- 在線時間
- 3 小時
- 最後登錄
- 11-7-19
- 國民生產力
- 1
- 附加生產力
- 0
- 貢獻生產力
- 0
- 註冊時間
- 03-8-14
- 閱讀權限
- 10
- 帖子
- 78
- 主題
- 3
- 精華
- 0
- 積分
- 79
- UID
- 13109
|
Re: 李國章歡迎保良局全面轉直資 -----立人問,立人說
Judy,
我對你自以為是的作風, 實在不敢恭維. 總以為自己永遠是對的, 反對的都被人身攻擊, 理性的爸爸們都不屑再作如此討論. 可惜教局沒有這樣質素的官員, 好不好我唔知, 不過起碼政策唔會兩頭擺, 有董先生的固執, 不接受異見, 想法簡單利落, 揸住"打破大窩飯"和"自由競爭"就殺哂, 不過結果係點冇人知. 教育真係咁簡單就好, 唔洗個個先進國家為教育挖哂頭.
我想問吓以下問題.
你常常講學卷點好點好, 久不久又拎的報紙提倡學卷文章出來. 不過, 你肯定你講的學卷同報章講個啲相同. 報紙提倡的可能是美國較為流行祇幫助窮人拿學卷讀私立個種. 我估你講是全港學生可拿二三千元學卷自由選校, 政府由辦公立學校或資助學校, 變為全不資助學校改為資助學生自由選校. 如果你係咁想法就太天真, 假大空, 全世界政府都唔會蠢到咁做, 都比你想倒. 學校冇哂資助祇靠收學費會點, 冇資助唔需要聽政府指示. 政府不能制定教育長遠政策以應未來社會要求, 對社會人力制定, 穩定及政治上都造成極大危險. 學校冇穩定資助好似做生意咁, 今年唔知明年事, 教會辦學首先會引退, 要由商人接手以牟利方式辦學, 冇錢賺搵你做, 你想將來教育會變成點. 如果我估錯你講的學卷的方式, 請說明, 因為你從未講過.
直資好唔好我唔知, 但不要一面倒祇看到目前多選擇多元的好處, 照近唔照遠. 近日明報報導最新家庭中位入息數為15,700元左右. 貧富更為懸殊. 此為中位數, 數字已被富人收入拉高, 相信家庭月入萬元或以下大有人在. 家庭一個孩子讀書就算唔洗交學費, 但車費午膳書簿校服都要過千元一月. 月入萬元有一個或二個小孩你叫佢點有能力交學費. 所以你幾好都冇用, 冇錢有得你揀幾好都冇得讀, 冇錢嘅不是少數, 此為主因, 近年不少私立都要結束, 如開多幾間直資一樣死. 直資衰在唔學得你講得咁理想可以免費, 新開間間都要收費, 因為它們就算有盈餘都會留下急時用. 現在經濟唔好時新校可以低薪高比率請幾十個新老師或博士NET, 但低極人工和學費都要加下加下上卦, 過多十年八年間間直資最平起碼二三千學費, 到時中產都要喊. 又純以財政收支數字式比較質素辦學太簡單, 簡單數字人人識計, 如果係咁會計師樓管理學校咪掂哂. 多錢多元未必能辦好學校, 現在學生不足已有足夠機制使官津汰弱留強, 直資不能汰弱, 9年免費教育官津優劣都要存在給予不少選擇免費的學生讀. 直資不能淘汰劣校, 學生不足才可淘汰學校, 被淘汰也不一定是劣校, 內有不少收生不足的好學校. 直資可改善教育質素成效甚微, 如果信政府話收費開放可改善教育質素就中哂計. 社會讀書人口好壞已受各方面影響定形, 正如自己過仔讀書主要靠佢自己天資努力加上家長有幾多幫助, 不是祇靠學校錢多學多啲嘢讀書一定叻.
最近討論說"競爭可降低成本". 我唔識經濟, 但我做過小本生意, 就因為競爭大時業主乘機加租被迫結業. 最近幾間固網電話常常打電話叫我幫嚫, 又減價, 又送泠氣機又送電器, 你話佢地要不要用錢買電器送比客. 競爭減價可降低成本, 唔好講理論, 講啲實例來聽吓.
|
|