培僑書院小一超收逾30人

elbar

http://www.singtao.com/yesterday/edu/0913go01.html



培 僑 書 院 （ 小 學 部 ） 本 學 年 超 收 逾 三 十 名 小 一 生 ， 被 家 長 質 疑 無 兌 現 小 班 教 學 。

　　直資學校備受中產家長歡迎，有學校更出現超收。沙田的直資一條龍名校培僑書院（小學部），本學年小一原定一百五十個學額，超收逾三十人，最多一班達三十八人，有家長質疑校方違背小班教學承諾，不排除轉校。據悉校方取錄較學額多的新生是預計會流失，惟開學後流失率較預期低而大失預算；該校已就此知會教育局。直資學校議會副主席陳偉佳指事態嚴重，影響教學質素。

　　張太的女兒今年升讀培僑書院（小學部）小一，她指校方在招生簡介會表明本學年小一級合共一百五十個學額，五班各三十人推行小班教學，然而開學後張太發現女兒學號竟排在三十號以後，校方其後在內聯網披露學生名單，始發現本學年錄得嚴重超收，「五班都是三十七、三十八人，加起來足足超收逾三十人，幾乎多了一班，實在難以接受。」

　　張太指校方及班主任未有公開解釋超收原因，有家長遂向校務處查詢，但得到回覆竟是「不便公開」，「為何學校不願承擔責任？」校方今日傍晚舉行家長晚會，預料將交代超收情況。本報曾致電校方查詢，惟校長溫霈國通過秘書表示不作回應。

　　該校小一班每年學費為二萬二千多元，張太坦言，若早知學生人數多達每班三十八人，一定不會報讀，「當初選校正是認同小班教學，課程質素較佳，現在卻貨不對辦。」她憂慮大班令教師難以兼顧，教學質素勢必受影響，不排除為女兒轉校。

　　校內消息人士解釋，因家長可同時報讀多所直資小學，即使已辦理註冊手續及繳交首期學費，以往有不少學生在九月開學後轉校，在直資單位津貼按學生人數計算下，令校方大失預算，故今年取錄新生刻意較學額多，但新生流失率卻低於預期，因而出現超收。

　　教育局證實接獲一名家長查詢，強調有就直資學校設定每班人數上限，不會向學校發放超收學生的直資單位津貼；同時會發信提醒學校盡早糾正。據悉，該校今年小一每班人數上限為三十二人，故學校超收的其中二十名學生，將不能獲得每人逾四萬元的單位津貼。校方亦已向教育局匯報超收情況。

　　直資學校議會副主席陳偉佳形容，超收逾三十名小一新生屬嚴重個案，影響教育質素，「開學時增減一、兩人還算情有可原，每班超收達八人就難以理解。」他稱從未聽聞直資學校要刻意取錄較多新生，但學校錯估收生情況導致嚴重超收，相信當局將予以譴責。

crazymum

elbar 發表於 13-9-13 13:42
http://www.singtao.com/yesterday/edu/0913go01.html

有無搞錯, o甘都嘈? 投訴那位家長有否想過假如沒有超收, 或者根本不會收她的女兒呢? 她女兒要轉交的話, 校方一定歡迎.........

applelove

我會明白家長們的感受.  其實出面大部份直資私小學校都是會跟據過往經驗派位多過實際學額, 因為知道實會有人放棄學位.  但學校點都預算唔到竟然會100%回來註冊...  

其實這位家長不知道自己多幸運,  現在還有很多有兄姐在讀, 弟妹沒有機會入培僑的小朋友, 他們連waiting 的機會也沒有... 我想很多人都會歡迎他小朋友轉校.

erniec

回復 applelove 的帖子

咩唔係一定會收細佬妹架咩?我聽一個2014 九月升小一既小朋友已被培僑取錄(因哥哥在讀生)，我地連in 都未in，不過果位小朋友坦白講連講野都未清，係有少少語言遲緩，但因有兄長所以可以被取錄。

karen55407

我睇法就唔同，直資學校係有學額規限的，多出的學位不一定取得政府資助。而且對於家長而言，大班、小班也是選校的因素，原先知道是三十人一班，多出兩、三個不足為奇，可是多八個就真係離譜了些。

applelove

回復 erniec 的帖子

連interview 都未開始, 佢點知個細的已被取錄?  完全冇可能!  我諗你朋友只是一廂情願以為有兄長在讀, 弟妹一定入硬.  但直資沒有世褺的, 細佬妹沒有分加, 表現未夠好都不會收.

在身邊很多朋友家長寫了幾十封求位信都沒有用, 因為真的一個位都沒有... 真係好慘!

applelove

回復 karen55407 的帖子

對, 學校今次是有做得不好的地方.  希望得到今年的經驗, 來年要保守d.

lazyqueen80

原帖由 erniec 於 13-09-13 發表
回復 applelove 的帖子

咩唔係一定會收細佬妹架咩?我聽一個2014 九月升小一既小朋友已被培僑取錄(因哥哥在 ...

無可能掛？

GCG

原先30人而家38人即多左26.6% Wor...妳覺得無問題?  如果大家唔依規定做事, 政府又唔出聲, 呢D野好容易變常規仲難處理, 而且今年8個出年9個後年10個,咁幾時至係問題?

crazymum 發表於 13-9-13 14:47
有無搞錯, o甘都嘈? 投訴那位家長有否想過假如沒有超收, 或者根本不會收她的女兒呢? 她女兒要轉交的話, 校 ...

erniec

回復 applelove 的帖子

我都係從個工人姐姐口中聽到，我都好懷疑，真係可能佢一廂情願咁諗，不過播道校長係briefing session時真係有講過會預留位俾有兄長在讀既申請人

pmapble

erniec 發表於 13-9-13 18:38
回復 applelove 的帖子

我都係從個工人姐姐口中聽到，我都好懷疑，真係可能佢一廂情願咁諗，不過播道校長 ...

咁可信性接近0了

yingmuffin

超收咁多，老師好難照顧咁多人，記當初，小班教學，係我選校必要的條件。

KittyMelody1

erniec 發表於 13-9-13 18:38
回復 applelove 的帖子

我都係從個工人姐姐口中聽到，我都好懷疑，真係可能佢一廂情願咁諗，不過播道校長 ...

播道係少有的一間...會預留學位俾有兄姊在學的申請人....不過小一學位愈黎愈激烈 / 緊張, 遲d會唔會改變就唔知啦...

samchan2179

好學校自然多人爭，收多D係好事

bowling68

多出果30 個教统局係咪應該唔批
資助

並一應該係學校本身負責番條數,
因為係一條龙，
講緊唔係多出一年既數

karen55407

咪係！配額係咁多就咁多，多30個，成百萬㗎！仲12年！

nillnill

培僑持阿爺
應該有錢
恐怕教局不敢動真的

lazyqueen80

今晚家長會，校長已致歉並解釋，也說了補救方法。

lazyqueen80

原帖由 nillnill 於 13-09-13 發表
培僑持阿爺
應該有錢
恐怕教局不敢動真的

學校已解釋，收超額學生對佢地無好處，因超額學生攞不到政府津貼。