黃大仙區聖母,救恩,保良局金卿,鑽石山靈糧堂,唔知點選擇好?

kiwi_delicious

小女收到以下幾間幼稚園的OFFER,想各位媽媽俾意見。
聖母AM救恩AM
保良局金卿PM(已寫信要求轉AM,不知成唔成功)
鑽石山靈糧堂PM(已寫信要求轉AM,不知成唔成功)

請問有媽媽的子女是讀以上幾間學校嗎?請問學校的教學模式是HAPPY SCHOOL定係好谷?
我希望小女可以讀保良局錦泰小學, 保良局金卿幼稚園係咪真係有優勢?
德望小學都係我既TARGET,我知道好難入,到時都會試下。

eleven123

救恩出offer了嗎？

JlIl

靈糧應該係最happy 如果入到錦泰會辛苦
聽講金卿會寫封信俾家長 有需要叩錦泰用
因呢兩間我都有in 呢d資料你睇睇好
仲有兩間唔知

wcm991101

kiwi_delicious 發表於 17-12-18 14:23
小女收到以下幾間幼稚園的OFFER,想各位媽媽俾意見。
聖母AM救恩AM
保良局金卿PM(已寫信要求轉AM,不知成唔成 ...

如果想入錦泰一定係選金卿，但你選金卿你就要預左好多功課，同埋老師比較嚴肅，傳統式教學

鑽靈其實都可以抽獎入錦泰，但因為錦泰係一間好谷既小學，你小朋友如果鑽靈轉錦泰可能需要一段時間適應去追進度，錦泰係好多默書同測驗既小學

kiwi_delicious

JlIl 發表於 17-12-18 14:53
靈糧應該係最happy 如果入到錦泰會辛苦
聽講金卿會寫封信俾家長 有需要叩錦泰用
因呢兩間我都有in 呢d資料 ...

你選擇左邊一間呀?

kiwi_delicious

eleven123 發表於 17-12-18 14:42
救恩出offer了嗎？

上個月已經出左

kiwi_delicious

wcm991101 發表於 17-12-18 15:44
如果想入錦泰一定係選金卿，但你選金卿你就要預左好多功課，同埋老師比較嚴肅，傳統式教學

鑽靈其實都可 ...

我覺我金卿資源唔夠,而且好細間,但佢又係最大機會入到錦泰。我應該會選聖母OR靈糧堂, 聖母既好處係AM同唔使坐校車。
靈糧堂要坐校車同PM,不過佢資源充足,小朋友一定讀得開心。

JlIl

一間pm一間waiting...
寫咗求位信 睇吓有無機會做同學
不過聖母有小學 品德學術應該不會比靈糧差/更好

超級奶爸爸

kiwi_delicious 發表於 17-12-19 10:25
我覺我金卿資源唔夠,而且好細間,但佢又係最大機會入到錦泰。我應該會選聖母OR靈糧堂, 聖母既好處係AM同唔使 ...

靈糧都有人入到錦泰，不過我自己就鐘意嘉諾撤小學(新蒲崗)，我都係有靈糧pm，不過已經寫左信要求調am

wcm991101

超級奶爸爸 發表於 17-12-19 10:56
靈糧都有人入到錦泰，不過我自己就鐘意嘉諾撤小學(新蒲崗)，我都係有靈糧pm，不過已經寫左信要求調am
...

鑽靈入嘉諾好多，我自己都好喜歡鑽靈

kiwi_delicious

唔知點選擇好, 好煩惱呀!

超級奶爸爸

wcm991101 發表於 17-12-19 12:05
鑽靈入嘉諾好多，我自己都好喜歡鑽靈

以我個女當日表現以為無offer(因為俾旁邊個小朋友搶玩具搞到嬲嬲豬)，好彩都有pm offer。我都睇到鑽靈係幾多人入到嘉諾撤(不過應該同幼稚園無乜關係)

wcm991101

超級奶爸爸 發表於 17-12-19 12:21
以我個女當日表現以為無offer(因為俾旁邊個小朋友搶玩具搞到嬲嬲豬)，好彩都有pm offer。我都睇到鑽靈係幾 ...

可能入鑽靈有父母係基督徒幫小朋友受洗左有宗教果5分所以易入嘉諾，冇宗教既幼稚園好少抽中哩間，如金卿

超級奶爸爸

wcm991101 發表於 17-12-19 12:31
本帖最後由 wcm991101 於 17-12-19 12:32 編輯

可能入鑽靈有父母係基督徒幫小朋友受洗左有宗教果5分所 ...

一間天主教，一間基督教，應該唔得啩

wcm991101

超級奶爸爸 發表於 17-12-19 12:36
一間天主教，一間基督教，應該唔得啩

受洗宗教果5分一樣架，升小學除左叩門都係玩計分遊戲haha

超級奶爸爸

wcm991101 發表於 17-12-19 12:41
受洗宗教果5分一樣架，升小學除左叩門都係玩計分遊戲haha

但我睇到宗教分係要求同學校同一個宗教信仰先計喎

wcm991101

超級奶爸爸 發表於 17-12-19 12:53
但我睇到宗教分係要求同學校同一個宗教信仰先計喎

不論天主教徒還是基督徒都是信耶穌基督的，所以有些基督教學校會計算天主教徒有宗教分。天主教學校相對比較嚴謹，但有些寬鬆一點的學校也計算基督教父母有宗教分。當然越有名的學校就越嚴謹，例如香港嘉諾撒學校就只接受有領洗紙的天主教教友有宗教分；喇沙小學更加訂明學童本身已領洗、有天主教領洗紙才有宗教分，等候或將會領洗者都不能申報宗教分。

其實熟遊戲規則的都知道，今年龍年只是特例令到很多人二十分變得不十拿九穩、十五分更加是感到虛無縹緲（即是我）。如果是其他年份，二十分已是一個感覺安穩的分數。如果子女本身是適齡子女（十分）加上首胎（五分），已有十五分；如何能提高勝算？就靠宗教分了。很多為子女做好生涯規劃的父母，基本上在子女入了PN開始便已籌謀那五分宗教分了。

如果想成為天主教徒的就必須上慕道班，慢者一年、快者幾個月；別忘了要找教父、教母（God Father、God Mother）作引介（也有點像擔保人），符合要求才可領洗。當父母都成為天主教教友了，子女才有資格領洗。

基督教也差不多，上受浸班（受浸班也有參加資格的，例如已穩定上教會半年至一年），決志、查問信德合格才可受洗。基於基督教裡沒有嬰兒洗禮這回事，只有嬰兒奉獻禮，子女不需要領洗紙去證明自己的宗教，有父或母的浸禮證明書已可。

這五分宗教分的確帶了很多父母「信主」，然而始終有小一派位的誘因推動，父母達到目的、一切大局已定之後，便自然把宗教置諸腦後、不再上教會。有這類把宗教「用完即棄」的「信徒」出現後，教會也只好越來越嚴格。有天主教聖堂規定必須有在同一間教堂結婚的人做代父／代母作擔保、慕道者要做義工；也有聖堂查問報名慕道班的家長是否有將會升小一的長子／長女，如有，會「邀請」他們下年子女已升上小一後才來上慕道班。

wcm991101

超級奶爸爸 發表於 17-12-19 12:53
但我睇到宗教分係要求同學校同一個宗教信仰先計喎

只有天主教既先會有領洗紙，父母要上道班，再幫小朋友受洗，資料來自網頁

我冇計劃咁多，哈哈，開心返學就可以了，唔駛一線小學

超級奶爸爸

wcm991101 發表於 17-12-19 13:07
只有天主教既先會有領洗紙，父母要上道班，再幫小朋友受洗，資料來自網頁

我冇計劃咁多，哈哈，開心返學 ...

我都唔會為左呢五分而信教，等運到(大抽獎)，叩下門就算

wcm991101

超級奶爸爸 發表於 17-12-19 13:18
我都唔會為左呢五分而信教，等運到(大抽獎)，叩下門就算

有幾個媽媽都咁做，成日聽佢地講，所以都了解到少少，不過基督教天主教都係導人向善，返教會都冇壞，只係為求目的返就。。。

不過教會有牧師都會講，無論咩目的來信主去認識主，都可能係主既指引，致於可否小1前領洗就唔可以保證，哈哈