同既課外活動.
不過,現在就要好好享受中三的暑假~
因為中四,五的暑假要回校補課.
今年中五的暑假差不多天天都有不同科的補課...

作者: pandato 時間: 11-7-16 13:22

旅港今年有兩星期長以及免費的F.1英文銜接班，並會在外聘請導師任教。

作者: 漢堡飽 時間: 11-7-16 15:06 標題: 回復 2# lk362 的帖子

我都知，所以今年出外旅行，之後兩年未必去，讓她專心一點。

作者: lk362 時間: 11-7-16 21:44

原帖由 漢堡飽 於 11-7-16 15:06 發表
我都知，所以今年出外旅行，之後兩年未必去，讓她專心一點。

我上年都有去旅行

今年要專心讀書啦.
你女兒有沒有補習?
現在課程又多又深,阿女都要出去補習.

作者: 漢堡飽 時間: 11-7-17 13:22

原帖由 lk362 於 11-7-16 21:44 發表

我上年都有去旅行
今年要專心讀書啦.
你女兒有沒有補習?
現在課程又多又深,阿女都要出去補習.

當然有啦！唔去補習好似無安全感。靠她自己溫，始終不及高人指點快。通識有補嗎？都唔知識溫？

作者: lk362 時間: 11-7-17 20:40

原帖由 漢堡飽 於 11-7-17 13:22 發表

當然有啦！唔去補習好似無安全感。靠她自己溫，始終不及高人指點快。通識有補嗎？都唔知識溫？

反而阿女無去補通識喎.
佢話作用不大.
佢話通識最緊要識答題技巧(老師平時有教)+留意時事(當然英文不能太差...)

作者: dawnhu 時間: 11-7-20 13:56

請問你哋小朋友係咪喺學校附近有補習舍還是其他地方？

作者: 漢堡飽 時間: 11-7-20 15:04

原帖由 dawnhu 於 11-7-20 13:56 發表
請問你哋小朋友係咪喺學校附近有補習舍還是其他地方？

各有所需，各有不同的補習社，不過最好睇清楚自己的孩子是否一定要補習。

作者: lk362 時間: 11-7-20 19:26

高中多數去大型補習社.
如果低form私人補習會有針對性d~

作者: detungmama 時間: 11-7-20 23:28

中一編班結果出左喇, 大家快D上去學校個網到睇啦 !!

作者: dawnhu 時間: 11-7-21 00:12

知唔知係跟據乜嘢嚟分班嫁呢？ 1A 啲成績係咪最好嗰啲？

作者: JA93 時間: 11-7-21 01:05

漢堡飽:

請問你的女兒在哪裏補習?可否介紹給我?

謝謝!

作者: 漢堡飽 時間: 11-7-21 09:49

原帖由 dawnhu 於 11-7-21 00:12 發表
知唔知係跟據乜嘢嚟分班嫁呢？ 1A 啲成績係咪最好嗰啲？

中一無精英班，1A一樣是普通班，無分高低。中二就開始分, A班是精英班，中三也是。

作者: 漢堡飽 時間: 11-7-21 09:58

原帖由 JA93 於 11-7-21 01:05 發表
漢堡飽:

請問你的女兒在哪裏補習?可否介紹給我?

謝謝!

我女兒曾在各大補習社補過，成效不太顯著，仍在尋找與她夾的老師，我覺得是人夾人，我女兒覺得好又不等於適合你的，還有大家程度可能又不同，有人覺得蕭源好，但我女兒又覺得唔適合她。

作者: dawnhu 時間: 11-7-21 11:36

原帖由 漢堡飽 於 11-7-21 09:49 發表

中一無精英班，1A一樣是普通班，無分高低。中二就開始分, A班是精英班，中三也是。

原來係咁，我亞女去咗E班，佢好唔開心, 意為自己成績差!

作者: dawnhu 時間: 11-7-21 11:39

又有問題添，啲校服係咪得愛民村嗰間可以買？其他地方有得賣嗎？因為好少去到嗰邊

作者: lk362 時間: 11-7-21 14:11

原帖由 dawnhu 於 11-7-21 11:36 發表

原來係咁，我亞女去咗E班，佢好唔開心, 意為自己成績差!

A,B,C係普通班,D班係中,英,數差d
1E好似英文差d,
上英文堂分兩班上.
校服土瓜灣都有得賣,
係德信商場(天光道附近).

作者: dawnhu 時間: 11-7-21 14:51

其實啲同學仔係咪大部分來自開平小學嘅呢?

作者: lk362 時間: 11-7-21 19:08

原帖由 dawnhu 於 11-7-21 14:51 發表
其實啲同學仔係咪大部分來自開平小學嘅呢?

唔係架,我諗最多都係10個左右來自開平小學~

作者: detungmama 時間: 11-7-21 21:21

我囡中一時都係 E 班架, 只係英文分兩個 group 上堂, 其他係一樣架. 九月佢都升中二喇

原帖由 dawnhu 於 11-7-21 11:36 發表

原來係咁，我亞女去咗E班，佢好唔開心, 意為自己成績差!

作者: detungmama 時間: 11-7-21 21:23

呀囡升中二, 不過未知升邊班, 係咪要到九月開學先知架.

作者: dawnhu 時間: 11-7-22 00:01

請問你哋話英文分兩組，可以講多少少我知嗎？只有1E的英文堂要分兩組？還是全級都要？ thanks

作者: 漢堡飽 時間: 11-7-22 08:46

原帖由 detungmama 於 11-7-21 21:23 發表
呀囡升中二, 不過未知升邊班, 係咪要到九月開學先知架.

你試吓去學校內聯網女兒郵箱望一望。

作者: detungmama 時間: 11-7-22 14:31

THANKS

原帖由 漢堡飽 於 11-7-22 08:46 發表

你試吓去學校內聯網女兒郵箱望一望。

作者: lk362 時間: 11-7-22 19:25

1A,1B,1C所有科一齊上
1D 中,英數分兩班上
1E英文分兩班上
升中2-3分班好似8月尾先有架

作者: dawnhu 時間: 11-7-22 22:50

明白了, thank you very much

原帖由 lk362 於 11-7-22 19:25 發表
1A,1B,1C所有科一齊上
1D 中,英數分兩班上
1E英文分兩班上
升中2-3分班好似8月尾先有架

作者: 一家的太陽 時間: 11-7-24 21:30 標題: 想聽聽其他家長意見!

阿仔今年升F2.
F1冇出去補習,成績一般.
計畫F2出去補1,2門比較弱的科目.
打算安排星期六出去補習.

但最近有機會報名參加一個非牟利團體的音樂隊,極有可能錄取.雖然唔收任何費用,但練習時間一週2次.星期五晚上及星期日上午(9點~下午1點).
既然報名參加,就希望阿仔出席每次的練習,但考慮到星期一到五上課,星期六補習,星期天樂隊練習,會唔會太辛苦?

老公有些反對,認為學生以學習為主,但我又好想阿仔多些其他興趣活動.
阿仔學咗長笛4年多,一直係請老師一對一教,前幾個月因唔肯練習而被我cut咗.
如果放棄這次機會,我估以後都唔會有機會再接觸長笛.所以都希望佢可以一路玩下去.但又驚影響佢學業.

如果喺你,你會點選擇?

作者: Yanamami 時間: 11-7-24 22:16

It all depends....如果囝囝好有興趣就自然唔怕辛苦, 但無興趣就拉牛上樹. 到底係佢自己要參加定係你想佢參加?

原帖由 一家的太陽 於 11-7-24 21:30 發表
阿仔今年升F2.
F1冇出去補習,成績一般.
計畫F2出去補1,2門比較弱的科目.
打算安排星期六出去補習.

但最近有機會報名參加一個非牟利團體的音樂隊,極有可能錄取.雖然唔收任何費用,但練習時間一週2次.星期五晚上及星期 ...

作者: 一家的太陽 時間: 11-7-24 22:26

佢自己都想嘅.
因為知道今次唔把握機會,恐怕以後都冇得玩.
而且去面試時,對d面試官的哥哥仔留下極好印象.
一起玩的都是中學生到30以下的後生仔.

原帖由 Yanamami 於 11-7-24 22:16 發表
It all depends....如果囝囝好有興趣就自然唔怕辛苦, 但無興趣就拉牛上樹. 到底係佢自己要參加定係你想佢參加?

作者: dawnhu 時間: 11-7-24 22:30

我註冊嗰日賣書個職員刻意講明書單無包字典，咁請問開平會用哪些字典呢？我想襯呢排書展買埋，會平啲, thanks!

作者: 一家的太陽 時間: 11-7-24 22:37

阿仔用緊小學高年級時買的牛津高級英漢雙解詞典.(大本屋企用,袖珍版放書包帶返學校用)

作者: dawnhu 時間: 11-7-24 22:37

原帖由 一家的太陽 於 11-7-24 22:26 發表
佢自己都想嘅.
因為知道今次唔把握機會,恐怕以後都冇得玩.
而且去面試時,對d面試官的哥哥仔留下極好印象.
一起玩的都是中學生到30以下的後生仔.

一家的太陽，
我女也是學長笛的，小學時跟學校安排的導師上堂，都煩緊中學後去邊到上堂。聽你這樣說，開平是沒有長笛班的了？

啱啱見到你的msg，那麼中文字典要嗎？

[ 本帖最後由 dawnhu 於 11-7-24 22:39 編輯 ]

作者: 一家的太陽 時間: 11-7-24 22:43

學校有長笛班,請出面中心來教.
玩得好的,仲可以加入學校樂團.
只不過學校樂團似乎剛成立不久,實力唔夠雄厚.(與黃笏南比)
學校都好有心成立樂團,所以鼓勵F1學生每人都學一樣樂器.
不過開平好在唔會迫學生或家長一定要做某件事.
I like.

原帖由 dawnhu 於 11-7-24 22:37 發表

一家的太陽，
我女也是學長笛的，小學時跟學校安排的導師上堂，都煩緊中學後去邊到上堂。聽你這樣說，開平是沒有長笛班的了？

作者: 一家的太陽 時間: 11-7-24 22:47

唔覺得阿仔要用中文字典.

也可能因為如此,阿仔中文成績真係麻麻.

希望有其他家長可以分享.

作者: dawnhu 時間: 11-7-24 22:51 標題: 回復 68# 一家的太陽的帖子

這樣就好了，亞女本身也是管樂團的，希望第二日可以繼續， thanks

作者: maggiepang 時間: 11-7-25 12:30 標題: 回覆 2# 一家的太陽的文章

我女都喺升F.2，科中文又喺麻麻，唯有叫佢多看書及做D練習簿啦。

佢都有join學校個管弦樂團，但唔喺長笛，佢都好enjoy玩。

dawnhu:
佢都識得個有名的長笛老師Miss Ivy Chung莊雪華，上綱查下都有佢D料，Grade幾？如你有興趣就幫你問下價錢同地點呀！應該喺一對一教。

作者: lk362 時間: 11-7-25 19:15

原帖由 一家的太陽 於 11-7-24 21:30 發表
阿仔今年升F2.
F1冇出去補習,成績一般.
計畫F2出去補1,2門比較弱的科目.
打算安排星期六出去補習.

但最近有機會報名參加一個非牟利團體的音樂隊,極有可能錄取.雖然唔收任何費用,但練習時間一週2次.星期五晚上及星期 ...

既然阿仔有興趣就鼓勵佢參加啦.
F.1適應左學校生活,F.2應該會輕鬆d
同埋你個仔有冇其他課外活動?
我覺得除左專注學習外,有適當既課外活動都好重要.
只要你個仔有興趣,佢就唔會話辛苦~

作者: lk362 時間: 11-7-25 19:21

原帖由 一家的太陽 於 11-7-24 22:47 發表
唔覺得阿仔要用中文字典.

也可能因為如此,阿仔中文成績真係麻麻.mouth:" /> mouth:" />
希望有其他家長可以分享.

我個女中文成績都係一般,
我諗最好都係要睇多d書.
佢話做綀習效果都不大.
不過,我覺得文言文就一定要做多d先熟.

作者: lk362 時間: 11-7-25 19:27

原帖由 dawnhu 於 11-7-24 22:30 發表
我註冊嗰日賣書個職員刻意講明書單無包字典，咁請問開平會用哪些字典呢？我想襯呢排書展買埋，會平啲, thanks!

阿女好似剩係F.3要帶字典(上普通話).
我有買牛津字典+快x通字典機比佢,
初初好多字要查,用字典機比較方便.

作者: 一家的太陽 時間: 11-7-25 21:07

佢本身已加入學校田徑隊,一個星期有2天放學後訓練.
但佢運動神經很差,完全是陪跑一族.
正因為平時要訓練,才想把補習安排在周末.
仲有,佢小學成績都算幾好,但中一成績麻麻,所以佢爸爸對佢參加多一項課外活動有微言.

原帖由 lk362 於 11-7-25 19:15 發表

既然阿仔有興趣就鼓勵佢參加啦.
F.1適應左學校生活,F.2應該會輕鬆d
同埋你個仔有冇其他課外活動?
我覺得除左專注學習外,有適當既課外活動都好重要.
只要你個仔有興趣,佢就唔會話辛苦~ ...

作者: 一家的太陽 時間: 11-7-25 21:09

除了字典,阿仔都有一部朗文字典機傍身.
的確要方便好多.

作者: dawnhu 時間: 11-7-26 12:51

oh，又要買部字典機!

作者: lk362 時間: 11-7-26 18:57

原帖由 dawnhu 於 11-7-26 12:51 發表
oh，又要買部字典機!

其實上網查都得,
http://dictionary.cambridge.org/
如果買,買部平平地都ok(~$1000)
有d成$3xxx,
但彩色,聽歌,影相既功能就冇乜用.

作者: lk362 時間: 11-7-26 19:06

原帖由 一家的太陽 於 11-7-25 21:07 發表
佢本身已加入學校田徑隊,一個星期有2天放學後訓練.
但佢運動神經很差,完全是陪跑一族.
正因為平時要訓練,才想把補習安排在周末.
仲有,佢小學成績都算幾好,但中一成績麻麻,所以佢爸爸對佢參加多一項課外活動有微言.

...

如果成績中上,參加多一項課外活動都ok
但成績係中下游就真係要諗清楚先 .
不過,F.2同F.1都係讀d個科,
佢可能適應左每科既考試方法,成績會有進步都唔定~
(我記得以前阿女F.2成績都係好過F.1)

作者: 一家的太陽 時間: 11-7-28 19:43

阿仔成績唔夠標青,但又唔至於讀得辛苦.
如果錄取,我會俾佢試一年.
F2成績冇進步,則會Cut一樣課外活動.
多謝你的意見.

原帖由 lk362 於 11-7-26 19:06 發表

如果成績中上,參加多一項課外活動都ok
但成績係中下游就真係要諗清楚先 .
不過,F.2同F.1都係讀d個科,
佢可能適應左每科既考試方法,成績會有進步都唔定~
(我記得以前阿女F.2成績都係好過F.1) ...

作者: jemm 時間: 11-7-28 20:51 標題: 回復 79# 一家的太陽的帖子

佢鍾意就俾佢試吓啦! 我阿仔都參加咗田陘隊和在校外嘅弦樂團, 初中佢哋可以自由D嘅.

作者: 一家的太陽 時間: 11-7-29 21:31 標題: 回復 80# jemm 的帖子

多謝支持!
其實我一路都好想阿仔多參加一些有益的群體活動.

作者: 漢堡飽 時間: 11-7-29 21:36

只有孩子有興趣，我們家長就應該支持。
停課外活動是否對成績有幫助？我又不見得。我女兒一樣又補習，又樂團，又教會團體，只要她喜歡那一個活動，她就會有動力去練，讀書也著緊些。

作者: HY412 時間: 11-8-2 20:02

唔好意思, 打擾大家, 在此佔用了一格, 我有一些關於旅港既問題想請教漢堡飽, 請查 PM.

原帖由 漢堡飽 於 11-7-29 21:36 發表
...

[ 本帖最後由 HY412 於 11-8-2 20:14 編輯 ]

作者: senpei 時間: 11-8-15 21:04 標題: 中一家長會

請問之前的中一家長會大約講什麼? 因當天有要事, 可能缺席.

作者: choca 時間: 11-8-16 11:06

同上面一樣, 會唔會只係講d 無關痛癢, 不太重要的事情而已 ?

作者: dawnhu 時間: 11-8-16 12:51

中一家長會 from 8:00am to 12:00pm wor

另外想問一問各位媽咪以下問題：
1）返學、放學、lunch 時間(how long)？
2）午飯通常可以去附近邊度食？
3）外套可以著無學校logo的冷外套嗎？
4）運動鞋是否一定要全白？
5）書包像小學一樣那麼重嗎？我見佢啲書又大本又厚，有貯物櫃可以放嗎？我平時見其他啲中學生啲書包好像好輕的.

作者: jemm 時間: 11-8-16 14:00

不知道聽聽正副校長, 訓導主任, 輔導主任等講解學校的教育理念, 教學模式和學校的發展等是否是無關痛養呢?
不知道見見班主任, 和他/她正接溝通, 是否是無關痛養呢?

回答 dawnhu:
1) 8:05am / 12:10-1:20pm / 3:20 pm
2) 學校小賣部, 何文田廣場.....
3) 要著有學校Logo的冷外套
4) 以白色為底色的波鞋, 不一定純白
5)每人在課室都有 Locker

見到班主任和他/她溝通吧! 旅港老師都是平易近人的。

作者: dawnhu 時間: 11-8-16 15:27

jemm,

thanks

作者: 一家的太陽 時間: 11-8-16 22:35

琴日係黃校長的last day.
佢係內聯網發咗一封俾全校的ｅｍａｉ
聽阿仔講，將由溫副校長接任校長職位。
如果真係如此就好了。
相信學校的理念及發展模式都唔會有太大改變。而且我睇好溫副校長。
覺得佢對教學很熟，很有一套。

作者: jemm 時間: 11-8-16 22:55

請問是男副校還是女副校?

作者: 一家的太陽 時間: 11-8-16 23:30

溫副校長係女的，專門管教學。

作者: jemm 時間: 11-8-17 00:04

去年家長日我有聽温副女校對旅港學術範疇的演說, 很有條理, 使人感覺良好。如果是真的話, 我十分歡迎。

作者: dawnhu 時間: 11-8-17 10:26

家長日有無限一名家長？我老公又想去，但係細妹又要帶埋去，唔知得唔得呢？一家四口咁好似好誇張喎!

另外早兩天，學校派了一份關於樂器班的通告，請問中班的程度是去到那一級呢？我女兒是四級考六級嘅程度. 如果學校程度不同，就不能在學校學習了。但係學校的學費又很便宜!!
唔知學校上是一大班人還是小組？

[ 本帖最後由 dawnhu 於 11-8-17 12:22 編輯 ]

作者: dawnhu 時間: 11-8-17 12:21

唉！打咗去學校問，但係音樂老師要下個星期先回學校，張回條又要今個星期五交，聽電話嗰個又唔知詳情，都唔知報唔報好！

作者: 漢堡飽 時間: 11-8-17 18:54

原帖由 一家的太陽 於 11-8-16 22:35 發表
琴日係黃校長的last day.
佢係內聯網發咗一封俾全校的ｅｍａｉ
聽阿仔講，將由溫副校長接任校長職位。
如果真係如此就好了。
相信學校的理念及發展模式都唔會有太大改變。而且我睇好溫副校長。
覺得佢對教學很熟，很有一套。 ...

我也有同感，溫副校給我印象是她對旅港的學生好有信心，曾在家長會有家長問高中通識科用英文教的問題，她好宜直接答覆家長說旅港學生全部都是band 1，要我們對自己的孩子有信心，我聽到後好開心，學校就是要有這樣的領導者。

作者: pandato 時間: 11-8-17 22:40

通告有寫:
每班平均人數約5至8人
已學習一年以上者可報中班，你的孩子可考慮參與管弦樂團，入團者費用全免。

原帖由 dawnhu 於 11-8-17 10:26 發表

另外早兩天，學校派了一份關於樂器班的通告，請問中班的程度是去到那一級呢？我女兒是四級考六級嘅程度. 如果學校程 ...

作者: 漢堡飽 時間: 11-8-21 16:00

中一家長日剛完結，大家有什麼感想呀？

作者: flora101 時間: 11-8-27 11:33

原帖由 漢堡飽 於 11-8-21 16:00 發表
中一家長日剛完結，大家有什麼感想呀？

感覺學校的理念是培養純樸及有自信的學生，女兒的選擇絕對是正確的。
同時亦慶幸她能成為其中一份子。

作者: TOS88 時間: 11-8-28 13:52

不知是傳統還是新人事新作風，温校長十多分鐘的演說都以英語進行，silde 則附以小量中文註解，對部分基層家長來說是有點吃力。最後的問卷調查亦是全英文，自己亦充當旁邊家長的翻譯。或許學校今後會更着重英語的應用吧，個人來說是認同的。

原帖由 漢堡飽 於 11-8-21 16:00 發表
中一家長日剛完結，大家有什麼感想呀？

作者: jemm 時間: 11-8-28 22:32 標題: 旅港開平商會中學生研防爆竊係統奪冠

【本報訊】實習記者汪澄澄報道：以「科學鑑證顯端倪，齊心滅罪保安危」為主題的第四十四屆聯校科學展覽昨日閉幕，一連七日的展覽共吸引近三萬中、小學師生參觀。在二十六間中學參賽當中，旅港開平商會中學憑「雙制式防爆竊係統」作品，奪得全場冠軍，而庇理羅士女子中學則獲市民票選，奪得「最受歡迎參展學校」。

聯校科展昨日在中央圖書館舉行閉幕禮，主禮嘉賓創新科技署署長王榮珍表示，展覽主題結合社會問題，體現學生利用科技解決問題的能力。她鼓勵學生，繼續在科研上發揮創造力，入大學後亦可透過申請「創新科技獎學金計劃」等方式，爭取更多學習機會及突破。

今年共有二十六間中學參加科學作品展，旅港開平商會中學以「雙制式防爆竊係統」奪得全場總冠軍。隊長吳志聰表示，設計運用無線射頻辨識技術（RFID），將傳統機械式門鎖與現代電子式門鎖結合。「必須將鎖匙與安裝在鎖匙扣上的RFID晶片同時使用才可開門，這有效提升防盜，而成本僅為四百至五百元。而聖公會李炳中學以「袋袋平安」和沙田官立中學的「天羅地閘」分別獲亞、季軍。

由參觀市民票選的「最受歡迎參展學校」，讓庇理羅士女子中學的「防盜門博士」摘得，而聖保羅書院的劉梓謙則獲「最佳展品示範員」。

2011年8月26日 03:57:38 大公報

歡迎光臨教育王國 (/)