荃灣的小學

hoohoo20000

Ringo_mom                                                              我個女都係讀緊石鍾山一e班,你個仔讀緊邊班,可否交流一下.

必必

JJ1122,

如果你只有15分, 在自行派位時, 我想你是沒有機會抽, 因有好多人有20分, 如舊生, 天主教徒. 機會只可待大抽獎時用.

我對油天舊校印象幾好, 起碼學校好open, 有事都會公佈, 好多時都有安排活動給家長參予. 好似普通話班, 參觀圖書館, 講座等. 而我覺得最好是由小一開始, 中文科由普通話教, 所以我個女讀了幾個月, 普通話進步了很多.

頭3年都是活動教學, 所謂活動教學, 是分組坐吧了. 差不多每星期都要默中, 英文. 每個學期有幾次中, 英, 數測驗. 不過所有平日的測驗,默書都不計分, 所以平日沒有壓力, 但考試就一次定生死, 所以有好有唔好.  

好奇怪, 油天全部級數都是男多,女少, 聽些家長話是由於男仔派位好過女仔. 不過我覺得是因為同區有出名女校, 如聖瑪利, 女拔收了一些女生. 所以自然少了女仔.

學校沒有給予大壓力給家長, 學生, 但家長好自然要迫小朋友溫書, 因為有些同學仔真係好利害, 我個女上學期考試, 與別人相差一分左右, 全級名次已經差了20幾名.   

必必

Umi,

計分, 你可以上教統局網看看. 自行收生係每個合年齡的都有10分, 大仔/大女有5分, 父母/兄姊畢業生有5分, 同宗教有5分........

油天新校校舍新, 會比較吸引, 所以會多人報些. 學校放3:30, 校車約3:45左右開車, 我個女由於在尾站下車, 要遊完荃灣各大屋苑才落車, 所以要4:35左右才到.

meimeicheung

各位媽咪,

你地對選葵青區的學校, 有冇心得和意見? 可否分享下.

傻妺2

Umi,

我並無心得可言,都係幾間大熱.

Umi 寫道:
儍妺：

咁你有咩心水呀?? 交流一下先得，因為好快就揀學校喇!!!
真係好驚揀錯.....

meimeicheung

各位媽咪,

你地對選葵青區的學校, 有冇心得和意見? 可否分享下.

傻妺2

必必,

如果兩者係第一輪都無機會,咁我係咪應該退而求其次呢?你有無其他學校既資料,例如,柴天,天佑,基慧(上,下午)等等?

你肯問你朋友真係唔該你.多謝

傻妺2

hhma,

多謝你既分享,資料好充足呀.

你既資料同我問同屋苑既小朋友差唔多. ~~ 荃官d功課唔多.  每人都係一科一樣左右, 即係4樣到啦.  份量都好小.  所謂既第五樣都係默書簽名改正, 甘高分咪唔洗點做lor.

但係我問過話無外藉人士教英文,係課外活動先有得學,要俾錢.而個家長話佢小朋友學都無用因為平時上堂無外藉人士教所以根本聽唔明. ~~ 佢地係有個外藉人士教英文, 教幾多次我就唔知啦. 不過我知好似英文堂老師係唔講中文既.

你意思係咪活動同傳統都無分別呢? ~~ 同埋我同甘多家長朋友傾計, 都覺得家長一定要付出時間, 同佢一齊work. 所以我e+除左有份正職之外, 重有份補習做緊.

我都同意你咁講,因為我有朋友個親戚讀荃官佢話兩母囡都喊晒口呀.真係因人而異. ~~ 另外有一個幼稚園同學係派到浸聯, 佢話好深呀. 想轉校tim呀. 所以我覺得每家長 / 小朋友既標準都唔同, 你覺得深, 有d人覺得淺.

至於基慧(馬灣)你可以見到個朋友時幫我問下嗎?唔好意思.
~~ 我隔離屋小朋友讀馬灣基慧p2, details我就無問, 不過都會一次過默兩課中文.

Edith912

Hi Hi,

May I know where is 浸聯 & the long name of school. Thanks a lot

Ringo-mom

hoohoo20000
哈哈我個仔同你個女同班呀，PM我你個女個名呀，你問下個女識唔識Ringo.交流下啦，上次家教會旅行你有無去呀?
Ringomom

JJ1122

傻妺2,
第一輪雖然無機會...但係都唔好退而求其次嘛.  如果第一round真係入到,  你都唔鐘意咁入黎做咩呢.   第一round可以用黎打誠意分嘛....  如果第2round 唔好彩唔得, 咁唯有四圍去敲門...咪去返第一輪個間, 攞埋d證明比學校, 比佢睇你係第一, 二round都揀佢, 不過唔好彩之嘛... 表示到好有誠意, 希望佢比你可以interview呀...  sorry呀下, 唔好怪我多咀.

Edith912,
浸聯全名係 香港浸信聯會小學...向麗城入面.

必必,
我而家已經差唔多諗定一心揀油天舊校.  希望我個女有機做你個女既師妹下...
不過我都會報陳守仁(直資), 你對d間學校有冇認識呢?  長遠黎講會唔會直資成績好過官津呢?   

Umi

必必：

我昨天打過電話去問校車時間，我住青衣，個小朋友要６：３０上車，仲要只係新校有校車服務，舊校係冇站的．仲要係頭站，嘩!!!　都幾早，因為佢話青衣冇咩學生，所以如果如插，係要頭站，好恐怖．．．．

你個女搭咁長車程，會否好累呀???

必必

傻妹2

如果你有15分, 在第一輪選基慧或伍季明, 有好大機會可以抽到. 而基慧下午校的機會率比上午校大些. 聽同學仔媽咪話搭校車返學校都幾快, 不過家長要去學校就比較費時. 其他熱門學校如荃天, 石天, 天佑, 荃官, 海官就多數無機會.   我唔認識人係柴天讀, 所以無意見, 不過少人選就一定容易入啦!

必必

JJ1122,

陳守仁都幾多人考, 如果你個女考到入去, 你便要放棄大抽獎. 所以你要考慮這一個問題. 陳守仁升中派位不及油天, 而且前校長已去了拔萃, 不知現任校長如何?

必必

Umi,

舊校係無行青衣, 只有荃灣線. 不過我知有保母車行. 都有幾多人搭. 阿女搭車都會累, 不過佢返學好快呀, 不用15分鐘就返到學校, 放學遲些好過那麼早返學呀!  你話係唔係.

住青衣返學真係要好早, 有個朋友仔係基慧舊校讀, 住翠怡, 都要6點幾上車, 你話辛唔辛苦?

傻妺2

JJ1122,

點會怪你多咀,多謝你意見就真啦.

JJ1122 寫道:
傻妺2,
第一輪雖然無機會...但係都唔好退而求其次嘛.  如果第一round真係入到,  你都唔鐘意咁入黎做咩呢.   第一round可以用黎打誠意分嘛....  如果第2round 唔好彩唔得, 咁唯有四圍去敲門...咪去返第一輪個間, 攞埋d證明比學校, 比佢睇你係第一, 二round都揀佢, 不過唔好彩之嘛... 表示到好有誠意, 希望佢比你可以interview呀...  sorry呀下, 唔好怪我多咀.

傻妺2

必必,

伍季明好嗎?係邊度?基慧下午係咪=馬灣基慧?我噚晚再問老公,佢話唔鐘意馬灣基慧咁隔涉,有車都去唔到喎.但係我又覺得比荃官/浸聯有把握d喎.真係難搞!

必必 寫道:
傻妹2

如果你有15分, 在第一輪選基慧或伍季明, 有好大機會可以抽到. 而基慧下午校的機會率比上午校大些. 聽同學仔媽咪話搭校車返學校都幾快, 不過家長要去學校就比較費時. 其他熱門學校如荃天, 石天, 天佑, 荃官, 海官就多數無機會.   我唔認識人係柴天讀, 所以無意見, 不過少人選就一定容易入啦!

必必

傻妹2,

係呀, 唔好意思, 寫錯了, 基慧下午即係馬灣, 上午係舊校.  伍季明係綠楊, 仲係上, 下午校, 不過幾年後轉全日. 伍季明唔錯, 校舍好大, 不過會多功課及考試, 2年班要分精英班, 所以唔讀得都幾辛苦.  如果你係有心水, 非入不可, 那麼不理抽不抽到, 照填, 到時等大抽獎, 唔得再去考, 都好大機會.  我個女有個同學仔派唔到仁立, 走去報小學, 分別有2間官小, 伍季明及基慧, 4間都收佢, 最後選了海官, 上學期仲全級考第一, 好勁. 所以唔駛擔心, 到時拍門都有好多機會.

meimeicheung

請問葵青區又有冇好學校呢?