九龍塘基華小學-家長站

angelymama

KiuKiu媽媽 寫道:
angelymama,
物一年級新生唔可以著旧校服呀, 因為我見同班同學仔都著, 所以我先會問下睇下有無得借囉, 唔緊要啦, 希望這幾毎星期天氣變化不大啦!

我都有諗過好唔好同老師講, 我個囡無講呀, 唉...等我找個機會再與老師講先得, 請問11月19日系咪有英文科家長會呀, 確定左系果日未呀??

因為D先生係同小朋友一齊食飯, 所以應該即時話比先生知, 我都聽阿女講,有同學碗湯有頭髮, 都話左比先生知。

19/11 我都記得係有英文科家長會, 到之前時會有通告。19/11仲係家長教師會大會, 要選新一屆委員, 所以記得要黎啦!  如果邊位家長有興趣參選, 而家都仲可以報名。

numen

我想問在測驗時是否放早？定照返舊時間放學？thx

KiuKiu媽媽

angelymama,
唔該哂, 我會同個囡講下架啦!
原來會如期進行, 我重諗住唔開我就去旅行呢...hehe

numen
我打電話去問, 校務處話測驗就跟時間表其他系系正常上課架, 唔系放早!!

numen

KiuKiu媽媽 thx~

angelymama

10月28日便服日的照片已經上網, 各位可以去看一看。

另04/05升中資料亦可在學校網址看到。

  

基華便服日

LEON

啊！好耐冇留言啦！大家之前必定忙住幫寶貝溫書呀！ :

測驗成績出了，大家滿意嗎？ 我仔仔測驗成績令我滿意，話晒小一第一次測驗嘛，但佢有d地方好粗心大意，例如會漏做題目…

想問：校方學期尾會唔會俾返d卷家長keep record？

呢2日早上好凍，知唔知幾時有冬季校服呢？ 好心急呀：我驚下個星期五去旅行要著短褲呀！

呢個SAT你地會出現嗎？

KiuKiu媽媽

原來有相睇呀, 等我快D上去望下先!

我囡囡話今個星期五會派冬季校服喎, 我這兩天都同佢加左件風褸淺藍色的, 我都知唔合規格, 但因等車時好大風都幾凍下, 唔理咁多我都知可能學校會話, 但為了健康著想都無計, 囡囡重話梁主任系集队時叫學生唔好著去街衫返學, 同唔好著長襪, 我都唔理咁多呀, 咁凍又大風, 著住夏季運動服, 隻腳仔系咁比風吹, 個囡個氣管又弱, 又未派冬季校服, 我都唔想咁著返學, 但真系無辦法囉, 我都同囡囡講若老師問, 您就話因為好凍好大風, 媽媽驚我凍親所以幫佢加件風褸, 若老師
投訴我都會咁講囉, 希望老師們明白啦!

剛剛測完驗, 英文科都重未派呀, 我都唔樂觀, 但其他科就滿意呀, 下星期又開始默書評估, 真系温少一陣都唔得呢!

星期六我會出現呀, 但會晏小小囉, 因為要同個囡去上堂先!

LV77

Hi , KiuKiu媽媽 / 各位基華家長,

小兒將於 06-07 讀小一, 本人對基華 及九龍塘官小都
非常有興趣, 請問各位基華家長點睇此兩間學校 ?
會否教學形式一樣 ? 學術 及 課外活動 此兩間學校
是否都在互相比較呢 ? 謝 !!

hellokittygirl

九龍塘官小   good

LEON

KiuKiu媽媽，
好失望呀！今日只係派左冬季運動服咋！ :evil: 希望下星期唔好凍啦！

KiuKiu媽媽

咩話派左運動服咋, 點算呀, 咁個囡咪要日日都著運動服囉, 下星期得17度咋, 點算啦, 今日個囡都開始作病呢, 好似又冷親啦, 我已經同佢著多件風褸都頂唔住, 可能腳仔凍親呢!

LEON

KiuKiu媽媽，
問過校方話今個星期可以日日著運動服頂住先！ 好過冇啦！

KiuKiu媽媽

這兩日都上唔到bk呀....

我星期六都問左老師話可以著運動服頂住先, 因為真系幾凍下, 朝早等車我重同個囡帶頸巾, 因為佢氣管弱, 唔想佢凍到氣管呀!