教育王國

標題: 有無上過記憶法的班？ [打印本頁]

作者: SuperPa 時間: 08-10-18 17:09 標題: 有無上過記憶法的班？

請問有無上過記憶法的班，想知有無用。

作者: nancy 時間: 08-10-21 12:59

I want to know too....
Is it work ?... the newspaper always say that can help ???

作者: colour 時間: 09-2-3 20:03

我本人有上過，都想幫我個女問，因為我覺得幾有用，不過佢話坐底要P.3先可以去學！

作者: StewardtheTutor 時間: 09-2-4 00:09

提示: 作者被禁止或刪除內容自動屏蔽

作者: grace_xian 時間: 09-2-4 09:50

我都好想知道邊間比較平, 又好呀?

小朋友小一, 現在收啲料等小三再努力

原帖由 colour 於 09-2-3 20:03 發表
我本人有上過，都想幫我個女問，因為我覺得幾有用，不過佢話坐底要P.3先可以去學！

作者: colour 時間: 09-2-4 11:49

我係上姓李嗰個記憶皇后嗰間，唔記得咩名添！要搵番D書仔出黎，其實佢只教方法，自己番屋企一定要練，好似我冇練一排都有D唔記得，不過我覺得都幾 work，因為我陰D陰D有教我個女一D方法，都OK！
其實分別在於小朋友上堂有專人教佢用記憶法做功課，直接D嘛！
不過都要等我個女P.3先再算！

作者: ytpeople 時間: 09-2-4 14:44

我個女而家小六，佢o係小四時學過XX憶習法，junior course$7,800共3堂(好似每堂4小時)，之後兩年內上10堂補充班。如覺得未能掌握所學，果3堂可無限次任上(當然要有位先得啦!)

有免費試堂，我就是這樣帶埋女兒上去聽講座，然後那裡的呀Sir即席示範比觀眾睇佢有幾好記性，當然大家會驚歎他的記性咁好啦！後來d職員分開大人同小朋友，小朋友去學一些中、英文生字，大約二十個；另一面大人繼續聽另一位講者的講解。最後，一個職員對一個家庭，個職員就叫我呀女背番剛才學的生字出黎(我當時覺得記憶法好犀利喎！)，估計那位小姐用了超過20分鐘向我地(大人同小朋友)落咀頭，卒之同佢簽左分期付款。

以我現在的觀察，憶習法對我個女黎講可以話無用！簡直浪費金錢！

quote]原帖由 SuperPa 於 08-10-18 17:09 發表

請問有無上過記憶法的班，想知有無用。 [/quote]

[ 本帖最後由 ytpeople 於 09-2-4 14:55 編輯 ]

作者: colour 時間: 09-2-4 15:24

咦！我都係咁噃，咪就係識20至40件物件嘅順序囉！不過我個女仲細所以諗住遲D再算咋！
照你咁講，我都要考慮吓，仲要$7800！好肉痛噃！我都係用自己學過嗰D教個女就算啦！我諗都係咁上下掛！
不過我買過一本書，當時覺得同個記憶班一樣內容，我搵番出黎睇住自學好過！

作者: ytpeople 時間: 09-2-4 15:32

colour,
我個女學果間唔係記憶女王果間啊！

如果你有心機學，睇書自己教女都幾好喎！

[ 本帖最後由 ytpeople 於 09-2-4 15:33 編輯 ]

作者: colour 時間: 09-2-4 15:35

叫我個女交學費俾我囉！哈！

作者: ytpeople 時間: 09-2-4 15:35

你果本書叫咩名啊？

原帖由 colour 於 09-2-4 15:24 發表
咦！我都係咁噃，咪就係識20至40件物件嘅順序囉！不過我個女仲細所以諗住遲D再算咋！
照你咁講，我都要考慮吓，仲要$7800！好肉痛噃！我都係用自己學過嗰D教個女就算啦！我諗都係咁上下掛！
不過我買過一本書，當時覺得同個記憶班一樣內容， ...

作者: ytpeople 時間: 09-2-4 15:37

起碼十年後啦！

係呢，你個女幾多歲啊？

原帖由 colour 於 09-2-4 15:35 發表
叫我個女交學費俾我囉！哈！

作者: colour 時間: 09-2-4 16:18

我個宜家6歲半

，至於本書要番屋企搵一搵！我剩係記得係一個星加坡教授寫嘅！

作者: ytpeople 時間: 09-2-4 16:32

如果你搵到本書，可否pm書名給我？

原帖由 colour 於 09-2-4 16:18 發表
我個宜家6歲半，至於本書要番屋企搵一搵！我剩係記得係一個星加坡教授寫嘅！

作者: colour 時間: 09-2-4 18:17

我post喺度咪得囉！

作者: ytpeople 時間: 09-2-4 18:21

ok,thanks!

原帖由 colour 於 09-2-4 18:17 發表
我post喺度咪得囉！

作者: 冰紫嫣 時間: 09-2-5 09:42

我都想知個本書名

作者: colour 時間: 09-2-5 14:56

弊！搵唔到本書添，我係在香港記憶學總會學既，好似4千幾，唔明可以不斷上堂，有書仔練習，有幾個方法我幾buy，有D我覺得好難練，不過我同我個女練緊智慧圖，一路畫公仔一路記生字，效果仍可接受！遲D睇下可唔可以post上黎同大家分享一下。
我會繼續搵本書架！大家等一等我…

作者: 校長大人 時間: 09-2-8 12:15

原帖由 grace_xian 於 09-2-4 09:50 發表
我都好想知道邊間比較平, 又好呀?

小朋友小一, 現在收啲料等小三再努力

對不起..我多事插嘴.. 可些地方都有 K3 至小二的親子記憶班比家長和孩子一起上堂..你可以考慮. 我個人認為父母識子女所學的，可以在家中長期幫肋孩子 tks

作者: Mimi_Ma 時間: 09-2-9 15:55

原帖由 冰紫嫣 於 09-2-5 09:42 發表
我都想知個本書名

我睇個個本,  較為簡易及多圖片,  小朋友容易學和明白.

<日本>  七田真著
超右腦  快速記憶法

作者: kb7724 時間: 09-2-9 17:32

Mimi ma, 請問你響邊樹買架??

原帖由 Mimi_Ma 於 09-2-9 15:55 發表

我睇個個本,  較為簡易及多圖片,  小朋友容易學和明白.

  七田真著
超右腦  快速記憶法

作者: colour 時間: 09-2-10 01:21

超右腦快速記憶法我都有，的確比較colourful D，可以考慮！我記得好似在上樓書局度買既！
我終於搵到本書，叫"超強記憶"，係葉瑞財博士著。至於校長大人所講K3至小二都有記憶班，我都知有，但照我上記憶班既時候個記憶女王講，因為小朋友在小三之前未學到足夠既詞彙拆字記故事，例如donut，佢會叫你拆開do同nut，跟住砌故事：(我亂作架)要整donut首先要做(do)既係搵個頭撞爆D果仁(nut)，佢就會自動黐埋變成一舊donut啦！尼個故事就會自然在你個腦度保存好耐，到再要寫尼個字既時候，尼個畫面就自然會出現，繼而識串番個字出黎！咁如果你既小朋友連nut字都唔識，咁點拆字，唔通逐個字母拆咩！所以要學起碼都要小三以上喇！我幾buy記憶女王既講法，如果第時佢有親子班，我有打算參加架！
其它簡單記憶法，睇上面講尼兩本書，媽咪們睇完一定可以教到自己既小朋友，唔明可以問我，我都叫做上過成套課程，應該可以答到你地既，無謂浪費金錢！:)

作者: 校長大人 時間: 09-2-10 15:23

原帖由 colour 於 09-2-10 01:21 發表
超右腦快速記憶法我都有，的確比較colourful D，可以考慮！我記得好似在上樓書局度買既！
我終於搵到本書，叫"超強記憶"，係葉瑞財博士著。至於校長大人所講K3至小二都有記憶班，我都知有，但照我上記憶班既時候個記憶女王講，因為 ...

對於 K3至小二學習英文生字，最佳的方法是學習英語拼音 (phonics)，由拼音引起小朋友估計到該音節可以由那些英文字母組成。我見過多很多小朋友學了 phonics 後，他們的確較容易拼寫出 spelling 來。當然這亦要看該 phonics 系统的教法是否最好。普遍很多教 phonics 都由字的開首拆音節拼讀，但這對於較年幼的孩子來說，有機會出現較難發某些音節，尤其是尾音節。故尋找phonics 課程時可留意，但長遠對孩子來說，孩子學了 phonics 對英語發音及拼寫是很有用。孩子在中小學需要面對聽默，拼音這是一個很好的工具。

對於用記憶方法來記憶英文生字，這是一種即時 (即時見到英文生字而想立刻記憶下來) 的方法，普遍所採用的是「拆字」方法。用已識而又簡單的英文字來代替原來生字的不同部份，但的確對年幼的小孩子而言就未必是最好，因為孩子詞庫較少，而能夠引用的字量不多，故此正如 Colour所講，如果連個 nut 字都不識，怎叫個孩子學到 do-nut (donut)呢？

其實這位「記憶女王」的出發點不在於「孩子的教育」而是「孩子的記憶」，故以記憶為主要的目標是可理解的，但她所希望達到的是「記憶英文生字串法及解釋」，而比較適合較大的孩子及成年人，但就未能顧及發音。

相反，學習一種語言是為了能夠用該語言來溝通，而溝通的第一步及首要是「聽和講」而不是「寫和串字」，故此，若真的要在短時間內幫助孩子記憶英文生字，最好由英文生字的讀音著眼先。可是任何記憶方法都不能滿足100%正確發音，只能達至近似的程度，而需要多聽原本正確的發音。這點要留意。

舉例說：想學「dread 可怕」這個字，我們可拆成 do ~ red 兩個獨立音，用一個故事串連起來：
            工人在做 (do) 工作時，牆身流出紅色 (red) 的液體來，真是可伯 (dread)呢！

(在記憶這個故事時，孩子要產生腦海影像，而父母亦可從旁提點)

            因 dread 的首個近似音節是「低音和較短」，故此必須在「do」部份加上符號 (例如“•”代表短音及“ \“代表向下的低音) ，這有助孩子發出較近似的讀音。

相反，若要學習 donut 這個英文生字，可先按音節拆成
“刀 ~ 甩” (刀和甩都要用低音讀出來)，然後用一個故事串連起來：
            孩子用把刀 (刀) 扔甩 (甩)個炸圈餅 (donut)

孩子容易先記憶起 donut 的發音和解釋，然後當孩子熟識發音後，用手蓋著 nut 部份，讓孩子看見 do 部份而讀出“刀”音，再用手蓋著do部份，讓孩子看見nut部份而讀出“甩”音，令小朋友發個 donut 有兩個音節，而當操練得多後，孩子估到英文字母組合出的讀音，好似 donate 的“do”部份都是發“刀”音。請不要介意用中文來代替音節，只要能夠引發孩子回憶起便可。

以上是適合較大的孩子去自學，但他們必須多聽原本正確的發音。對於較年幼的孩子，最好由家長陪同去學，這就會好，因始終是採用近似音，而家長可以有能力在旁引導和及時更正。不過對於任何年齡的孩子，phonics 是最佳方法。

[ 本帖最後由校長大人於 09-2-10 15:26 編輯 ]

作者: colour 時間: 09-2-10 15:35

唔！謝謝你詳細的解釋！讀音的確緊要！我會注意的！

[ 本帖最後由 colour 於 09-2-10 15:38 編輯 ]

作者: Mimi_Ma 時間: 09-2-11 20:18

原帖由 kb7724 於 09-2-9 17:32 發表
Mimi ma, 請問你響邊樹買架??

我係旺角尚書房買的是減體字版, 但我係三聯 / 大眾見過繁體版.

作者: DianeT 時間: 10-7-17 19:06

我都比咗7800元果間, 上咗一次, 完全唔dim. 我都冇再去. 激氣 !!

歡迎光臨教育王國 (/)