教育王國

標題: 小朋友學鋼琴 [打印本頁]

作者: ballcat 時間: 10-6-18 00:04 標題: 小朋友學鋼琴

小朋友學鋼琴已經8個多月了....她彈了以下幾本鋼琴書:
1/ Dozen a day mini book
2/ Dozen a day preparatory book
3/ Dozen a day book 1
4/ 輕鬆學鋼琴 1
5/ Technic is fun-Elementary B
6/ 幼兒樂理練習 1 和 2

現在鋼琴老師開了一本Classic themes by the masters (James Bastien),
佢話小朋友已可以彈2級書, 其實...我想問問老師選擇呢本書是否正確~?
你們覺得我個小朋友可以有能力應付呢本書?

作者: pianomusicroom 時間: 10-6-18 02:47

原帖由 ballcat 於 10-6-18 00:04 發表
小朋友學鋼琴已經8個多月了....她彈了以下幾本鋼琴書:
1/ Dozen a day mini book
2/ Dozen a day preparatory book
3/ Dozen a day book 1
4/ 輕鬆學鋼琴 1
5/ Technic is fun-Elementary B
6/ 幼兒樂理練習 1 和 2
...

老師開的琴書程度好參差

只有Technic is fun-Elementary B 較深→ 整本而言，只有一級

其他書是最basic

雖然學了8個月，但書程度很參差，並不足以學2級

作者: pianomusicroom 時間: 10-6-18 02:48

Classic themes by the masters (James Bastien),

→ 約略看過呢本，大約都只是一級程度

作者: clarise_lau 時間: 10-6-18 03:22

現在還用緊輕鬆學鋼琴1 還是已經用完?
Dozen 1 應該可以夾到輕鬆學鋼琴3 甘用 .
but . overall 黎講 . 小朋友最多是1級左右吧

作者: ballcat 時間: 10-6-18 07:54

我已經問了囝囝鋼琴老師...佢又話囝囝可以應付2級既書, 所以佢開2級程度書比佢彈, 佢還建議我比囝囝一個星期學2堂..每堂30分鐘, 我都覺得個鋼琴老師想佢升快D...可能可以快D比高級既學費喇~

作者: ballcat 時間: 10-6-18 07:57

原帖由 pianomusicroom 於 10-6-18 02:48 發表
Classic themes by the masters (James Bastien),

→ 約略看過呢本，大約都只是一級程度

原來是一級, 我見大半部後面部份都幾深下, 怕囝囝只學了8個月, 會應付唔到...因為一直以來...鋼琴老師都唔肯開其他書比囝囝, 我問佢點解唔開D有音樂感書比囝囝...佢又話唔洗, 仲話...彈得多其他書...只有阻礙佢個學習進度!!

作者: ballcat 時間: 10-6-18 08:01

原帖由 clarise_lau 於 10-6-18 03:22 發表
現在還用緊輕鬆學鋼琴1 還是已經用完?
Dozen 1 應該可以夾到輕鬆學鋼琴3 甘用 .
but . overall 黎講 . 小朋友最多是1級左右吧

鋼琴老師沒有開輕鬆學鋼琴3比囝囝彈...佢話本書D音好有問題所以冇開, 仲有就係..我叫佢開其他有多D音樂感既書比囝囝...佢又唔肯, 個老師都幾有自己既一套, 有時好煩...因為囝囝又肯好乖乖咁跟佢彈琴, 同佢轉老師既話...佢一定坐唔定, 好煩~

作者: Sweet321 時間: 10-6-18 11:44

提示: 作者被禁止或刪除內容自動屏蔽

作者: charlottechan 時間: 10-6-18 11:45

其實要視乎你兒子的年齡和能力.
我識有人3歲比女兒學琴, 每星期一堂,
每堂1小時, 另外日日練琴一小時.
媽媽本身唔識彈, 老師好嚴格.
學了2年已準備5級琴(用來小一面試威威),
好彩她女兒不抗拒.
你可以讓老師在暑假試試.唔得又攤長來學.

作者: 芝麻街 時間: 10-6-18 12:31

原帖由 ballcat 於 10-6-18 00:04 發表
小朋友學鋼琴已經8個多月了....她彈了以下幾本鋼琴書:
1/ Dozen a day mini book
2/ Dozen a day preparatory book
3/ Dozen a day book 1
4/ 輕鬆學鋼琴 1
5/ Technic is fun-Elementary B
6/ 幼兒樂理練習 1 和 2
...

你仔仔幾大呢?

你可以參考吓我個仔嘅, 佢六歲開始學, 學左1年多啲,
依家彈緊 czerny OP 599
Ferdinand Beyer Elementary instruction book
Everybody Book Three
John Thompson's Modern Course For the Piano
Technic is Fun Elementary B 差不多彈完
Technic is Fun Late Elementary 差不多彈完
每次都要學8-9首歌。
咁, 下期先升二級。

作者: pianomusicroom 時間: 10-6-18 14:03

原帖由 ballcat 於 10-6-18 07:57 發表

原來是一級, 我見大半部後面部份都幾深下, 怕囝囝只學了8個月, 會應付唔到...因為一直以來...鋼琴老師都唔肯開其他書比囝囝, 我問佢點解唔開D有音樂感書比囝囝...佢又話唔洗, 仲話...彈得多其他書...只有阻礙佢個 ...

彈得多其他書...只有阻礙佢個學習進度

→ 彈得多書，只會令sight reading 進步，

其他技巧都會好，

經驗告訴我，我開好多琴書比我的學生0既，

他們基礎同技巧良好，雖然比別人學得慢，但最重要是基礎好

作者: pianomusicroom 時間: 10-6-18 14:06

原帖由 ballcat 於 10-6-18 07:54 發表
我已經問了囝囝鋼琴老師...佢又話囝囝可以應付2級既書, 所以佢開2級程度書比佢彈, 佢還建議我比囝囝一個星期學2堂..每堂30分鐘, 我都覺得個鋼琴老師想佢升快D...可能可以快D比高級既學費喇~ ...

我現教緊一個5歲小朋友，因年紀小，所以每堂學30分鐘，但家長想佢學多d，進度快d，所以一星期學兩堂，每堂30分鐘，即係每堂一小時

效果漸進步

作者: pianomusicroom 時間: 10-6-18 14:09

原帖由 ballcat 於 10-6-18 08:01 發表

鋼琴老師沒有開輕鬆學鋼琴3比囝囝彈...佢話本書D音好有問題所以冇開, 仲有就係..我叫佢開其他有多D音樂感既書比囝囝...佢又唔肯, 個老師都幾有自己既一套, 有時好煩...因為囝囝又肯好乖乖咁跟佢彈琴, 同佢轉老師既 ...

輕鬆學鋼琴 3 冇問題，我教成人小朋友都用呢本，個個都跟得上

有時音不是有問題，係指法有問題，老師要自已執一執指法才可教授

而輕鬆學鋼琴2 的指法就多問題得多了

不過都可用的，只要老師執一執指法就能教授

作者: pianomusicroom 時間: 10-6-18 14:12

原帖由 charlottechan 於 10-6-18 11:45 發表
其實要視乎你兒子的年齡和能力.
我識有人3歲比女兒學琴, 每星期一堂,
每堂1小時, 另外日日練琴一小時.
媽媽本身唔識彈, 老師好嚴格.
學了2年已準備5級琴(用來小一面試威威),
好彩她女兒不抗拒.
你可以讓老師在暑假 ...

3歲幼兒不能有1小時坐定定的專注力，

家長唔好咁急進，學鋼琴是要日子去浸淫的，不是用來威

作者: katrinafu 時間: 10-6-18 15:07

我囡囡學了鋼琴一年多D , 一直用Alfred's Basic Piano Library , 由Level A 學到Level D 囉, 不過上星期開始轉了鋼琴老師, 新老師說囡囡手勢有問題 , 而且彈D歌連貫好差, 所以建議我買Everybody book one 比囡囡上堂, 先執番手勢及讓她再學番好呀 ...

我想請問如果我買歌書比囡囡讓她可以除上堂的歌以外練習 , 有什麼推介呢?
我是唔識彈琴的媽媽呀....

作者: miffy 時間: 10-6-18 15:12

提示: 作者被禁止或刪除內容自動屏蔽

作者: miffy 時間: 10-6-18 15:14

提示: 作者被禁止或刪除內容自動屏蔽

作者: 洛婷 時間: 10-6-18 17:26

原帖由 miffy 於 10-6-18 15:12 發表
考皇家5級要先考樂理, 5歲讀完5級樂理都好犀利。

考皇家 5 級琴係唔須要樂理 ,
報 6 級以上先要 5 級樂理(合格)

作者: wootaitai 時間: 10-6-18 17:46

提示: 作者被禁止或刪除內容自動屏蔽

作者: miss321 時間: 10-6-18 23:53

其實Alfred 套書係近幾年興，教材的確寫得唔錯，仲分了不同年齡學不同series。用咩書視乎你囡囡幾多歲，everybody, john thompson 果D係舊式鋼琴書，冇新的寫得咁好，太細小朋友未必岩。通常一轉新鋼琴老師，老師會講之前果個有咩教錯，小朋友有咩問題，你最好自己判斷下邊句真邊句假。

原帖由 katrinafu 於 10-6-18 15:07 發表
我囡囡學了鋼琴一年多D , 一直用Alfred's Basic Piano Library , 由Level A 學到Level D 囉, 不過上星期開始轉了鋼琴老師, 新老師說囡囡手勢有問題 , 而且彈D歌連貫好差, 所以建議我買Everybody book one 比囡囡上 ...

作者: pianist2 時間: 10-6-19 00:26

原帖由 pianomusicroom 於 10-6-18 14:03 發表

彈得多其他書...只有阻礙佢個學習進度

→ 彈得多書，只會令sight reading 進步，

其他技巧都會好，

經驗告訴我，我開好多琴書比我的學生0既，

他們基礎同技巧良好，雖然比別人學得慢，但最重要是基礎好 ...

我唔係太認同你的說法,那麼豈不是學一級豈不是無了期,因為彈得多書就更好,可能學一級要用10本書?

1.應該係重質不重量只要真的從適當的教材學習到技巧係應該學生自己可以運用係唔同歌曲(例如練習C-G音,唔通需要練習100本關係這些的書嗎?只要適量就足夠,多不一定會有所進步(最多不會退步)

2.可能彈多書sight reading 進步,但不見得這是一個有效令sight reading 進步的方法,學生唔係無進步,而係進步很慢,雖然彈多D歌會令sight reading ,但係如果隨意彈不同的曲目也不見學生懂得吸收或應用,相反不一定要彈很多,反而是如何有系統教他們看譜,例如集中練習相同調/節奏的曲

所以問題不是佢彈幾多本書或者本書幾多級,而是孩子是否從該書吸收到二級應有的技巧或知識等等,如果可以佢唔一定要老師開很多書,佢應該可以自己應用出學習左既知識

作者: pianist2 時間: 10-6-19 00:31

原帖由 pianomusicroom 於 10-6-18 14:09 發表

輕鬆學鋼琴 3 冇問題，我教成人小朋友都用呢本，個個都跟得上

有時音不是有問題，係指法有問題，老師要自已執一執指法才可教授

而輕鬆學鋼琴2 的指法就多問題得多了

不過都可用的，只要老師執一執指法就能教授 ...

恕我問一句,與其用指法有問題的書,何不用一本指法無問題的書?

而且輕鬆學鋼琴2,3 進度快,俾成人OK,小孩子跟得吃力但效果又欠理想,為何仍堅持要用呢?

作者: katrinafu 時間: 10-6-19 01:42

原帖由 miss321 於 10-6-18 23:53 發表
其實Alfred 套書係近幾年興，教材的確寫得唔錯，仲分了不同年齡學不同series。用咩書視乎你囡囡幾多歲，everybody, john thompson 果D係舊式鋼琴書，冇新的寫得咁好，太細小朋友未必岩。通常一轉新鋼琴老師，老師會講之前果個有 ...

我囡囡只有5歲, 之前是工人帶囡囡去練琴, 而家我買了2手琴, 我發現囡囡琴的歌只有好幾首是熟的, 其他是一個字彈出來的, 加上見到手指指法都幾錯 , 加上每次湊她學琴 , 老師都說ok , 今日慢少少, 但往往回到家囡囡就會說學琴姐姐今日比糖我食同我傾計等等說話 ( 我個囡囡係好傾得, 成日氹人傾的) ....

我個囡係食住老師 (我知自己個女問題) , 如果再咁學即是浪費金錢及時間, 所以把心轉老師, 今次轉的老師 , 那老師上了一堂也講出了我發現的問題 , 所以半她說如果番轉頭用回之前的書, 小朋友可能冇心機, 認為自己識哂 , 所以叫我用多幾十蚊買一本新書及五線普 , 好讓執番阿囡手勢及了解囡囡的進度囉....

其實仲有咩書我可以留意下買比囡囡練習呢?

作者: 小伊 時間: 10-6-19 02:32

我覺得『輕鬆學鋼琴』本書麻麻地，唔多適合成人學生。其實成人跟小朋友用嘅書唔一樣，由於理解力較強，好快已經可以開始彈599，Hanon等練習曲。

作者: miffy 時間: 10-6-19 09:55

提示: 作者被禁止或刪除內容自動屏蔽

作者: miffy 時間: 10-6-19 10:14

提示: 作者被禁止或刪除內容自動屏蔽

作者: pianomusicroom 時間: 10-6-19 21:52

原帖由 miffy 於 10-6-19 10:14 發表
我過來人經驗, 如果能在初級時彈得多書, 基礎穩, 跟住一路學上去會學得好快, 好容易掌握。

絕對認同

作者: lamlamchiu 時間: 10-6-20 09:29 標題: pianomusicroom

提示: 作者被禁止或刪除內容自動屏蔽

作者: pianist2 時間: 10-6-21 00:30

原帖由 miffy 於 10-6-19 10:14 發表
我過來人經驗, 如果能在初級時彈得多書, 基礎穩, 跟住一路學上去會學得好快, 好容易掌握。

根據我的經驗,孩子在初級時彈得多書與基礎是否穩,不一定成正比。

1.首先比較不同的孩子,一個人初級彈4-5本書與一個人初級彈2-3本,彈4-5本書的基礎是否會比一個人初級彈2-3本好?
基礎不應只在乎琴書的數量,反而應在乎練習方法、教材、老師的教學方法等等,這些影響彈的琴書數量都比更深更大,如果練習方法、教材、老師的教學方法等等都是適合,基本功一定不會差。

用一個例子比喻,比喻孩子中文成績差,家長買很多坊間補充練習去操練,我不能說這方法沒有用,問題是---這是最好最有效的方法嗎?同樣地,我不是說彈得多書沒有用,而是問---這是最好最有效的方法去加強基礎嗎?

2.再比較同一個孩子,假如孩子能力沒問題,一般同時間彈2-3本書,基礎已甚穩,彈同一級別的第4-6本書作用是什麼呢?其實對他們來說.當中的進步甚少。難道彈高一個級別的書以後不會再接觸以前的知識?

假如孩子認譜能力有問題,彈2-3本書基礎仍不穩,彈同一級別的第4-6本書不能說沒有幫助,但有沒有針對孩子為何彈完2-3本書仍出現問題呢?是否最好的方法?

其實我想指出的是大部人也認為練習多些不同的書必然地較好,我不是反對彈得多書,也認為認譜能力有問題可能需要多彈些書,但反對彈得多書是唯一的方法,而且質疑彈得多書是不是最好最有效的方法? 最重要應該因才施教~

作者: gundomwing 時間: 10-6-21 16:07

pianist2:

很同意你的想法. 小兒已學了1年8個月鋼琴, 現剛5歲, 彈了約10本書,每晚都會練彈半小時, 但技巧及認譜能力不是太好, 故在本月初轉了新鋼琴老師, 希望能用有效方法引導他開心學習.
我認為師資是十分重要的, 請問是否有好的老師介紹? if yes, please pm details for me, thank you very much!

作者: miffy 時間: 10-6-21 21:13

提示: 作者被禁止或刪除內容自動屏蔽

作者: pianomusicroom 時間: 10-6-21 21:55

原帖由 miffy 於 10-6-21 21:13 發表
你睇番我對上個post。

我識好多人, 初級彈一兩本書, 就轉彈一級書, 識彈十首八首歌, 又轉二級書, 勉勉強強死練識彈十首八首歌, 就趕住去考二級琴, 基礎唔好, 上到四五級, 好難跟, 就放棄。

呢個係好多人學唔成琴的 ...

絕對認同

你講中晒我的立場

作者: pianist2 時間: 10-6-22 01:05

原帖由 miffy 於 10-6-21 21:13 發表
你睇番我對上個post。

我識好多人, 初級彈一兩本書, 就轉彈一級書, 識彈十首八首歌, 又轉二級書, 勉勉強強死練識彈十首八首歌, 就趕住去考二級琴, 基礎唔好, 上到四五級, 好難跟, 就放棄。

呢個係好多人學唔成琴的 ...

唔,第一,初級彈一兩本書固之係少,一般認譜能力弱既小朋友未必足夠

第二,究竟個兩本書係咩書呢?佢中間一級彈既又係咩歌?十首八首歌,話多唔多,話少又唔少,點解會變成勉勉強強死練識?點解會係基礎唔好?
1.選書係幾重要,如果用一般既everybody or john thompson,對小朋友既認譜能力無甚改進(原因遲d再講)彈多多本但效果少(everybody更甚)而且亦唔係首首歌都係效果一樣
2.老師既教法,學生彈一首歌彈幾耐呢?一星期?四星期?
一星期就可以彈一首歌,裏面既技巧究竟小朋友學左幾多?

其實你只係指出彈得書少可能令進度太快,基礎不穩,問題是彈得書少真的是最重要的原因嗎?同樣地,彈得書多可以令基礎穩這個想法會唔會又太簡單同太片面呢?而且最重要,真的是有效的方法嗎?

[ 本帖最後由 pianist2 於 10-6-22 01:12 編輯 ]

作者: pianist2 時間: 10-6-22 01:33

原帖由 miffy 於 10-6-19 09:55 發表
佢彈過john thompson初級書1-2, step by step 1-3, john thompson grade 1-2, john thompson modern course, 輕鬆學鋼琴3, dozen a day, everybody1-3...........彈晒咁多本, 太約1.5-2年, 個個禮拜學7首歌。

之後 ...

我睇番你講既學琴進度同埋選書正正就係完全符合我講既野。

1.除了a dozen a day 對技巧幫助不錯之外,john thompson grade 1-2,everybody1-3等等,幫助小朋友認譜能力效果不好,(因為寫哂d手指位出黎,令孩子依賴看手指而不是看音)到grade2的進度更加唔可以配合小朋友,正正因為唔能夠從2-3本書學到哂d技巧,同埋提高認譜能力,所以先要彈咁多本,重重覆覆個d相同既音,相同既技巧去幫助。

2.第二,一個星期學7首歌,老師在課堂上究竟有幾多時間仔細教他分析、樂理、技巧?除了覆琴,還要趕着學新歌。你可以想像每首歌都是「粗製濫造」出來。

3.你可以繼續讓個仔彈多10本8本初級既書,去「加強基礎」,延長他的進度,浪費時間,然後發現其他孩子用2-4本書原來是可以學到個仔既基礎,同時應用到出黎。至少我自己本人就很後悔浪費了這麼多時間彈那些既不好聽,對自己各方面技巧也甚少提昇的歌。

4.5年學到3級程度,進度算係較慢,但未至於好慢,不過以後若依舊一味只彈多書而不選書(甚至版本)彈,重量不重質,最終程度可能一般般,請三思這是否最好的方法!

(有些琴行或老師過份催谷或進度太快,事實是有的,但同樣有些琴行或老師進度太慢,讓學生進步甚少)

[ 本帖最後由 pianist2 於 10-6-22 01:52 編輯 ]

作者: miffy 時間: 10-6-22 09:57

提示: 作者被禁止或刪除內容自動屏蔽

作者: wootaitai 時間: 10-6-22 10:10

提示: 作者被禁止或刪除內容自動屏蔽

歡迎光臨教育王國 (/)